|
لو زوجك معصب ونزلك من السياره بالشارع
طبعا كلكم عارفين بعد الهدؤ تاتي العاصفه
زوجي الله لا يحرمني منه البارحه كنا مع بعض بالسياره رايحن مشوار فسالته وين انت رايح بالضبط اجاب بصراخ ونرفزه اروح مكان ما اروح انت وش تبين اجبت مجرد سؤال عشا اعرف وقف السياره وقالي انزلي من جد قالي انزلي في وسط الشارع وانا ركبني العناد ونزلت طبعا لمعرفتي بالمكان لم اشعر بالخوف فقط قمت باغلاق جوالي والمشي الى كل مكان بدءت بالمشي لمدة 3ساعات وانا مقفله جوالي وانا ابكي من القهر لانه رضا على نفسه يسوي كذا حسيت ان رجولته اختفت بعد 3ساعات شغلت الجوال وانا متاكده انه قاعد يدور علي وانه حرق جوالي اتصالات بعد ماشغلت الجوال اتصل وينك ومن هذي التسؤلات وجا اخذني وبكل هدؤ وبادب تعامل معي وعند وصولنا للبيت بدء يضمني ويبكي ماهمني هذا لانه اشعر انه خسر احترامي له كارجل والعجيب انه من البارح الى اليوم ماسالي وين رحتي وايش صار معاكي هل تعتقدون ان الشعور بالذنب مانعه يسال او خوفه من العتب والملامه لوانتي نزلك زوجك كذا ايش راح تكون ردة فعلك لوانت نزلت زوجتك بوسط الشارع ايش راح يكون احترامك لذاتك ورجولتك انا لا ابحث عن حلول انا ابحث عن راي في الموضوع ايش رايكم باحدث المؤلم وهذا لعلمك اني حامل بالشهر الثامن الان |
لاحول ولاقوه الا بالله
انا لو مكانك استخف شلون يقدر ينزلي بالشارع مايخاف علي ومايخاف يصير لي شي وانتي بعد حامل الله يعين بس دام اعتذر الحمد الله وحس في غلطته اهو مايبي يسالك لانه مايبي الموضوع يبتدا يبي ينسي |
لا حول ولا قوة الا بالله.. موقف صعب الصراحه.. باين زوجج من النوع العصبي الا ما يعرف عن حاله وقت الغضب.. بس عن نفسي بسوي مثل اللي سويتيه .. اخااف اذا ما سويت اتيني ضربه اكبر عن جيه.. هو ما فتح الموضووع معاج اليوم الثاني لانه ما يبي يسمع عتب منج .. الله يعينك.. |
بس ليش معصب ماذكرتي السبب
|
أختي اسمحيلي اقولك أنك غلطتي في حق زوجك .............المفروض انك ماعاندتي ونزلتي؟ ولا وأقفلتي جوالك؟؟؟؟؟الظاهر ان كل واحد اعند من الثاني...............
لو انا مكانك مشيتها..............................وطبيعي انه ماراح يكلمك بالموضوع لانه بالنسبه له انه انتهى وانحل.والرجال كذا مايحبون الكلام الكثير والاعتذار............ |
:( :( عجيب رجل مميز يعمل كذا :23: :23: بصراحة زوجك مميز لحد الجنون وهذا اكبر دليل على التميز :22: :22: ينزلك بالشارع :17: :17: التمسي له العذر لكن بعد معرفة السبب عشان لا يعيدها مرة ثانية |
صراحة اسلوبك حلو عشان يحط لج الف حساب قبل مايتصرف ويقو كلام مو في محلة
وانا اعتقد زوجك قال لك انزلي من السيارة عشان يؤدبك وبيوصل لك رسالة انة ماتسالينة وين رايح وين جااي بس تصرفك حلووو وانا لو منك كان اسوي لها هلحركة ويحس اني مو طفلة ولا بزرة عشان يهددني ويقولي نزلي بس اكيد زوجك راح يحط لج الف حساب قبل مايعصب ولا يتكلم بكلام ينم عن التهديد |
اقتباس:
|
انا قد مريت بموقف مشابه نوعا ما لموقفك مع زوجك
بس الفرق انو اخوي وصديقني انا ما ندمت لاني نزلت لانه صار يلف لف وراي من شارع لشارع اركبي وانا مطنشه لين وصلت البيت وصدقيني بعدها ما كررهاا |
مبين زوجك عصبي مررررره وانتي ما شاء الله عليك تتمسكين برأيك وقويه هذي المره عدت وعلى نزله في الشارع ارجوك انتبهي ولا تعاندين زوجك وحاولي اذا عصب ما تتكلمين الى ان يهدى نصيحه من اخت لختها
وهو ما سئل وش صار عليك بعد مانزلتي لانه حس بغلطه |
أختي الحبيبة زوجة رجل مميز ...
أنا لو مكانك كنت أجلس وما أتحرك من مكاني ... وراح التزم الصمت الخارجي ..وأحاول أن أردد الأذكار بقلبي .. وما أخفيك إن الدموع أكيد راح تكون موجودة بس من غير ما يلحظها .. وبعد ما نرد البيت ..ونهدأ .. وممكن حتى أخليها ليوم ثاني .. راح أترك لخياله العنان ..وسأقول له تخيل لو إني فعلا ركبت راسي ونزلت من السيارة ...في هالليل وأنت عارف الدنيا ما بها أمان تخيل إني نزلت وما شفتني بعد كذا ... وصدقيني بهالكلمتين راح أخليه يفكر ألف مرة قبل ما يسوي أي فعل مشابهه .. وصدقيني عدم فتحه للموضوع معك هو لأنه قد شعر بعظيم فعله فآثر السكوت على الكلام ولكنه عبر عن إعتذاره بالأفعال تحياتي .. أختك أم البنين |
انت ما ذكرتي جوانب الموضوع يمكن انت السبب في انه معصب ولا من الباب للطاقه يقولك انا اروح مكان ماابي وانت
معه انا اشوف سؤالك مو سبب انه يعصب... شي ثاني انا لو مكانك ما انزل الا اذا فعلا شفته جاد فعلا واتصل على اخوي ولا ابوي اذا كانوا في نفس الديره او اي احد من اهلي وما بقوله شي بس بقوله تعال خذني واخليه هو يدور لي لين يلقاني وبعدها يجي يتفاهم مع اهلي ... ما في شي اسمه اذا معصب ما يدري عن حاله انا اخليه يدري عن حاله لاااااااااازم ياخذ درس من هذا التصرف الغير محسوب........ وبعدين يجي الغفران والتفاهم الله يصلح الحال.............. |
كل مصيبه تحدث من الرجل نتفهم نحن النساء الوضع ونقول معلهش اصله عصبي اتحمليه .
لو انا مكانك كنت عملت زيك بالضبط واحسن شئ انه قفلتي المحمول حتي يقلق عليكي ومايعدهاش مرة اخري . اما للساده الرجال المعصبين دائما افتكروا في كل موقف تتعامل فيه مع المرأة سواء زوجتك او اختك او ابنتك اوحتي والدتك ان الرسول عليه أفضل الصلاة والسلام لم يحدث ان اتعصب علي مخلوق بل انه لم يكن يقول لخادمه لم فعلت ذلك ولم لم تفعل ذلك (للخادم ) فمابالك بالزوجة اتقوا الله فينا . |
زوجك طيب القلب والدليل أنه بكى معكي بعد ذلك . لكن لعله مر بظرف يمكن مع رئيسه في العمل أو مع أحد زملائه فكانت نفسيته زفت . فالإنسان تمر به ظروف تجعل من تصرفاته إزعاج لأهله والآخرين . بس تأكدي أنها سحابة صيف ولا تضر من حبه لك ولايمهك كلام من يريد أن يبغضك فيه هو إنسان حنون
|
ياااااااااا الله !!!
ثلاث ساعات وبعد حاامل وفي الشهر الثامن ... اول شي الحمد لله انك رجعتي لبيتك بالسلامة وماصار لك شي خصوصا وانتي حامل راح يكون موقفك اصعب وماراح تتصرفين لو واجهك اي موقف لا سمح الله ... بس الحمد لله اعتقد ان هذا هو سبب بكاء زوجك لانه شعر بالخووف عليك وتأنيب الضمير خصوصا والجوال مقفول ..يعني خليتي الافكار تودي وتجيب في راسه ... ومع اني ما اأيد نزولك من السيارة ولو كنت مكانك ما كنت انزل لو شنو .. ولو اصر اقوله ينزلني في البيت اللي اخذني منه لاني بنت نااس وما يصير يعاملني بهالبرود واللا مسئولية .. لكن يبدو ان زوجك عصبي ومن النوع اللي يتصرف بدون وعي لما يعصب وبعدين يندم.. اذن عليك انتي انك ما تطاوعينه وتجارين عصبيته لانه محتاج تصرف حكيم من ناحيتك ... واعتقد انك عطيتيه درس بعد هالموقف وماراح يفكر حتى انه يعيدها ... ومافيه داعي اختي تاخذين منه موقف او تفقدين احترامك له .. لانه ممكن يكون انسان متميز وصاحب غيرة ورجوله وكرامة لكن لما يعصب يتصرف بتهور ... تمنياتي لكي بالتوفيق والسعادة والله يقومك بالسلامة ان شاء الله تحياتي |
حركه بايخه بس عادي معد بيشوف وجهي
|
[QUOTE=الحنين_500]أختي اسمحيلي اقولك أنك غلطتي في حق زوجك .............المفروض انك ماعاندتي ونزلتي؟ ولا وأقفلتي جوالك؟؟؟؟؟الظاهر ان كل واحد اعند من الثاني...............
لو انا مكانك مشيتها..............................وطبيعي انه ماراح يكلمك بالموضوع لانه بالنسبه له انه انتهى وانحل.والرجال كذا مايحبون الكلام الكثير والاعتذار........... اختي حنين انا معاكي في في رايك |
يقولي أنا وش تبين ،، عشان هو معصب أنا أنزل وسط الشارع ،، وكمان يسئل وينك ،، لو نزلني زوجي كذا بعصبية من السيارة بقوله هذا آخر ما بيني وبينك .. للتعبير عن الغضب مليون طريقة مهذبة أنا على إستعداد لتقبلها ، وبسعادة كمان .. أنا كزوجته أكثر إنسانة المفروض يتصرف معي بتهذيب وإحترام .. من الواضح إن زوجك فهم خطأه وقدم إعتذاره وإن ما عبر بالكلمات حتى لا يخدش رجولته .. |
قريت اسمك زوجة رجل مميز قالت اكيد سالفة منقولة ولا في الأخير بيصير شي يضحك!!
أختي صراحة زوجك بحركته هذي تقهر امممممم لكن ماهي غريبة على بعض الرجال الغلط الغلط ولاتزعلين علي حركتك انا واقرا تصرفك خفت!! شلون تنزلين من السيارة؟؟ و3 ساعات بعد!! ياويلي شلون قوى قلبك ماخفتي؟ انا لو مكانك يمكن من العصبية بنزل بس على طول بركب وانتظر اروح البيت نكمل الهوشة:d مرة بالسيارة كنا راكبين مع اخوي وتردات اختي مع اخوي بالكلام لدرجة الهواش وقف اخوي وهزأها وقال انزلي ونزلت وانا اصارخ عليها واناديها ومشششششششت معصبة وامي تدعي على اخوي مشى اخوي الين وصل لها وقالها اركبي بس صاااااااااااااار طقاق على هالسالفة عزيزتي دايم المرأة هي اللي تضحي ابلعيها هالمرة بس سوي نفسك انك زعلانة هالحركة بس ارضي ياختي مالك الا الله ثم هالرجال محد نافعك وانا اختك ونصيحة ياختي لاتسوين هالحركة مرة ثانية ولاتسكرين جوالك ترى بعض الرجال اذا عصبو عصبو افرضي انه عصب زيادة على تسكيرة الجوال الله يسخر لك زوجك ويخليه لك ياااااااارب |
انت سويتى الشي الصح اختى
والحين المساله بردت بس لو عادها مره ثانيه ماتسكتين لان خطر عليكى النزول بهالطريقه وجوالك مقفل فرضا تعرضتى لموقف من احد او صارلك شي وانت حامل او لاسمح الله اغمى عليك او طحتى بالشارع؟انا مانى قاعده اكبر الموضوع او اوقع بينك وبين زوجك لا والله الله يديم عليكم السعاده ويوفقكم بس اختى كل شئ وارد والرجل لو تنازلتى معاه مره بتمى تتنازلين طوووووووووول العمر وهذا اللى حصل معى وعن تجربه والله |
صدقوني انا زعلانه بس ماعندي استعداد نفسي
اني افتح الموضوع لان انا عندي الرجال مواقف ولا مايهمني لاني قاعده العب لعبت القط والفار معاه يعني اليوم عزمت امي وابوي لحالهم وابوي قايلي انه يبي زوجي بموضوع عشان كذا قلت له ترى اهلي جاين اليوم ولا قلتله ليش ومن اليوم وهو يسال ليش جاين في شئ صار شئ ولا علمته خليه يقلق شوي دامه حاس انه غلط لان انا لو رجال ما اسويها لان القوه في تحمل الغضب وابشروا بالجاي |
أيا ً كانت أسبابه ، لا أعتقد أن فعله مبرر
و على زوجك مراجعة تصرفاته ، خاصة و أنه أب و مسؤول و ليس مراهق أو عريس جديد ما زال يعيش على ذكريات أيام العزوبية |
أعتقد أن هذه الحركة منك نفعت مع زوجك هذه المرة ، لكن احذري من تكرارها مرة أخرى فقد لا تنفع معه مرة أخرى ، كما أحذر الأخوات من فعلها فليس بالضرورة تنفع مع كل الأزواج.
|
اختي فعلا زوجك مميز بس في
التهور ... عيب عليه زوجتك حامل وبالشهر ال8 تنزلها كذا بالشارع ما كأنك زوجها والله لو هي عدوك ما سويت كذا بصراحه حركه سخيفه وابيخ من السخافه مع احترامي لزوجك بس ما في قلبهذ ذره رحمه حرام حاااامل وثقيله وتنزلها كذا وين الرجوله وين الشهامه ...................؟؟ بصراحه عجبتيني يا اختي زوجه رجل مميز لما قفلتي الجوال عشان يقلق ويفكر ويحس بالذنب عشان مرة ثانيه ما يسوي هالحركه الغبيه مرة ثانيه اعذريني بس حركه تقهررررررررررررر كيف ينزلك وانتي حامل وجلستي 3 ساعات ياا بعد عمري تمشين والله من جد تعب لو اني منك ما أفتح الموضوع معه بس اسفهيه لا تكلمينه يعني لا تسولفين معه حتى يحس بغلطته |
وش هالحركة ذي بعد ؟؟؟ ماهو صاحي وربي
|
اسمحيلي
رجل ينزل اهله من السيارة في الشارع ( لاي سبب ) هذا مو رجل هذا ذكر!! لا تفتحي الموضوع اذا هو ماصبر و كتم غضبه فكوني افضل منه و اكتمي غضبك واصبري وابشري بحسن العاقبه الله يعينك |
اختى ليس الشديد بالصرعه ولكن الشديد من يملك نفسه عند الغضب
انا معك يوم عزمتى اهلك وتركتيه يفكر ومثل ما قلت لك بالاول انتى صح الله يوفقك يااااااااااااااااارب |
والله موقف مرة بايخ
لو انا مكانك اروح لبيت اهلي على طول وخليه يعني حتى لو قلك انزلي وجيتي بتنزلي المفروض يمسكك مايخليكي تنزلي بس مادري والله كيف تفكير زوجك |
و الله و النعم فيك بنت رجال تصرف رائع جدا و ذكي
وهو ماسألك عارف نفسه غلطان و الحق راكبه من راسه لرجوله ,و عادة الرجال يوم يغلطغلطكبير ابد مايحب يرجع له حتى لو بالتفكير |
رجاء من الاخوات الفاضلات
زوج اختنا غلطان مية بالمية بس ماتنرد له بغلطة وبعناد المفروض الحين تهدونها مو تزيدونها!! اختي والله محد نافعك غير ابو عيالك انا معك ازعلي وتفاهمي معه بعدين خلاص ارضي ارضي الشي اللي صار لك اهون من حالات أشد وأقوى اخواتي احنا متواجدين هنا نعاون بعض عالخير ونهدي الزعل مو نزيده وانتم ماشالله فيكم خييييير بس يمكن تحمستو كثير مع اختنا :30: |
قلت يا شوبارد كل الي في قلبي صح لسانك المفروض مانزيد المشكله بل نحاول ان نوجد لها الحلول
وترى ياختي كل الي سويتيه عين العقل وحاوي ماتكبرين الموضوع لان الموضوع اذا كثر النقاش فيه تطور والله يولف بين قوبكم |
غريبه بصراحه ...!!!
حالات الغضب تتفاوت من شخص الى شخص ... لكن انه ينزلك بالشارع ما يصير ابداً ابداً .... |
أروح لبيت أهلي على طوووووووول ، عادي صرت ضد الصدمات ..
بس خله يسأل عني بعدها ، أنا أعرف وشلون أتفاهم معه .. |
اقتباس:
ردك انت افضل من ردود الاعضاء والعاقل طبيب نفسه وانا اتوقع ان زوجك معصب ومااستوعب انك نزلت مباشره الله يسعدك |
زوجة رجل مميز الحمدلله انه اعتذر وتصرفه ربما كان هناك شيئ معكر صفوه ومدايق خلقه وتصرف لهذه الطريقه دون تفكير وما فعله بعد ذلك تصرف حسن ويدل على انه يشعر ويعلم ويعترف بخطئه ولا تزعجي نفسك كثيرا فحتى الرجال المميزين يخطئون وانا اعني بكلمتي هذه ليس لكي بل للاعضاء الذين يسؤلون و يتكلون بطريقة استهزاء عن الاسم الذي تضعيه زوجة رجل مميز ولكن اخوتي فهو وان كان مميز ليس معصوما عن الخطئا . اختي زوجة رجل مميز التمسي له عذرا واقبلي اعتذاره ولكن اشعريه بانكي جدا منزعجه من تصرفه حتى لا يكررها وان شاء الله تتصلح الامور
|
انا لو مكانك اختي انزل واتصل لابوي ياخذني ولا عاد اشوفني بعد هالحركه اللي سواها
بس زين سويتي علشان افكر قبل ما يتكلم ليش ما تكلم بالسالفه لانه حاس انه غلطان ولا يبي اكبر السالفه ربي يهديه ان شاء الله |
اقتباس:
يســـلم تمــك اختي شــوبــارد.. |
سلاماااااااااااااات زوجك مو عصبي إالا ابو العصبيه بس بصراحه حركتك مره حلوه بس بصراحه انا نفسي ونا جالسه اقرا خفت عليكي ثلاث ساعات ماخفتي على نفسك الله يصلحك ومعليش اعذريه هو طبعا ماتوقعكي تنزلي بس لازم تعرفي السبب اللي مخليه يعصب لهدرجه
|
الف شكر اخواني انا
من جد مقهوره واريد ان اقول لمعشر الرجال انه ليس المراه التي تسكت وتصبر لا يعني انها ضعيفه لكن لكل موقف ردة فعل انا اقولكم ليه ماعلمت احد انا من النوع اللي احب زوجي واعلم انه حقا رائعا رغم كل الاخطاء الكبيره التي قام وسوف يقوم بها اعلم انه غلطان لكن هل تعتقدون عندما اعود لبيت اهلي زعلانه واخبر اهلي والعيله تدري وثم ياتي لمصالحتي واسامحه لانه ابو عيالي بعد كذا كل اهلي يبدؤن بالانتقاد وسكون انا الصغيره والمضلومه وهو المدان هل تعتقدون اني ساسمح لزوجي انا يكون بموضع نقد او احتقار او مجرد ادانه من اهلي ويقل تقديرهم له لا والف لا لان في النهايه انا التي ستضعف وتكون مكان المسكينه وانا لا احب انا شغل اهلي بمشاكلي مهما بلغت عموما حبيت اوضح ليه ماكلمت ابوي في تكل اللحظه مع اني كنت في قمة خوفي وضعفي اعلم ربما البعض يقول تستاهل لكن انا اقول هذي طريقة تفكيري وما اقدر اتغير لكن المعلومه اللي راح اوصلها لكم اني ماعاد اثق بزوجي كاما كنت ابدا لكني اشعر بالخوف صدقوني انا زعلانه منه لكن ما علمته بشئ واعامله احسن من اول عشان ما يكون مني نقوصه |
لا حولا ولا قوة الا بالله موقف اكثر من صعب فعلا وانا لا اعرف ما هو سيكون رد فعلى فى مثل هذة المواقف لكن لن انسى مثل هذا الموقف ولكن ما العمل اعتقد اننى ساغضب لوقت كبيييييييييييييييير وبعدها ستعدى الايام كما يعدى اى شيئ .....والله معك وهدى زوجك وهدانا جميعا
|
| الساعة الآن 08:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©