|
حاسة بالذنب
بدخل على طوووول
انا مرة محتاجتكم.. أخوي تملك من كم اسبوع.. وقبل الشبكة بيومين قالت لي امي عندها اخت أكبر منها ماتزوجت:30: صراحة حسيت بالذنب مرررررررة وضاق صدري.. والله لو اني عارفة ماخليت الأمر يتم تصورو بعد ماشفناها تركناهم حول شهرين لأن امي مارتاحت لبيتهم.. لكني حسيت انها قريبة لمواصفات اخوي وأقنعته فيها وقلت بعد الشوفة قرر.. وربي ماكنت ادري ان عندها اخت أكبرمنها ماكنت ادري رحنا الشبكة أهلها وأخواتها وخالاتها وعماتها وبناتهم وصديقات العروس كلهم حاضرين البيت زحمة من الحريم وأختها الأكبر منها اللي ماتزوجت ماحضرررررت تصورو؟؟:30: أول ماجلست قلت لأمها ماشفنا اختها فلانة؟ قال عندها مشوار مرة مهم وتعتذر منكم وتقول اذا لحقت ارجع بالله هذا عذر؟؟ شبكة اختك وعزيمة طويلة عريضة وناس وعشا وحالة وعندها مشوار وهي غير موظفة بعد!! والله اني جالسة كني جالسة على جمر ضاق صدري أفكر فيها أنا اللي اقنعت اخوي فيها.. ياخوفتي انها تدعي على اللي ساعد بأمر زوج اختها بنت اختها الصغير جلست اسولف معها اقولها وين بابا وين فلانة ويوم وصلت لاسمها قالت خالة جالسة فوق مسكرة على نفسها الغرفة:30: تصدقون كتمت وانا جالسة واخواتي يغمزون لي.. ووحدة منهم تأشر على فمها!! قلت ياربي شتبغى منديل؟ وأروح أقرب لها مناديل وتحرك اصابعها ومافهمت راحت أرسلت لي مسج عالجوال شوبارد فضحتينا ابتسمي اضحكي سولفي ولا روحي ضبطي وضعك بالحمام!!! نادونا نروح عند اخوي وعروسته وهو يلبسها الشبكة.. هي طايرة من الفرحة واخوي نفس الشي والله انا كنت فرحانة بأخوي.. بس يوم دخلت جلست اناظرها.. وجت في بالي اختها مع أني ماعرفها والله قلت ياربي بعد كم ساعة بنطلع وبيجتمعون اهلها وبتشوف اختها بأحلى شكل!! ولابسة الشبكة ومصورة وبأحلى لحظة بحياتها!! والله العظيم شلت همها وحاسة فيها.. المفروض تمثل وتنزل عادي.. لكن تصرفها هذا يدل على انها منهارة أكيد صح؟ يارب الطف بحالها وارزقها عاجلا غير اجل حاسة بالذنب:( |
ياعزيزتي شوبارد ليش بس الله يهديك تحملين نفسك فوق طاقتها ؟؟؟
اهل البنت والبنت نفسها وافقوا وهم عارفين ان الكبيره ماتزوجت وراضين .... يعني لو كنتي عرفتي قبل بيتغير من الموضوع شي ؟؟؟ البنت الله قاسمها لأخوك وكاتبها له ... ومافي احد يقدر يمنع الزواجه هذي .... الكبيره وبكل صراحه لو كانت من النوع اللي يشيل بقلبه وتنقهر من احد راح تنقهر من اختها الصغيره .. صراحه يعني .. آآآآآآآآه الله يعينها .. والله مأساه ... يارب الله لايجيب اليوم اللي اصير فيه بنفس الموقف .... الله كريم هو عالم بالحال .. بحوله وقوته بيفرجها عليها علينا عاجلاغير اجل |
شوبارد حبيبتي الزواج قسمه ونصيب وانت مو متعنيه تقنعين أخوك بالصغيره عشان تقهرين أختها الكبيره انت ماكنت تعرفين والأمر مو بيدك لا تضيقين صدرك ولا شي الله يرزقك على قد نيتك |
** السلام عليكم ورحمه الله وبركاته **
لا يا حبيبتي شوبارد .. لاتتضايقين ولا تحسين بالذنب .. سبحان الله هذا نصيب واللي مكتوب على الجبين لازم تشوفه العين .. ادعيلها إن الله يرزقها بالزوج الصالح إللي يسعدها : )
|
شوبارد عيوني اول شي الف مبروك ملكة اخوك والله يوفقهم ان شاء الله ثاني شي لا تحسين بالذنب لانك ما سويتي شي وهي الله يرزقها إن شاء الله وبعدين لو فيه احد عليه اللوم هم اهلها كان قالو لكم ان فيه اخت اكبر منها وترى الزواج ارزاق والله يكتب اللي فيه الخير اللهم ارزق جميع بنات المسلمين بالازواج الصالحين واكتب لهم الخير حيث كانوا |
حبيبتي هذا نصيب قبل كل شي وانتي بس مسبب
لاتحملين نفسك شي ماكنتي تعنينه ادعي لااخوك بس ان الله يوفقه بالبنت والثانيه رزقها جاينها بإذن الله وبصراحه موقفها غريب الواجب مهما كان تنزل واتشارك اختها فرحتها. واعرف وحده حضرت خطوبة اختها اللي اصغر منها ولو اتشوفينها تقولين هي المخطوبه متعدله على سنقة عشره وابتسامتها مافارقتها مادار الاسبوع الا هي مخطوبه . |
مبروك ياشوبادر
وعقبالك يارب كل شي نصيب ياغالية وانتي اقنعتي اخوكي وانتي ماتعرفي انه لها اخت اكبر منها بصراحة هذا غلطت الي خطب اصلا ليش اختار الصغير قبل الكبيرة ايش كانت وجهة نظره؟؟؟؟؟ صدمة ياشوبادر لو الاصغر منك اتزوج قبلك ماشاء الله اخوي قرب يتخرج من الجامعة والكل فرحان له ( الله يوفقه) بديت اخاف يتزوج وانا جالسة اظن انه انا قربت اتجنن صح ؟؟؟؟؟؟؟!!!!!!! والله سرت اشيل هم لكل شي وازعل من كل شي |
هلا والله بشوبااااارد ,, اول شي الف مبرووووك ملكة اخوك وعقبالك يااااااااااااااااااااااااااااااااارب
وانا ماازيد على كلام الأخوان والأخوات شي انتي مالك علاقه اهلها موافقين خلاص انتي ماللك ذنب وبعدين هذا نصيب اخوك وربي كاتبه له حتى لو مااقنعتيه انتي كان صار سبب ثاني يخليه يتزوجها ,, انا فعلا لما قريت كلامك ضاق صدررررررري وتخيلت نفسي مكان هل بنت ( الله يعينها ويرزقها عاجلا يارب ) وماتدرين لعل الله يجعلكم فاتحة خير عليها وتعرس قريب ,,, الله يوفق الجميع ... |
اخيتي شوبارد شكلك حساسه كثير
اخيتي هوني عليك فالامر قضاء وقدر ونصيب وانتي انا متأكد انك ماانتي قاصده ذلك او ان تجريحها اخيتي (((((((( لايكلف الله نفسا الاوسعها ))))))))) اسأل الله العظيم رب العرش الكريم ان يرزقها واياكى وسائر ابناء وبنات المسلمين العفاف والستر في الدنيا والاخره انه جواد كريم عاجلا غير اجلا يارب العالمين اخيكم ابا مششششششششششششعل |
والله الموقف صعب ومحرج خاصة مع علمك انها فوق في غرفتها
الله العالم بحالتها الله لا يحطني بموقف زي كذا بس خلاص انتي ماكنتي تدري وبالاول وبالاخير هذا قدر ومكتوب والله يوفق الجميع |
انتي طيبه يا شو بارد
كلشي نصيب يا اخيتي وفقك الله ورزقك مبتغاك |
الله يجزاكم خير
وربي حاسة باحساسها لولو وحبيبة الفهد وحورية نفس تفكيري ياربي انا مقرودة مادخل بأي سالفة الا اخربها اذا صار لي موضوع خطبة مايمديني أفرح فيه الا موقف.. دخلت بموضوع زواج اخوي فرحت قلبه وعذبت قلب هالبنت تصدقوووووووووووون اخوي كان رافضها تماما لكني كنت اترجاه بالله قد شفتو اخت تترجى اخوها عشان يتزوج بنت مع اني ماعرفها ولا شي.. لكني حسيتها مقاربة لمواصفاته تماما.. كنت اكلمها ويوم عن يوم يزيد اعجابي فيها.. حبيتها مرة مع ان معرفتي فيها ظاهريا.. يعني ماراح نعرفها زين الا بعد مانعاشرها .. لكن كما يبدو لنا بشكل عام انها انسانة طيبة.. على قدر اعجابي بها .. اول مادخلت عليهم وهو بيلبسها الشبكة كنت فرحانة لما شفت اخوي وعروسته مبسوطين وفرحااااانين لكن اول مابدا يلبسها الشبكة حسيت بفرحتها زااااااادت بهاللحظة انقلبت لإنسانة متوحشة والله.. اقول بنفسي ياقوي قلبك ياقوي قلبك ياقوي قلبك راضية بجلستك بأحلى شكل وبأحلى لحظة.. قلبك بيطير من الفرحة وأختك من لحمك ودمك طاقتها حسرة بغرفتها والله اني اتخيلها تبكي على وسادتها أتخيلها تتنهد وتتأوه أتخيلها تدعي ربي من قلبها أتخيلها تناظر نفسها بالمراية وتقولي شفيني شناقصني جعلكم في الجنة لاتتركوني احس اني قلبت حياة بنت من أمل كانت تعيش فيه لعذاب والله ماكنت ادري.. لو اني عارفة كان ماجبت طاري لأخوي أبدااااااااااااااااااااااااااا الدنيا دوارة خايفة ترجع لي الله يستر بما اني سويت هالحركة وعذبتها لازم اصلح غلطتي لازم بحوس براسي لين مايطلع معي شي |
شوبارد
الاخت شوبارد اجمل التحايا علي الاحساس الرقيق
والزواج قسمة ونصيب وكل شي بتوفيق الله وانت لم تكوني السبب في ما حصل وانشاء الله تاخذ نصيبها في المستقبل القريب ولا تشيلين هم ولا تفكرين في الموضوع كثير وتجعلينه يتغلب علي تفكيرك اخوك رفيع المقام ssggrr11 |
أختى شوبار
عندى سؤال : انت تؤمنين بالله ؟ الجواب الاكيد نعم طيب من اللي سخرك وسيرك وخلاك ماتدرين عن الكبيرة وخلاك تترجين اخوك وتقنعيه بالبنت ؟؟ الله سبحانه وتعالى لانه قال لشي كن فكان وما انتى الا مسيرة بأمر الله ولم تكونى تملكين رفضا ولا موافقة 0 دعى عنك العواطف ولن تكونى أرحم بأختها من ربك ولكن الله يعلم وانت لاتعلمين ويقدر وانت لاتقدرين فاستعيذي بالله من الشيطان الرجيم واحمدى الله وادعى لأخيك وزوجته بالستر والتوفيق واحمدى الله وادعي لأختها بالزوج الصالح وقولى سبجان من يقدر الأشياء بحكمة الله يهديك شوبارد وين الايمان بحكمة الله وتقديره للأمور وأنه إذا أراد شيئا قال له كن فيكون وسهل له الاسباب 0 خلاص عاد مابعد كلامى كلام تقبلي تقديري |
ياااااااااه يا شوبارد انتى لهالدرجة رقيقة وطيوبة وحساسة
حبيبتى يكفى ما تشيلين من هموم لا تزيدى عليهم هم اكبر اولاً انتى ما كنتى تعرفين ان فيه اخت اكبر وبعدين هذا مقدر ومكتوب وكل واحد بياخد اللى بناصيبه .. يا رب ارزقنا جميعاً بالازواج الصالحين والذرية الصالحة عاجلاً غير أجل .. ومثل ما حكى اخونا الكبير ما بعد كلامه كلام |
الف الف مبروووووووووووووووووك ملكة اخوك و عقبالك ان شاء الله.
اما اخت البنت فنصيبها بيجيها باذن الله و انتي مالك اي ذنب في تأخر زواجها. لا تخربي فرحتك في اخوك و ادعي له ان الله يوفقه في زواجه و ان الله يرزقك و يرزق البنت الزوج الصالح. |
يا حبيبتي يا شو بارد شو انك طيوبه
شو الحل الذي بدك تلاقيه ودوريه في رأسك حتى تجديه انا بقلك الحل انه كل ما حدا سألك عن عروس ديليهم عليها |
الاخت الفاضلة شوبارد
السلام عليكم الف مبروك لاخيك و العقبة لك ان شاء الله احساسك يدل على طيبة قلبك ولكن عندي استفسار و تعليق و حادثة اقتباس:
بدون ما تعرفون كل شي عنها ابوها و امها و اخوانها و اخواتها ......... الخ احسها غريبه جداً اقتباس:
ليش تسألين؟؟ تبغين تتاكدين هي موجوده او لا اخيراً : كنت شاهد على موقف مشابه يوم الخميس الماضي ولكن الاخت الكُبرى حضرت اللهم يسر امر الزواج لجميع المسلمين و المسلمات ياحي ياقيوم ياواحد يا احد تحياتي |
ما شاء الله عنك ..يا اختي الله يكثر من امثالك بالفعل حكيك قشعر بدني لانه في ناس بتحب لناس الخير يا رب تزيد من الناس الطيبين...اخوكي alseem
|
أختي الفاضله شوبارد
بالعكس جزاك الله خير في الدنيا والاخرة لأنك فيكتي ازمه وسعيتي في رزق البنت (( يا بخت من وفق راسين في الحلال )) وعلى فكره الآن صار عندهم بنت وحده تنتظر الزواج وليس بنتين وهذه الوحده لا تخافين عليها يرزقها الذي رزق أختها وعندي لك فكره حاولي تساعدين هذه البنت بالزواج عن طريق زميلاتك في المدرسه . الله يوفقك -------------------------------- تعليق : ما شاء الله عليك أخي فهد نفس السؤال خطر في بالي لما قرأت الموضوع قبل ما اقرا ردك ----------- |
اقتباس:
وكما قال الأخ الكبير بارك الله فيه.... فحقا و صدقا... حين يفكر الانسان بهذه الطريقة التي أوضحها الأخ فلا أعتقد بأنه سيكون هناك مجال للأخذ و الرد.. وكفى بنا إيمانا بقوله....إنما أمره إن أراد شيئا أن يقول له كن فيكون... (( أنت تريد و أنا أريد و الله يفعل مايريد )) ،، ،، وفقكم ربي |
السلام عليكم ورحمة الله وبركاته
مبروووووووووووووووووك حبيبتي شوبارد وعقبالك يارب الزواج قسمة ونصيب وهي مسكينة الله يعينها ويرزقها اللي يهنيها ويسعدها أنتي خايفة ربي يعاقبك خخخخخخخخخخخخخ بس لا تخافين مثل ماقلت لك الزواج قسمة ونصيب |
جزاكم الله خير
وربي ريحتوني شوي أخوي االكبير الله يوفقك دنيا وآخرة ماتتخيل شلون كلامك أثر فيني وهداني أخوي فهد اولا البنت عرفناها عن طريق خاطبة ثانيا انا بس شفت البنت مع الوالدة والوالدة عارفة عنهم كل شي وانا ماكنت أسأل أمي كثير والسبب.. بصراحة دايم يضيق صدري من كثر مانتنقل من بيت لبيت ودايم هواش لأني أرفض اروح مع امي لأني عارفة احساس البنت.. ولأن امي تصير احيانا زعلانة مني لأني ارفض اروح لبيوت البنات ماتعلمني بكل شي ومرة وانا جالسة أسال امي عن أنساب اهل العروس.. تعدد ليأخوها فلان وش اسم أهل زوجته؟ واختها فلانه كذا وكذا يوم وصلت لأختها فلانة( اللي ماتزوجت) قالت وهذي مسكينة ياعمري ماتزوجت انا هنا انجنييييييييييييييت والله وبالنسبة للمعرفة بين العائلتين.. اخوي العوائل والحمايل يعرفون بعض ابوي قابل ابوها أكثر من مرة واخواني مع اخوانها امي راحت مرة ثانية.. معلوماتنا عندهم ومعلوماتهم عندنا وحتى البنت سألنا عنها. وبالنسبة لسؤالي لبنت اختها الصغيرة فعلا انا متقصدة اعرف واول مرة بحياتي اكون فضولية بهالشكل ياخوي لاتلومني يوم شفت امها معتذرة صحكني راسي ماقويت حتى اشرب قهوتي مكتووووووومة قلت بنفسي يمكن ياشوبارد رايحة تتصلح عند كوافيرة وبتجي الحين متزينة وصدفت اني كنت جنب المغاسل << اخذ بندول بعد راسي ذبحني مرت بنت اختها الصغيرة تسلم وسألتها ومحد سمعني ابد ----------------- اعذروني اخاوتي واخواني اني مارديت على كل واحد الله يوفقكم ويهون عليكم مثل ماهونتو علي |
إختي شوبــــــــــارد :d أأيد صاحب الرأي السديد :22: دوريلها على معرس إن قدرتي :14: :14: :14: حرام إنتي ما يخصج !!http://www.66n.com/forums/images/icons/icon9.gif يعني لو كنتي سألتي الوالدة هالسؤال قبل ما تلحين على أخوج .. ما ظن إنج كنتي أصريتي عليه !!؟ صـــــــــــــح ؟؟ إذاً إنتي مالج ذنب ! :17: |
:14: اهلين شوبارد كيفك الف مبروك وعقبالك ان شاء الله انت مالك ذنب في الي حصل والزواج قسمه ونصيب وكلا بياخذ المكتوب له المفروض انها نزلت مع اختها وشاركتها فرحتها لان فرحة اختي من فرحي حتى لو انها متضايقة انها سبقتها في الزواج:14:
|
طيب شوبارد لاتزعلين مني انتي يمكن تمرين بهالموقف
مو اختك الصغيره انخطبت او يمكن راح تنخطب يعني تبين الناس الللي يخطبونها يفكرون مثل تفكيرك كان ماراح تزوج عزيزتي هذي سنه الحياه وان طاوعك الزمان ولا طيعه انتهى |
|
ماتدرين يمكن يكون فيها خيرة لها لان كان لنا جار وبناته واجد المهم
زوج الكبيرة وصار الخطاب كلهم يخطبون اللي الثالثة ويتركون اللي قبلها وابوها يرفض يرفض يرفض والرجال جلس مع نفسه وحسبها صح قال كل وحده لها نصيبها وزج الصغيرة والله بعد شهر عقد للي اكبر منها وقبل اسبوعين عقد لاخر بنت مايرد احد ابدا اللي يجيها خطاب يزوجها واللي صار من اهلها عين العقل والف مبارك |
الغاليه شوبارد
موضوع الزواج قسمه و نصيب و هذا الشئ مكتوب و مقدر من رب العالمين أنتي ما لك دخل ليش تحسين الذنب و انتي أصلا مالك ذنب .................................................. ................................. أستغرب موقف الكبيره ليش ما تفرح لي أختها مب هذي اختاها من دمها و لحمها أو مثلا تبغي تكون حجر عثره لكل أخواتها اللي أصغر عنها .... الصغار ما لهم ذنب لو أختهم الكبيره ما جاها النصيب......؟؟؟؟ يعني البيت كله يعنس علشان خاطر الكبيره...........؟؟؟ بعد مو منطيقي........؟؟؟ |
شوبارد
امممممممممممممممموووووح على راسك يا شيخه يا ست البنات الله يسعد قلبك ويرحمك برحمته انا رحمتك انتي والله انك عسل لا تشيلين هم البنت ربك يرزق النمله في جحرها بس سؤال كيف تخطبون وتسألون وما تدرون ان فيه كبيره قبلها؟ اتوقع اللي بيناسب عيله يعرف كل شي عنها من الالف الى الياء بس عموما ما تدرين يمكن نصيبها ما جا او انها هي نعقده شروطها او او او او لا تشيلين همها وبس |
أولاُ مبرووووك يا شوبارد :14:
وأن شاء الله تكون العروووس قرة عين لأخوك, ومنه المال ومنها العيال, وأن شاء الله تكونين عمه قريب الأمر ما يستدعي الزعل, وأعرف أنك ما تقصدين لأني حاسه أن قلبك طيب وهذا من ردودك إلي أحرص على قرايتها المهم بقولك أحنا صاير إلنا نفس الموقف, خطبنا لأخوي وحده إلها أخت أكبر منها مو متزوجه , والحمدلله أخوي الحين صاير له متزوج 7 سنوات وعلاقتها مع أختها كانت كويسه ومازالت ( كانت تزورهم دايماً), ومن سنه تقريباً أختها إلي أكبر عنها تزوجت وأنا بعد أنخطبت قبل أختي إلي أكبر عني لمدة سنتين وسبحان الله انخطبت أختي في فترة خطوبتي إلي أمدت سنتين وتزوجت قبلي ( الله فرجها) مع إن أختي كانت فرحانه لي لما انخطبت ولا كان على بالها شي صح بعد عندي أخت أصغر مني وفي وحده بعد أصغر عنها , إلي أصغر عنها متزوجه وعندها بنت وهي بعدما مو متزوجه يعني إلي أصغر مني على طول مو متزوجه وإلي اصغر عنها متزوجه , ومع هذا أختي إلي مو متزوجه عايشه حياتها وحضرت خطوبة وعرس أختنا وهي فرحانه يعني أخت زوجة أخوك أمرها غريب شكلها وايد حساااااااااااااسه يعني القصة كلها بيد الله ولكل أنسان نصيب لا تزعلين شوبارد اذا ألها نصيب بيجيهاااااااااااااااااااااااااااااا :17: وأن شاء الله تفرح عن قريب :14: وتشوفينها عرووووس قبل أختها وتصورين معاها بعد :28: خلي نفسيتك فوق :22: مثل ما عودتينا أختك يللوووووووووووو |
مستغربه كيف تخطبون بنيه لأخوكم ماتعرفوا شو عندها من خوات؟!!!
|
مشكورين جميعا
اهلي عارفين ان فيه وحدة اكبر منها ماتزوجت بس عمرها أكبر من اخوي وتعرفون صعبة جداا واخوي ماراح يتقبل الأمر انا اللي ماعرفت الا متأخر والله لو اني عارفة كان مامدحتها عند اخوي بس قدر الله وماشاء فعل.. اخوي تملك وبرضو ماعندي خبر قبل الشبكة بيومين عرفت والله! فعلا النصيب نصيب واللي ربي كاتبه بيصير تصدقون الوالدة حاطة رقمهم واسمها بدفتر وبعد مارحنا نشوفها امي مارتاحت شوي.. بعدها حطت اكس على اسمهم وصارت تدور غيرها.. وشوفو القدر صارت زوجة اخوي الحين.. |
ما أزيد على كلام أخوي الكبير شي .. نفس اللي أريد أقوله الله يوفقج شوبارد :) |
أختي في اللّه شوبارد أنني أشارك لأقول فقط ألف مبروك لأخيك وأدعوا اللّه العلي القدير أن يوفقه بأذن اللّه [blink] زواج سعيد وأدعوا اللّه سبحانه وتعالى أن ييسر لك أختنا ويوفقك لأبن الحلال سبحان اللّه الرزاق ألف مبروك أختنا الفاضله وعقبالك قريباً بأذن اللّه |
الله يخلف على المسلمين
يعنى لو دريتي كان ما شجعتي على اخوك انه يتزوجها مع انها صفاتها مقاربة لما يبحث عنه اخيك؟؟؟ يعنى تضعين زوجة مناسبة لاخيك لاجل هذا السبب كاننا من يقسم الارزاق ، ما ادري فيه شي بالشرع يرفض زواج الصغرى قبل الكبرى!!!!!!!!!!!!!!!!!!!! عموما الحمد لله انك ما دريتي علشان ما يضيع على اخوك زوجة مناسبة له |
جزاكم الله خير .. وكثر الله امثالكم والله لايوريكم مكروه بحياتكم يارب
فعلا الدنيا بخير وقفتو معي وريحتوني الله يريحكم أخوي الكبير والله كل ماضقت دخلت وقريت ردك الله يجعله في ميزان حسناتك بصراحة احس أكثر من حس فيني اخواتي العضوات أرجو من المشرفين اغلاق الموضوع |
الغالية مبروك عليكم الملكة وعقبالج إن شاء الله
و لا تزعلين ولا تتضايقين كل شي بيد رب العالمين وكل شي مكتوب من الأزل سواء أقنعتي أخوج أو لا وثانيا يمكن البنت الأكبر فيها شي يمنعها من الزواج أنا عن نفسي أختي الصغيرة تزوجت قبلي لضروفي صحية مع إني أفوقها في كل النواحي لكني والله مستاااااااانسة وراضية كل الرضى باللي قسمه لي ربي ولامرة هوجست أو زعلت على هذا الشي بالعكس كل ما قسمه لي ربي أنا راضية فيه بس هي يمكن نفسيتها ما تتقبل هذا الشي كلمي أختها وحاولي أن تعرفين السبب وحاولي إنج تخلين إختها تقنعها إن كلما كتبه ربي فيه الخير وإن ضنينا إن فيه السؤ مع الإيمان كل هموم الدنيا تذووووووب وتهووووون تحياتي ودعواتي لقلبك الطاهر |
اقتباس:
|
اقتباس:
انا سبق و وقلت لك اني مريت بهالموقف اكثر من مرة خواتي الي اصغر مني تزوجوا لكني مثلت ومسكت نفسي وانهرت بعد ما راحوا الناس قعدت اصيح الى الفجر موقف حيييل صعب مو سهلة على الوحدة تشوف اختها اللي اصغر منها ياليت بسنة الا بسنوات تتزوج قبلها والناس يباركون لها وبنفس الوقت يدعون لاختها اللي اكبر منها بالزواج والاصعب وقت النفاس لما تولد اختك الللي اصغر منك شي صعب احس اني مختنقة ذكرتيني باللي صار ما اقول الا الله يعين هالبنت كن يظل كل شي قسمة ونصيب ومالك ذنب |
| الساعة الآن 12:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
