|
رجيتكم لاتردوني لان مابيني وبين الجنون الا شعره
السلام عليكم ورحمة الله وبركاته اكتب لكم بعد ما احترت وش اسوي وبعد ما ضاقت بي الدنيا واكتب ودموعي تسبق حروفي انا سبق وكتبت مشكلتي ويمكن الاغلبيه عارفينها وللي مايعرفها احب اقولها اني زوجةبس بالاسم او بمعنى اصح خدامة للعيال وبس فزوجي مايخاف الله فيني ولافي عياله عمره ما ركع ركعه لله يشرب ليل ونهار وبخيل مايصرف ريال علينا انا اللي متحمله كل المصاريف وفوق كل ذا عاجز جنسيا لم يقربني من ثمان سنوات هو بجناحه وانا بجناحي مابينا حتى كلمة وانا اصغر منه ب15 سنه وماعلي قصور بشهادة الكل وفوق كل ذا بعد يخوني ويكلم بنات واكثر من مره سمعته يكلم وسويت نفسي ما سمعت ولا دريت عن شي وانا صابره عشان عيالي بس الحين مليت ونفسيتي تعبت حيل ومحد حاس فيني ولا اقدر اشتكي لغير الله ثم لكم انتم وابي حل ابي رايكم لان عندي ثقه فيكم وفي رايكم السديد انا محتاره احيانا اقول ادوس على كرامتي مثل كل مره واراضيه انا بس بعدين اقول ليه انا اللي ابدا مع اني انا المظلومه واخاف من ردة فعله اخاف يردني ويفشلني وخاصه انه فترة الزعل بينا حوالي سبع سنوات لانها صارت اكثر من مره لانه يدري اذا رجعنا لبعض مثل قبل ما بيخلى له الجو مع بناته ونزواته وحتى لو تراضينا فهو بيكون بغرفته وانا بغرفتي يعني ما بيتغير شي بس باموت قهر مابي اعطي الفرصه لبناته انهم ياخذون مكاني ولو اني مالي مكان عنده واحيانا اقول خلاص اعيش لعيالي واهمله مثل الحين واتم على ماانا عليه يعني زوجه بالاسم قدام الناس عشان العيال اما الطلاق فمستحيل اتطلق عشان مااظلم عيالي ارجو الرد علي تكفون وإن شاء الله في ميزان حسناتكم
|
مالي اختي الا ادعيلك الله يفرج همك ويسر امرك وعليك بالدعاء ثم الدعاء
والي اعرفه اختي انه اذا كان ما يصلي فانتي ماتحلين له وما يجوز تقعدين معه وعشلن تتاكدين ياليت تسألين شيخ والله يسر امرررررررك يارب |
لحظة وداع الله يجزيك الف خير اخوي ويبعد عنك كل مكروه يارب
|
[CENTER]معقولة اختي 8 سنوات وانتوا متخاصمين ؟
والحين بس حسيتي بالتعب؟ اسمحيلي اقول انك غلطتي بشئين اولا انك سمحتي له يعيش بغرفة بروحه وثانيا لانك حطيتي كرامتك عائق لسعادتك الزوجية شوفي اختي الحين لازم ترجع الأمور لنصابها مو معقولة يكون زوجك عاجز وهو له علاقات مع غيرك يمكن هو ما يحس برغبة بك لانه زعلان منك وطبيعي يبخل عليك لانه يحس انك مقصرة معاه حتى لو هو ظالمك الحين الحل بيدك انسي الماضي وابدأي صفحة جديدة هو ما بيتغير فجأة وبيآخذ عنده وقت طويل شهور او سنين ولكن حاولي عشان سعادتك وعشان العيال لا تنامي بغرفتك من اليوم ورايح لا تنقلي اغراضك من اول يوم روحي له بلبس مثير وتعطري وتبخري وسرحي شعرك تسريحة حلوة وتكشخي ودقي عليه الباب واذا فتح ادخلي بدون كلمة وقولي انك حابة تنظفي الغرفة ورتبي بحركات اغراء وبعدين اجلسي جنبه واغريه وحاولي بكل الطرق انه يعاشرك سمعيه كلام حب تحسسيه المهم يصير اللي يصير كرري زيارتك الليلية لحد ما يتعود ويحب جياتك في هذه الفترة لا تعاتبيه ولا تلزميه باي شي تصرفي وكأنك عشيقة للفراش وبس لحد ما يتعلق فيك المرحلة الثانية انك تنتقلي بملابسك واغراضك لعنده وشوي شوي تحاولي تطلبي منه طلعات للعشا طبعا هذا بعد شهور من العلاقة الجديدة وشوي شوي طلبي سفرة بروحك بدون العيال ولا تنسي الدعاء مهم طول الفترة هذه وهو شوي شوي بيفضلك على البنات لا تضغطي عليه لترك العلاقات طنشي هو بنفسه بعد فترة بيقلل ولما تحسي انك ملكتي قلبه وحبك بقوة ابدأي بس بلطف ولا تزعلي زعلات طويلة يعني يوم يكفي واذا راضاك حتى لو بالتلميح ارضي وهو بيحبك بجد وبقوة اكثر لا تزعلي على انسان ما يحبك لانه ما في فايدة من الزعل وما يهمه انتظري لحد ما يحبك وتتأكدي منه وبيكون والمعاشرة الدائمة والطلعات الله يوفقك[/CENTER |
اختي الكريمة منبع الاحزان ... والله قصتج احزنتي .. بس في نفس الوقت حسستني بنوع من العصبية و الغضب عليج .. نعم عليج انتي ... انا ما افهم ليش اي حرمة في الدنيا ممكن تتحمل وضع مثل اللي انتي عايشة فيه .. لا تقولين عشان عيالي .. لانج لو فكرتي بطريقة منطقية شوي و فكري في مستقبل هالعيال بتلاقين ان الطلاق ممكن يكون احسن بوايد من انهم يتربون في هالجو اللي انتي عايشه فيه مع زوجج .. لان العيال بياخذون فكرة عامة عن الحياة و عن الزواج و عن العلاقات بين الناس بناء على اللي يشوفونه بينج و بين ابوهم ... بعدين مثل ما انتي عرفتي ان ريلج يخونج و سمعتيه يكلم هالبنات اللي تقولين عنهم .. فشو يضمنلج ان عيالج بعد ما يغرفون او يسمعون ابوهم يكلم غير امهم .. و مهما كانوا صغار فتجربة مثل هذي اكيد بتحطمهم نفسيا و بيتم تاثيرها في حياتهم و بيتعاملون مع زوجاتهم او ازواجهم في المستقبل بنفس الطريقة اللي شافوها منكم
انا ما اقولج اطلبي الطلاق .. بس اذا ما في اي مجال ان الوضع اللي بينكم يتغير ساعتها لا اله الا الله لازم تتطلقين و تبنين حياتج و حياة عيالج بعيد عن هالدمار النفسي اللي عايشين فيه الحين بس اول شي لازم تحاولين مع ريلج اذا شفتي في قلبج اي ذرة حب او مودة ناحيته .. لو حاسة انج ممكن تغفريله و تسامحينه لو تغير لازم تحاولين معاه . مافيها شي لو انتي بديتي و راضيتيه .. انا مو عارفة شو سبب الزعل اصلا .. بس لو تفكرين فيها شوي بتحصلين ان الله ما خلق الحرمة بهالطبيعة الانثوية الحنونه الا عشان تقدر تصبر و تتحمل و تكون هي منبع الرحمة في بيتها ... انا ما اقولج ذلي نفسج او الغي كرامتج لا طبعا .. بس حاولي تستوعبين ريلج و تساعدينه يطلع من الغلط اللي هو طايح فيه ... وصدقيني مهما كانت طباعه او اخلاقه سيئة لو انتي عرفتي كيف تتعاملين معاه عدل و كيف تحتوينه بمشاعرج هو في الاخر يوم بيحس بحبج بيتعدل وياج بعدين ياعزيزتي ... انتي تقولين هو يكلم غيرج .. انزين انتي شو تترين منه دام انكم زعلانين من سبع سنين و انتي في غرفة و هو في غرفة .. و مافي بينكم اي علاقة لانج مثل ما قلتي عايشة معاه عشان عيالج و بس .. شو تتوقعين منه في هالوضع غير انه يسوي علاقات غير شرعية .. خاصة انج قلتي انه مو دين و مايصلي ؟؟ اختي حاولي مرة ثانية مع زوجج .. ابدي انتي و حاولي شوي شوي ... ان شاء الله تنصلح الامور بينكم .. بس لو لا قدر الله ما توفقتي و استمر الوضع بينكم مثل ماهو .. اعتقد الانفصال في هالحالة بيكون احسن لج و له و لعيالكم قبل اي حد ثاني فكري و الله يهديج للي فيه الخير تحياتي |
لا حوالة ولا قوة الا بالله
الله يساعدج اختي والله مب عارفة شقول لج بس حاولي تصلحين بينج وبين زوجج اذا مب علشانج علشان عيالج واذا ما رضى انتي الا عليج حاولتي وخليها على الله يارب فرج همها وكربها بحق نبيك المصطفى |
اختىمنبع الاحزان00الله يبعد عنك الغم والهم ويرد لك زوجك0لكن لى عتاب ايا ان كان الرجل لايحتمل هجر زوجته له كل هذه السنين
وانت ازاى تحملت بعده كل الفتره دى حتى وان كنتى تعيشين معه فقط من اجل الاولاد فالافضل ان العلاقه كانت تاخذ شكل غير هذاعلى الاقل تعصمى زوجك وتعفيه لوجه الله0 ولا اجد كلام افضل من نصيحه الاخت ام الاسود000 فياليتك تطبقيها حرفيا واتمنى لكى كل السعاده |
ام الاسود = بنت الحب = لوف هيرت وفراشه ملونه الله يجزيكم الف خير ويجعله ان شاء الله في ميزان حسناتكم وينولكم اللي ببالكم يارب العالمين بس احب اقول لاختي ام الاسود انه زوجي بخيل من اول ماعرفته لانه اهله معروف عنهم ذا الشي وبعدين هو عمره ماطلعني معه بالسياره نتمشى ولا حتى مستشفى حتى لما يكونون عياله مرضى يقولي تصرفي دقي على هلك يجونك هذا واحنا متراضيين بعد واما اني انقل اغراضي واروح فهو ماراح يرضى بذا الشي لانه يوقل انه مو حلوه نكون بغرفه وحده وعندنا ولد مراهق وادري ذا بس عذر عشان يبعدني عنه وبالنسبه لشهوته فهو عاجز وكنت انام بجنبه وتخيلوا يمارس العاده السريه لحاله وبوجودي ولا انه يجيني مع اني مو مقصره معه من ناحية لبس وتكشخ وتعطر وماعلي قصور جمال وانا جربت من قبل اني انام بغرفته بس صدقيني ما تحملت يدخن على طول ريحة الغرفه كلها كتمة من الدخان وريحة الشراب وربي اقرف حتى من ريحته هو لانه ما يهتم بنظافته ولااذكر انه شرا عطر له دوم كنت انا اللي اهتم باموره ذي وبعد ماكان يتعطر عكسي انا احب العطر والتكشخ ابيكم تعرفون انه اللي تتكلمون عنه انسان مريض نفسيامو صاحي غير طبيعي اما بالنسبه لعلاقته فهو كان بعد يكلم حتى يوم كنا متراضيين الخيانه بدمه وتسلمون على الرد والله يريح بالكم
(إن شاء الله) تكتب كما هو موضح أمامك 00 |
إنا لله وإنا إليه راجعون ، ولا حول ولا قوة إلا بالله.
ما هذا الزوج؟ وما هذه الحياة؟ يعني لا يوجد عنده ولا ميزة ، كل كله سلبيات فهو لا يصلي ، ويشرب المحرمات ويخون زوجته ويهجرها لسنوات عدة ... الخ اكيد سيكون مريضا نفسيا ما دام مدمن على الشراب لأنه يذهب العقل. أختي الكريمة ليس لدي من حل لمثل هذا الزوج وفي التعامل معه سوى حلين فإما الدعاء له ومحاولة إصلاحه من خلال الدخول إلى نفسه اللوامة حيث تلجأين بعد الله إلى من تثقين في رجاحة عقله ويكون مقبولا لدى زوجك في نصحه ومرافقفته للضغط عليه حتى يتوب إلى ربه ويعود إلى رشده . كما يمكن لك أن تطلبي من أهلك أو أهله محاولة إصلاحه ، وتخبرينهم أنه يصعب عليك العيش مع مثل هذا الرجل الذي اجتمعت فيه صفات لا يقبلها أحد ، أو الطلاق خاصة أنه لا يصلي . تحياتي،،، |
الله يعينك اختي ويصبرك على مصابك
اختي دخلي احد من اهلك او اهله اللي يمون عليه ويكلمه |
الله يكون بعونك مدام اختي حاولتي تصلحينه وعجزتي شرع ربنا الطلاق خصوصا انك تقولين انه مايصلي وانتي تعرفين حكم تارك الصلاةواذا على العيال الله ارحم بهم منا وان شاءالله انهم مو ظايعين والله يكتبللك اللي فيه الخير ويرضيك فيه ويهدي زوجك وبامكنك اختي تاخذين بري احد المشائخ
(إن شاء الله) تكتب هكذا |
فرج الله همك يا اختى
الحل هو الطلاق ودام انك بعيد من سبع سنوات وانت متحمله المسؤوليه ماراح تحسين باي اختلاف |
السلام عليكم
تدرين يا اختي اني اقرأ مشكلتك وانا ابكي تدرين ليه ؟؟؟؟؟؟؟؟ لاني ضحية زعل امي وابوي لمدة 10 سنوات تضمنت طفولة ومراهقة ... وشوفيني الحين مليانة عقد شي قدرت اتخلص منة وشي الى الان ملازمني رغم ان عندي عيال يبيلهم ام سوية تربيهم زين ..... مع العلم ان لا امي ولا ابوي شينين بالعكس ابوي احسن واعظم رجال شفتة بحياتي يخاف الله فينا وبأمي رغم انه حتى ما يشوفها كل منهم بعالمة وبجناحة ما عمرنا قعدنا مع بعض ابد .. كان حتى مصروفها يرسلة لها مع اختي الكبيرة وبما اننا كبرنا وتربينا على هالشي على بالنا كذا الحياة الطبيعية و النتيجة : مع الاسف اختي الكبيرة فشلت بزواجها وتطلقت مع ان العيب من زوجها كان مدمن و دايما يضربها لدرجة انها اجهضت مرتين بس كانت صابرة لمدة 3 سنوا ت ولا قالت لاحد عشان ما ترجع لحياة البؤس اللي ببيتنا .. وانا الحين دايما خايفة ولاني قادرة اكون سعيدة بحياتي رغم اني احاول . ثقتي بنفسي ( صفر ) رغم معرفتي اني مو ناقصني شي ابد والحمد لله أما اخواني الاولاد فما نشوفهم ابد دايما برا البيت اذا عصب ابوي عليهم جو شوي وبس ينام ابوي هجو من البيت .... أمي انسانه كئيبة ما فية مرض الا جاها بس تهاوش وتنفر الناس من حولها حتى عيالها اقرب الناس لها والحين وحدتها ذابحتا حتى بوجودنا حولها ما تتحملنا لاننا سبب بصبرها على ابوي بزعمها وتضييع شبابها واحلى سنين عمرها علما بأننا كلنا ناس طبيعيين ولله الحمد محد فينا مدمن او مريض نفسيا مثل زوجك ................... أختى أنا قلت لك هالاحداث كلها عشان تسألين نفسك هل هذا وضع أو حياة طبيعية ؟؟؟؟؟؟؟؟ إلى متى بتضلين صابرة عشان العيال ؟؟؟ لو فكرتي زين راح تلاقين انة دام ما فية امل للصلح بأي وسيلة من الوسائل اللي ذكروها الاخوان فما لك الا ( حكم من أهلك وحكم من أهلة ) وانا واثقة ان اهلك مستحيل يرضون هالعيشة لبنتهم ... برأيي الحل هو ( الطلاق ) ولا تخافين على عيالك بما ان ابوهم بخيل ولاهم اكبر همة راح يتركلك اياهم .. ترا من مصلحتهم ( بالذات اذا عندك اطفال ) انهم يربون ببيئة طبيعية نوعا ما .. يشوفون قدامهم ناس يصلون ويعبدون ربي ... يطلعون ويغيرون جو .... و صدقيني ان زوجك بترغمة المجكمة على النفقة فلا تشيلين هم الفلوس .... وقبل لا تقدمين على اي خطوة صلي استخارة اكثر من مرة واحرصي على ان تكون في اوقات الاجابة و فكري بعقلك مش بقلبك وانا واثقة ان الله بيهديك للصواب ........... اسال الله انه يزيح عنك الهم ويجعل لك من كل ضيق مخرجا ويرزقك من حيث لا تحتسبين أختى طمنيني عليك بليز خبرينا شيصير معاك لان موضوعك من جد يهمنا .......... |
أنا هنا بس عشان أقووول الله يصيب كل فتاة وكل رجل خونة ...
ولا يخافون الله إن لم يهدهم ربي ..أن يصيبهم بهم ومرض لدرجة أنهم يتمنون الموووت ولا يجدونه ... ياناس يارجااااال يانسااااااااء يابنات ياشباب ...أنتم مو قد الأمانة والزواج الصحيح ..خليكم على حرامك والنار مثواكم وبئس المصير....بس حرااام اللي قاعدين نسمعه كل يووووم من خيانات والله كرهتونا بالعرس وبالرجال وبالنساء أيضا ؟.. فاتقوا الله .... والله يسخرلك ويصلح لك شأنك |
الله يفرج كربك وكرب كل مكروب يارب
استعيني بالله ياغالية والحي في الدعاء ليل نهار عسى الله ان يتوب عليه ويهديه |
أختي الكريمة ...
اقتباس:
اقتباس:
اقتباس:
أختاه ...بحثت بين سطورك ..علني أجد ميزة واحدة تجعلك تصبرين على ما أنت عليه فلم أجد ... فكيف تصبري وتقولي من أجل أولادي ... فماذا يعرف هو عن أولاده ؟ إذا كان لم يراعي حقوق الله فكيف تريدين منه أن يراعي حقوقك وحقوق أولاده ... فإما أنك ولشدة ما بك غفلت عن ذكر حسناته ...أو أنك تعشقينه على كل سيئاته لذلك صبرت كل تلك الفتره .. أختاه ...قلت أنك صبرت من أجل أولادك .. وأنا أقول لك إذا كان الأمر كما نقلت ..فسارعي وأنقلي زرعك من تلك التربة الفاسدة الى تربة أخرى صالحة ... لأن التربة الفاسدة قد تؤدي الى موت الزرع الذي تعبت عليه ...(من ناحية أخلاقيه ) أسأل الله لك ومن كل قلبي أن يرفع عنك ما أنت عليه ... ويعوض صبرك خيرا ... ويهدي أولادك الى ما فيه الخير والصلاح ... وينور قلب زوجك بنور الإيمان ... تحياتي .... أختك أم البنين |
الله يجزيكم الف خير كلن باسمه وربي اني عاجزه عن الشكر والله ييسر لكم اموركم واحب اقول للاخت اللي قالت اني احاول ادخل حد من الاهل بينه انه زوجي مايسمع لاي حد حتى امه وابوه يصرخ عليهم ويشتمهم ولاعنده احترام لا للكبير ولا للصغير اما هلي فالله يسامحهم مشغولين عني بحياتهم مع انهم يدرون بكل شي وشايفين وضعي معه عشان كذا انا قلت اتحمل العذاب واكون على الاقل ببيتي وبيت عيالي ولااني ارجع بيت ابوي ومعي عيالي مع اني مو محتاجه ماديا لاني موظفه واحب اقول لاختي ميني ماوس والله وانا اقرا اشوف كلماتك كني اشوف حياة عيالي مستقبلا وادعي ربي بان مايكون مصيرهم ضياع وعقد نفسيه لاني انا حنونه عليهم فوق ماتتصورين فانا لهم الاب والام والله يفرج كربة كل مؤمن
|
الله يعينك أختي ويصبرك على بلواك.
ليش الدنياصارت كذا كلهاقذاره ودنائه نفس حسبي الله ونعم الوكيل. |
فوز تسلمين على الرد وجزاك الله خير انا معك ان الدنيا صارت تخوف وغداره ومالها امان الله يكون بالعون بس والله يحفظ عيالنا ويكافيهم شر هالدنيا
|
اقتباس:
توقيعك..مس جرحي القديم النازف ابد الدهر اللهم اغفر لوالدتها ووالدتي وجميع المسلمين |
اقتباس:
لا املك سوي الدعاء لك بالصبر...وله بالصلاح |
يا اختي هو مريض نفسيا وهو بحاجه ماسه لك وصدقيني انه ليس فرحان بما هو عليه صدقيني قفي جمبه وتحملي كل شي وكوني طبيبته والله انه بأمس الحاجه لك وسوف يشكرك بيوم من الايام وسوف يحتاجك بيوم من الايام ويبكي بين ذراعيكي والله يهدي بأقرب وقت ويارب يسعدكم دنيا واخره يارب
|
مابيدي شي اقوله الاخوه والاخوات ماقصرو
لا كن مااقدر اقولك عليك بالاستغفار والدعاء وطرق ابواب السماء والناس نيام ماخاب طلابه اسال الله ان يفرج عنك ويجعله كل هذا في موازين حسناتك ولا تجزعي لان الله اذا احب عبدا ابتلاه |
عندي سؤال واحد ...
زوجك مافيه ولا ميزه؟؟؟؟ ولا ميزه واحده؟؟؟؟؟؟ أجيبيني وسوف أجيبك يا غاليه... الله يخفف عنك.. ويحنن قلب زوجك عليك.. |
الله يجزيكم الف خير كلن باسمه وبالنسبه لمميزاته فهو ماعنده غير ميزه وحده ويمكن يشوفها البعض انها مو مميزه بل العكس وهي انه مخليني على راحتي اروح واجي واطلع بدون ما يسئلني ولا يحاسبني يعني اهماله لي من ذي الناحيه لانه بعض صديقاتي يشتكون من تسلط زوجهم عليهم واقسم بالله انه مافيه ميزه غيرها
|
خليكى معاام الاسود وبت الحب ولاتسيبى جهد والتجديد والدلع والتدليع وربنا يهديه
|
مالي اختي الا ادعيلك الله يفرج همك ويسر امرك وعليك بالدعاء ثم الدعاء
|
مرحبا
طيب مدام انج مب راضيه تاخذين ولا حل من الحلول اللي انعرضت لج ومصره على رايج.........ليش عرضتي المشكله من الاساس صدقيني مهما كان الريال سيء تقدر الزوجه تغيره اذا هو تربي على اشياء خطا...........لا تووقعين بتصلحينه بين يوم وليله او بين سنه او سنتين ........اصبري ولج الاجر يا اخاي على الاقل عشان عيالج شو ذنبهم يعيشون مع اهل كل واحد بصوب حببي زوجج فيج نسيه الدنيا حاولى وحاول اكيد بتعبين بالبدايه بس بعد حاولى الين توصلين لمرادج وفكرى بعيالج ترى مالهم ذنب ولا انتي لج ذنب تعيشين بالقهر وبالمر هالسنين كلها ...........سعادتج بايدج عيشي طبيعيه عشان عيالج على الافل والسموحة |
الله يفرج همك ويسر امرك وعليك بالدعاء اسأل الله العظيم رب العرش الكريم ان يعظم اجركى وان يعوضكى في ابنائكى خير وبشرالصابرين
|
الله يجزيكم خير وربي ييسر لكم اموركم وبالنسبه اختي عروس بالاسم احب اقولك اختي اني مارفضت الحلول بالعكس انا الحل اللي احس انه ينسابني صدقيني بسويه بدون تردد وانا ما رفضت الا حل الطلاق عشان العيال اما باقي الحلول ومنها ردك صدقيني بنفذها بس خايفه من ردة فعله مثل ماانتي عارفه انه فترة الزعل بينا 7 سنوات يعني ماهي فتره بسيطه عشان كذا اشوف اني لو انا بادرت بحس وقتها اني اهنت نفسي وكرامتي يعني يبي لي وقت واما بالنسبه للاخ الي اقل انه يبي له دلع وجهد فصدقني اني كنت مدلعته عشان كذا اهلي يلوموني اني دلعته من البدايه وعاملته على انه طفل مع انه شايب وانا اصغر منه لدرجة اني حتى اظافره انا اللي ارتبها له والحركات كنت ماخلي حركه الا اسويها له وكنت احط البخور والعود والاطياب وكان يهاوشني بحجة انه ما يحب العطور والاطياب لانها تجيب له الحساسيه والله اني ما قصرت معاه بشي بس صدق اللي قال لي انه بعض الرجاجيل ما ينعطون وجه واولهم زوجي والله يبعد عنكم كل مكروه يارب
يرجى منك أختي الفاضلة ترك رساله في عالم الرسائل الخاصة بإسم (ريم المدينة)00 |
أختي الحبيبة ............كلنا تأثر كثيرا لقصتك .............. والكثير نظر إليها من زاوية واحدة وهي المعاشرة ............ ولكن حاجتك ليست المعاشرة فقط وإن كانت تلح عليك
أنت بحاجة للأمان والذي تفتقدينه ولن تحصلي عليه مع زوج لايصلي وأعتقد أنك تعلمين حرمة البقاء مع زوج لايصلي فكيف بمعاقر الخمور وسيء الأخلاق أنت برسالتك أخيتي وكأنك تريدين منا التأييد لفكرة الانفصال اعلمي أنه أسلم لك ولأبنائك.......... فاستخيري الله وأقدمي مع علمي بأن ابنك يرفض فكرة الانفصال ولكن لاحل سواه بما أنك تستطيعين إعالة أبنائك وفقك الله وسدد خطاك |
اختي العزيزه ..
الحل الوحيد هو الطلااااق .. وانتي لا تريدين هذا الحل .. لو انج اطلقتي من هذا الرجل .. هل سيقووم بأخذ اطفاالج منج ؟؟؟ اكيد لاااا لأنه وكما وصفتي انساان غير متحمل مسؤولية حد .. كيف استطعتي ان تصبري كل هذه المده الطويله ؟؟ والله اني اعجب لامركم يا نساااء .. واحياانا اشفق على تفكيركم ؟؟ حتى الان واغلب الحريم مايفكروون الا بالرجل ؟؟ لوكان غلطان .. لو داس على كرامتهم .. بس المهم انهن عايشاات مع رجل ؟؟ لييييييييييييييييييييييييييييش ؟؟؟ والا متىىىىىىىىىىىى الحل بيدك انتي .... ماذا تريد من حلوول؟؟ وانتي جربتي كل شي ؟؟ لا يووجد الا الطلااق .. والله العتب على الاخواات اللي يقولن روحي له وادلعي له ؟؟ اطلبي الرحمه من الله اذا ماتبين الطلااق .. |
اختي هيفاء وشذى الله يجزيكم الف خير على الرد بس الطلاق مثل ماقلت صعب عشان عيالي وخاصه ولدي الكبير لانه رافض تماما وكلامه لي يتردد علي لماافكر بالطلاق اخاف اخسر عيالي عشان انانيتي اني ابي ارتاح من القهر والظلم الي عيشني ابوهم اياه من اخذته للحين مااذكر اني شفت يوم حلو معه بعدين بيتي اريح لي ولعيالي من بيت اهلي مع انه اهلي ما يقصرون معي في شي بس تدرون راحة المراءه في بيتها وحتى لو كان ذا البيت جحيمها عشان عيالي ياخذون راحتهم اكثر في بيتهم وحتى لو البيت بيتم لي وعيالي بعد الطلاق فمستحيل اهلي بيرضون اعيش ببيت لحالي وانا مطلقه يعني بنجبر اعيش معهم انا وعيالي والله محتاااااااااااااااااااااااااااااااااره ابي الطلاق وماابيه
|
أختي الكريمة يمكنك كتابة الرسالة الخاصة للمشرفة ريم المدينة على هذا الرابط
http://www.66n.com/forums/forumdispl...sprune=30&f=29 والأفضل أن يكون عنوان الرسالة " إلى ريم المدينة" ادخلي على أضف موضوع واكتبي رسالتك. |
رساله الى منبع الاحزان
اختى العزيزه منبع الاحزان قصته اثره بي كثيرا جدا ولماذا لانها قريبه من قصتي فأنا زوجي لم يقربني لمدة ثلاث سنوات والحين انا في الرابعه بيننا ابنه اختي تخلل هذا السنوات العجاف زعل وقعت في بيت اهلي لمده سنتين وقصتى عرضتها في المنتدى وحصلت الردود عليها ولكن يا اختى انتى عرفتي عن زوجك شي يعنى يمارس العاده السريه او انه عاجز انا الا اعرف هل هوه عاجز او يمارس او متعقد او انه شاذجنسي بحيث رايت في غرفته افلام اباحيه للجنسين لذلك حكمت عنه شاذ لا اعرف سوف اجن ولكن الله مصبرني لا اعرف صدقينى الاحظ عليه انه يحب اصدقاءه جدا وهم اصغر عنه سننا والاحظ انه ياتون الى بيته ويجلسون في غرفته التى ينام فيها لمده سعتين او ثلاث وياتون في منتصف الليل واجهته وصارت مشكله كبيره وقلتله هل انت تحب الرجال قال لي هل انت مجنونه انا عندي خوات ما كان خايف وكانت ردوده مثل الجلاد الذي يجلد اعترف انى ضعيفه الشخصيه عنده بس لسانه سليط وايد لا اعرف لماذا لا يقربني اقري قصتى وسوف ترينها في المنتدي اختي انا زوجي الحمد الله يصلي بس متقطع ذهب الى العمره يخاف الله ليس له علاقات يكره النساء ولذلك كونت عنه هذيه الفكره اختي زوجي يهتم بنفسه جدا كريم على غيره وليس بخيل تسألينى انه يحبني لا اعرف لما يصير لبيني وبينه مشاكل يقول لي انا لا احبك واحلف بالقران اني لا احبك اقول له لماذا ما تطلقني يقول تبين انتى اشتكي روحي المحكمه انتى يريد انا اطلب الطلاق لماذا لا اعرف مرات الله يهديه يعاملني زين بس انى احس انه يحبني ما اعرف يمارس العاده السريه الاحظ كثير من المحارف في غرفته مرتميه على الارض اختي انا احبه وايد وكثيرا اساعده في اعطيه من الاموال ما يحتاج اذا كان عندي اذا لم يكن نعم لا يصرف بس اخذله العذر راتيه قليل وعليه دين اختي اوده كثيرا اهله مستغربين لماذا انا صابره على هذا الوضع هل يكلمون ابنهم الله اعلم بس اخته الكبري تقول لى لماذا صابره اطلبي الطلاق نفس الشي امه اقول لهم انه ابنكم انتم قولوا له ان يطلق والطلاق ليس بيدي انه نفس الشئ الكل يريدني انا التى اتخذ الخطوه في مبادرتي في طلب الطلاق !!!!! اخت تسالين عن اهلي لا يعلمون بشئ ابدا تعرفين ليش عشان ما يطلقوني لاني بصعوبه رجعوني له بعد الاهماله لى ولابنتي طلبت الله كثيرا حتى ارجع اختى تسالين هل مشاكل بين امه وابيه آهههههههههه نعم كثيرا متطلقين منذ زمن وعايشين في نفس البيت بس هو في مكان وهي في مكان بس المشاكل دائره اختي قراري الاخير يمكن انا ظالمتنه او هو شك وأزيدك علما انه يسهر كثيرا لصباح ويذهب الى غرفته بعد ان يعود انا جالسه انتظره بدون مايحس حتى يعود ثم اظمأن عليه اذهب انام انظري يا اختي هذه حياتي والحمد الله .. بس بفضل الله الآن ادخل الله السكينه في قلبي بعد ان تواصلت مع ربي وأقرا القرآن والحمد الله واصلي في كل سجده اطلب من الله ما احتاجه انا ميقنه انه الله سوف يهديه ان شاء الله .
اختي انا زوجي لا يشرب والحمدالله الدخان لا يقربها خجول كثيرا مؤدب مع الناس ومع الكبار سن يساعد اصدقاءه الصغار بالمال حتى لو ما اعنده . احبه نعم احبه كثيرا كثيرا وصابره انه الله مع الصابرين بسم الله الرحمن الرحيم ( قل يا عبادي الذي اسرفوا على انفسهم لا تقنطوا من رحمه الله ) |
الله يجزاك خير الصبر زين والمحاولة ازين لا تصيرين عجوله ترى الله مع الصابرين
|
سبحان الله
كيف انقلبت الموازين ؟؟ كل المصائب تهون إلا مصيبة المرء في دينة أختي الكريمة أب لا يصلي أفتك بالأبناء من أب مطلق ثقي بهذا الأمر ثم تتضايق كثير من الزوجات من أزواج لا يأوون لفرشهم ويتقلبون مع شهولتهم وهو لم يصلي الدهر ؟؟؟؟ آسفني وأغضبني كثيرا ما آلت إليه حالنا ،، نتردد من أجل الأبناء ونحن نعني أنفسنا وصورتنا أمام الناس ؟؟ تتفلت مني العبارات ،،، لكن اطلبي الطلاق فهو زلزال مدمر لنفسية أطفالك ودينهم أو على الأقل انفصلي بأبناءك ( بيت مستقل ) حتى يرجع لكن سكوتك أمر لا يحتمل عذرا على قسوتي أسأل الله الكريم الرحيم أن يتجاوز عنا ويصلح أمر المسلمين آمييييييييييييييييييين والسلام |
السلام عليكم
اختي صدقيني عن تجربة اتركية و انفري بجلدك انت عايشة وضع مهين محد يقبلة على نفسة و ايش ما كان اهمال اهلك اهون من هالوضع . لا تكونين سبب حرقة قلب لعيالك ترا كسر الخواطر شين و يدوووووووم طول العمر . بعدين دام عندك ولد رجال وعلى ما قلت محد سأل فيكم لية ما تطلعون بشقة لحاللكم وتستقرون وتسعدون بالذات انك موظفة منت محتاجة احد . اختي احنا ايش ما كنا متفاعلين معك نضل قرآء لمشكلتك ونتخيلها ونطرح لك الحلول كل واحد حسب خبرتة المتواضعة ...بس صدقيني ( ما خاب من استخار الله ) صلي بالليل وادعي الله و هو الحيد المطلع على سرك ونجواك وبيسر لك امرك .... بعدين معقول ما عندك حتى زميلة مقربة ممكن تتكلمين معاها وتشوفين رايها يمكن تكون مطلعة على وضعك عن قرب وتشوب مدخل لقلب زوجك أو حسنة انت ما شايفتها او متجاهلتها بسبب كرهك لزوجك . الله ييسر لك الخير وين ما كان ............لا تنسينا من صالح دعائك |
لية ما تطلعون بشقة لحاللكم وتستقرون وتسعدون بالذات انك موظفة منت محتاجة احد .
|
تسلمون على الردود واهتمامكم بمشكلتي وربي يجزيكم خير كلن باسمه اما اني اطلع بشقه لحالي مع العيال فذا الشي غير مسموح عند نا وخاصه اني بكون مطلقه اما اختي مزون فاقولك الله يعينك وصبرك على بلواك اختي احمدي ربك لان زوجك فيه نقاط حسنه وله محاسن بعدين لاتتسرعين بالحكم عليه وتظلمينه وكونه يشوف افلام شذوذ مو معناته انه شاذ حتى زوجي يشوف افلام اباحيه من كل نوع صدقيني انه لو ما يحبك كان طلقك بمجرد ما طلبتي منه الطلاق بس يمكن هو مغرور ويكابر تقربي منه خليك اقرب له من اصدقائه وتوددي له عسى انه يرد لك احسن من قبل ويهديه ربي لك الله ييسر لك امورك ويهدي لك زوجك والحمد لله انك تحبينه لانه ذا الشي كافي لانك تغيرينه وتصبرين عليه اما فلااااا انا اكرهه واتمنى الموت على اني اعيش يوم واحد بالبيت معه مع اني مااشوفه ولا اكلمه بس وجودي معه يضايقني لاني كل لحظه اشوف حراته وظلمه لي ومااقول غير الله يسعدكم ويريح بالكم وان شاء الله ينولكم اللي ببالكم
|
| الساعة الآن 04:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©