إلى كل من يعرف عطر الشيخ
 

لسلام عليكم شباب وبنات

بصراحة احترت في عطر الشيخ رحت اشتريه لاول مرة وحصلته في الحرمين وكان دهن يعني مب بخاخ

وكان سعره 680 ريال سعودي المهم ما اشتريته .

رحت ثاني مرة وحصلت واحد بخاخ ومكتوب عليه 750 ريال سعودي بس انا فاصلته ونزلني لين 500 ريال واخيرا اكتشفت انه هذا النسائي منه

اما الرجالي مكتوب عليه560ريال ونزلني لين 500 ريال

بصراحة انا شكيت انه مب اصلي لان نزلني واااااايد وخايف اشتريه ويطلع مب اصلي

دخليكم اريد صورة للعطر الاصلي اذا ممكن وهل هو بخاخ ولا دهن

او على الاقل حد يوصفلي شكله

ودمتم بود

سوري والله ماعندي صورته

بس هو معروف بأنه النسائي أغلى من الرجالي..

وأعتقد شكله مثل الخنجر

السلام عليكم و رحمة الله و بركاته ..
في الحقيقة أخوي سمعت الكثير عن هذا العطر .. و ما بعد جربته حتى الآن ..
لكن من واقع كلام الزملاء تقريبا سعره في حدود 500 ريال الموجود في السوق .. و أعتقد أنه مجود في محلات ........

أما بالنسبة لتشكيك عن كونه تقليد .. فأظن تستطيع معرفة ذلك عن طريقين :

أولا : سمعة المحل ...............

ثانيا : السعر .. ما أظن ممكن يكون فيه عطر تقليد يوصل سعره لهذي الدرجة من الغلاء ..

هذا ما لدي من علم .. و أتمنى أكون أفدتك ..

حتى انا من زماان نفسي اشتري عطر الشيخ

ياليت صورته

وسمعت ان الرجاالي افضل من النسائي

وينكم يا اصحاب الخبره ؟؟؟؟؟؟؟؟؟؟؟

والله يا هي حيره
 

فعلا اختي مريوم النسائي اغلى من الرجالي لكن الرجالي احسن حسب ما سمعت .......... شكرا لمرورك الكريم


اخوي النمر فعلا انا حصلته في حدود ال500 ريال سعودي وبالنسبة لسمعة المحل انا شفته في محل داخل السيتي سنتر وانا من مسقط ولا ادري وين احصل محلات وجوه ...... وعموما شكرا على المعلومات اخوي

رهين الشوق شكرا لمرورك الكريم اخوي


اخوي فهد انت زدتني حيرة بصراحة لان الصورة اللي انت حاطنها تختلف تماما عن الاشكال الاثنين اللي انا حصلتهم وهذا يزيد الامر سوؤا لاني لحد الحين ما عرف اي واحد فيهم اللي يتكلمو عنه بالمنتدى ......... وعلى كل حال شاكر لك جدا مجهوداتك الطيبة وتكلفك عناء البحث


وفي انتظار المزيد من المعلومات عن هذا العطر الراقي جدا


ودمتم بود

عطر الشيخ كلمة روعة شويه عليه

يجنن وريحته ثابتة

ونصيحة لاتشتري الا من أماكن موثوق فيها

انا شفته بمحلات باريس غاليري

وهارفي نيكلز

ووجوه

الرجال سعره ب 550 ريال

والنسائي 780 ريال

والرجالي ريحته احلى من النسائي بكثير..

السلام عليكم
انا مجرب العطر كثير ..واكتب لكم وهو مرتز قدامي ...
عطر الشيخ الرجالي....رووووووعه....اخذته من الخطوط السعودية ....بنفس السعر اللي في دفتر المبيعات ..
ويوجد عند ..وجوه ..للعطور.....وفيه ميزه انه اذا انتهي وجبت لهم القاروره فاضيه يسون لك خصم خمسين ريال ..
العطر بارد ...وهادئ...ورائع..................فعلا" رجولي مميز .....كثير من اصدقائي يسألون عن اسمه اذا شموا ريحته
معي...
النسائي ................لم اجربه .....وهو علي شكل خنجر....
اي سؤال انا جاهز.......

اللي يستخدمه زوجي هو نفسه اللي بالصورة اللي حاطها فهد وهو اللي نتكلم عنه
اما اذا شكله غير فهو تقليد..يعني انتبه ..انا قريت اعلان في الجريدة انه مسويين عليه خصم كبير من 550 ريال سعودي الى 150 .............وماكذبت خبر ارسلت اختي تشتريه عشان اسوي مفاجأة لزوجي ويوم جابته لي الا الشكل غير والريحة زي الفليت ..
اذا ماتعرف محل وجوه ..اشتريه من باريس جالاري..وبالتوفيق

عطر راااااااااائع ويكون على شكل خنجز وااااااااااايد كشخه وفخم شكله لهذا السبب تقدر تجيبها فاضيه وهم يعبوها مره ثانيه

لسلام عليكم ورحمة الله وبركاته

انا اسف على التأخير في الرد لاني كنت مسافر يومين

انا خلاص اشتريت العطر وهو فعلا مثل الصورة الله حاطها اخوي فهد وجعل مثواك الجنة يا رب اخوي.
اشتريته من باريس جالري من دبي بس العطر فضيع جدا لكن بخبركم شي فيه واحد ثاني اسمه مكاليف وهذا حصري عند باريس جالري الجديد منه اللي لون العلبه اسود هذا افضع من الشيخ بكثير بصراحه يهبل بس اغلى شوي نصيحة لا يفوتكم.

شوبارد..... ثانكس ع المساعده
الطاؤوس ..... شكرا حبيبي ع المعلومة ويعطيك العافية يا رب
رازجي ...... انا خلاص اشتريت ونفسه اللي بالصورة والله يعوضك عن المقلب اللي شربتيه
شموخ الحب ........ اشكرك جدا
دلع دلع......... يعطيك العافية يا رب
مشتاق لزوجته...... اللي اعرفه باريس جالري اضمن شي وترا السعر نفسه اخوي وغير كذا ما ادري لاني مو من السعودية

ودمتم بود

صحيح هذا هو بالفعل ، انا اشتريته من الطائرة هدية لشخص عزيز علي ، ورائحته رائعة تتسم بالفخامة وتدوم طويلا .

عطر الشيخ النسائي والرجالي في قمة الروعة..

النسائي ب 725 ريال والرجالي ب 505.. هذا في السوق الحرة وعلى متن الطائرات..

تلقونه في محلات العطورات الراقية وهو ليس على شكل دهن بل بخاخ.. ورائحته ليست كرائحة العطورات العربية..

بل كالعطورات الفرنسية..

لاعادة تعبئته.. في البحرين يعبى ب 200 ريال وشوي..(لأنه بلد الصنع والمنشأ)

بس لما سألت عن التعبئة في قطر كانت ب 400 ريال.. والسبب أن الزجاجات تؤخذ إلى البحرين وتعبأ ثم تعاد..فيضاف إلى قيمة التعبئة تكاليف الشحن وووو ...

أتمنى أن أكون قد أفدتكم.. وأنصح الجميع به..

جبت اليكم صورة أوضح اليه.
انا بعد عاجبتني الرجاليه أكثر، مع ان النسائية بعد حلوة.

البتول....... بحرينية ولكن.............إكسارا.......

شكراً على التوضيحات

ودمتم بود

عطر الشيخ رهيييييييييب زوجي يستعمله وهو بخاخ وسعره ستميه لايفوووووووووتك:17: :17:

انصحكم لوجه الله انا زواجي بعد اسبوع واشتريت عطر جديد اسمه مكاليف يجنننننننننننننن
بس غالي سعرة 700 ريال مو خسارة ليلة الدخلة