|
بنوتات المنتدى الحلوين أبيكم بخطه ضد زوجي
كيف الحال يا أحلى بنوتات في أحلى منتدى :d :d
انا أبي أقص شعري بصراحه قرفني طال وما أطيق الشعر الطويل :( المهم ما طولته الا قبل زواجي والأخ شاف الشعر الطويل واستخف :23: قال لي لا تقصينه بس بعد شهرين من الزواج أقنعته وقصيت شعري واستمريت على القص ,, والأن لي يمكن 6 شهور ما قصيته وطال وصل لحد أكتافي :22: صحيح حلو بس أبي أقصه الأخ شاف الشعر طال قام يقول لي لا ما فيه قص وانا والله قلبي منقطع على القص ف أبي منكم خطه اني اقنعه بقص الشعر :25: :25: وحده من خواتي قالت لي انفشي شعرك وحاولي تخلينه مثل الشجرة عشان يكرهه شكلك بالطويل:p بس هل الخطه هذي بتنجح للعلم شعري ناعم وخفيف يعني ما ينفع له الطويل وانا زياده ناحفه هاليومين وصاير شكلي مو حلو :( بالطويل ساعدوني تكفون |
اقولج شي هو صحيح انه الرياييل يحبون الشعر الطويل !!!!!بس شوفي اقنعيه واذا ما اقتنعت !!!!!
حاولي بدلع وغنج تاخذي اللي تبينه !!!!ترى الرياييل بسرعه يرضون !!!اخذي بعقله حلاوه !!!وريه قصة شعر حلوه !!!يمكن يقتنع !!!! والله يعطيج اللي ببالج !!!!بس اذا ما اقتنع انتي اقتنعي وارضي !!!!! |
مشكورة حبيبتي يتيمتك يا جابر
بحاول بس هو مصر على الشعر الطويل وبصراحه أكرهه الشعر الطويل كره شديد |
الله يعينج يا ريم !!!!! حاولي تحبينه لان وان كنت نفسج كنت احب الشعر القصير !!!واذا طال شعري الكل يستغرب ويكون مولايق علي !!!!!
بس اقنعت نفسي بالشعر الطويل مع صبغة شعر حلوه مع قصة شعر من جدام يعني بس القذله !!!!طلعت والله روعه وعلى فكره بس طلع شعري بعد هالشغله شكله زين مو كثيف ولا خفيف !!!!!!!! حاولي تسوينها واقنعي نفسج انه كل شي عليج حلو !!!!!! الله يعطيج على قد نياتج حبيبتي !! |
بحاول بس
شعري ناعم لدرجه انه لما يطول يبين انه خفيف وهو صح ما هو كثيف بس ما يسمى خفيف ولما يطول يطلع منظره مو حلو لازم الففه ولا يضبط معي لازم أحط عليه سبراي مثبت ولا الا ما فيه فايده والا اذا بغيت اجعده يجنني ما يتجعد واذا ربطته ورفعته 5 دقايق وتنزل الخصل ويبهذلني يجيب لي الاكتئاب وبصراحه وجهي ما يناسبني الطويل أبدا أبدا وابو الشباب ما يقتنع ان الشعر له علاقه بشكل الوجهه |
شعرك خفيف وناعم فأقترح عليك تقصيه مدررررررج على طوله بيطلع شكله حلووو وبيناسبك
يعني يكون التدريج من فوووق لتحت,, وعطينا النتائج,, |
ان شاء الله يا بقايا انسانه
بقولك على النتايج بس خلي أبو الشباب يوافق بالأول الله يعيني بس الدراسه بعد 3 شهور وبتجي الجامعه وقرفها وحر وشمس وشعر طوووويل الله يعين |
انت ياريم تخططين <<<< صدمة
ما عاد اثق بالحريم ابد |
أشكرك على مرورك يا اخ كاره الرياضيات
|
فيه وحدة أعرفها زوجها يحب الطويل وماهو حلو عليها , وداها مرة للمشغل على أساس إنه تفرده , قامت قصته , يوم شاف القصير عليها أعجبه , صار كل ماطال شعرها قال لها روحي قصيه , مع إنه في البداية قال لها طوليه ....
عموما أرضيه في ذيك الأمور , هبلي فيه بحركات , يجيك على طول (آمري تدللي ) بعدين إطلبي منه قص شعرك , وقصيه قصه حلوة مرررة عليك ,واعتني بشعرك وهو قصير ,واحرصي يصير شكلك دايم روعة بالقصير , عشان كل ماطال قال لك قصيه . |
ياااااااااااااااااااااااااااااريم
مشكلتك مثل مشكلتي لدرجه مااتخيل شعري يطول بس على قولتك ابو الشباب يبي الشعر الطويل وياحسره ودك يكون كثير بس رضينا بالواقع يعني غسلت يديني ورجولي لا و تروشت كمان اني ماراح اقص شوفي شعري اللحين وصل لكتوفي ياشيخه اذا هو مصر على رايه فــاأتوقع انك راح تغسلين ايدينك مثلي خخخخخخخخخ الله يعينك واتمنى لكي بزياره قريبه للكوافيره ارق التحااااااااااااايا |
ياا حبي لك يا شاااش
والله شكله بيعند وبيقفل الموضوع بسم الله علي أمس توني أقوله حبيبي والله ما نقطت غيرها قام قال لي ما فيه قص احلمي تقصين شعرك ارتعت منه قلت وش عرفك اني بقولك ابي اقص شعري قال أعرفك اذا نشبتي بموضوع نشبتي ههههههههههههههههههههههه شكلي راح أرضى بالواقع واطووووله مع اني أكره الشعر الطويل احس اني من العصر الحجري |
ابقولك سر بس هاه اصحك تقولي لاحد من الرجاجيل
هات اذنك ..................قربي شوي الرجال ما يحبون الشعر الطويل كثر ما يحبون الي يشغل صاحبة الشعر الطويل سواء شعر او غيره وعلى العموم طاعة زوجك واجبة ............. واذا اطعتية دخلتي الجنة ........... قال رسول الله صلى الله عليه وسلم((((اذا صلت المرأة خمسها و صامت شهرها و حفظت فرجها و اطاعت زوجها دخلت جنة ربها))))))))))) |
انا اعرف ان طاعه الزوج واجبه
وهذا انا طايعه لزوجي مع ان قلبي بينقطع من القهرر بس انا ابي طرق وخطط تخليه يوافق على القص |
هلا الريم :d شرايج إختي تدرجينه ، وبتحسين بالفرق ، بحيث تكون القصة بشكل تقدرين تتحكمين فيها بمعنى منها تخلينها قصير ومنها طويل بلفة أو ما شابه .. ما ادري وصلت الفكرة ؟ ولا تحنين وايد ;) ، أحياناً الحنة تيب نتايج عكسية :-( تحياتي لج ، اختج : خلك إيجـــــــــابي ! |
خلك ايجابي وصلت الفكره
بس أنا اعرف نفسي حنانه مرة وبحاول اني ما احن عليه عشان مايتضايق مني |
ماشاء الله عليك ياريم تبين تقصين شعرك لانه واصل كتوفك :( وين تبينة يوصل لاذانك !!!!!! الله يهديك بس انا لو زوجي يخليني اقص شعري لين كتوفي كان ابوس ايدية ورجولة وراسة وخشمة :17: لكن الشكوى لله كل ماقلت له ابقصة قال والله لو تقصينة لاقص يدك :( ماهو راضي اقصة وياليت من زين هالكشة :29: مشكلت شعري طويل مره وناعم وخفيف :( والي قاهرني كل البنات عندنا قاصين شعرهم الا انا - تقل جدتهم :19: - والله جيتة بالحنة والزنة والطرق الدبلوماسية والمسايس لكن الي براسة براسة:19: خليك زيي استسلمي بالامر الواقع وانسي حكاية قص الشعر:25: |
إنتبهي ياريم 2006
لا تزني عليه كثير ويمل منك ويزيد عناد خليه فترة وإرجعي حاولي معاه بأي طريقة وإن شاء الله يرضى يمكن يحن قلبوا ويوافق ................. إيش تقولي أنا شعري طوييييييييييييييييل وأهلي مو راضيين أقص شوية صراحة خوفتوني على بعدين أخاف كمان فارس الأحلام مايوافق وتكمل كمان الله يوفقك ويعينك |
صراحه انا اموت على الطويل ويوم طال وطلع يجنن قال قصيه قصيته وانا اتحسر بس كل شي يهون عشان ابو الشباب اهم شي زوجك ياريومه وعلى فكره درجيه على طوله راح تحسين بتغيير مررره والله يسعدك
|
قلبتي المواجع :( والله ببداية زواجي كان شعري للكتف وبعدين قالي ابو الشباب انه يحب الشعر الطويل وبسنتين بس صرت اجلس على شعري الف تحت الكنبه واجلس كله بس لعيونه والان بعد 6 سنوات وشعري عذبني طووووووووووويل والله عذاب كان يقولي وربي لو على رقبتي ياشيخة ماتقصينه وبعد محاولات وبكى (( تعبني في الاستحمام )) وافق على مضض وضيقة خاطر ومن تعاسة حظي راحت معي اخته للمشغل لما جيت عند الكوافير قالت بأيش اخدمك قلت شيلي الشعر هذا قالت فكي اشوفه !! فكيته انصدمت وقالت اعوذ بالله لا والله اختي روحي مشغل ثاني حراااااااام اقصه ربي بيعاقبني الا يالهبله مسكت علي انا في الحرام :( رجعت لزوجي ابيه يوديني مشغل ثاني اول ماطلعت السياره الا عيونه مسبله من الحزن كان يقول قصيتي قلت لا الكوافير يقولو زحمه الا تطلع اخته وتقول السالفه وعاااااااااالبيت على طوووووول افكر الا وبشكل جدي اقصه انا :( قلتلك قصة حيااااااتي هههههههههههههههه الحقي على عمرك وقصيه الله لا يعوق بشر تحيااااااااتي
|
ياا حبي لكم
وانتي يا ظاميه الشوق كسرتي خاطري بموقفك ههههههههههههههه انا مستعجله لأن اهله عندهم عزيمه هالاربعاء وأبي اغير شكلي بس هو راافض وحاولت اقنعه رفض قال بعطيك 500 ريال بس اسكتي ولا تحنين قلت له انا مابي فلوس ومو بحاجه فلوس بس شعري هلكني من دون شي انا ناحفه هاليومين وبصير زي الغوريلا وشعري طايح على وجهي الله يعين اعرفه عنيد بس أن شاء الله انا أطول منه نفس بحاول الا ان يقتنع |
السلام عليكم
كيف الحال ياأختي في الله إذا كان زوجك يحب الشعر الطويل فتركيه يطوال حتى وإن كنت تكرهين ذلك خصوصا أنك قلت أنه جميل فكثير من الرجال يهوى الشعر الطويل وهانحن النساء نريد قض الشعر كما نهوى وعندما يتزوج علينا إمرأة من أجل شعرها الطويل الذي جذبه نبكي ونقول ياااااريتني طولته فكري جيدا مايحب زوجك أحبيه وما يكره حاولي تجنبه زيد لدي صديقة قالت لي أن زوجها يريد شعرها أن يكون طويل وعندما سألته لماذا قال هو مفيد أثناء الجماع ليش مادري الحقيقة لكن أتركيه طويل فجمال المرأة من جماال شعرها فكري جيدا |
بصرااااااااااااااااااااااااااااااااااااااااااااااا احه
الله يعينك انا مريت في هذا الموقف وكان مو راضي اقصه وحاولت بشتى الطرق :29: وما في فايده الا الطريقه الوحيده الي مشت عليه:25: رحت لامي وهو معاي وانا ابكي واقول ابي اقصه خلاص ماعاد فيني صبر وكنت ابكي من جد قالت له امي خلاص البنت بتتجنن وعلى قولتهم صابتها عين ما صلت على النبي اللهم صلي وسلم عليه لان كان طووووووووووووويل ولايحتمل:18: وقالي خلاص روحي قصيه:14: :14: ومن بعدها اعطاني الحريه المطلقه فيه متى ماقلت بقصه اقصه :22: لانه من جد خاف علي اتجنن هههههههههه وهذا الي نفع معه:11: |
حالي مثل حالك ياريم بس شعري اطول الى نص ظهري والكل يقول لي القصير عليك أحلى وهو مش راضي اقصه هو الوحيد اللي بشوف الشعر الطويل علي حلو
|
ريمووووووووووه . . . .
جاك الحل الى عندك شوفي اختنا (( زهور البستان )) وش سوت والله حركه طيحي بالفراش وابكي واذا وقفتي طيحي سوي نفسك مصكوكه بعين حركااااااااااااااااااات قولي لي النتائج |
ههههههههههههههههههه
رهيب حلك ياا زهور البستان بس انا اعرفه ما راح يتقنع بس موسوس شوي يوخاف من الحسد مرة ودايم يحرمني من الروحات والمناسبات عشان يخاف علي من الحسد والعين شكلي بقوله انا محسوده على شعري وصار يتساقط كثير لازم اقصه حتى تخف العين اللي صابتني ههههههههههههههههههههههه وشرايكم بالفكره الجهنميه |
اقول ريم لا تفاولي على نفسج !!!وبعدين الله يبلاج !ديري بالج !!
انشالله يقتنع بلا خطط ولاشي !! |
صراحه امرك غريييييييييب
الحين الحريم يدورن الي يعجب الزواجهن انتي معجبه طويل ورافضه الا تقصينه شو الفايده اذ اعجبتي اناس وزوجك مو عاجبه شكلك |
الله يسعدك ريم
أنا مثل حكايتك ولي سنة ممنوعة من القص بس الحمد لله مو شين علي أخر مرة قصيت أفتريت فيه وجننت زوجي طلعت من الصالون كذبت عليه قلت له قصيت بوي والله انهبل يقول ماتقدرين قلت الا والله ماصبر دخل ايديه من تحت الطرحة زعل شوي بس حمد ربي أني كنت أمزح عاد تدلعي شوي أو أزعلي ونزلي كم دمعة وإن شاء الله مايهون عليه زعلك تحياتي |
حبيبتي قصي شعرك ولما يشوفك قوليلو حبيبي هادا نيو لوك
وادا زعل منك... ............ ........................ ......................................... لا تقوليلو karmine ههههههههههههههههههههههههههه |
لما تلاقين حل قوليلي
ترى هاليومين ماسكة معي ابي اقصة اخر شي قال قصيه اللي تبين مع اني مايعجبن القص وقلت شالفايدة ابصبر لين يجي الفرج |
انا عندي طريقه نفعت قولي له ابي اعدل اطرافه بس وروحي المشغل وقصيه بعدين قولي له ان الكوافير الهبلا فهمت غلط وقصتلك على كيفها وما كان قدامك مرايه وان شاء الله تنجح مع ان الشعر الطويل مره حلو وانتي اهم شي عندك انه يعجب زوجك والا لا؟؟؟؟
|
عكسي تماماااااااااااااا
|
ممكن سؤال حبيبتي ريم
انت ناوية تقصينه الى و ين لانه على قولتك واصل الى كتفك؟؟ انا شعري واصل نص ظهري ودي اقصه مرررررررررررررررررره الكل يقولون راح يطلع علي يجنن لان وجهي دائري و مليان ايش رايكم تتوقعون تلايق على وجهي القصة القصيرة مرررررره او لا ؟؟ بس مشكلتي نفس مشكلتك بالضبط المحروس مو راضي و ياليت تنجدوني بحل سرييييييع |
الله يهديلك زوجك
|
قصة الفراولة تصلح للشعر الناعم الخفيف التدريج ما ينفع له لأنه يقلله . . . . . . بنان |
ذكرتيــني بحـــالي.. مع إني غير مرتبطة بعــد إلا أنني أذكــر أبي و أخي و قصة شعري..:d فهم يحبــون الشــعر الطويــل و لما كنت أجيب سيرة قص الشعر..ينظرون إلي باستغــراب و غضب..ليش تقصي شعرك حلو الشعر الطويل..إلــخ و انــا لا أطيــق الشعــر الطويــل..قصدي طويل لتحت الكتف..يعني لنص الظهر هيك شي.. بــس أحيــاناٌ يعجبني..تغيير المهم في يــوم من الأيــام قصيته قصيـــررررررر لعند أذني..على سبيل التغيير.. صدقيني ما انتهيت من تعليقات أخي..أنتي مجنونة في حدا هيك بقص شعره:d .. المهم..الآن لما بدي أقصه..أقصه قصة التدريــج مثل ما قالولك الأخوات..و فعلاً مناسب جداً لشعرك..لأنه شعري متل شعرك..فممكن كرمــأل زوجك ما تقصيه كتير من الخلف يعني يضل نفس الطول ..لكن من الأمام خليها تزبطه على كيفك.. و هو مش بــس مسألة أحب الشعر الطويــل أو القصيــر..إنمــا تجديد المظهر و ما يعكسه على النفسية على كل أعجبني رد الأخت عيون تعانق بصمت بس عندي سؤال لإلك..قلتي شعرك لعند كتفك..لا يعتبر هذا شعر طويــل جداً..إنما مناسب.. لوين حابة تقصيه؟ و آسفة على الإطالة |
عجيب طيب دامه عاجبه شكلك ليش تغيرينه؟؟ عشان يشوفه في غيرك ويعجبه وتموتين قهر؟؟؟ الوحده وش تبي الا ان زوجها يشوفها حلوه؟؟
|
| الساعة الآن 11:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©