|
طلقني ... و يقول يموت فيني
السلام عليكم و رحمة الله .... اخواني و اخواتي ... انا وايد محتاجتكم .. محتاجة حد يفهمني شو سبب الاشياء اللي تصير في حياتي و شو تفسيرها .. لاني قربت انهار .. و مالي حد يساعدني
ااتزوجت قبل حوالي سنتين من ريال الكل يشهدله بالاخلاق و الاحترام و قبلهم الالتزام بالدين ... عشت معاه احلى ايام حياتي و الله رزقني منه بولد تتمناه كل ام و الحمد لله من ايام الخطوبة اتعلقت واااااااااااايد بزوجي و حبيته حب الوت .. و هو بعد وايد اتعلق فيني و حبني و صرنا تقريبا ما نتفارق .. يعني طول الوقت يا انه عندنا في البيت .. او مع بعض عالتلفون طول الليل و النهار ... بعد الزواج حبينا بعض اكثر و هو كان وايد يدلعني و يريحني .. لدرجة اني كنت في اوقات وايد افكر شو الشي الزين اللي سويته في حياتي و الله جازاني عليه بهالزوج الرائع اللي ما كنت احلم فيه فجاة بعد حوالي سنه و نص تغير زوجي علي و صار ما ييني البيت ... يعني يتم في الدوام او في بيت ربيعه .. تمينا على هالحال اسبوعين و انا احاول اتصل و افهم شو اللي صار بس ما رضى يخبرني .. بس كان واضح انه مجروح جرح كبير بس انا مو عارفه شو اللي سويته و زعلى مني ... بعدين يانا البيت و دخل عندي الحجرة (انا ساكنة مع اهلي) و بدون مقدمات قال ان نحن ما ينفع نكمل مع بعض و انه بيطلقني ... بكيت و اترجيت و شوي كنت بحب ريوله بس ودي افهم ليش؟؟ .. شو اللي سويته؟؟ قال انه ما بيخبرني لانه ما يبغي يجرحني ... وبدون اي تفسير طلقني و روح بعد شهرين تقريبا اتصل فيني ... وقال انه بيتطمن علي و على ولده ..و تكلمنا دقايق و سكر .. بعدها زارنا في البيت اكثر من مرة عشان يشوف ولده و طبعا انا ما كنت اطلع عنده كان يجلس مع اهلي ... بس من بعد اول اتصال صار دوم يتصل فيني ... و شوي شوي رد لكلام الحب و العشق و انه ما يقدر يستغني عني .. لدرجة اني كنت احس بدموعه و هو يتكلم .. بس بعد ما رضى يخبرني ليش طلقني ... بعدها عرفت من اختي عن طريق زوجها ان في ناس تكلمو عني جدام ريلي و قالوله اشياء مو زينه عني .. بصراحه انا قبل 8 سنين تقريبا (كان عمري 16) كلمت واحد بالتلفون بعدها اهلي عرفو و طلعت السالفه من البيت بسبب حريم اخواني الله يسامحهم ... ففتحت الكلام مع زوجي و سالته اذا كان هذا هو السبب و قال ان هذا السبب و انه ما زعل لاني كلمن واحد بالتلفون و انا في اول مراهقتي لان هذي غلطة الكل صار يطيح فيها و انه عاشرني و يعرف اني مستحيل اخونه او حتى افكر بغيره .. لكنه طلقني لانه عرف السالفة من برا و حس اني غشيته يوم ماخبرته ... طبعا انا فهمته ان كان مستحيل اني اقوله عن موضوع مثل هذا و كان لازم استر على عمري خاصة انه شي صار من سنين طويله قبل ما اعرفه بوايد ...هو اقتنع و قال ان اللي جرحه هو انه حس اني استفلته يوم ما خبرته بعدها بكم اسبوع (طول هالفترة نحن متواصلين عالتلفون و طبعا اهلي ما يدرون) قال انه يحبني و ما يقدر يبعد عني اكثر من جي و قال انه بيردني .... بس من يومها ما صار شي .. صارلنا الحين حوالي شهر و نص ... قبل اسبوعين فتحت معاه الكلام قالي قريب بس مادري احسه مطنش ...ما ادري اذا صدق بيردني ولا لاء سوالي لكم ... هل تعتقدون انه صدق بيردني؟؟ لو لاء شو اللي جبره يقول انه بيردني من الاول؟؟؟؟ هل السالفة اللي صارت بتتم تعكر حياتنا ولا بينساها؟؟؟ هو طلب مني انسى الموضوع و ما اتكلم فيه ابد ولا اخبر اهلي انه يدري .. لال اختي طبعا لانها هي اللي خبرتني في الاساس كلامي معاه في التلفون الحين .. هل يعتبر نوع من الزنا؟؟؟؟ انا وايد مضايقة من هالوضع بس ماقدرت اصبر على بعده شو اسوي؟؟ ارجوكم انصحوني ... محتاجة لرايكم واااااااااااااااااايد |
طلاقكم كان بائن؟
اذا كان بائن ما يجوز تكلمينه والله يردكم لبعض ماعندي شي اكثر اتمنى الاخوه والاخوات يفيدونك اكثر |
هلا اختي العزيزة والله انا ما اعرف شقولج بس حبيت اوضح لج نقطة يمكن اللحين يقول انج كلمتيه من ورى بيتكم يعني يمكن رد تعيدينها مرة ثانية لا تكلمينه وااااايد ابعدي عنه فترة واذا سألج قوليله انا صادتني المشكلة القبلية ما ابيها تتكرر اذا تبيني وتبي تردني انت تقدر حاولي قد ماتقدري انه مايهدج بس يمكن اذا بعدتي عنه اكثر يتوله عليج ويردج واللي في الخير الله يسويه ويارب يارب يا رافع السماوات بغير عمدً ويا راسي الجبال ومسخر الأرض ويا خالق ياعليم ياحكيم يا ملين الحديد لداوود وياعلام الغيوب ردها الى زوجها والله يهنيج ويسعدج يارب |
زوجك عرف أنك كنت تكلمي وكانت ردت فعله أنه تركك مع علمه إن هذا أيام مراهقة وسالفه قديمة إن شاء الله ماتتكرر
لكن أختي انت ناقضتي نفسك حرام تكلميه لأنه صار ما يحل لك لما طلقك أنت بكذا تعززي فكرت أنك بنت لعابه وتكلمي من ورا أهلك ...قولي له أن أمك عندها خبر أنك تكلميه ، وعلميه أنك كلمتيه عشان تعرفي السبب وخلاص المكالمات مالها داعي لأنها ماترضي الله إذا في قلبه شيء يبي يقوله يكون عن طريق أهلك أثقلي حبيبتي وبيردك وبيحترمك أكثر ويتأكد أن هذا مو من طبعك وأنك كبرت وصرت أهل أنك تكوني زوجه وأم |
اقتباس:
|
تم النقل الى هذا القسم حيث مكانه المناسب
الله يختار لك الخير اختي وانصحكِ بصلاة الاستخارة |
الله يردكم لبعض ويسعدكم
|
اقتباس:
|
اسأل الله ان يردكم احسن من اول يارب
واختي الكريمة اثقلي شوي حتى يحس بفقدانك ويرجعك بسرعه الله يوفقكم |
لاحول ولاق وه الا بالله
بأذن الله راح يرجعك اختي لكن اكثر ي الدعاء .... والله العظيم شي يقهر منه صراحه ولا تزعلين مني .... قولي له كيف بالله عليك اقول لك على لحظه طيش ومراهقه مرت وانتهت ولا صار فيها شي عظيم .... وانك انت تقول واثق مني .. والله ستر علي ليش اهتك ستار الله عزوجل ستره علي ؟؟؟؟ وحتى لو قلت لك يعني ماراح تطلقني واكون جنيت على نفسي بيدي .... الله يوفقكم ويسعدكم |
حبيبتي ..كلامه وياج الحين ..ما بيخلو من إختبار لج وإن ما قصد في البدايه هذا المعنى يعني ..كل ما كلمتيه وانتوا بهالوضع كل ما استرجع الكلام لي سمعه عنج .. عشان جيه يا الغاليه ..خبريه ..إذا أنت أخطأتي وأنت صغيره ..ما بتخطئين الحين حتى وإن كان الطرف الآخر هو اللي كان زوجج وحلالج حزتها بترجع ثقته فيج .. وبيرجع له شي من الأمان |
[Q
اقتباس:
صح كلامك وكلام كل اخواتي السابقات لالالالالالالالالالالالالالالالالالالالالالالالالا لالالالالا تكلمينه ابداااااااااااااااااااااااااااااا واذا لابد اذا حضر بيتكم بوجود اهلك طلي عليه وانتي واقفه ومتحجبه لانه مو زوجك الحين ولا يحل يشوفك طلي وسلمي وارجعي على طول لاتقعدين معاه وخليه يعرف انك انسانه محترمه وملتزمه وما عندك لعب لامعه ولا مع غيره الله يردك ويصلح احوالك |
السلام عليكم ورحمة الله وبركاته
أختي الكريمه عليك بصلاة الإستخارة ماذا تقررين وكيف وأي نتائج تحصلين عليها ثم إذا كان طلقك طلقه رجعيه أخبريه أنك كلمتيه في العدة الشرعيه والآن وقد مضى قرابة الثلاث أشهر ونصف لا يحل لك الحديث معه وأنك أخبرت أمك بالمكالمات وإذا أراد أن يردك فليطرقث الباب كوني حازمة مع نفسك أولا من أجلها وثانيا معه بدون قسوه فهو يختبرك بهذه المكالمات أسأل الله أن يستر عليك بستره ويجمع بينكما بالمعروف ويجنبكما الشيطان |
لاحول ولاقوة الا بالله
اخيتي اعانكي الله ولكن حسبي الله ونعم الوكيل على الذين نقلوا السالفه له في هذا الوقت وفي هذه الفتره الممتازه في حياتكم اخيتي اعانكى العزيز الجبار وفرج همكى ويسررررررررررررررررررررررررررررررررررررررررررررررر رررررررررلكى بأذنه تعالىىىىىىىىىىىىىىىىىىىىىىىىىىىىىىىىىىىىىىىىىىىىىى اتمنىىىىىىىىىىلكىىىىىىىىىىىىىىىحياه سعيده ه ه ه ه ه ه ه ه ه ه ه ه ه ه ه ه ه ه ه:30: :30: :30: |
لا تكلميه وقولي له
اني ماعدت حلالك واسأل الله ان يتوب علي ...والمسألة هنا ليس لكي تلعبي لعبه فيكون بها ردك لااااااااااااااااااااااااااااااااااااا لاكن اخلصي النيه واعلني التوبه النصوحة واسألي الله المغفرة وانقطعي عنه وكوني متيقنه ان من ترك شيا لله عوضه الله خير منه.... ان يكون حق اليقين فإما ان يرجع الله لك زوجك او ان يبدلك خيرا منه والسلام ختام |
زي ما قالوا الأخوان والأخوات اللي فوق بما انك تطلقتي ابعدي عنه .. ولا تكلمينه .. بطريقتك وأسلوبك أنهي معه هذي المكالمات والله يصلح لك زوجك ويردكم زي أول وأحسن من أول سبحان الله ..!! هالناس فعلاً ما تخاف من ربها .. جاء في الحديث: " لا يَدْخُلُ الجَنَّةَ نَمَّامٌ" رواه البخاري ومسلم. قال تعالى : (وَلَا تُطِعْ كُلَّ حَلَّافٍ مَهِينٍ . هَمَّازٍ مَشَّاءٍ بِنَمِيمٍ) (سورة القلم:10،11) في حديث أحمد: " شِرَارُ عباد الله المشَّاءون بالنَّميمة المُفرِّقون بين الأحبَّة البَاغون للبرآء العَيْب". النميمة من الأسباب التي توجب عذاب القبر لما روى ابن عباس رضي الله عنهما أن رسول الله صلى الله عليه وسلم مر بقبرين فقال إنهما يعذبان وما يعذبان في كبير ثم قال بلى كان أحدهما لا يستتر من بوله وكان الآخر يمشي بالنميمة متفق عليه . ******** أكثري من قول : حسبنا الله ونعم الوكيل .... واكثري من الإستغفار وفرج الله قريب . . . . . . . أختك الكبرى / بنان |
اقتباس:
ما شاء الله ما بعد كلام ساره كلام اللي قالته عين الصواب |
جزاكم الله خير على ردودكم و نصايحكم .. ما تقصرون والله
ادري ان معاكم حق في رايكم باني لازم اقطع الاتصال وياه لانه ما عاد زوجي و فترة العدة انتهت .. بس انا خايفه اني لو بعدت عنه يتعود على الفراق و البعد .. ترى يقولون البعد جفا و انا خايفه انه لو تعود على بعدني مايردني و يفكر يتزوج غيري .. يمكن تشوفون تفكيري مو منطقي بس والله هالشي وايد مخوفني و هو اللي مخليني مستمرة في اتصالاتي وياه مع اني عارفه انها غلط من ناحية ثانية انا بصراحة ما خطر في بالي اني يوم بكلمه من ورا اهلي ممكن يفكر اني مثل ما كلمته من وراهم ممكن اكلم غيره ... زين يوم نبهتوني لهالنقطة .. بس يعني معقوله هو ممكن يفكر جي؟؟؟ يعني هو مو عارف اني اكلمه نه كان زوجي و اني احبه وواثقة فيه و بعدني اعتبر نفسي زوجته؟؟ يعني معقولة ثقتي فيه و حبي له اللي خلوني اكلمه مع انه طلقني بدون ما اعرف السبب هالثقة و الحب ما بيكون لهم قيمة عنده؟؟ بصراحة كلامكم مع انه نبهني لاشياء انا ما كنت مفكرة فيها بس وايد خوفني |
السلام عليكم ورحمة الله و بركاته
أختي الفاضلة... عطايا الرحمن لا تؤتى بمعصيته... فحديثك مع زوجك السابق لا يجوز الآن لأنه أصبح بحكم الأجنبي بعد مضي العدة... لذا وجب عليك أن تفكري في طاعة ربك وليس في رضا زوجك السابق... وتذكري بارك الله فيك... لو اجتمع الإنس و الجن على أن ينفعوك بشئ لن ينفعوك إلا بشيء قد كتبه الله لك.. لذا ان كان قدّر الباري ان يعيدك إلى عصمته فسيفعل سواء حدثته أم لم تحدثيه... فالله الله في تقوى الله...واحذري من معصية الباري عزوجل من أجل انسان... ،، ،، وفقك ربي لخير الدارين وأسعدك دائما و أبدا.. أختك |
أختي شغلي عقلك ، صدقيني إذا قطعت المكالمات سيرغب فيك أكثر وسيخطو خطوات جدية لإرجعاك ..
أما إذا ظليتي تكلمينه ستغضبين ربك ، وأيضا ستزهدين في عينه .. أتمنى المقصود من كلامي وصل .. موفقة .. |
السلام عليكم اختي الكريمه انا مع الاخوه والاخوات انه من
المفرووض ماتكلمينه الحين هو بيفكر ويقول انا مااجوز لها وتكلمني انا الي ابيه منك انك ماتكلميه ولو يبيكي بيردك وبينسى الماضي تحياتي |
مثل ما قالو الاخوان ..
اعتذري له عن المكالمات ..بحجه انك كنتي تودين معرفة السبب ..وحاولي انك تعتذرين له ..وتشرحين له موقفك مع دمعتين حلوين ..وتكون اخر مكالمة ..وقولي له اذا فعلا يحبك ويريد الاستمرار ..يتقدم لك من جديد .. وبكل امانه ..اعتقد ان السبب اللي طلقك عشانه ...ما يستحق كل هذا ..والله حرام ان فيه رجال تفكر بالشكل هذا ..وين راحت الحكمة والعقلانيه ..الله سبحانه ..جعل العصمه في يد الرجال لحكمتهم ...لكن يظهر لي انه يوجد رجال ..ما عندهم من الحكمة شئ للاسف .. كان الله في عونك .. |
من اقبل على الدنيا ادبرت عنه و من ادبر عنها أقبلت عليه
كلام ينطبق على كل شيء و خاصة الرجااااااااااااااااااااال حبيبتي ابد لا تكلميه ولا تتصلين عليه و خلي الله امامك وحرام تكلمينه أو تشوفينه اقطعي علاقتك بيه ممكن ترسليله رساله ان العده انقضت و انك ماتقدرين ابد تكلميه و اذا يبيك يعرف بيت اهلك . و استخيري الله قبل ماترسلي الرساله وعليك بالدعاء |
تبيه يردج طنشيه ولاتكلميه أبد هو يتعذب مثلج بالضبط عشان جي بعدي عنده وبعدين كلامكم اللحين مو في محله إنت مو زوجته ولا تحلين له بعدي عنه وشوفي كيف بيردج
|
| الساعة الآن 06:51 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©