|
أخواني أخواتي أرجوكم حد يشجعني....
السلام عليكم ورحمة الله وبركاته
اشكركم على هذا المنتدى الرائع وارجو انكم تساعدوني بمشكلتي وهيه دوامي في العمل هو ملل بس ايش اسوي بالعافيه الواحد حصل وظيفة بعد التخرج احسن من الجلسة المهم خايف ماترضى اي وحدة فيني من مشكلة دوامي مع العلم ان الدخل المادي كويس وتعتبر من كبرى الشركات وحاولت اني اغير بس ماحصلت وصرت خايف اتقدم لأيه وحدة ترفظني بسبة دوامي هو السبت والأحد والثلاثاء من 9.30 الى 11.30 ومن 5 الى 11 والأثنين أجازة والأربعاء والخميس والجمعة من 4 الى 12 وبعض الأحيان يزيدون الساعات عمل إضافي ايش رايكم ممكن وحدة ترضى فيني ارجوكم شجعوني ماحد يحبطني واذا حصلت كيف افهمها ومتى وياريت تساعدوني |
اخوي وش فيك شايل هم؟؟؟!!!
اكيد بتلاقي من ترضى بك ، اهم شئ تكون صريح معها في البداية وتقولها مواعيدك . وثانيا انك تعوضها في الوقت اللي تكون معها. والله يوفقك ويرزقك الزوجة الصالحة |
مشكوووور اخوي عضو نشيط
|
اخي..تطمن..يوجد رجل متزوجين وعندهم دوام اكثر من هذا ومزعج جدا
فمثلا اعرف واحدة دوام زوجها من الفجر لحد العاشرة ليلا...على الأقل انت عندك الظهر وبعض العصر انت موجود في البيت تقدم وتوكل على الله |
مشكورة اختي رفعتي معنوياتي
|
السلااااام
راتب عالى معناه ان شهادتك قويه معقوله مالقيت وظيفه الا فى هالشركه؟؟؟؟!!!! بخصوص الزوجه ماعليك راح تلقى خاصه على قولك راتبك عالى بس الموضوع مو كذا غض النظر عن انك تلاقى زوجه او لا ......فكر فى نفسك معقوله كل حياتك بتكون كذا كرف فى كرف ومافيه راحه فكر فى نفسك اول مافيه وقت لنفسك او راحه او تواصل مثلا مع اصدقائك او عائلتك او تتفرغ لنفسك للممارسه هوايه مثلا فكر ان بعد الزواج فى اوقاتك مع زوجتك بعد الزواج ومع اطفالك طلعاتكم مع بعض انت كنت تبي تشجيع000000000أشجعك لو فيه شي يشجع بس انا صريح معك وهاذى نصيحتي من اخ لا اخوه ما راح تنفعك مجاملتى بعدين صدقني تحياااااااااااتى لك |
انا ماقلت راتب عالي بس كويس وبصراحة انتا تفكيرك مثلي صرت معزول عن الناس وعندي اكتئاب بس ليش اسوي الحاجة تخليك ترضى بالدوام وإن شاء الله اصل وظيفة ثانية
|
أنا دوامي اسوأ من دوامك (شفتات) يعني الحال من بعضه تقريبا وغير كذا يبعد مقر عملي عن منزلي تقريبا 60 كيلو
يعني علاوة على انشغالي بالعمل استغرق قرابة الساعه للوصول الى العمل وكذلك العودة.. وزواجي قرب وخطيبتي راضيه فيني بخيري وبشري ومقدره ظروف عملي ومقتنعه إنه هذا مصدر رزقنا أنا وهي.... يعني >>>>>>>>> لازم نتحمل ونصبر وهذا حال الدنيا...... وفي نقطة مهمه حطها في بالك زين:- بعدك عنها معظم الوقت يولد حالة شوق عجيبه (220 فولت) وأول ما توصل راح تتفرغ الشحنات هاذي يعني انتبـــــــه.. خلاصة القول:- لا أتوقع إنه في بنت راح ترفضك بسبب دوامك ولا كان انرفضت أنا قبلك ولعلمك الحريم كلهم كانوا يبغوني لبناتهم مع انهم يعرفون دوامي بس أنا اخترت اللي تحبني وأحبها...... اعقلها وتوكل وما عاش من يردك تحياتي |
ياسلام على ردك اخوي ديو ماونتن والله يعينك وإن شاء الله اجرب ال 220 v
|
نسأل الله أن يرزقك خير هذه الوظيفة والذرية الصالحة
لا تخف غالباً عند التقدم للخطبة يسألون عنك بعض الأقارب وخاصة مقر عملك وبعض زملائك وسيتعرفون على طبيعة عملك وأوقات دوامك وإن شاء الله لن يكون هذا الأمر عائق أو اهتمامهم بقدر أخلاقك وتصرفاتك وأفعالك وتعاملك مع الآخرين وبالتوفيق تحياتي |
جزاك الله الف خير اخوي محمد
|
الدعاااااااااااااااء وقيام الليل...................
وبعدين............اطمئن...................رفعت الاقلام وجفت الصحف......................مكتوب لك من يوم ما اتولدت............مين هى زوجتك..............او...............ياترى هتتزوج بالدنيا او..............هتستنى الحور العين فى الجنة ان شاء الله |
ويجزيك بالخير أخي بلول
نسيت أن اذكر لك إني أسكن بمكة وعملي بجدة ولي سبع سنوات يومياً أسطر الطريق ستة أيام في الأسبوع وعندما تقدمت للخطبة لم يكن ذلك عائقاً والحمد لله والآن الحمد لله في فترة الخطوبة والدُخلة قريبة جداً إن شاء الله تحياتي |
والله بصراحة كلكم اليوم رفعتو معنوياتي
|
الله يوفقك بس يقولون عصفور باليد ولا عشره فوق الشجره
|
ا خوي توكل على الله اهم شي انك تكون طيب واخلاقك زينه
وتعوض زوجتك عن غيابك انا زوجي ما اشوفه الا الظهر ونتغداء وبعد صلاه العصر يطلع ولا اشوفه الا 12 ونص وصابره لانه طيب ومحترم معاي وان شاء الله يعوضني بسفر هالعطله ادعولي بس |
مشكورة اختي العروس وان شاء الله تروحي احلى اجازة
|
أخوي توووكل على الله ولاتشيل هم وأقولك إياها أنا وحده زوجي دوامه من الصبح تقريبا
لي العصر أو ساعات لي المغرب ومافيها اية مشكله وزوجي كان بالبدايه خايف من ردت فعلي او اني اتضايق لكن والله بالعكس تقبلت الموضوع وماجوف فيها اية مشكله توكل على الله ودور لك على بنت الحلال والله يوفقك ان شاء الله |
جزاكي الله الف خير اختي فجر الأسلام
|
أنا رأيي من رأي يا شين العزوبية
يعني المهم هو متى تلاقي وقت ترتاح وتمارس هوايتك أما بالنسبة للزوجة فعادي جدا وهذا مو سبب لرفضك أنا حماتي دوام زوجها من 8 الصباح لين 2 الضهر و من 4 العصر لين 8 الليل وعايشين ومبسوطين وطلعاتهم اكثر من طلعاتنا الله يعينك |
مشكورة اختي عبورة وياشين العزوبية
|
عادي جدا اجل شلون الواحد ياكل ويشرب ويوفر حياة كريمه ياخي انا دوامي 6 ساعات باليوم شفتات
انواع الدوام في كل الاوقات بعض الاحيان يكون من 12 بالليل الي 6 الصبح |
ربي يسعدك اخي الفاضل
اولا عمل ودوامك ماهو عيب ابدا اعرف ناس يغيبون بالأيام عن زوجاتهم وماتعرف زوجاتهم عنهم شي ......عرفت مين هم؟؟؟؟!!!! وعادي شوف زوجاتهم احسن مايكون محترمات وفاتحين بيوتهم بكل اخلاص اهم شي 1_ لالالالالالالالالالالالالالالالالالالالالالالالالا لازم توضح لها ظروف عملك 2_وقت الفراغ لاتقضيه في النوم وبس لا قسم وقتك بينها شوي وبين اصحابك شوي وبين اهلك شوي واهم شي هذي نصيحه مني لك ولكل متزوج لما تروح لعملك لاتنفصل عنها تماما وتنساها حاول بين فتره والثانيه اتصل عليها وقولها( تبغين شي ناقصك شي حبيبتي )( حبيت اطمئن عنك ) ارسلها رساله_ دق دقه واتفق معاها وقولها اذا دقيت دقه معناها اني مشغول بس مشتاقلك تأكد تماما انك بهذي الطريقه بتخفف عنها 220 فولت وبتقابلك بكل سعاده وبتكون بتشوقه لك حاول اخي تملي وقتها اثناء عملك يعني لو كانت منتهيه دراستها سجلها بدورات لغه او كمبيوتر خليها تدخل على النت تاكد بإذن الواحد الأحد انك بتكون انت وهي مبسوطين لأن المرأه تحب الرجل الي يهتم فيها حتى بوقت انشغاله وربي يسعدكم ياشبابنا ويصلحكم وينور بصيرتكم ويسخرلكم الزوجات الصالحات الرزينات الحنونات العطوفات عليكم الحكيمات اللاتي تصونكم ويعنوكم على طاعة الله ويرزقكم الذريه الصالحه اختك في الله |
الله يرزقك بالزوجة الصالحة ......ومن وجهة نظري هي لازم تقدر وتحترم شغلك اتوكل انت على الله وبس
|
أولاً .. ظروف العمــل ليست ثابتــة ، وقد تتزوج اليوم بهــذا الدوام ، وفــي الغــد تجــد نفسك في موقع آخر وبشركــة
أخــرى ، ظروفهــا أسوأ أو أفضــل !! باختصــار .. دوام العمــل ليــس سبباً من أسبــاب الرفض ، فهــو متغيــر كالسكــن وخلافــه ، والزوجــة الصالحــة تقـدر ثانيــاً .. ما رأيك بدوام من 8 صباحــاً حتى 8 مساء ، وشفتات ، أي قد يكون في بعض الأحيــان من 8 مساء وحتــى 8 صباحــاً ، ولا إجازة ، حتى الجمعــة عمل !! ودوام آخــر من 7 صباحــاً حتى 1 ظهــراً ، ومن 4 عصــراً حتى 9 مســاء ، ولا إجازة سوى يوم الجمعــة !! *** ألا ترى أنك أفضل حالاً ؟؟ هذه هي الحيــاة ، مكابــدة ، والرجــل يشقــى دومــاً ، ( ولقمــة العيش مااااهي سهلة ) توكل على الله ، ومبارك مقدماً |
عادي وضعك يااخي ، لا تحمل الهم ، ربنا يسعدك ويرزقك الزوجة الصالحة
|
عادي اخوي انا عملي قريب جدا من عملك فترتين وعادي جدا صحيح الفترة الوحدة اريح وافضل لكن
لا تجعل منها عائق لتقدم الحياة وراح تتزوج اصلا الجلوس الطويل فالبيت يؤدي الى الملل والفتور العاطفي |
مشكورين على ردودكم الرائعة والله ماقصرتو وبصراحة ارتحت كثير لردودكم الله يجزاكم خير وادعو لي بالزوجة الصالحة
|
| الساعة الآن 08:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©