|
كعالعاده مطلوب فزعه00هدية لزوجي
حبايبي انا قاعده افكر اجيب هديه لزوجي
وراحت الافكار وجت الافكار واستقرت على اني اجيب له شنطه للاب توب وادوات مكمله للاب توب وااسويله بطاقه عمل وقلم مكتوب عليه اسمه وشرايكم والي عنده افكار يساعدني تم التعديل على العنوان ليتناسب مع المضمون |
|
الحمد لله يالغاليه الله يديم الود
الظاهر رجعت المياه وصفت النفوس الحين انا اخذت منك فكرت الهديه لزوجي جدا حلوه فكرتك الله يسعدك دووووووووووووووووووووووووم |
الله يسعدكم شجعتوني
والحمدلله كلش تمام |
والله ياقلبي فكرتك حلوووووه وغريبه,,,
المشكله أنا زوجي من النوع إللي مايهتم بأغراضه,,, يعني لو أهديه هديه يضيعها في أقل من شهر,, مره أهديته قلم وميداليه من ديور دفعت فيها دم قلبي,, وأسأله عنها بعدها بفتره ويقول ضاعت مدري وين حطيتها وما يهتم وأنا ودي أزنطه من القهر الله يهديه ومره أشتريت له نظارات شمسيه كمان غاليه تعرفين وش سوا أهداها لصديقه<<<<<<لامبالي بجد وماأتوب ومفكره أجيب له هديه جهاز جوال عشان مستحيل يضيعه واااااااااااااااسفه عالأطاله يالغلا |
الله يعينك بقايا انسانه
اهديه شماغ او جزمه هذي اشياء ما تضيع وعلى فكره اسمك خطير |
يسلموووو ياقلبي,,
أسمي خطير,,,من ذوقك بس,, وش أسوي مهمومه وودي أكون ((أفراح أنسانه)) بس لما الله سبحانه يكتب لي الحمل,, الله يخلي لك زوجك,,والله يتمم حملك على خير,,, |
يسعدك ربي بقايا انسانه
|
فكرتك حلوه من جد بس وين تلاقين شنط حلوه ؟؟
انا شفت عند dkny شنطه حلوه وسعرها حليو تقريبا 800 بس من جد فخمه تحياتي دلوعه زوجي |
والله أعتقد أي هديه من الزوجه دائماً لها طابع خاص
مهما كانت قيمتها ففكرتك جميله ولكن أعتقد اذا كنتي مقتدره مادياً وتستطيع أن تحضري لاب توب قد يكون أفضل أختي بقايا أنسانه أتمنى أن اكون صديق لزوجك يمكن يعطيني كل هداياكي لكن أفضل شي أهديه سياره لجل ماتضيع منه بس خايف مره يجي للبيت مع ليموزين يقول ضيعت السياره وتقبلوووو شكررررررري |
ياحلو باتنا الصالحات لما يفكروا مايسعد أزواجهن
ربي يرضى عنك برضاااااه ويتمم لك حملك يارب لا وبعد ويكتشفون عند الولادة أنهم توأم بنت وولد ...بس هااه لا طلعت بنت سميها علي ...:) |
اقتباس:
أهلا بك أخي,,, ههههههههههههه كلامك ضحكني,, حلوووووووه أهديه سياره,,بس ينتظرني إلين أكون المليارديره بقايا أنسانه,, أشكرك عالمرور |
اذا كان زوجك رجل اعمال ممكن تشتريله شنطة عمل حلوة انا شفت امس وحده عند سلفادور فيرغامو شنط عمل حوة وفخمة جدا
قلم عليه اسمه ماعجبتني مرة كنها دعايه فيه اقلام ديور حلوة وراقيه حتى فكرة شنطة الللاب توب مرة حلوة تلقين بفالنتينو او برادا شنط لابتوب حلوة مرة ممكن تشترينله كبك اذا هو يلبس كبك وفيه ميداليات و محافظ وكبكات عند بولقري رائعة جدا ارجو انك استفدتي من مشاركتي |
شوفي أن أفضل من زوجتي الأشياء الرمزية
فهي في قلبي لها وقع رائع لان الهدية ماهي بقيمتها المادية وبعدين ليش تطلبين الفزعة وانتي حاطة الحاسب في بالك عطية وصلي الله وبارك على محمد |
الله يسعدك سبقتيني كنت بنزل موضوع مشابه
محتاره ايش اهدي لزوجي والمناسبه عزيزه جدا ومهمه ساعه واهديتله من ماركه......................>> والله يهديه مايلبسها جوال اهديتله واهداه لشخص آخر رغم ان جواله من العصر الجاهلي ...............>>> :( رغم ان الموضوع مرت عليه فتره بس كل ماتذكرت اموت قهر واهديت قلم من فرزاتشي كلفني شي وشويات ........... مالبسه الا كم مره والله اعلم فين راح بعد كذا حرمت اهديه اشياء غاليه انا مو موظفه واموت لين اجيب حقها ... بس لازلت اهدي له يستاهل ابو العيال المهم صرت اهدي اشياء رمزيه ميداليه - كبكات - عطر - ورده .... سامحوني طولت عليكم المهم ابغا شي مميز لأن المناسبه مهمه ويكون مو مكرر فوق (ومو غالي) :23: وشكري لصاحبة الموضوع |
اعتقد
ان الساعة والعطر اشياء قديمة فكرة حقيبة اللاب توب والكرت حلوة لان بتكون له لمسه خاصة من ايدك انا الصراحة محتارة كمان في هدية زوجي عطور ,,, عنده ولا 12 علبه عالتسريحة ومو شايفة عطر رجالي احسن من الي عنده ساعة مايلبس طقم الحمام وجبناله ايش رايكم في المسبحة ؟؟ عطووووني خيارات |
انا كمان محتارة
|
بصراحه انا كنت حيرانه مثلكم وش اهدي زوجي
ولقيتها بمناسبه كاس العالم حاولت ابحث له في هذة المناسبه عن شي يدور حولها وفعلا لقيتها تلفزيون 32 بوصه شاشه مسطحه طبعاً انا مايتوفر معي مبلغ لان ماني موظفه لكن تسلفت هذا البلغ وقلت لصاحبته ارجعه اقساط من مصروفي ان شاء الله هاه وش رايكم بالافكار.............؟؟؟؟؟ |
اختي هديتك مرررره رايقه ومبتكره
وجت بوقتها بسألك وين القى الشناط الحلوه وايش الاكسسوار اللي تبع اللاب توب ووين احصله اهم شي ... تكفين لاتطنشين انا لي فتره وانا ادور هديه والحمدلله جبتيها يام الافكار :) |
مشــــــــــــــــــــــــــــكوره حبيبتي اما بالنسبه لاكسسوارات
يمكن تلاقينها في محلات المتخصصه للحاسب وان شاء الله تلقينها وحاول تسالين غيري لان خبرتي ضعيفه في هذي الامور |
اخ نايف انا فكرت اهديه شنطه لاب توب لانه عنده لا ب توب جديد
|
اشتقت لامي
اقتباس:
من وين اجيب التوم خلاص قرب الفرج لكن الف شكر على تشجيعك |
اقتباس:
الفشكر على المرور والنصح حبيبتي بس القلم الى اتكلم عنه قلم عباره عن قلم عادي وترفعي الغطاء الخلفي ويكون اسم زوجك او الشخص مطبوع عليه يعني مثل الختم الكبكات زوجي لاعة كبده كبكات مني كل اسبوع كبك والميداليات ما يشيل ميداليه ومحافظمايحب الا ذوقه وعطر مايبدل عطره لو بمال الدنيا |
يغلق
لااكتفاءه بالردود |
| الساعة الآن 06:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©