بداء الموسم
 

السلام عليكم ورحمة الله وبركاته

خواتي بدء موسم الاعراس والحفلات والاجتماعات وانا ودي افضفض

مو قادره يابنات احظر اي مناسبه لاسباب

1 امي ماتحب نروح معاها او تفضل انها ماتحظر

2 مناسبتنا نفس الناس نشوفهم لا تغير

3 مو قادره يا اخواتي ابد اذا جاء وقت الزفه دموعي تنهمر مثل الشلال مقدر امسكه حاولت حاولت لكن ما اقدر

4 مليت تعبت زهقت من الحظور دون فائده الناس تعرفني لكن ما الفائده

5 احس لو لبست لو رحت لو جيت مافيها فايده وياريت اقدر اعرف ناس جديده لكن معارفنا واجتماعتنا بحدود بسبب تعامل اهلي مع الناس

6 والله مايعلم حد بقلبي كيف انا يائسه واقول لنفسي وفري فلوس البس والتجمل لشي ثاني

7 لي فتره ماحظرت اي مناسبه مالي خلق ومالي نفس واغلب المناسبات المهمه ماحد يدعينا عليها

انصحوني

املي بربي قوي وكبير لكن نفسي يئست من الانتظار استغفرك ربي واتوب اليك

لاحول ولاقوة الا بالله

ياعزيزتي ام مزنه كلنا والله بحال مايعلمه غيره سبحانه ....

اذا مو قادره تحضرين مناسبات ليش تضيقين خلقك ؟؟؟ والله خير لك ... انا ماارجع من مناسبه الا ذايق صدري مدري ليه ...

شوفي عندك انا مثلا.. مافي مناسبه مااحضرها .. وكل مره اشوف ناس جدد ويشوفوني ويتعرفون ويخطبون ولاااااااا يصييييير شي ....

النتيجه وحده هي اني ماتزوجت وغير كذا نفسيتي تتعب لما اسمع كلمه من هنا او هناك ان شاء الله تتزوجين وان شاء الله المره الجايه دورك ووووو وعارفه هالكلام .....

المهم انك تحاولين ترتاحين .. هذا اهم شي .. وتخففين كل المك هذا ... استغفري كثير .. كثير كثير كثير ....

حتى لو ماتزوجتي .. راح ترتاحين صدقيني ... انا جربت .. مانسيت الزواج ولا ارح انساه لكن راح ترتاحين كثير ...

الرزق قريب بأذن الله والله يفرحنا جميعا عاجلا غير اجل ياحي ياقيوم

انا والله ان رحت ودي اشوف الناس لكن مو قادره ارتاح يا من الكلام او من النظرات
والله كل ما تطالعني وحده احس نفسي غبيه اقول بس بتخطبني لولدها ومره وحده جت سالتني كنت افكرها بتسالني من انتي وفرحت ووجهي حمر وخضر واخرتها تسالني عن وحده وينهي بين الناس

تتعب نفسيتي مره اذا وحده ابتسمت اقول بس جايين لنا

أختي الفاضله أم مزنه

أسأل الله باسمائه الحسنى وصفاته العلى أن يرزقك الزوج الصالح الطيب الحنون والذرية المباركة
اللهم آمين
----------------------------
وعندي طلب بسيط
أختي الفاضله أنصحك لا تكثري من الذهاب للعروس .

وعندي لك سؤال
متى آخر مرة اعتمرتي ؟؟
أنصحك تعتمرين وتذهبي إلى بيت الله الحرام وتدعي الله أن يرزقك الزوج الصالح ولن يخيب الله ظنك .
العمرة إلى العمرة كفارة للذنوب وجالبة للرزق
الله يوفقك
-------------------
سؤال ثاني ؟
ما سألتي أحد من صديقاتك ( تكون ثقة ) عن رايها فيك ؟
يمكنك كثيرة السكوت وقليلة الابستام
يمكنك كثيرة الكلام
يمكنك ...................
الانسان لا ينظر إلى عيوبه
تحتاجين إلى ثقه تساعدك في هذه الامور
لكل شئ سبب
---------------
الله يوفقك مرة أخرى واتمنى أكون اصبت في الرد والاستفسارات .

كيف يا اختي ام مزنه املك بالله كبير ويئستي من الانتظار

الامل برب العالمين مايجي مع اليأس

(يا ايها الذين امنو لاتقنطو من رحمه الله )

لازم يكون عندك الامل والايمان برب العالمين واذا دعيتي الله توقنين بالاجابه

الله يسير لك

ماتدرين وين الخير

ايش اعمل الشيطان اعوذ بالله منه يخليني ايئس وانا احاول بكل طريقه ادحره


وعندي لك سؤال
متى آخر مرة اعتمرتي ؟؟
من 4 سنوات الماده متوفره لكن لا احد فاضي ان يذهب بنا من المحارم واذا قلنا لابوي نبغى ناخذ عمره يقول الله في كل مكان

-------------------
سؤال ثاني ؟

اتأسف اني اقولك ورب الجلاله ماعندي صديقات للاسف

أختي الفاضله أم مزنه
بالنسبه للعمره أمرها سهل ابحثي عن أحد الشباب الذين يكونون محرم لك وعمريهم على حسابك أنت وامك أو أصري على أمك وابوك تذهبوا عمره في الصيف .

---------------------------------------------------------------
أما بالنسبه للصديقات ( بدون مجامله ) هذه المشكلة التي والله أعلم التي كانت من أسباب تأخيرك عن الزواج والانسان بدون أصدقاء كالطائر بدون أجنحة و أنصحك بالتالي :
* اقرئي كتاب كيف تكسب الاصدقاء .
بـــــــــــــــعـــــــــــــــد ذلك
* التحقي باحد دورات تحفيظ القرآن في الصيف حتى تطبقي ما قرأتيه من نصائح في الكتاب .
وستجدين نتائج مبهرة إن شاء الله
وأعتبري تكوين الصداقات من أسباب زواجك إن شاء الله

لولو قالت كل اللي بقوله والله..

أم مزنة حاولي تتعرفين على بنات وتكبرين علاقاتك الاجتماعية.. حتى لو ماتشوفينهم

انا صديقات الجامعة اغلبهم من تخرجنا ماشفتهم بس تلفونات

تعرفين صعبة البنت تروح لبيت صديقاتها

ومع ذلك مستمرة معاهم وترى الصديقات يجي من وراهم خير اكثر من الاقارب الشاطرين في رمي الكلام

حاولي تتغيرين وتصادقين وتتجرأين بالسوالف مع الناس عشان يعرفونك أكثر

واذا جيتي للحق الحق.. تكلمتي تعرفتي سويتي اللي تسوينه مافيه الا كتبة ربك يابنت الحلال

الله يرزقك عاجلا غيراجل

حبيبتي ام مزنه
اشعر بكي وأمر ما تمرين به وأكاد أختنق لكن ما باليد حيلة
انا وكلت امري لله واصلا اختي احنا في آخر الزمان ، اللي ليست أهلا للزواج تتزوج والله المستعان
لي تعليق للأخ الفاضل صاحب رأي سديد واتمنى ان تقبله بصدر رحب وانا واثقه من ذلك
اخي صدقني الصداقات لا تعمل شيئا خاصه ان كانت الفتاهمتميزه عن رفيقاتها من عده نواحي
الصديقه الوفيه التي تتمنى الخير فعلا لصيدقتها نادرا ما توجد
انا كلمت من كن صديقاتي فقلن لي باستهزاء سجلي بالقنوات بالتلفاز
وأخريات من ورائي يقولون تيات عندها شهاده وما ادري شنهو ايش تبي بعد ، يعني غيره يا اخي
وفي بنات من تتزوج ترفع الخشم علي وتصد عني تخاف اسرق زوجها
واخرى تجلس وتشكو لي مشاكلها حتى اني اخاف ان اتعقد
انا حبوبه واجتماعيه لكن ماذا اخذت ، الدنيا مصالح صايره
باختصار عزيزتي ام مزنه لا تحزني على نفسك، ولو يكون عندك صديقه وحده مثلا اختك افضل لكي من 10 على الفاضي
دايما اقرئي القرآن وادعي الله وانا مثل ما قلت لج ما انساك ابد دوم في بالي
واشغلي نفسك بالتفاز والتنزه مع احدى اخواتك بالألتحاق باحد المعاهد ولا الجمعيات علشان ترفهي عن نفسك

أختي أم مزنة ..


(مو قادره يا اخواتي ابد اذا جاء وقت الزفه دموعي تنهمر مثل الشلال مقدر امسكه حاولت حاولت لكن ما اقدر)

بصراحة لازم تقوين على نفسك وتمنعي دموعك ...


(مليت تعبت زهقت من الحظور دون فائده الناس تعرفني لكن ما الفائده)

فوائد الخروج كثيرة وكلها لازم تكون بإعتبارك ليش تقيدي خروجك فقط لفائدة إن العالم تشوفك وتخطبك ؟ إنت بعد ما ودك تشوفي العالم وتصلي رحمك وتعرفي أخبارهم ، وتجددي أفكارك وتنسي اليأس اللي خانقك ..

(والله مايعلم حد بقلبي كيف انا يائسه واقول لنفسي وفري فلوس البس والتجمل لشي ثاني)

إجعلي اللبس والتجمل لنفسك قبل أعين الآخرين ...




أدعو الله الكريم الرحيم إن يرزقني وإياك الزوج الصالح الحنون ..

ام مزنه وسعي صدرك ترا الدنيا ماتسوى وبيجيك رزقك ان شالله

سبق وقلت ان من الاسباب الرئيسية لعنوستي هي قلة حضوري للمناسبات الاجتماعية والسبب هم اهلي واحيانا انا نفسي مالي خلق اروح لان مثل ما قلتي هم نفس النس والوجوه لا تتغير

لكن اغصب نفسي من باب صلة الرحم



الشي اللي اكتشفته واللي البنات يسووونه علشان يتزوجون هو
انهم يخرجون من دائرة المناسبات الاسرية الى دائرة اخرى وهي دائرة الصديقات
فيحضرون عروس صديقاهم او اخوان وخوات صديقاتهم وكذلك النفاس لان مثل هذه الاعراس تشوفون ناس اخرين

والناس اذواق ويمكن الله يكتب لك نصيب


اعرف وحدة من البنات لا يمر شهر الا وتذهب الى احد الاعراس بالرغم انها لا تعرفهم لكن تدعي ان العرس لاحدى زميلاتها بالعمل وتحرص ان العرس يكون من قبيلة مناسبة لاصلهم القبلي ولا تكلف نفسها ملابس لانها تحضر بنفس الملابس فس كل مرة وذلك لاختلاف الناس احيانا تغير من باب التغيير فقط والله كتب لها نصيب من احد هذه الاعراس


واتضح ان بعض البنات يسوونها بين فترة واخرى وحسب مرونة الاهل


المشكلة هم الاهل فانتي حاولي اقناع الوالدة بأهمية ذلك
وليس من الضرورة ان تحضري العرس بأكمله بل اكتفي بساعة او ساعتين


وهناك ايضا الندوات الدينية ترى شكثر يخطبون عن طريقها


واذا لم تستطيعي انصحك بالاكثار من الذهاب للصالونات النسائية فهي تجمع للنساء
انا فادتني كثيرا سالفة الصالونات لكن للاسف لم اكتشف هذه الحركة الا بعد فوات الاوان لأن العمر اصبح عائق

لكن الصالونات مفيدة منها تستفيدين من فلوسك بدال لا تضيعينها بالعروس ( حمامات زيت وقصات وصبغات )

ومنها توسعين خاطرك وتتعرفين على ناس بالصالون


مو شرط تروح امك معاك يكفي ان تطلبي من احد اخوانك ان يوصلك في الصالون ويتركك هناك الى ان تنتهي


وان قدرتي اشتركي بدورات نسائية


والله يرزقك الزواج الصالح اللي يستاهلك عاااااااااااااااااجلا وليس اجلا بس انا قبل:)

بنان ؟؟
اعتقد انا المفروض اقول اختكم الكبرى لاني اعتقد اني اكبر العوانس في هذا المنتدى:17:

بنان ؟؟
اعتقد انا المفروض اقول اختكم الكبرى لاني اعتقد اني اكبر العوانس في هذا المنتدى:17:

والله احاول بقدر الامكان اذا احد عزمنا مانعرفه زين اصر على امي ان نروح مع نكون طفشانين لان مانعرف احد وتالانظار علينا ونرجع يد قدام ويد ورى

الله كريم ليدي واحبك في الله

أم مزنة يا غالية والله اني ما انساك من دعاءي

حكاية الزفة كلللنا مرينا فيها .. المشكلة اذا كنت من الناس اللي يبان عليهم اثر البكاء

عيون تصغر .. تحمر .. أنف يورم .. خدود تورد

لو من دمعتين بس تأثر كللله يبان

فكنت أحرص اغطي وجهي كامل وابكي براحتي

ولما يروحو الناس للبوفيه اروح للحمام _ وانتي بكرامة _ ويا اكمل مناحتي .. يا أغسل وجهي

الحل الوحيد اللي كنت أتبعه هو تقوية الثقة بالله عز وجل

ويقيني بالفرج القريب

أما هروبي من نظرات الناس وكلامهم

فكانت طريقته هي اني آخد الكلام والتعليقات بروح رياضية و (( مرررحة ))

لما وحدة تقولي عقبالك _ خاصة من اللي عارفتهم يدققوا ويتمنوا يقهرو الوحدة ويتريقو عليها _ وللأسف هم من

الأقارب ،، كنت أرد عليها بضحكة تشق الوجه وأقولها آآآآآمييييييييين أنا وانتي في ليلة وحدة يااارب هههههههه

وربي البنت تنقهر لمن تشوفك كدا .. لانها تتمنى تشوف نظرات الحزن في عيونك

فإنت لا تمكنيها من اللي تبغاه

أما حكاية الأقارب ترى لا تترجي منهم خير

طبعاً ما أعمم بس والله عمري ما اتخيلت نفسي اتخطب عن طريق الأقارب

لانهم ببساطة في موقف الضد

يستنوا ويتمنوا يقهروني ويشمتوا فيا

ومستحيل يسعوا في خطوبتي

وفرحت من قلبي لمن اتخطبت من برا العيلة ومن برا البلد أساساً

وشفت نظرات الحسد في عيونهم

كلام ليدي سوفت رااائع

أزيد عليه خليك اجتماعية

حاولي تختلطي بالناس وتكوني صداقات

خليك مرحة عشان الناس يدلوا بيتك صح

لاتقولو طفشانة انتي اللي سوي جو وخلي الناس يتسلو ويستمتعو بالكلام معاك

حاولي تكوني دايما سيدة الجلسة لا تقعدي تتفرجي وتسمعي كلام الحريم وانتي ساكتة

افتحي مواضيع .. قولي نكت .. حسب الجو وحسب الناس

وإن شااااء يااااارب ما يعدي الموسم دا الا وكل بنات المنتدى الحلوااااات متزوجاااات يارب

***

بنات الله يهديكم وربي عقتوني.. انا مدري عمري 20 وتملكت وقبل العرس رفضته شفو قصتي حطيتها

لكن مدري شكلي ببطل خوفتوني من جد خفت وربي احس بصيح... تدرون انا عقب الي صار لي كرهت الرجال مع اني انا الي فكيت مو هو وربي تصدقون وش افكر فيه قلت مارح اتزوج ابد مدري يمكن لاني ماصولت لسن اصير افكر يه او جاين كلام الناس لان حنا بطبيعتنا نزوج متاخر بس انا الي كنت بتزوج بدري .. تعرفون والله يابنات شوفي سالفتي مع الي كان مفروض زوجي كتبتها ماودي اعيدها .. بس جد انا شفت وجربت صدق ماعشت معه بس كان بينا تلفون وربي فرق بينه وبين اهلي فكرت ليه اتزوج وااعذب نفسي مع ولد الناس بيت اهلى احسن لي وش ابي انا خايفه يحرمني من اشياء متعوده عليها عند اهلي احس بموت .. فابعد الي صار وربي خلاص حالينا ابد مافكر بالزواج واهلي يحسبون انه منه واني ابيه وتعقدت انا الا من كرهي له كرهت الرجال كلهم...... كرهت العرسو طاريه وعاد مدري يمكن لاني توني اخاف بكره اندم او شي مثل كذا وانتو وربي خوفتوني بصراحه.................... وترا ملنا الا الصبر والنصيب بيجك بيجيك ان شالله.......

بنان وليدي:25:

<< وحدة ملقوفة:29:

بس من حبها لكم دايماً تتابع أخباركم:17:

تراكم في سن واحد .. لا تتضاربوا:(

خلاص خلاص أنا أكبركم:25:

نادوني ستو عبير:d

***