|
(حائرة مع خطيبي وافكر اتركه)اخر المستجدات
السلام عليكم الاعضاء الاعزاء
اذكركم بقصتي للي عنوانها (حائرة مع خطيبي وافكر اني اتركه) و للي موجودة فهالرابط : http://www.66n.com/forums/showthread.php?t=87289 بعد ما تم 3 ايام بدون مايسأل او يعتذر اعترف لكم اني بعثت له مسج قلت له "حسبي لله ونعم الوكيل فيك " تعرفون شو رد ,قال اني عندي مرض نفسي وانه تعب من اسلوبي وعصبيتي وانه عنده كرامة .رد كل السالفة على راسي و كاني انا الغلطانه, الحين هو المسكين وللي كرامته ما تسمح له !! المهم بعدين بعث انه ما يقدر يزعل مني وبيتم معاي بس قلت له بشرط انه يغير اسلوبه وانه يسوي خطوه ايجابية يعني يحدد موعد الزواج ويعتذر لاهلي (المفروض انه قبل مايرد متفقين على موعد الزواج وقال انه بيعتذر لهم ومعاهم حق) المهم تعرفون ما بعث شي !! انا فالهاللحظة حسيت بالتلاعب مثل كل مرة ولما اكدت عليه انه يرد قال انه ما يعرف شو يقول وانه حاير , انا هني انصدمت مع انه تلاعب اكثر عن مرة واللف والدوران طريقته بس انصدمت صح انه مايستاهل بس احساس صعب .رديت وقلت له اني ما اريده وان الله بيعطيه على قد نيته انا الحين نفسيتي متدمرة صح انه مايستاهل اني افكر لحظة فيه بس انا كرهته وما افكر فيه افكر فاللي سواه فيني وعدم احترامه لاهلي و لعبه على بنات الناس مع انه يصلي ويخاف ربه .انا اتسائل الحين ليش اغلب الشباب الحين ما عندهم ضمير ليش فالبداية كان غير عن الحين واتغير 180 درجة مع اني مااتغيرت انا ما ضربته على ايده وقلت له اخطبني وشو راح يستفيد من للي سواه ؟ انا ابا اسأل الحين انا طول الليل ادعي عليه واقول حسبي الله ونعم الوكيل فيه لاني مشيت معاه بنيتي و لعب علي .الحين الله راح ينتقم منه ؟ هل فهالحاله يتحاسب على للي سواه فيني ويعتبر ظلم فالدين ؟ اشكركم واسفة ع الاطالة |
(الحين الله راح ينتقم منه ؟ هل فهالحاله يتحاسب على للي سواه فيني ويعتبر ظلم فالدين ؟) ما حد رد علي!!
|
امممممممممم
تغريباا مافهمت انتي شنو تبين باضبط اهو شوفي اهو يحبج ويبيج كلنه وحده لا تثنينهااا انتي تحبينه مو مشكله يجي يخطبج ويحدد وقت الزواااج اذا يبي ونيته شريفه اختي ممكن يمر بضروف وضقط نفسي انتي صبرتي عليه كلمه وحده ا>ا تبينه قولي له تعال وخلص امورك ويا اهلي بسرعه واذا ما يبي انتهاااا كل شي والي خلقه خلق غيره ملاين امه بالنسبه للريايل الي تقولين ما يخافون الله ترااا شوفي في كل ديره مقبره وفيها الصح وفيها الخطء مثل مافي ريايل يتلاعبوووون بعصاب ناس طاهره فيه بنات يلعبووون بعصاب ولد طاااهر وشريف وصدقيني هاذي الدنيه الحين مافيهاااا خير ولا تدعين عليه بالشر دعي الله انه الله يصلحه ويهديه ويريح باله ويفرج الفي قلبه ويرد حق صوابه ويعرف قلطته ويصححهاااا اختي الكريمه لي عوده وابي افهم الموضوع اكثر عشان اعصر ما في جعبتي لكي ارد بالرد الشافي سلااااااااااااااااام |
مشكور اخوي مايهزك على الرد بس اعذرني انا ما دعيت بالشر بس ابغي ربي ياخذ لي حقي لاني مااقدر اسوي شي وبعدين للي يبا الصلاة ماتفوته واذا كان يبا يسوي شي كان سواه
واتريا ردك |
اختي صح كلااامج الي بي الصلاه ما تفووووته لكن ترا والله اعلم انه يعاني من ضقط نفسي محتاج
منج شوي هدوووء اخذي وعطي وياه وتناقشي وياه بهدوء ومن غير صراخ وتكلمو بجديه تبين احد ياخذ حقج وله تبين تاخذين حسنااات من عند ربي وربي ينور قلبج ويخفف عنج يارب وابي الاعضاء يشاركووون عشان افكر اكثر واكثر سلااااااااام |
لا تتركينه !
دامج تحبينه ، وفي أمــــــــــــــــــــــــــل من التغير في الوضع بأكمله . انتظري إختي خلينا نفكر لج بشي ;) |
مشكور اخوي مايهزك ع اهتمامك وردك
انا حاولت اني مااعصب وكلمته بكل هدوء بس هو للي ما يبا يرد ما اعرف شو سبب تلاعبه وغموضه و قلتله مليون مرة اذا ماتبا قول وانا عادي عندي واتفهم بس ما يحب يرد . |
اختي معليه لا تقولين له ما تبي وتبي ولا تتجاهلينه يعني اذا اتصل خلج عاديه وكلميه بس سئلي عنه
ولا تسولفين وياه عن اي شي اتصلي له قولي حبيت اتطمن عليك واسلم وخلاص عشان تهدااا نفسيته ويفكر وبعدين يرجع ولين رجع وحسيتيه متلهف اهني تتفاهمين وياه على راوقه وربي ينور قلبج ياربي |
حبيبتي اسمحي لي اقول لك حتى لو انه يموت علي تعرفين ليه احس اني غاليه عند اهلي ولا ارضى حتى لو ايش احد يكلمني ويوعدني اوك ممكن انتي مش كذا بس انا مااصدق الرجال ابدا ولا تقولي مرت بموقف ابدا ياحبي طيب انا اعظم منك انا حتى لو يشوف ظفر مني احس باحتقار حالي ومره كنت غافله عن شيء وانا بالماسنجر مع صديقتي واختي ربي يهديها كانت واضعه بالجهاز صوره لي وعامله لها تصميم المهم كانت صديقتي ربي يهديها عملت حركة مش حلوة اضافه شخص ولد عندي وعلى انها هي وانا قبلت مااعرف وكان من ضمن صورة العرض هالصوره وهو لمحها
وغيرتها على طول ومن وقتها ونفسيتي ازفت من الزفت ادعي ربي من خوفي احس اني جوهرة وماابغى افرط بحالي وربي يغضب علي ماانكر يااختي معاناتي خلتني ببكاء خايفه وش راح يصير ووالدي وانا اللي اعمل حلقات ذكر تخيلي احس اني احتقرت حالي وكل شيء مش بس كذا خايفه من غضب ربي ومن كل اللي حولي ادعي لي تكفين ان ربي يستر علي ولا يصير لي شيء ارجوك لاني بوقت اختبارات واحس ان الدنيا مظلمه حولي |
اختي وجد انا مافهمتك !! ممكن توضحي ؟
|
مشكور ة حبيبتي خلك ايجابي ع المرور واتريا انك تفكري لي بشي
اخوي ما يهزك اشكرك ع اهتمامك ونصيحتك وادعي لي الله يجازاك كل خير |
اتركيـــــــه
مجــازاً لا حقيقــة !! *** أختي الحبيبــة مادام خطيبــك قد صارحك بمعاناته من ( الضغط النفسي ) إذن اتركيه نعم اتركيه ليرتاح ، ليتخذ القرار ، ليرتب أمور حياته اتركيه ولا تزيدي من ضغطك عليه اتركيه ، ولكن ... لا تتركيه !! ليظل ارتباطك العاطفي به ولكن لينقطع اتصالك المادي به ثم لنر مالنتيجة !! *** تمنياتي القلبية لك بالسعادة |
مشكورة الغالية عبير الاحلام ع النصيحة وهذا للي سويته اني ابتعدت
|
أخيه........لم يتضح لي هل القران معقود أم لا بينكما؟ فاذا كانت مجرد خطبة أتركيه ولا تردي على رسائله
أما ان كان زوجك شرعا........فعليك بالحب أختي.......كلميه بكل حب اسأليه عن حاله.....بيني مقدار شوقك لحبيبك القديم ولا تتحدثي فيما يخص أمر الزفاف الا بعد فترة..........يبدو انه محتاج لحبك لا للومك وربما يمر بظروف صعبة...........ثم رسائل العتاب واللوم بالهاتف تضر أكثر مما تفيد فقد يكون متضايق حين يقرأ رسالتك حتى ولو كانت لهجة الرسالة هاذئة............... الحب هو روح الحياة الزوجية فان ماتت شمعته ماتت روح الزواج وبهجته وفقك الرحمن وأنار بالهدى مسعاك |
اختي nonwa ... الله يعينج و يهدي خطيبج ان شاء الله
حاولي تهدين نفسج و لا تاخذين أي قرارات وانتي في حالة زعل او عصبية .. لانج بتندمين بعدين حتى لو كان القرار صح ... لازم تهدين و تفكرين عدل و تحسبين كل الامور و بعدها تقررين شو بيكون الوضع بينج و بين خطيبج اول شي... ما في حد ممكن يقولج شو اللي تسوينه بالضبط .. لانج مهما شرحتي الوضع و شو اللي صار بيكون كلامج من طرف واحد و من وجهة نظرج انتي .. و يمكن خطيبج له اسباب تخليه يتصرف بهالشكل وياج و انتي ما تدرين عن هالاسباب انا عندي كم نقطة اتمنى تفكرين فيهم 1. بعد ما تهدين شوي ... فكري في خطيبج نفسه .. في صفاته .. في شخصيته .. في تعاملج وياه (في غير اوقات الزعل او البعد) ... هل تعتقدين انه من البداية كان جاد في الارتباط ولا كان يتسلى؟؟؟ 2. هل ممكن يكون شاف منج او من اهلج شي خلاه يتغير؟؟؟ 3. هل ممكن يكون حبج في الاول و بعده يحبج لكن الطريقة اللي اتعرفتوا على بعض فيها ماثرة عليه و تخليه متردد في انه يكمل الارتباط؟؟ (و فكري في هالنقطة زين لان واااااااااايد من الشباب بعد ما يتعرفون عالبنية يشطون فيها و يقولون مثل ما عرفتني عرفت غيري) 4. هل فكرتي .. ان ممكن تصرفاته و بعده عنج مو بقصد انه يهملج او يزعلج .. لكن هي جزء من شخصيته.. لان على حسب علمي و تجربتي في نوع من الرياييل مهما كان حبهم للحرمة بس ما يحبون يتمون متقيدين بتلفونات و يارات و هالسوالف .. يعني يحبج بس بيتصل و يزور يوم يفضى او يشتاق ... و على فكرة الرياييل اللي هذا طبعهم غالبا ما يتغيرون بعد الزواج 5. هل جربتي انج تناقشينه في الموضوع في غير اوقات الزعل؟؟؟ يعني يوم يرد و تتصافون و في جلسة هدوء و صفا افتحي معها الموضوع بس بهدوء و من غير عتاب او صياح ... عشان تعرفين اسبابه عالاقل الله يهديه و يسعدج وياه لو لكم نصيب مع بعض .... لكن اختي اتمنى انج ما تدعين عليه و لا تحطين هالافكار في بالج انه ظلمج و الله بيعاقبه .. لان صدقيني لو صارله شي لا قدر الله بتحسين بالذني و تفكرين ان يمكن هالشي اللي صارله سببه زعلج منه و انتقام الله من اللي سواه فيج .. فسامحي احسن ... و ادعي الله يصبرج و ينسيج و يعوضج باللي احسن منه لو ما كان لج نصيب وياه تحياتي لج و اسمحيلي عالاطالة. |
الاخت نداء وحداء شكرا ع المرور
الاخت بنت الحب شكرا وبالعكس انا سعدت بالاطالة واعطيتيني جواب شافي ومعاكي حق |
اقتباس:
ياختي صبرك الله والله حاسة فيك ونفس المعاناة شباب ضايع يريد يتسلى فقط ببنات الناس وفعلا انا امس طوال الليل اتقلب في نومي واقول حسبي الله عليه ونعم الوكيل يارب خذ بثأري منه وانتقم لي منه من جد نحتار في شباب ماهو مستقر نفسيا وانا امس بعد ارسلت له مسج وقلت له حسبي الله ونعم الوكيل فيك لانه حاول يتصل فيني بس على مين والله وعزة الله لو كان اخر رجل في العالم ماراح ارضى فيه مريض نفسيا ماعنده لا قرا ر ولا ثبات ولا رأي وقت الجد يتهربون ويظنوا اننا بنات ماعندنا لا اخلاق ولا مبادئ ماعليك منه ولا يتهز فيك شعرة اصلا انا قلت له انك بلاء من الله علي وربي خلصني منك اختي خليك قوية ولاتضعفي له ابدا ابدا وربي راح يرزقك اللي يعرف قيمة بنات الناس المحترمات الله يجبر كسرك حاسة فيك لانك كنتي على نياتك وصدقتيه مثل ما انا صدقته المشكلة دخلوا على خطوبة ماقالوا لعب وصداقة من اجل كدة صار الشباب ياخذوا موضوع الخطوبة لعبة وعشان نصدقهم ونقول جادين ولكن تمتد الخطوبة ودراسة النفسية ولا عقد (( اقصد مكلة )) ولا شي اختي الجاد يسارع بالعقد لانه يريدك بالحلال صدقيني قد ايش انا تعلمت من غلطة زماني وقلت هو جاد ومجرد ماتسافر زوجته راح يجي للعقد مثل ماقال وانت بمجرد تنتهي الدراسة جاي للعقد تعددت الاسباب والهدف والعلب واحد الله يعوضك من يعرف قيمة بنات الناس المحترمات وهم مالهم الا بنات الغرب يوم معه ويوم مع غيره في بلادها هذا الي يفنعهم وبس وربي من عنده قادر كريم ينصرني وينصرك وياخذ بثاري وثارك وحسبي الله ونعم الوكيل ما عندي غيرها اختي |
حبيبتي غربة الم يعني انا وانتي نفس الحكاية !! بس شو بنسوي ما باليد حيلة مااخذنا غير القهر و تعب النفسية بس حطي في بالك ان كل واحد بيعطيه الله على قد نيته والله يفرج همي وهمك ويفرج على جميع المسلمين يااااارب
|
|
الله يكون في عونك اختي الغالية والله يعوضك خيرا منه
كثير من الرجال هكذا لإانا طليقي حافظ قران ومتلاعب بشكل غريييب جدا وغاااامض تركته شهرين عند اهلي ولا سأل عني ولا عن ابنه ونحاول فقط ان نبحث عنه لكي يطلقني ولا يقبل..يعني لا يصلح ولا يريد ان يطلق لحد ما عملت الخلع وتركته والحمد لله على كل حال الله يعوضنا...امين |
| الساعة الآن 10:46 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©