ان لم ارجع للبيت سيطلقني يوم السبت
 

السلام عليكم ورحمه الله وبركاته
اخواني واخواتي انا قبل شهرين تقريبا كتبت موضوعي وجاتني ردود الاخوان
والاخوات ولكن انا الحين صارت معي تطورات كثيره بس مو مفرحه وهي ....
اني انا وزوجي تطلقنا طلقتين وهذا الشي صار بسبب وهو اني انا وهو لنا فتره بس نتضارب وهو على طوول ايد طويله وانا كم مره جيت بيت اهلي بسبب هل موضوعوهو على نفس الحال ابوي تدخل اكثر من مره بس نفس الشي وانا بصراحه طلعت ويمكن طلعتي غلط بطريقتها لاني خليت اخوي يمر علي وياخذني وحتى هو مايدري زوجي وحتى اخوي مايدري اننا متضاربين بس انا الي قهرني انه اتصال على امي ويقولها عيووب والله انها مو فيني وبعدين اتصل ونا مخليها جووالي مغلق بس تجيني رسايل (هذي خدمه بلجوال) وارسلي رساله انه بلمستشفى وبعدين انا رديت عليه ويوم كلمني طلب مني اسامحه وقلي مايصير خاطرك الا طيب بس المشكله انه مايبي يطلع ويسلم على ابوي مع العلم انه ابوي كان جاي من السفر من اسبوع ولا رضى يجيله يقوولي ابوكي جاي من جهاد يعني وخلاص اكتفا انه شافه بعزاء عندنا طبعا هذا يوم مانا جيت عند اهلي والحين هو رافض يجي عند اهلي يقولي انتي ترجعي البيت طبعا هل كلام يوصلني عن طريق الرسايل بسببهل خدمه الي انا منزلتهاوكلم ابوي امس ويقوله اذا مارجعت بنتك البيت الين يوم السبت انا بنزل المحكمه واطلقها وانا والله ماعاد في قلبي اي معزه له بسبب هل افعال بس خايفه اندم بعدين
عشان كيذا ابي اعرف رايكم في مشكلتي وياريت تنصحووني لو كنت غلطانه واسفه على الايطاله واسفهلو غلط بلكلامات اختكم كيدتهم






مراعاه كتابه الموضوع بلون يقراببب باركا لله بيك ،،، ام اثير

بسم الله الرحمن الرحيم

أختي في الله نصيحتي لك أن تستخيري الله قدر استطاعتك...

فرج الله همك ووفقك لما فيه خير....


دمتي بود...

عن أنس بن مالك عن النبي صلى الله عليه وسلم: أن رجلا خرجَ وأمر امرأته أن لا تخرُج

من بيتِها وكان أبوها في أسفلِ الدار وكانت في أعلاهَا فمرض أبوها فأرسلت إلى النبي

صلى الله عليه وسلم فذكرت له ذلك فقال: ( أطيعي زوجك ) فمات أبوها

فأرسلت إلى النبي صلى الله عليه وسلم فقَال: ( أطيعي زوجك ) فأرسل إليها النبي صلى

الله عليه وسلم إن الله غفرَ لأبيها بطاعتِها لزوجِها ( المعجم الأوسط )

--

خروجك من بيتك لمشكلة بينك وبين زوجك لا يجوز وذنب حتى لو طلقط زوجك فعدتك عنده

فما بالك بمشكلة تخرجين ..فبيت الزوجية له احترامه وتقديره وليس لك الحق بدون اذنه ولو غلط

عليك فهناك طرق للعلاج أخرى أما الخروج فيكفيك قصة الصحابية الآنف ذكرها عظة وعبرة

لعلك تتعظين منها ..

ولو كنت مكان زوجك لرفضت أن آتي وأخذك ..مهما كان الأمر ...فالحدود قد وضعت .. ومن يتجاوزها

يتحمل تبعات ما يأتيه ..

لا تعودي الله سيغنيك عن النكد هاذا 0

عليك بالدعاء الدعاء الدعاء من هنا ليوم السبت وتذكري

أن في يوم الجمعة ساعة لاتر د فأغتنميها ..

فرج الله همك ويسر أمرك

استخيري
والله يسامحك
حتى لو ليكي حق انتي خربتيها في الاخير بطلعتك من غير ما يدري
بس عموما استخيري
وانتي ادرى بزوجك اذا هو فعلا صادق او لا

الله يعينك اختي
وأنا مع الاخت اشتقت لأمي

الاخت الفاضلة ..

بغض النظر عن مشاكلكم السابقة : خروجك من البيت دون إذن خطأ كبير, وتصحيحه بالرجوع ولا يجوز بحال الخروج من البيت دون إذن الزوج ..

ثم بعد عودتك يمك لك التناقش معه حول جميع الأمور ومن ثم التوصل إلى حل يفيد الطرفين جميعا..

ولكلن لا يأخذك الغضب والانفعال إلى أن تتجاوزي أخطائك وتنظري إلى الجانب الآخر بل صححي خطأك ومن ثم طالبيه بتصحيح أخطائه..

أسأل الله لك التوفيق ...

عزيزتي الغالية ......استخيري وارجعي .....ترى الطلاق ماهو سهل
ووضع مطلقة فيه مافيه ....مادام زوجك يصلي .....ارجعي والشكوى لله
إدعي لزوجك بالهداية, والله يصلح مابينكم ..
وقولك ماله عندي معزة هذا عشان الظروف الحالية ,وبعدين تطلع المعزة غصب , وأنا مريت بكل اللي مريتي فيه , واسألي مجرب
ضربني طليقي , وصارت لي قصة , وطلعت مثل طلعتك لكن بعد استخارة دامت شهر , وتطلقت , أرسل رسالة (أنتي طالق ) مافيه مهلة ولا شي .
الحمد لله -مادمت مستخيرة فهذا هو الأفضل لي إن شاء الله تعالى -أسأل الله تعالى أن يعوضني خيرا منه ......آمين
وصلى الله على نبينا محمد وعلى آله وصحبه وسلم تسليما كثيرا

استخيري يا اختي وادعي الفرج من رب العالمين !!!! واذا هو ندمان وتاسف فليش ما تبين تردين له !!!!!!!!
حاولي باسلوب حلو انج تفهمينه انج ما تقدرين تستحملين المعامله هذي !!!!! يمكن ينصلح حاله!!!
الله يفرجها عليج !!!!

اقترح ان ترجعي لبيتك
ولايلزم عل زوجك ان يذهب ويسلم على ابيك
لاادري لماذا الناس يعلقون حياتهم على ان فلان سلم علي او لم يسلم علي
مع ان السلام سنة وكأن الشخص الذي اذا رآك ولم يسلم عليك خرج من الملة
قد يكون لم ينتبه لك قد يكون محرج منك الخ............................
فالرجل تكون لديه عزة نفس تمنعه من ان يؤدي ماتقوله له زوجته وخصوصا في مواقف كهذا الموقف

رأي شخصي قد يناسبك او لايناسبك

أقترح عليك أنك ترجعين ..
لأنه هو ماطردك من البيت أنتي طلعتي بدون أذنه..
وهو استسمح منك وطلب منك تسامحينه وليس واجب عليه أن يسلم على أبيك..

يا اختي ارجعي وطمنينا عليكي والله يا اختي الطلاق ماهو سهل زي ما يقولون نار الزوج ولا جنه الاهل والله رح تندمي اذا مارجعتي يا الله يا اختي اعزمي وروحي بيتك الله يهديكي ويهدي زوجك ويرجعكم لبعض محبين اكتر من اول

نصيحتي لك اختي العزيزة ... أن ترجعي الى بيتك خصوصاً أن هذه الفرصة الأخيرة إذا كنتوا متطلقين مرتين ... ارجعي وتأكدي إذا كان زوجك صادق يبغى يراضيك والا مجرد كلام ... فإذا كان فعلاً ندمان على الي صار ويبغى الامور تضبط فبها ونعم وان كان مو صادق فتكوني انتي سويتي الي عليك ... خصوصاً عزيزتي انك خرجتي بدون علمه وهذا خطأ فعودي اليه وحاولي ان تتصالحوا وتبدأون صفحة جديدة .. أسأل الله أن يوفقك ويسعدك دنيا وآخرة .

(( وقبل هذا كله .. لاتنسين الاستخارة والدعاء))

وتحياتي للجميع

السلام عليكم

أختي العزيزه..

أكيد هو غلطان في حقك 100%..والضرب ليس بشيء هين أبدا.. وهو غير مسموح ولا نتسامح فيه..

ولكن..

إنت غلطتي أيضا..

طلعتي من بيت زوجك إلى بيت أهلك وهو لا يعلم بذلك..

أغلقتي جوالك ولم تسمحي له بالتواصل معك والتحدث معك وهذي مصيبه برأيي.. كيف بالله سوف تحلين مشكلتك.. وتتصافى قلوبكم وإنت مسكره جوالك؟؟

المسجات هاذي حبيبتي لا تسمن ولاتغني من جوع.. بالعكس تجيب الضغط.. والرجل لا يتم التعامل معه بهالطريقه.. والرجل ما يجي بالعناد أبدا..

وإذا زوجك رفع السماعه وكلم أمك يشكيلها منك كذا وكذا وكذا.. تأكدي أنه متضايق منك بشي أو أكثر وهذا الي دفعه إنه يكلم والدتك الله يحفظها.. لأنه متضاااايق منك..

والحياه الزوجيه ليست مباراه ورح نشوف مين اللي رح يفوز فها و مين الي رح يكيد الثاني؟؟

الحياه الزوجيه أخذ وعطاء.. تسامح وتضحيه..

أنا ما أقول لك تنازلي عن حقوقك .. وإسمحيله يضربك عشان تمشي الحياه.. بالعكس.. تمسكي بحقوقك ولكن إعرفي الأسلوب اللي تاخذيها فيه..

دائما وأبدا إعملي اللي عليكي وزياده شوي عشان لا تتركي له ممسك عليكي.. وتكوني عامله كل شي وما يقدر يقول عنك غلطانه بنص شي..

طيب تعالي نشوف..

بينك وبين نفسك.. ولا تجاوبيني بس جاوبي نفسك.. إنت شايفه إنك معطيه زوجك كل حقوقه.. وإنه ماله حق يتذمر ؟؟

نصيحتي لك.. إفتحي موبايلك.. وكلميه.. وتحدثوا.. وقوليله.. إنت غلطت بحقي.. وضربتني.. وهذا شي يضايقني جدا.. وخليه يكلمك ويقولك بالمقابل هو شو مضايقه.. ولا تشدي معه بالكلام..

وإذا هو عصب إنتي إرخي.. وخلي الكلام أخذ وعطاء..

والله يا عمري الوحده مالها غير زوجها.. لازم تسايسيه.. وتخلي عقلك أكبر من عقله..

وتذكري الأيام الحلوه اللي بينكم.. وبالآخر إذا شفتي كلامه صار لين معاك.. قوليله مثلا مر علي نطلع نتعشى في مكان.. وبهالطريقه ما تكوني نزلت نفسك ورحتي البيت ( وأنا ما أشوف إنه شي غلط ) وأيضا هو لن يتضايق إنه تنازل وأخذك..

أتمنى إني أكون فهمت الموضوع صح.. وجاوبتك عليه بطريقه جيده..

طمنينا عنك..

فرج الله همك ويسر أمرك

اختي الغاليه


استشيري والدك فهو اعلم بمصلحتك




وانا على يقين انه سيقول لااريد منه سلام


اهم شئ عندي استقرارك وعودتك لزوجك


بالتوفيق

اخواني واخواتي الكريمات ومشكوووورين كل الشكر على
هل نصايح الي منكم واتمنى منكم الدعاء والله يقدم الي فيه الخير