|
كنت خايفة ما يرجع وما رجع
تحية طيبة لكل العضوات والاعضاء
كما تعرفون قصتي سابقا عن موضوع المقابلة وخوفي من هالشئ مرت 10 ايام على المقابلة ولم يرد الخاطب الى يومنا هذا هو سالني كم تعطيني افكر اسبوع ، فقلت له خذ وقتك فهذا من حقي ومن حقك ان نفكر ، فانا تركت له المجال مفتوح ليفكر اخواتي يقولون اللي صار غلط المفروض انك انتي اللي تفكري وتردي مو هو اللي يقول بفكر وبرد ، خواتي يحسسوني باني مهانة وقالوها لي صراحة . تقول اختي اهانه للبنت انها تنتظر الرد واكيد هو ما كان يبغيج بس استحي يقول في نفس الوقت فقاعد يماطل وقال انه بيفكر ، تقول اختي شكله بشوف بنات غير واذا ما عجبوه يمكن يرجع لج ( ليش يعني انا فضلات ):( وانا منقهرة من تصرفه جدا كل اللي اعرفه البنت هي اللي تقرر بعد وترد ، انا تركت له المجال لانه هو اللي طلب انه يفكر وانا راعيت ظروفه قلت يمكن يحتاج وقت يفكر عشان هو توه منفصل عن خطيبته من 5 اشهر قلت يمكن تعقد ويبي له وقت . اهلي يلوموني يقولون يمكن لانج كنتي صريحة وواضحة معاه وعلى نياتج ويمكن اعتبرج جريئة لانج قلتي له عن كل شئ يتعلق فيج من عيوب والرجال ما يبي لهم الصراحة :29: بصراحة انا مضايقة مو عشان اني ابيه انا ما اعرفه ولا تعلقت فيه لكن ابي رد بسرعة سواء بالرفض او القبول مو اظل حايرة مو عارفة مصيري وعزة نفسي ما تسمح لي اتصل باخته اقول لها عن هالموضوع واهلي رافضين هالشئ بعد . علموني يا ناس هل الكل يطول جذي وياخذ وقت على ما يفكر والله احسه بيحل قضية الشرق الاوسط مو يفكر يتزوج والا اعتبر سكوته رفض وخلاص والا وش رايكم اعطيه مهلة بعد واذا ما رد اعتبر الموضوع منتهي محتاجة تعليقكم على هالموضوع رحمتك يا رب |
اقولك اختي.. بصراحة اللي اعرفه انه لما يكون الشاب مقتنع من البنت بالكثير بالكثير اسبوع ويرد خبر عن البنت إذا هو كان يبيها..
وإذا كان مو مقتنع احيانا بعض الشباب يسكتون وبعضهم يخلون أهاليهم انهم يردون بأنه ما في نصيب.. وعن تجربتي الخاصة تقدموا لي ناس كثيرين قبل زوجي وكان الواحد منهم قبل ما يطلع يسألني عن متى بعطيه الرد.. وهذا يعني الموافقة من جانبهم.. واعذريني ما مريت بموقف انه شاب ما رد علي بعد المقابلة وإلا كان عطيتك الرد الأكيد..... واتمنى اكون ساعدتك اختي.. |
يعني افهم من هذا انه مو موافق علي ويبي يشوار عقله اول وانه فعلا مثل ما قالوا خواتي ما كان حاب يحرجني فقال بفكر
وهو حتى ما سالني متى برد عليه يعني مو موافق علي هو تكلم بس عن نفسه وقال بفكر مع اني كلش كنت عادي معاه ولا ميتة عليه وابيه ولا كنت يعني موافقه بالعكس بروحي ابي افكر واخذ وقتي بعد ووضحت له هالشئ هو مخليني في موقف محرج والكل ينتظر ويطالعني |
ياأختي ليالي
بصراحه شباب هالأيام مامنهم أمان. اذاقدرتي كلميه اواحدمن اهلك يكلمه ويقوله اذاماتبي البنت ترى غيرك يبيهاوش فيك تأخرت في الرد.وروه العين الحمرا على باله بنات الناس لعبه. وحتى اذاماصارنصيب لاتزعلين ولايتكدرخاطرك وأخواتك مايقصدون اهانتك مستحيل اخت ترضى لأختهاالشئ هذابس هم مقهورين علشانك. الله يكتب لك اللي فيه الخير ويرزقك واحداحسن منه. أختك:فوووووووز |
لو يبك هو يكلم
ممكن تكلمونه ويفكر انكم تطاردون وراه ويتغلى |
طبعا من رأيى لا تكلميه واذا كان يريدك فعلا سيتكلم ولكن اعلمى اختى ان الخيرة فيما اختاره الله واكيد الله سيرزقك بالشخص اللى يستاهلك .يا اختى اتركى الامور لربك ونصيبك سيأتى اكيد عاجلا ام اجلا ولكن لا تستعجليه ....فكل شىء مكتوب ومقدر عند الله ,الله يوفقك ويرزقك بخيرة الناس ان شاء الله
اختك بنت حيرانه |
الله ييسر لك لمرك
يالغاليه ويخيرك الخيره المباركه استخيري وادعي وبالتوفيق |
في هالفترة انصحج اخيتي بالاستخارة كثري منها واذا فيه الخير ربي بيعجله لج واذا فيه الشر ربي بيبعده عنج
ولاتفكرين وايد خلي الموضوع يمشي بروحه واللي فالجدر بيطلعه الملاس ، الخبر اليوم بفلوس بكره ببلاش :) مدامج صبرتي اسبوع هانت الايام الباقي . . . |
انا راضية بالنصيب والقضاء والقدر
بس هالتصرفات تتعب النفسية الله كريم |
باريي لا تفكري بالموضوع واتركي امرك لرب العالمين .. وبالنسبة للشاب خليه يرد متى ماشاء سواء بالرفض او بالقبول وحتى اذا رفض ولا يهمك ابدا الى فيه الخير ربنا يرزقك بيه ..
واذا مثلا تم القبول انتي بعد قولي انك محتاجة وقت اكثر حتى تفكري وفكري وخليه هو ينتظر كمان شوية لحد مانتي تقرري فهمتي قصدي حبيبتي وربنا يكتبلك الى فيه الخير ان شاء الله |
اختي ليالي الولد ينطق خليه يولي ولا تشغلين بالك له ارجال هو الي يسال متى الرد منكم مو اهو على كيفه شلخرابيط انتي بنت فاهمه ماشالله عليك انتبهي حق الي تسوينه ........خلي الامور تمشي كما هي وانتي وسعي الصدرك ومحله الف رجال والله الرزاق ولا تهتمين فيه واذا جاك قوليله افكر خليه يحس انك مو الي على كيفه متى جيت...... نقعيه اشوي
خليه يحس بحراره الصبر وانه موخربيط تاخير هذا الشي هذااذا حس بعديين يصير خير...............كلامي كثير بس ماحبيت اطول وان شالله فهمتي قصدي..........تحياتي |
خلالالالالالالالالالالالالاص انا من رأي تنسي الموضوع لانه ترى اذا من بدايتها وهو شايف نفسه عاد كيف بعدين صراجة حركته جدا غبية مافي رجال هو الا يفكر البنت الا تفكر وغير كذا بنات الناس مو لعبه يتفرج عليهم وبعدين يقول افكر ايش قلت الادب هذي لا تخافي لو ما كان من نصيبك حجيله حرمه واهل حرمة يطلعوا عينه وانا من رأيييييييييي انسي ولا كانه احد خطبك ولو اتصل بعدين قولي والله ما في نصيب في ناس اتقدموا والله ترى علشان كرامتك ونفسيتك مو بعدين لمن تتزوجر يقول والله ما كنت ابغاكي بس خلاص النصيب او من هذا الكلام الجارح ترى الرجال مالللللللللللللللللللللللللللللللللللللللللللهم امااااااااااااااااااااااااان والله وشكله مرة شايف نفسه
الله يرزقك بالاحسن منه |
اقتباس:
كلام صحيح اعملي به.. والله يوفقك ويكتب اللي فيه الخير لك.. |
شي يقهر والله :(
خلاص يا حلوة ..سيبيها على رب العالمين بس انا صدق مستغربة ليش يقولك بفكر المفروض إنتي تفكرين على العموم لا تشيلين هم واللي فيه الخيروالله رايده راح يصير غصبن عن الكل الله يعينك ويوفقك ... بس بصراحة أحس 88% من الشباب طاحوا من عيني خلاص :( |
الله يقدم اللي فيه الخير
وفعلا الحركة مو حلوة ابدا وتحز في النفس والشئ مضايق الاهل كلهم مو عاجبنا ابدااا انا عن نفسي مو مهتمة ابدا بالموضوع بس اللي يقهر الانتظار وعدم الرد الله المستعان |
انسي الموضوع كله ولا تسمحي لاخواتك في التحدث فيه لانه سوف يؤثر سلبا على نفسيتك
والله يوفقك ويبعث لك الزوج الصالح |
اختي ليالي
انا اقولها لك اذا الشاب يريد ان يراك من جديد سوف يتصل واذا كاتب نصيب سوف يرجع انت توكلي على الله ولا تهتمي كما قال الاخوان بل بلعكس حسسي اخوتك انك لست مهمتمه والله اعرف ان هذا شعور صعب تتوه النفس باي اجابه اقنع حالي يرجع او لا وافق او لا افكار كثيرة انا مريت بنفس التجربه بهذه الايام ولكن قلت كما قلتي بدون ان اجلس مع الشب ولكن البارحه اتصل الشب واتا هو واهله والله ارتحت وان شاء الله خير مع اني خائفه واختي الغاليه انت انسانه حساسه وصريحه وواضح من كلامك انك واعيه وصادقه كما انت ابقي ولا تتغيري ووضعي بعرض الحائط كلام الناس او اخوتك لاني هذه البارحه سمعت كلام من خالتي وجدتي ما يكفي عن العريس لم يذموه بلعكس ولكن هناك نفوس بشريه لا تدري ماذا تفعل والله نفسي اجد دواء للذين يتفلسفون واتركيها الى الله وافعلي بما يرضيه عليكي نفسك وضميرك يا غاليه المحبه عنفون الحياه الله يوفقك ويكتب لك الخير كله واحمدي ربك على كل شيء |
الله يكتب لك اللي فيه الخير
|
يا اختي انسيه و لا تتعبين راسك في التفكير فيه ....
اذا كان فيه نصيب بياخذك و ان ما كان فيه نصيب .. الله يعوضك خير منه |
والله يا جماعة انا ما تفرق عندي لو ما قبلني كل اللي مضايقني اني ابغي القلق ينتهي يا رد بالايجاب او الرفض
وعيب على رجال هالزمن يخلون الوحدة ويتركونها بدون رد والله حالة |
اقتباس:
والله اني حاسه فيك لأني مريت بالتجربه هذي كثير ... مو مره ولا مرتين ولا ثلاث ولا اربع كثيييييييييير ... وياقلبي لاتحزن .... عزيزتي مافي كلمه ممكن اقولها لك ممكن تخفف عنك ... لأنه مانفع معي ولا كلمه سمعتها ولا خفف جرحي اي كلمه .... واذا انتي خليجيه ... اذا ماوصلك رد بالقبول خلال ثلاث ايام بالكثير او اسبوع نادرا .. اعرفي انه مافي نصيب وبيرزقك الله احسن منه .... الناس ماترد خبر للبنت انه مافي نصيب .. ... يسكتون عن الموضوع ويعرفون الأهل انه مافي نصيب .... هذا المتعارف عليه يعني ..... انامره وحده اعتذروااللي خطبوني لأهلي لأنهم يعرفون وحده من قرايبنا من بعيد ... طلبوا منها توصل الخبر لأمي انه مافي نصيب ..... وياليتهم سكتوا ماله داعي يعتذرون انا فهمت من نفسي انه مافي نصصيب .... ازعجتك بقصتي اسفه .... ادعي الله انها ماتتكرر معك والخاطب الجاي بأذن الله هو نصيبك ..... وموفقه يارب |
والله يا لولو هذا شئ يحز في النفس بس انا افضل اني يجي الرد اياً كان عشان ارتاح نفسيا بدل ما اظل معلقة
والكل يهمس ويتكلم ويجرح ويعطيج كم كلمة تسم البدن وتجريح ماله اول واخر ويحطون في الوحدة العيب وما يقولون ان هذا قسمة ونصيب لا يقولون انتي ما عجبيته واكيد يدور على وحدة احلى واجمل ومن هالكلام الله المستعان |
لاتهتمي لكلام الناس انت خليك واثقه في نفسك وكل شي قسمه ونصيب واللي ربنا كاتبه بيصير وقولي لهم اصلا انا ماارتحت له توكلي على ربنا والارزاق بيد الله
وتذكري قول الله تعالى ( وعسى ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لاتعلمون) لو كان فيه خير لك بيرجع وان ماكان فيه خيرلك ربنا بيصرفه عنك لو جاك خاطب ثاني في هذه الفتره لاتتردي ابدا طالما الشخص الاول مارد لك خبر |
لا تفكري في الموضوع حبيبتي
حياتج ماراح تتوقف على حساب شخص انتي في الف من يتمناج هالزمن الواحد يدور له وحده اخلاقها عاليه وهذا اهم شي والله يكتب لج نصيب مع واحد احسن منه |
والله يا اخواتي محد يهون علي غيركم ، انتوا تحنون علي بالكلام اكثر من اهلي
اختي لحد البارحة تقول خليتونا نرتب البيت ونجهز المكان ونشتري احسن الاشياء واخرتها يهرب هذا كلام بالله وتقول حق امي ، امي طبعا مضايقة لانه ما رجع ، يعني تبينه ياخذ بنتج غصب ما عجبته ، تقول اسبوعين وما رد عليكم ولا برد لان الشئ ما عجبه كلام جارح طول الوقت الله يساعدني ويصبرني محسسيني بالذنب وكاني انا اللي خليته يروح وما يرجع ما يقولون هذا قسمة ونصيب |
هلا الغاليه ...
مايهمك من كلام اختك ... ويارب ربي يعوضك الا احسن منه يارب وافضل .. في انتظار اخبارك غاليتي |
مايهمك خير ان شاء الله تلقي نصيبك مخبئ
واي احد يلومك علشان شكل او انه العريس راح يدور اجمل قولي له انا ايش ذنبي مش انا اللي خلقت نفسي ولا كان سويت نفسي احلى وحده خلقت الله ماحد يتكلم فيها ولو كان هو راح يدور اجمل راح يجي اللي يشوفك ملكة جمال العالم والله انا ياختي ماكنت اتوقع احد يخطبني يعني كنت فاقدة الامل تماما لاني كبرت في العمر عديت ال25 والله توقعت اني اعنس واقلمت نفسي على هذا الشي لاني بصراحة ماعندي مقومات الجمال المطلوب من بياض وجسم ووعيون الحمد الله مقبولة وناس يقولوا جذابة بس مافيني المقومات زي اللي يطلبها اي شاب يبغى يخطب المهم ربك سهلي لحدي نصيبي والله ماكنت متوقعته ولا متخيلته والحمد الله الف مليون مرة وربنا باذن الله يسهل لك انصحك اقري سورة المعارج في الفجر والذاريات في المغرب كل يوم ويوم الجمعة سورة الواقعة وادعي ربنا يسهل لك الشاب اللي يحبك آآآآآآآآآآآآآمين يارب |
الله يوفقنا ويوفقكم ويسعدنا جميعا
وان شاء الله بفضل الله يتحقق كل اللي في قلوبنا امي مضايقة يا احبابي وتقول مرة ثانية ما برضى احد يقابلج في البيت ابدا ولا تبي احد يجي مقابلات بعد تقول وش الفايدة يجي الواحد عندنا ويقعد ويسولف ويتفرج عليج وبعدين ما تعجبيه وما يرجع انا ما ابي في بيتي هالمسخرة |
حبيبتي لا تسءلي عليه ولا تعبريه لو يبيك رح يكلمك المهم انو انتي لا تعلقي حلك بيه
وادا ماصار نصيب الله يعوضك ترى الارزاق بيد الله |
| الساعة الآن 12:38 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©