|
اذا رجعت زوجتي من الاربعين يوم؟؟؟
السلام عليكم ورحمة الله وبركاتة
اخوكم هلال العالم يبي شوركم وارائكم وافكاركم هالمره راح اطلب منكم المساعدة واللى مايساعدني ياويله. بعد اسبوعين من الان زوجتي راح تطلع من الاربعين يوم وترجع للبيت. وبصراحة انا محتار مادري ايش اسوي ابغى اسوى شي حلو بس مافي بالي شي. علشان كذا قلت افضل شي اني اطلب مساعدتكم كلكم رجال ونساء. اخوكم هلال العالم |
السلام عليكم اخوي
صراحة ما عندي اي فكرة مبتكرة بس ابي اقول انه ممكن تجيب لها اي شي تحبه هي وللبيبي وحطه بصندوق حلو واكتب لها اي كلام حلو!!!!! ادري فكرة حددددددددددددددددددددها بسيطة بس المراة اي شي يجي من زوجها وخاصة اذا جت من عنده وهو اللي يسوي المفاجأة بنفسه انا متأكدة ماراح تنساه طووووووووووووووووووووووول عمرها حتى لو ابسط من البسيط!!!!! ارجو اني افدت شوي:d والله يكثر من امثالك ويهنيكم ااااااااااااااااااااااامين.......... |
جهز لها هدية وبعد كذا خذها عشيها برا أو ممكن تجهزلها شيء هي كانت تبغاه مثلا كانت تبغى لاب توب (جهاز كمبيوتر محمول )وما جبته لها جيبه لها دحين يعني هذا مجرد مثال وأتمنى
أكون أفدتك والله يوفقكم ويسعدكم |
يا أخي الأفكار كثيرة :
1- تحجز في فندق سويت ( باقة ورد +سلة فاكهة + كيكة مكتوب عليه الحمد لله على السلامة) خدمة عرسان . 2-تفرش المنزل ببعض الورود + روائح عطرية + إنارة رومنسية +وضع بعض البالونات الملونة داخل المنزل . ** هذا كله مع هدية قيمة بس المفروض هي التي تتجهز لهذا اليوم لأنها هي التي (خارجة من حالة نفاس ) الزعيم55 |
اختي flower22 واختي الإرجوان
شاكر لكم كل الشكر على مشاركتكم حتى لو كانت افكاركم بسيطة او عادية والله انا جدا سعيد بمشاركتكم واكيد انكم افدوني الله يعطيكم العافية اخوكم هلال العالم |
أخي الكريم..
أنا أقترح إنك تزيين البيت بشموع عشان تعمل جو رومانســـــــي للغايه.. وممكن ترش ورد على مفرش السرير الخاص بكم.. ويكون لونه أحمر.. وتحط لها باقه على مدخل البيت تكتب عليها عبارات جميله: مثلا نور البيت بوجودك يا حبيبتي.. أو أي شي طالع من قلبك.. ولا تنسى أن ترش البيت وغرفة النوم بالعطر.. وممكن كمان تملأ البانيو بماء ساااااخن.. ومعه رغوة صابون.. وتنثر عليه ورد.. وعلى الجوانب كم شمعه.. وممكن أيضا تكتب بطاقات كل وحده لون.. وتزعهم بالغرفه أو في البيت.. وترقمهم.. وتكتب فيهم كيف كنت مشتاق لها فيغيابها.. وكيف إنك سعيد برجوعها.. وتعبر لها عن حبك وإشتياقك.. وآخر بطاقه مثلا تكون بين الورود على السرير.. وكل ما إبتكرت كل ما كانت ذكريات هاليوم عندها بتبقـــــــــــــــى وبتتذكرها دااااائما.. لأنها بطبيعتها رومانسيه ورح تكون مشتاقه لك أصلا.. فكيف وإنت عامل لها هالأشياء ... يا سلاااام.. الله يسعدكم يا رب ويهنيكم... وألف مبروك على البيبي... الله يخليه لكم.. :) |
اختي dand00n
اشكرك جدا على المرور وعلى الافكار الحلوة والله اني سعدت جدا بمرورك وبالنسبة للبيبي الله يبارك فيك وعقبال عندك الله يعطيك العافيه اخوك هلال العالم |
ألف مبروك على المولود والله يحفظه حقكم ويبارك فيه .. والحمدالله على سلامه زوجتك ..
والله الدنيا بعدها بخير لانه في انسان قلبه وتفكيره مثلك ... الله يحفظك ويهنيك بأهلك .. أنا للأسف طالعه من الاربعين من اسبوع وزوجي استقبلني بسفره .. أقــصد نفس اليوم الي أنا طلعت فيه من الاربعين واتوقعت استقباله الحار حقي وفرحته فيني .. لكن للاســف قلبه في السفره ويا ربعه طــغت على احساسه .. بنفس اليوم خلاني وقالي المغرب انا اليوم الساعه عشر مسافر مع ربعي ولا تزعلين مني ..؟؟؟ طبعا قلبي عورني ونزفت بدال الدمع دم .. وكتمت جروحي لين طلع وانفجرت .. الله يــحفظه ويرجعه بالسلامه ان شاء الله .. ما أبغي أزيد الجروح ... المهم خلني في سالفتك .. وهذا الي أنا ناويه أسويه لزوجي برجعته .. هو بيوصل بالليل وأكيد بيكون تعبان من الطياره ويباله حمام هادي ورومانسي .. وطبعا انا مجهزه كريمات وغسولات و شامبو بعطر فواح وبرتبهم بشكل أنيق في الحمام .. وبحط على اطراف البانيو شموع وطبعا ناويه أدلعه واحممه بايدي .. وبعد الحمام زيت لافندر ومساج على الخفيف.. وأهم شي ..... غرفه النوم .. باخذله باقه ورد وبنثر كم ورده على السرير ووباقي البــاقه بحطه بعد على السرير .. يعني شكل الباقه مثل ما هو والورد منثور على باقي السرير .. و بوزع شموع في الغرفه وبولعها بعد الحمام .. أي في وقت المساج عشان يسترخي على الآخر .. وبعد علقت في سقف الغرفه شمعدانات ( حامل الشمعه ) بأشكال مختلفه باللون الاحمر .. لتعطي منظر تغيير في الغرفه.. وبصبغ شعري وبتحنا حقه وبلبس قميص جديد عشان ايحس انه شكلي صج اتغير في غيابه .. وطبعا بجهز طبق عشا لذيذ وهو ايحب البشاميل والكيك .. وان شاء الله بجهزهم بايدي .. مع العصير طبعا .. وطبعا بجهز له ولده وبكشخه وبدلعه عشان يستقبل باباته بصياحه ( ^__^ ) وبس هذا كل اللي في بالي أحين واذا عندك اضافات ياليت تقولها حقنا عشان نستفيد منك .. |
اخوي احلى افكار ممكن تسويها لنور بيتك بصراحة زوجي سوالي هي لمن خرجت من الاربعين طبعا حيكون البيت غريب عليها شوي لانها تركته مدة طويلة نسبيا المهم
اولا. اشتري مهد للنونو واشتريله دولاب حلو ملون وحدد موقع اشياته في غرفة اخرى او في نفس الغرفة واشتريله مفرش صغير تحت سريره او بجانبة وخديدات ويعني جهز ركن خاص للبيبي. ثانيا والاهم زوجتك اهديها قطعة لانجري حلوة ومثيرة وسوي الحركات اللي ماقصروا العضاء واعطوك هي ثالثا اطلب عشاء ديلفري للبيت . وليلة سعييييييييييييييدة يااهل الرياض.. |
أول وأهم شيء أنها ترجع الي البيت وهو منظف ومرتب ومنظم ....موتقعد تنظم وهي تعبانة أصلا .....
وتجيب مفرش جديد وأنيق جدا وترتبه علي السرير .... وتعطر البيت بالبخور والعطور المريحة ...... وأهم نقطة هدية قومتها بالسلامة ....لفها بطريقة حلوة مع كارت تبث به حبك وكلام حلو وماينسي .... والله يسعدكم ويتربي البيبي في عزكم .... تحياتي |
اولاً ألف مبروك البيبي :15: ثانياً ياليت يكون البيت نظيف يعني ممكن تاخذ شغاله من بيت اهلك وتنظف لك البيت قبل بيوم :22: والحين.. :30: جيب لها ورد واكتب عليه كلمه حلوه.. وجهز لها العشاء (تكون جايب الأكل اللي تحبه زوجتك من مطعم).. :29: و خليك هادئ وحنون وقلها انك تحبها و مشتاق لها وانك حاس بالتعب اللي تعبته وقت الولاده.. (هالشي قوله لها مو تقول هي عارفه او هي حاسه لا خليها تسمعه منك.. وانا اشوف هالكلام أغلى هديه من زوج لزوجته وصدقني زوجتك ماراح تنساه ويغني عن الهديه) :17: عاد إذا الله ميسر عليك وحاب تجيب لها هديه.. خليها ذهب وانت ادرى ايش ناقصها إذا خاتم او حلق او........ وألف مبروك مره ثانيه والحمد لله على سلامة زوجتك:14: |
هنيالها الله يسعدها
|
اولا مبروك الطفل
شكرت الموهوب ورزقت بره000قل امين فيه فكرة غريبة شوي وهي انك تسوي لها فلم ببرنامج الفيديو الموجود بالويندوز وتكتب فيه كلام حلو واخر شي تكتب اهداء من زوجك المحب فلان والصور تتحرك والقلوب معها وممكن تسوي هالفكرة بطريقة شاشة التوقف بس بالفيديو احلى والله يوفقكم |
اختي بثـينة ان شاء الله يرجع لك رجلك بالسلامه وتستمتعون بكل وقت بالمناسبه اعجبتني"وطبعا بجهز له ولده وبكشخه وبدلعه عشان يستقبل باباته بصياحه ( ^__^ )" والف شكر على كلامك الحلو والله يعطيك العافيه ويوفقك اختي ريسيفر شكرا جزيلا على ردك الحلو وفعلا خليتيني افكر وش اسوي للبيبي بس اخاف اخته الكبيرة تعصب علي :d :d وبعدين اصير انا والبيبي برا البيت:d :d :d ومن الرياض اقولك الف شكر على كلامك الحلو والله يعطيك العافيه ويوفقك اختي مهد الله يبارك فيك وبصراحة فكرتك حلوة وبسيطة ومؤثرة الله يعطيك الف عافية اختي soo_soo الله يبارك فيك اما موضوع الشغاله بصراحة رائع لاني دايما اخذها من بيت اهلي"اقول لاتصيرين جارتنا وانا ماادري" شاكرلك جدا هالمشاركة الرائعة اختي ام قمر الله يسعدك ويهنيك وشكرا لمرورك اختي اميh الله يبارك فيك اما مسأله الكمبيوتر بصراحة زوجتي احسن مني في الكمبيوتر وبرنامج الفوتوشوب على وجه الخصوص علشان كذا ماراح اقدر اسوي شي من هالناحية، اي شي اسويه راح يكون اي كلام بالنسبه لي ... اتمنى انك فهمتيني شاكرلك جدا هالمشاركة الرائعة والله اني فعلا فعلا سعدت جداجدا بمروركم ومشاركاتكم الرائعة واللى اتمنى من البقيه ان يتحفوني بالمزيد منها. الله يوفق الجميع ويسعدهم في الدنيا والاخرة اخوكم هلال العالم |
وانا مع الإخوان ، اهم شي ترتيب وتنظيم البيت ممكن تجيب واحدة مؤقتة بالساعة وتسوي تنظيف دقيق للبيت عشان ما تتعب زوجتك في تنظيفه وهي معها طفل ، وبعدين فكر في الهدية والديكور والعشاء وهذي الأشياء خاضعة لأذواقكم انت واياها بس اشوف ان احسن شي طقم ذهب لها أو أي شي كان ودها فيه مررة ، وللطفل طقم حلو وكشخة لعمر 6 شهور لأنها اكيد بتحتاجه لما تزور احد
|
اختي منتسبة
الف شكر على مشاركتك وان شاء الله راح اخلي شغاله اهلي تنظف البيت على فكرة اعجبتني فكرة لبس للبيبي:d :d :d الله يعطيك العافية اخوك هلال العالم |
الحمد لله على سلامتها مسبقا
خذها وسافر اسبوع للخارج او اعمل كل الي حكالك عنه( الزعيم 55) |
اخوي الزعيم 55
اولا انا اسف ماانتبهت لمشاركتك ثانيا الف الف الف شكر على مشاركتك الحلوة واللى راح استفيد منها الشي الكثير اكرر كل الشكر اخوي على مشاركتك لي اختي وادي حنين2005 شكر على مشاركتك لي بس السفر صعب شويه العمل مومخليني شكرا لك اختي اخوكم هلال العالم |
مبرووك اخوي المولود ويتربى بعزك هذا اولا
ثانيا الفكرة انك تجمع كل الهدايا الي عطتك اياها وتكتب على ورق المناسبة الي اهدتك فيهال الهديه يعني مجرد تذكير وتحطها بغرفة النوم................ حتى تتذكروا ايامكم ومناسباتكم الحلوه :) |
اولا الحمدلله على سلامتها وسلامه المولود
ثانيا لازم يكون البيت نظيف ومبخر وخصوصا غرفة النوم اعزمها على العشاء في احدى الاماكن الحلوه وبعدين قدم لها هديه سلامتها من الولاده واغلبنا نحن النساء نحب الساعات والعطور فاختار اللي تحبه زوجتك اكثر والله يهنيك ان شاء الله (إن شاء الله )تكتب بهذه الطريقة |
اخوي Metzawej
والله الفكرة غريبة وجديدة بالنسبه لي :22: :22: الله يعطيك العافيه على المشاركة الحلوه اختي maha rashid الله يسلمك اكيد ان شاء الله البيت راح يكون نظيف ومبخر بعد طيب جابك الله وش نوع العطر ممكن تقترحين لي نوع حلو الله يعطيك العافيه على المشاركه الرائعة |
روح محلات العطور الكبيره المعروفه عندكم وشوف شنو تحب تشم بزوجتك عندك عطورات ماركه شنل روعه
عندك عطر فري سكسي واذا تحب العطورات المركزه روح جنيد واختر اللي تحب وربي يسعدك ان شاء الله (إن شاء الله)تكتب هكذا |
اختي maha rashid
الله يعطيك الف عافيه على ردك تسلمين والله وما قصرتي ويسلمون لي اهل البحرين كلهم ماادري وش اقول بس الله يجزاك الف خير اختي maha rashid الله يوفقك ويسعدك اخوك هلال العالم |
اول شي مبروك ويتربى بعزكم
واشجعك على هالافكارالحلوه ويكفي زوجتك دخولها البيت وتلاقيه مرتب ونظيف وتكون مجهز لعبه جديده لبنتك(انا فهمت عندك بنت اكبر من المولود ) علشان ما تزعجكم وتخرب جوكم وبعدين غرفه النوم تكون مرتبه والمفرش مرتب وتوزع عليه ورد يا اما بشكل عشوائي او على شكل قلب وحروف مثلا وجايب لها باقه ورد وهديه (على حسب ميزانيتك) واذا عندك طفل اكبر من المولود احس افضل عشى برى الا لو كانت زوجتك بتخليه عند اهلها كم يوم واهم شي لا تنسى كاميرا فيديو تسجل دخلو النونو على البيت وردات فعله تكون ذكرى حلوه:) وتحياتي دلوعه زوجي |
اختي دلوعه زوجي
الله يبارك فيك ويعافيك وعقبال عندك والله انك علمتيني شي ماكان في بالي لعبه جديده لبنتي اسمحيلي اشكرك كل الشكر والله يسعدك دنيا واخرة فعلا انكم افدوني بشكل غير عادي الله يجزاكم الف خير يااحلى اعضاء واحلى منتدى اخوكم هلال العالم |
اخوي هلال اعتقد من الهل التجهيز لاي شئ لزوجتك
اهم شئ ان صادرمن القلب واعتقد ليله حلوه مليانه حب ومفاجات وطقم ذهب هو الافضل اعقد ان طقم الذهب انسب شئ ط انا عن نفسي اتمنى ذهب وبس |
مبارك المولود ويتربى بعزكم ان شاء الله
|
اختي زوجة رجل مميز
سعدت جدا بمشاركتك وانا بصراحه الى الان لم اختار الهدية لزوجتي لكن راح اشتري لعبه لبنتي بناءا على نصيحة اختي دلوعه زوجي لان فكرتها كانت رائعة بالنسبة لزوجتي استبعد اني اشتري لها طقم ذهب احس لو اشتري عطر او تعليقه او شنطة او.....يكون احسن ماادري ليش بس احس كذا تشرفت جدا بمرورك اختي زوجة رجل مميز الله يعطيك العافيه اختي أم سامح 84 الله يبارك فيك وعقبال عندك يارب شكرا لك اختي اخوكم هلال العالم |
اخوي هلال العالم .. ألف مبروك عالبيبي .. الله يخليه لكم ويخليكم له ويتربى في عزكم
ما عندي شي أضيفه بصراحة .. الأخوان والأخوات ما قصرو .. بس ما حبيت اطلع بدون على الاقل تهنئة أتمنى تعلمنا بعدين وش سويت .. علشان الكل يستفيد |
اخوي هلال العالم ... مبروك عالبيبي و الحمد لله على سلامة زوجتك .. بس اقول .. ممكن اطرشلك زوجي تعلمه شوي في الرومانسية :d انا يوم طلعت من الاربعين سوا عشا و عزم اللي يعرفه واللي ما يعرفه (تقول عرس) و تمينا الليل كله مع الضيوف و يوم ردينا اخر الليل للحجرة كان هلكان و زين يوم انه قدر..احم (يسوي شي) :27:
فحلو منك اتك تفكر بهالطريقة الله يسعدكم و يهنيكم ان شاء الله الافكار اللي انحطت في الردود السابقة كانت حلوة .. بس بصراحة (ما حد يزعل مني) كلها افكار بناتية (شموع و ورود عالسرير و بانيو ...:25: ).. يعني ممكن الحرمة تسوي هالشغلات لزوجها لو كان غايب عنها .. بس ان الرسال يسوي هالحركات .. مادري احسها ما تركب ممكن تاخذلها هدية حلوة (و لا تنسى البيبي) ... عشا برا او روحة عالفندق ما اظن ينفع لان البيبي ما بيخليكم على راحتكم .. اتريو كم شهر :23: ... اهم شي الكلام الحلو و اللمسة الدافية ... حسسها بكلامك و تصرفاتك اشكثر انت مستانس برجوعها و اشكثر كنت مشتاق (طبعا ما تتوصى تعرف كيف) ... ممكن ترتب لسفرة حلة في الصيف و تجهز كل شي من الحين و تفاجئها بالسالفة يوم ترد .. خاصة اذا هي من النوع اللي يحب السفر ... ما عندي افكار جديدة ... بس انت ادرى بزوجتك شو تحب و شو اللي يسعدها ... الله يهنيكم ان شاء الله |
|
بصراحه ياخوي انا تحمست لك كثير وخاصه بعد اقتراحات الجميع فقعدت :18: افكر وافكر وافكر:21: شكلي بجيب العيد :d المهم قلت بقترح شي مامر وأهو انك تغير في ترتيب البيت مثلا غرفة المعيشه جلستكم اليوميه تغير ترتيبها وتضيف لها تحف وكسسواراو سجاده جديده اولوحات وأنت ادرى طبعا هذا بلأضافه للمقترحات السابقه مثل الكلام الحلو وهذا أأأأأأأأهم شي والشموع والورود والعشا والله يهنيكم ويتمم عليكم واخيرا ابي دعوتكم بأن ارزق بذريه الصالحه عاجلا غيراجل يارب
|
الحمد لله على سلامتها
وان شاء الله ربي يحميكم من كل عين :) ويخليكم لبعض عندي فكرة صغنوووووونة تقدر تجيب كروت صغيرة تقريبا اربعين كرت او بعدد الايام اللي قضتها زوجتك عند اهلها (هذا في حال انها من قبل تولد كانت عندهم) وتكتب لها بكل كرت شعورك... وترتبها مثل الرزنامة وتضيف اوراق فاضية في بدايتها تكت شي بما معناه ان الشهر الجاي بتتغير كل مشاعرك فيه لان نور حياتك ردت للبيت ومعاها احلى هديتين جابتهم لك بهالدنيا:) او شي قريب منه وربي ان شاء الله يوفقك |
بالبدايه ودي اقول شي/
انا جدا جدا سعيد بمشاركتم القيمة والفاعلة والرائعة واللي اعذروني ماكنت اتوقعها ليش ماادري:25: :25: :25: الله يوفق الجميع ويرزقهم بالزوجات والازواج الصالحين ويرزقهم الذريه الصالحة اميييين يارب العالمين للكل اقول الف الف الف شكر والله لايحرمكم من الافراح والسعادة في الدارين والله يجمعنا وايكم في جنات النعيم اختي بنت أخته الله يبارك فيك ويعطيك الف الف عافيه على مشاعرك الحلوة واوعدك ان شاء الله اني اعلمكم وش سويت انتي .....ماادري وش اقول بس شكرا اختي بنت_الحب الله يبارك فيك وانتي فيك الخير والبركه وان شاء الله يكون زوجك زي ماتحبين واكثر وبصراحة فكرة السفره براسي بس قاعد اطبخها على نار هادية يعني مابي اقول فيه وبعدين اكون مشغول ومااقدر الف الف شكر والله يهنيك مع زوجك ويسعدكم اختي ananoor الله يبارك فيك ويخليك لعين ترجيك والله كلامك هو عين العقل مو كل شي الهدية يعني هدية حلوة وبسيطه وكلام حلو يكون الواحد حقق مراده والف شكر على الدعوة الحلوة ويعافيك ربي ان شاء الله اختي النور كله اللى فكرتي وتحمستي وعطيتيني شوي من وقتك خلاص هذا كافي جدا الف شكر على الفكرة الحلوة والله يرزقك الذريه الصالحة عاجلا غير اجل امييييييييييييييييييييييييييييين يارب العالمين الف شكر لمرورك اختي LOoOoVE الله يسلمك ويعافيك بصراح حلوة فكرة الرزنامه لم تخطر في بالي ابدا فكرة روعه الف شكر لمرورك ولمساعدتك القيمة اخوكم هلال العالم |
| الساعة الآن 09:57 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©