|
مشكلة اختي ارقت ليلي
السلام عليكم ورحمة الله وبركاته
اكتب لكم فيما يلي مشكلة اختي ولتسهيلها ساسردها في نقاط اولا من يشوف اختي يحسبها اكبر مني مع اني اكبر بنت في العيله....شكلها اكبر من عمرها بأقل شي عشر سنين وكله من الهم قبل فتره بسيطه تقريبا شهرين بدأت تهل الشكاوي من زوج اختي لا سامحه الله عندها منه ثلاثة اطفال...الكبير يكرهنا بشكل فظيع والسبب ابوه وجدته ام ابوه الله لا يسامحهم اللي يقهر ان الاخ وامه يتمسحون بمسوح الدين والا هم ذئاب لا ترحم مشكلة الرجل اولا تكمن في سوء اخلاقه وثم بخله رجل معقد الى ابببببببعد مما تتخيلون....يكره زملاه كلهم ولا عنده اصحاب...لدرجة انه ما عنده جوال...لان ما احد يحتاجه او يطلب منه شي ولا حد يحب صحبته....من بيته لدوامه ويبقى انطوائي الين يرجع لبيته..... عدم اختلاطه بالناس سبب له عقدة الشعور بالنقص وكل مالها تتأزم يبقى في المسجد لساعات ويحفظ الاذكار ومع كذا يضرب اختي ويسبها سب شنييييييييييييييييييييع يصل الى حد القذف ما يعجبه ولااااااااااااااااااااشي بها الدنيا.......سوداوي.........متشائم الى ابعد حد بيته مافيه فرش .....بس سيراميك ومن النوع الرخيييييييييييص جدااااااااا وبدا يتكسر شال اللمبات والثريات الصفرا وجاب بدالها لمبات فلورسنت البيضاء ومستعمله ونورها باهت....يقول توفير للكهربا اذا سوت اختي قهوه....يخليها تعسكر جنب الفرن المكسر اساسا....ويقول لها خليكي جنبها الين تستوي علشان لا تفور وينهدر الغاز.....والقهوه تقريبا تاخذ ساعه .....تخيلوا منظرها مسكينه.... مافيه فواكه ولا خضار .........يقول اكسسوارات ولده بكى على برتقاله والثاني على شوكولاته....صفقهم وهزأئهم قدام الناس ورجعهم البيت....(((العيال بدوا يكرهون ابوهم)))) اذا طلبت اختي شي قعد يقنعها علشان لا تاخذه واذا اصرت قال لها حاسبي انتي.......... معقد .....راح على بناطيل اختي وتنانيرها القصيره حقت جهازها وشققها......يقول عيب...مع انها تلبسها له راح على مكياجها واتلفه يقول عيب الحريم يشوفونك ملونه وجهك يطلب منها تلبس شيله حتى قدامه.........فيه اكثر من كذا تحجر وتحطيم قال لها لاعاد تقصين شعرك ولا تصبغين ولا تتشببين.....مدري ليه؟ الظاهر يبي ام ثانيه ما تكفيه امه حتى مقلى زي الناس للبيض مافيه.....تقلي في صحن الكيك....كل شي عنده مو ضروري ملابس عياله من اللي فوق الرصيف...بخمسه وعشره....سبب لاولاده امراض جلديه يهزا اختي ويسبها قدام امه وعياله...هز صورتها وثقتها بنفسها...حتى ولدها الكبير ما يحترمها متكببببببببببببببر وشايف نفسه.....اذا شاف رجل كاشخ قال هذا متصابي كل ما طلبته اختي في شي قال ما عندي...وهو عنده راتب واجار بيتين وصرح لأختي انه بيشتري بيت في مكه يتعبد الله فيه..وانها محرومه من هذا البيت....بس هو وامه...وامه موافقه على هذا الظلم كله جاهل ولا يحب يقرا ولا يحب يقعد يكتب ولا يطالع التلفزيون..وعنده اخطاء املائيه....يقول كله كلام فاضي التلفزيون واشتراك المجد من عند اختي......... اخذ الباطرما(الجلسه العربيه)اللي في مجلسه وقطعها وخلاها بدل مراتب لعياله...علشان لا يشتري شي جديد والجلسه انا شفتها اشتراها اول ما تزوج من محل اثاث مستخدم وقاسيه زي الحجر امه حسوديه بشكل فظيع......اذا احد جاهم وجاب فواكه او كيك...تخلي اختي تعطيها نص الكميه...تقوم هالعجوز وتخبي الاكل تحت السرير....الين يخيس ويعفن وترجع اختي تنظف ..... اختي صار لها ازمه نفسيه وصارت لما تتكلم لسانها ثقيل ولتغه....طبعا بسببه.....وما تنفهم في التلفون...وزوجها يقول مو لازم مستشفى...انتي تتدلعين واخاف احد يشوفني واتفشل.....امحق من رجل معروف اخر مره جات عندنا من ديرتهم جات وقعدت تقريبا ثلاثه اسابيع....اعطاها زوجها بس الف ريال.... لما رجعت لزوجها بدل ما يستقبلها اخذ طقم ذهب وراح باعه واخذ من قيمته الف....وقيمة التذاكر.....قال بس قدام الناس عطيتك والا انتي ما تستاهلين وغيرها كثييييييييييييييير.....ودي بس اقول احمدوا الله على النعمه اللي انتم فيها.....وبالشكر تدوم النعم هي تسأل كيف تقدر تغيره؟ بالمناسبه...لما سألناها تتطلقين منه؟ قالت لا.....وانا هنا اقول...لله في خلقه شؤون..... |
الله يكون في عون اختك
بصراحة أنا مصدومة لها الدرجة ما عنده احساس يمكن اختك تحبه أو خايفة على عيالها وصدقيني الرجال يتغير بس تحاول انها تغيره باللين تغير اسلوبها معاه أنا اعرف وحده كذا زوجها معقدها وهي صابرة عليه كان شديد مايبغى خدامة في البيت رغم انو عندها توأم ولا يحب انها تروح للمناسبات عشان السهر هي تأقلمت معاه وصدقيني الحين عندها خدامتين وسواق من يصدق انو هذا راح يتغير بس الحمد لله والصبر جميل ولا تنسون العيال |
الصراحة...
مب قادرة استوعب اللي قلتيه.. معقولة في شخص بهالسوء..؟؟ فعلا.. مانقدر النعمة اللي أحنا فيها غير لما نشوف مصايب غيرنا.. تبين الصج..؟؟ ألحين بس أستحيت من اللي أشتكيه من زوجي.. والله أنا عايشة بنعمة ومب حاسة.. ألف الحمد لله والشكر لك يارب..... والله يعينها ويهدي لها زوجها.. |
ياااا الله وربي ضااق صدري شنو هذاا !!!
أعوذ بالله الله يعينها المسكينه عليه شلون صابره أنا ما اشوف فيه حل لاختك الا الطلاق لان واضح ان الامور واصله لحد المسدوود ومافيه مجال للأصلاح المفروض تلحق على نفسها وصحتها قبل ما تنتهي بين ايدينه وبعدين واضح انه منتهي نهائيا وكل صفاته سيئه والعياذ بالله لو كان فيه جانب حسن ممكن نتامل فيه خير لكن من كل الجوانب حالته عدم .. الغريب انها مو حابه تطلب الطلاق رغم كل هالمساويء !! ليه طيب !! الله يعينها ويصبرها ويعوضها بالاجر والثواب ان شاء الله .. |
يارب ترحمني برحمتك والله ماني قادرة أصدق ... حسبي الله عليه أختي والله إنها تعيش عند أهلك طول عمرها مطلقة أفضل لها ألف مرة من هذا الر جل ... أستغفر الله العظيم ....
|
والله أختى صدمت لما قرأت الموضوع
بس تدري ,تعجبت لما شفت انها ما بدها تطلق يمكن المسكينة بتحبو وللناس فيما يعشقون مداهب الله يعينها على هالجهاد :25: |
بحول الله وقدرته ...
أن أختك من أهل الجنة ...بسبب صبرها على هذا الكائن ...!!! وإذا فكرت شوي أقول مو هالكلام وهالصفات هذي أرحم من أن يكون الرجل سكير نكير زاني لأو لواط_والعياذ بالله _ يضرب أختك بالليل والنهار ... ويطردها بعز الليل في الشوارع أنه سكران ... لله في خلقه شئوون ...وكل شيء أرحم من شيء ... أسأل الله لها فرجا قريبا....... |
لاحول ولاقوة الابالله العظيم الحمد لله الذي عافانا مما ابتلها به وفضلنا على كثير من خلقة تفضيلا . ما اعتقد لمثل هذا حل الا العلاج السلوكي والنفسي عند المختصين واهم شي يكون هو عندة الرغبة بالتغيير وغير هذا لااعتقد يوجد حل . |
اللـــــــــــــــــــــــــــه المستعــــان
يابعد عمري عليها الضعيفه والله العظيم ترحم المسكينه هذا مو آدمي كيف صبرت عليه !! وامه المتخلفه الحقوده هذي اللي مابينها وبين القبر إلا شعره ماتخاف ربها هذي ماهي داريه ان الله فوقها لا حول ولا قوه الا بالله العلي العظيم ** اقول . . . مشكلتي اصدق " زوج اختك كان كذا ببدايه الزواج ؟؟؟ واللي قالب تفكيري الحركه هذي .. ((يبقى في المسجد لساعات ويحفظ الاذكار ومع كذا يضرب اختي ويسبها سب شنييييييييييييييييييييع يصل الى حد القذف)) !!!!!!!!!!!!!!!!!!!!!!!!!!!!!! |
لاحول ولاقوه الا بالله
حتى انا والله بجد مصدومه ليه ماتبغى تتطلق منه طيب ؟؟ ليه ماسألتوها عن السبب ؟؟؟ يعني هي ايش راح تخسر ؟؟ بالعكس يمكن حتى نفسيتها ترتاح والله يعوضها احسن منه ... الله يعينها ويصبرها على مصيبتها .... فعلا والله اننا مانعرف اننا بنعمه الا لما نشوف مصايب غيرنا ... الحمد لله يارب الحمد لله اللذي عافانا مما ابتلي به هؤلاء وفضلنا على كثير من خلقه تفضيلا .... اللهم ياحي ياقيوم فرج كربتها عاجلا غير اجل ياااااارب |
انا من راي ياختي تحاول تكسب ام زوجها اول شي ببرها والتبسم في وجهها ولاتنسى الهديه وواكد على الهديه لان الرسول صلى الله عليه وسلم يقول( تهادوا تحابوا) والكلام الطيب والصصصصصصصصصصصصصصصصبر الصبر الله يعينها ويصبرها وان شاء الله تتغير وتغير ولدها بس تحسن نيتها بحسن المعامله وتجلها خالصة لوجه الله وابتغاء الاجر في الاخرة
|
حسبها الله و نعم الوكيل
ذا يبيله حرررررررررررررررررررررررررق و حرام فيه الحطب بعد خلها تحتسب عند الله ووالله الشغله مو حب الشغله خلاص تعودالادميه خلاص صار عندها اكتئاب و مافي امل وهو فعلا مع اشباه الرجال ذول ابدمافي امل ولا بالاحلام |
كأنك أختي مشكلتي أصدق حطيتي إيدك على الجرح ... ترى أنا بعد مثلك عندي انسانه عزيزة على قلبي تعاني
الويل بسبب زوجها البخيل مع أن دخله الشهري أكثر من 1200 دينار ... لكن أول ما تطلب منه فلوس .. الرد جاهز علىطول .. ما عندي كم مرة قلت لك ما عندي .. قاعدة معاه خدّامة بلقمتها ... مصروف شخصي مثل العالم والناس مايعطيها خير شر .. بيته اشترت له فرش من فلوسها مرتين، اشترت لعيالها أسرّة لأنهم كانوا ينامون على فراش بالأرض ( طبعاً الفلوس من عند أخوانها بين كل فترة يعطونها المقسوم لأنهم عارفين حالها ) .. كل ليلة سبت زوجها يعطيها 20 دينار مصروف جيب للعيال وإذا قالت له ما تكفي رد عليها دبري عمرك ( عيالها بنتين وولد في الجامعة، ثلاث أولاد في المرحلةالثانوية، ثلاث بنات في الإبتدائي ) شلون تدبرها الله أعلم ؟؟؟ في الفترة الأخيرة تعبت وهي تقول له تبي شغالة لأنها تعبت من شغل البيت وهو يقول أنه يبي يرتاح في بيته من غير ما أحد ينغص عليه راحته ( يقصد الشغالة ) .. مع إنه طول الصبح في شغله الحكومي يرجع يتغدى وينام شوي والعصر يروح شغله الخاص وفي الليل يرجع يتعشى وينام .. شلون بتنغص عليه راحته ومتى ما أدري ؟؟؟ شايلتنه وعايشة معاه وصابرة عليه ومحتسبه عند رب العالمين .. مرة تشد ومرات ترخي لعل وعسى ينصلح حاله .. ولكن لا حياة لمن تنادي!!! آسفة أختي لأني سرحت بفكري وطلعت عن الموضوع ولم أستطع ان أعطيك حل لمشكلة أختك .. بس من جد خاطري أعرف حل لمرض البخل . أختك أم زهراء . |
طبعا استحالة يتغير شخص بتلك الصفات هي اذاي صبرت عليه الفترة الطويلة دي ده جابلها عقدة نفسية هى غلطانه هو اكيد كان باين عليه من الاول طبعه ليه استمرت معاه هي الان امامها حلين اما ترضى بالامر الواقع او تطلب الطلاق قبل ما يدمر نفسيتها و انا من رأي تطلب الطلاق و الاولاد بتربوا بعيد عن اب مثله احسن لنفسيتهم و الا اصبحوا معقدين مثل ابوهم
|
ياا بعد عمري اخويتك تقطع القلب
هذا زوج والا وحش!!! كيف عايشه معه بس اقوووولك شي اللي فيهم صفه البخل هذا مايتوبون أبدا ولايتغيرون جدي ابو ابوي من فئه هالرجال وجاب لجدتي الجلطه ولا يصرف عليها ريال مع العلم عنده مليارات ما هو مليونير بليونير غني وغني وتعجزين تقولين غني وش سيارته ددسن وبيته عياله اللي يصرفون عليه من ناحيه الفواتير والمقاضي والاغراض ورواتب الخادمات وحتى مايساعد عاياله اذا بغووا يتزوجون مايساهم بالمهر الاخوان الكبار يساعدون اخوانهم الصغار وزوجته اللي هي جدتي لما توفى ابوها واستلمت ورثها أخذه منها بالقوة وحده من بناته زوجها ضربها ضربوكسر ضلوعها وتقرير شرطه ومدري وشو وطردها من البيت قال ما بي عيالها يصرفون اكل ويصرفون فلوس الكهرباء للعلم هم طفلين عمرهم 3 والثاني 4 سنوات وطرد بنته وراحت عند عمي الكبير وبنهايه المطاف جدتي أصيبت بجلطتين وشكل الثالثه بالطريق لأن الأخ راح يتزوج عليه وحده اجنبيه وبعيشيها مع جدتي!!! وهالشايب يمار الظلم والبخل والحسد وحب النكد من تزوج جدتي من كان عمره 20 سنه الى الآن عمره 80 سنه والى الان متسلط سيء الى درجه احفاده اذا شافهم يلعبوون لحقهم ويركض وراهم ويضربهم ويهاوشهم ويطردهم بالشارع مع ان بيته كبير قصر وفيه ملاعب وحدايق بس ما يبغى يشوفهم يلعبون كذا مزاج!!! يبغاهم تماثيل مو أطفال؟؟؟ ومسوي نفسه ماشي على الطريق الصحيح ومسوي نفسه دين ويخاف ربه وهو عكس ذلك مرة مشكلته مشكله هالشايب اللي هو للأسف جدي وشكل زوج اختك مثل جدي ياا مشكلتي أصدق |
مشكلتي أصدق ؟؟ انتي شو رايج ؟؟http://www.66n.com/forums/images/icons/icon5.gif إختــــــــــج : خلك إيجابي ! |
لا حول ولا قوة إلا بالله.....الله يصبرها يارب ......
هذا الشخص من الناس الذين لا يستحقون العيش..... لماذا...؟ وكيف....؟ أعوذ بالله..... هل نزعة الرحمة من قلوب البشر....!!! ولكن .....دعواتي لأختك بأن الله يفرج عليها كربتها....... |
|
كان الله في عونها
بسم الله الرحمن الرحيم ،
أختي العزيزة مشكلتي أصدق ، كان الله في عون أختك وصيرها على ما هي فيه وإن شاءالله كله أجر وثواب لها في ميزان حسناتها إن شاء الله ، يكفي صبرها وتربيتها لأولادها. أعلم أنه من الصعب جداً على الواحدة منا أن ترى أختها في حالة سيئة فأنا لا زلت أرى أختي وحالة ابنها ( للعلم أنا اعلم عن حالته أكثر منها فنحن نخبي عليها وندعو الله عزوجل أن يتلطف فيه وان ينعم عليه بالصحة وعليها بالصبر )، ولم استغرب قولتك أن مشكلتها ارقت ليلك لم تذكري أختي وضع أهلك هل يعرفون عن حالها وهل تدخلوا في الموضوع ؟ كيف أختك صبرت عليه هذه السنين ؟ هل الوضع المادي لاهلك يسمح لها بالعودة وترك هذا الرجل الذي يصعب ترويضه بعد أن بلغ به العمر ما بلغ ومن شب على شئ شاب عليه !!!!!!!!!!!!! لا أظن أن أي علاج نفسي او سلوكي سينفعه ولكن لربما خفف قليلاً على الأقل ليش السباب والبهدلة ـ بخيل بخله على حاله وأولاده بس ليش التطاول على بنت الناس ؟!!!!!!!!! يجب ان يتدخل أحد من اهلك بالموضوع .............. والله يعين |
أنا ما اشوف فيه حل لاختك الا الطلاق
لا اعتقد ان هذا الكائن يمكن ان يتغير فهناك حدود للتغيير |
وانا اقرأ الموضوع منصدمه اقول في ناس في هالزمن بهذه الاخلاق والرزاله والبخل
ما اقول الا الله يعين اختك وربي يهدي لها ويعطيها ربي على نيتها وصبرها الصحه والعافيه |
لا حول ولا قوة إلا بالله
إنا لله وإنا إليه راجعون |
والله انى حزنت وانا اقراء كلامك
بس انا من نظرى انه انسان معقد او مريض وافضل شى عرضه علي طبيب نفسانى وبعدين ليش اهلك مايكلمونه ويتفاهمون معه ويعرف ان ورها رجال ويوقفونه عند حده وصراحه انسان بهلعقليه صعب العيش معه واتمنى من الله ان يفرج هم اختك وهم كل مسلم |
لاحول ولاقوة الابالله العظيم
الله يكون في عون اختك ... أسأل الله لها فرجا قريبا.. |
مالنا الا ندعي لها ان الله يصبرها ويعينا على نفسها
|
الله يفرج همها ويصلح حالها
وربك مايضيع أحد |
الف الف الف شكر على هذا التفاعل والدعوات ولكم فردا فردا جزيل الشكر
النت عندي خربان والا كنت رديت عليكم بالاسم ولكن ما اضمن يصل الرد لذلك سأختصر احبائي.....لازلت لم اجد احد منكم زودني بطريقه اكيده لتغيير هذا الكائن الغريب غير الصبر والدعاء واللين.....لانها كلها سوتها من ناحية اهلي فهم عارفين كل صغيره وكبيره ومن شهرين فقط وهي كملت ست سنين وشوي زواج كانت ساكته وصابره....ولا كشفت مشاكلها الا بسبب الثقل اللي اصابها في لسانها فأعترفت بهذي المشاكل وان زوجها هو السبب انا سألتها قلت لها ما تبين ابوي يتدخل....بالطيب باقوه....اهم شي يكلمه ويحتج على هذا المستوى المتدني في المعيشه قالت لا.......اخاف يرتفع السكر ويموت وزوجي بيبقى مثل ماهو ما بيتغير....واخسر ابوي ويبقى القرد على حاله تخاف انها تدوش ابوي بالمشاكل بدون اي طائل..... قلنا لها تتطلقين طيب؟ قالت والعيال؟ خصوصا الكبير يموت في ابوه وفي نفس الوقت بدا يكرهه.... حالة اهلي الماديه ممتازه ويقدرون يلمونها وعيالها ويعيشون في مستوى ممتاز بيت اهلي صغيرون شوي بس ينفع.... الغريب في الموضوع واللي خلاني اتنرفز منها....اني اتذكرها في كل صيفيه من السنوات اللي فاتت لما كانت تجي ما كانت تعيبه ابدا في شي بالعكس ما ترجع الا بأقل شي ثلاث هدايا له من اللي هي ....وما تقطع مكالمات معاه....وتقعد اطول فتره نص ساعه... وكلها ضحك وتشتاق له بشكل اننا تطمنا عليها قلنا هذا ما ينخاف منه..... بحياته ماقد بادر وسأل عليها واتصل هو ......دايما هي.... ولا انتبهنا الا الحين....وهي اعترفت انها كانت تغطي عليه ولا تبينا نحس..... امه ظااااااااااااااااااالمه.......قد ما اقول ظالمه فهي اكثر........تتعمد تظلمها وقاعده ترشح لولدها بنات وتحليهم في عينه وهو ما يفكر يتزوج....مو حبا في اختي الا بخل الله لا يبتلينا...... زوجها تقول بحياته ما قد شكرها ولا قد قال لها كلمه حلوه....اشترى سياره جديده ويستخسر فيهم التمشيه يقول تنهلك السياره.... الصابون المستخدم للايادي هو نفسه صابون الغسيل حق الملابس....لكم تصور ذلك اختي اذا لبست وكشخت له وبخرت البيت....قام يصيح....يقول خلي البخور والملابس الحلوه للناس....وفريهم ما بشتري لك شي.....وفي يدها ساعه من رادو ....قام فكها وقطها في الدولاب يقول وفريها مالك غيرها...وللعلم الساعه من ابوي هديه زواجها النحس.... بعد اقل من شهر اختي بتجي......واخاف والله اعزمهم عندي في البيت الجديد لاني عارفه انها بتتحطم يوم قعدت اقارن باللي عندي واللي عندها طلعت انا ويييييييييييين وهي وين الله يخلف عليها ابغى بس اعرف طرق اكيده مجربه مع البخلاء وسيئي الخلق هل ترد عليه الكلمه عشره تبطل هدايا كل ما جت ولا تتصل ما تبادره مثلا بشي حلو ايش تسوي ابيه يتربى وابوي بس يستنى منها اشاره علشان يتدخل وهي مو راضيه تقول لا طيب...يتدخل بدون ما تطلب شوروا علي الله يوفقكم ولا يحرمني منكم....... |
السلام عليكم ورحمته والله وبركاته
كان الله في عون كل مبتلي ................... وربنا يمهل ولا يهمل سبحان الله اذا راجعنا انفسنا ومجتمعنا نشاهده من امثله كثير النار ما تاكل غير النار وكل واحد وطيبة اخلاقة كثير بنسمع عن ناس بتخسر في حاله الاكل وفي النهاية بعيشة محرومين وبموته محرومين والي زي هيك دائما يومهم بيكون قريب لانه ربنا كبير وكل المصاري بتروح بغمضة عين وان شاء الله بتكون من نصيب اختك لانه صبرت وبتنول وربنا كبير وما حد بكبر عليه الا وكان عليه سلطان والله يهدينا آآآآآآآآآآآآآآآآآآآآآآآآآآآآآآمين يا رب |
بالمناسبه...لما سألناها تتطلقين منه؟
قالت لا.....وانا هنا اقول...لله في خلقه شؤون..... ______________________________ غاليييتي لابد ان هناك ايجابيات في زوجها لايوجد انسان سئ جدا اساليها ليش ماتبغين تطلقين ودعيها تعدد ايجابياته واخبرينا بها لنجد حلا لها لي عوده |
يا الله!!!
لو انا مااصبر معه ولا يوم لا مو يوم ولا دقيقه!!! هذا مو معقول ابدددد وهذي مشكلتهم يتغطون بغطاء الدين |
مافيه ولا ميزه ايجابيه
الا انه مو حق حريم لانه بخيل مو لله |
صراحه عورة قلبي لدرجه انه جاني اكتاب
لكن اخت خايفه على اولادها لانه داري انه بعذبها فيهم لان مبين ما يخاف الله صدقيني كل اجر بس الله يصبرها |
اختك عاااااااااااااااااااااااااااااااااااااقله
وراضيه بقضاء الله وصابره ولن يخيبها الله ولو تدخلتوا وتطلقت تشتت الاولاد واذا كبروا اتهموها هي بذلك ويبي يقولون لماذا لم تصبري على ابونا وتتحملي علشاننا اتركوها بحالها وساعدوها بماتستطيعون لاني سمعت شيخ يقول يكفي الزوجه من الزوج انه سبب لاانجابها الاولاد والباقي يهون الله يسعدها ويحنن قلبه عليها ويسعدهم |
الله يصبر قلب هالمسكينة أختك ويأجرها في مصيبتها ,,,,,,
أختي ما نصحتيها ما قلتي لها تتعالج المسكينه بدت تتعقد انتي تعرفين ان اغلب الحالات النفسيه تنقلب الى امراض عضوية ياربي وش هالدنيا اللي حنا فيها ناس تعبد ربها وترجوا رحمته وهي ما فيه بقلبها اي رحمه ....... اختي انصحيها خلي اخوانك يتدخلون قبل لا تضيع اختكم هذي بدايتها بدى يثقل لسنها وش راح يكون تاليها ......... الله يكون بعونها ما أقول غير صبر جميل والله المستعان ......... |
بكيت وانا اقرا مشكلتها والله العظيم
شي يحزن ثقل في لسانها وهي بهالعمر وش بيصير فيها بعد خمس ولا عشر سنين الحقو اختكم بكرا تجيها جلطة ولا سكتة وتتندمون انكم سكتو لا تنتظرون منها الموافقه تدخلو انتم واصلحو حالها ولا خلوها تطلق والعيال مارح يضيعون بعد السبع سنين راح يخيرون بين امهم وابوهم واللي يختارونه يتحملونه مو معقول انها تضحي بصحتها وحياتها اصلا لو تتحمل زيادة يمكن تنجن بعد كم سنة لازم تلحقونها قبل تندمون لانه بدت الاعراض تبين عليها وهذا دليل على عدم قدرتها على التحمل واذا هي شخصيتها ضعيفه وخايفه من الطلاق انتم اقوا منها ولازم تتدخلون في حياتها حتى لو بدون رضاها لانها ماتعرف مصلحتها |
والله اني تضايقت لما قريت الموضوع
انا اشوف ان مافي حل غير الطلاق هذا انسان ينحب ؟؟؟ علشان ماتتركه واذا كانت رافضه فكره الظلاق توديه دكتور نفسي |
الحمدلله الذي عافانا مما ابتلاه
اكيد مريض نفسي . . . . . بنان |
حبيبتي.. مشكلتي أصدق..
ماعجبتج حلول الأعضاء بأنها تتطلق وترتاح منه.. الحل اللي عندي مثل ماقلتي.. لما تييكم ماتتصل له أبدا.. ولا تسأل فيه.. ولا تعطيه ويه إذا اتصل.. مجرد السلام وعليكم السلام.. ولا تفكر انها تعطيه هدايا.. بالأول تاخذ له وتتصل وووو عشان ماتحسون.. بس ألحين عارفين كل شي.. فلا تخلونها تسوي هالشي.. ولازم تزعل.ز وتروح بيت أهلها وتقول مارد لك إلا إذا.... وتفرض شروطها.. وإذا مارضى في الطقاق اللي يطقه... أحسن... وغذا حاول يجبرها أو يوصلها للمحاكم عشان يطلبها في بيت الطاعة.. خلوه يجرب.. أصلا القاضي من أول ماتشتكي له منه وتقول عن اللي فيه وفيه.. على طول راح يحكم لصالحها.. وإذا بغت يطلقها منه.. أبدا أبدا لا تسكتون عن هالموضوع.. والله ترى في ذمتكم لو صار لها شي.. لأنكم ماتتحركون لها.. وحتى لو هي مب راضية .. ماعليكم منها.. هي ماتعرف مصلحتها.. هذا الانسان (والله أشك إنه انسان ) شل تفكيرها.. والكبت اللي كبته طول هالسنين خلاها ماتفكر عدل وماتعرف مصلحتها ومصلحة عيالها.. الله ينتقم منه.. مع إني ما أحب أدعي دايما أقول الله يهديه ويصلحه.. بس مب قادرة أدعي لزوج اختك هذا بالذاات.. |
فعلا
البنت رافضه الطلاق خوفا على العيال واحنا في مجتمع يهاجم المرأه للإنتقاص والتحطيم لا غير سبحان الله .. ما ادري كيف تتحمله؟ كيف تصبر عليه؟ والله قمت اخاف اذا جت تقوم تقارن بينا وبينها بصراحه فرق السما والارض اخاف اعزمها على البيت الجديد والله لتموت غبن ابن الظالمه دفنها بالحيا من جد تعتبر مدفونه لا لقمه سنعه ولا لبس زي الناس لا تمشيه لا حب لا دلع لا حنان كيف باقي متحمله مدري وهي اللي مربطتنا تقول لا تكلمونه ابدا ما ينفع احترت معاها قمت ما اكلمها لأني كل ما اكلمها ما افهم نص المكالمه وبعد ما اقفل منها ابكي على ضعفها وزوجها ماهو حول علاج لها ولا يحس بنفسه مغرور ومكابر وشايف نفسه وكله كبر وغطرسه وعنجهيه وغباء وجهل ماخلى كلمه قليلة ادب ما قالها فيها ولا فينا كلمة رجل كثيره جدا عليه واستخسرها فيه برضو يا جماعه ماحد اعطاني طريقه مجربه ممكن تغيره الى الافضل بليييييييييييييييز ما تنسوني |
اختي
ان الله لا يغير ما بقوم حتى يغيرو ما بانفسهم لقد اعتاد زوج اختك من زوجته الصمت و القبول و الرضا ،،،، وهي اعتادت هذا ايضا عليها ان تقتنع هي اولا بانها تحتاج للتغير و انه من مصلحتها و مصلحه زوجها و الاولاد اولا ثم بعد ذلك تبدا عمليه الاصلاح لكنك الان تنصحيها و تقنعيها و هي لا تسمع ولا ترى ولا تتكلم هذا صعب لن تجدي اي وسيله للتواصل معها انها تعيش و زوجها و اولادهم في عالمهم كما اشرتي تسكن في ديرتهم اي انها منقطعه عن الاتصال بكم الا وقت الزياره وهذه الفتره حلت عقده لسانها بعد 7 سنوات لكنها رافضه التغير عليكم في زيارتها تبيان فوائد التغيير عليها و عليهم ولمصلحه زوجها هي في عقلها ان التغير معناه التصادم مع زوجها و التاثير على استقرار الاوضاع لمن حولها وتخاف ان يتحول الامر لكره و بغضاء بين اهلك و زوجها لهذا يجب ان تفهم ان التغير المراد هو تغير لصالحها و اسرتها و لمصلحه زوجها و لاستمرار الحياه الكريمه بينهم و من ثم يكون الحل منكم لهذا الزوج الذي فقد الاحساس بالحياه ونسي ان الله خلق الانسان للعباده وحتى يساله عن عبادته ،،، و معاملته الحسنه للناس الله يصلح احوال اختك و جميع المسلمين |
| الساعة الآن 09:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©