|
إكتشافات زوجيه
حياكم احبتي الكرام كل يوم وسنه تمر على الحياة الزوجيه ونتيجة لطول العشره الله لايفرقنا واياكم ويديم السعاده على الجميع تكتشف الزوجه ان اسلوبها مع الزوج في مقام معين خاطئه وهي سبب بكثير من المشاكل وضيق خلق الزوج عليها فلو فتشتت وعالجت واستفادت من خبرات غيرها لوجدت حلولا كثيره & & & & & & & & واليكم تجربتي وابغى تجاربكم :18 : انا مثلا كنت استعد لزوجي حين عودته الظهر واجهز الغداء والبس واتعطر وارسم ابتسامه عريضه اعرض من هذي:d وبانتظار حبيب القلب :14: وحين اسمع صوت فتح الباب اركض واستقبله .<<<<<<طبعا مو كل يوم المهم اذا دخل نور عيني اجد وجهه مكفهر ومعبس ومكشر :( ويسب وش هاذا وليش كذا اشياء تافهه يبحث عنها ليصب جام غضبه لي او احد الاولاد كنت في هذه الحاله اصد عنه واكشر :( واتمتم بكلمات بيني وبين نفسي:29: وانصرف لتجهيز الغداء ويمر يوم نكد<<<<<<واذا طورت الموضوع مر علينا اسبوع نكد والان اصبحت<<<<<درس قواعد:) اذا حدث مثل هذا الموقف ارحب فيه بصوت عالي وياهلا بالغالي وانا اقول وش هالنور اللي دخل علينا ويلتفت علي ويقول اسكتي خلاص واستمر واضحكه باي شئ ووالله ووالله انه يبتسم غصب عليه زي هذا>>>>>:11: ويمر اليوم بسلام وامان :d هذي تجربتي تعالوا موتقرون وتمشون ابغى منكم تجارب واكتشافات نطبقها ونسعد واياكم دوووووووووووووووووووووووووووووووم |
الله يوفقك يا اختي ضحكتيني عن جد الله يخليكم لبعض ويبعد عنكم الغضب...اخوكم السيم
|
اقتباس:
جزاك الله خيرا ..... |
صدق فن الحياة الزوجية
فن السعادة والهناء |
السلام عليكم
من ناحيتي كنت ازعل من زوجي لاتفه الاسباب واتصنع ذلك اتعلمون لما لاني اريد ان يراضيني فأنا استلذ بذلك ولكن مع مرور الايام صار يطفش ويتضايق ويتركني فأزعل من جد فتركت هذه العاده السيئه ووفرت الزعل لاسباب قويه حتى يفتقدني وشكراااااااا |
السلام عليكم
دائما الرجال مكشرين ميدخل البيت إلا وهو زعلان يصب طفشه على زوجته المسكينه وهي تتحمل لكن لمتى والله إنا نستقبل ونضحي ونتعب معاهم لكن أحيانا تلاقين نتيجه وحلى حسب مزاجه بس الله يعين .......... |
ضحكتيني وبس مافيه غير كتومه افادتنا نبغى حتى الازواج يسجلون لنا اخر اكتشافاتهم بانتظاركم |
كنت اذا جا معصب اقوم اصرخ واصيح انا ايش سويتلك عشان تعصب علي ومن ها لخرابيط
بس يوم فهمني بعد حفلات نكد طويله انه هو يكون معصب من العمل والضغط وانه ما يقصد يكون عصبي فهمت لكن الحين اذا كان زوجي داخل معصب احاول اسكت او اساله ايش مكدر خاطرك يصرخ شوي ويهزء ويطلع اللي بخاطره وانا اقوله هونها الله يعينك ويدخل ينام واصحيه برواق وتخلص السالفه |
داخله لقافه .. لا متزوجه ولا شي..:d بس ابغي اقوول.. ومنكم نستفيد ..:22: |
الــــــــــــــــــــلـــــــــــــــــــــــــه واكـــــــــــــــــــــــــــــــبر
اذا بغيتي ماعندنا مانع نعطيك اكتشافات واختراعات وابداعات ورنعات وصنعات والله العالم يمكن نصير احسن مكتشفين بالعالم لاحسن واحدث قنابل نوويه الله يستر بس والله ماادري وش ابدي بانواع الاختراعات اللي مارستها اقولك انتاج رقم 1 ولا 2 ولا 3 ولا00000الخ طبي وتخيري يابنت الحلال راح اقولك رقم الانتاج وتاريخه واذا بغيتي اكتب made in يافيافي نجد كل يوم يمر على الرجل تحسين يغيره السن والعمر والظروف ونفسيته تتغير واللي يعجبه اليوم مايعجبه بكره وانت يالحرمه صيري شاطرة واكتشفي والله يعين بس |
اقتباس:
تسلمين يامميزه هذا اكتشاف يسجل في تاريخ الزوجيه ننتظر البقيه واكيد الازواج اكتشفوا في زوجاتهم شئ <<<<<<<<<<<<تراهم مناجم بس انتم احفروا |
الرجل المزاجي ايش الحل معه كل يوم يومين بمزاج ما بتلحقي تتعودي على طبع معين إلا هو مغيره
|
اقتباس:
احلى فرصه امنا مرت من عنا ابغى احدث اختراع وانتاج منك لازم تفييدنا يالغاليه |
اقتباس:
خيييتي المثابره لابد وان لزوجك مفتاح ابحثي عنه الله يسعدك |
حلوه المتعذبه داخله لقافه.. انانا بعد مو متزوجه ومثلك داخله لقافه............. عشان نستفيد..
|
مرحبا فيافي موضوعك بالمره حلو :22: ويحفز أن نشمر الأيادي لنكتشف أخطر الإختراعات لنرضي الزوج :d وأحنا لنا الله :( بس المهم أننا سوينا إنجاز وحققنا لهم السعاده أو الضحكة :d اما بالنسبه لي ساكنه في ديره بعيده عن أهلي وماعندي أحد أعرفه بهذي الديره غير زوجي:d ولا عندي طلبات غير أبي أروح لأهلي وحشوني فقط من الطفش بس هو سييييييييييييييييدا لايروح فكركم أنه يوديني لهم لالالالا سييييييييييييدا زعل أنتي ماعندك إلا ودني لأهلي وتبدأ تشب النار أنا ماأطلب شي غيرهم طبعا أبو الشباب يبيني 24 ساعه مقابلته ولا أزور أهلي إلا بالصياح والزعل :15: بعد فتره عرفت إنه مايعصب إلا إذا طلبت زياره لأهلي بعد أسبوعين من شوفتهم وإلا باقي الأيام ماشاء الله النفس حلوه أكتشفت إن هذا الشئ اللي يضايقه:28: طبعا قلت من أجل عين تكرم مدينه:29: وتصبرت على الألم ألين هو يطلق الصراح وبكذا أكتشفت السر مايبيني أبعد عنه أبد بس والله أحسها مشكله بس يمدحون الصبر عسى الله يجيب الفرج وآآآآآآآآآآآسفه على الإطاله معليش كتبت قصة حياتي بس حمسني الموضوع وحبيت أنقلكم خبرتي المحنكه :23: وأتمنى للجميع التوفيق ياااااارب |
اقتباس:
سيم سيم :d ومشكورة ع الموضوع ، ما قصرتي فيافي .:22: تحياتي لج ، إختج : خلك إيجـــــــــابي ! |
اقتباس:
خيييتي كيان الشوق والله ااكتشافك جدا مهم :22: وزوجك يحس بالغيره من كثر ماترددين اهلي اهلي:11: معناها انه يحبك يالغاليه:14: وبطريقتك المكتشفه حديثا وهي عدم ذكر ااهلك بتخليه يرحمك ومن نفسه يوديك والله هم حبيبين :30: بس حنا ماعرفنا لهم |
المتعذبه جعلك ماتشوفين عذاب يالغاليه
اميرة الورد خلك ايجابي والله الموضوع منور بكم وبلقافتكم يالغاليات وخبرات لكم ياانسات |
السلام عليكم ورحمة الله وبركاته شكراً على الموضوع الحلو فيافي مريت عليه أول واللحين رجعت بإكتشاف تذكرته اول ماتزوجت:22: زوجي ماشاء الله حنون ولطيف وطيب ودائماً يغمرني بإبتسامته هذيك الليلة رجع من عند أهله وكنا بغرفة التلفزيون وفجأة ما يطالعني:mad: مايكلمني حتى نظرة مافيه ولو فيه بدون تركيز جاني خوف:rolleyes: :rolleyes: أنا ماسويت شيئ غلط ياربي لا يكون زعلته وأنا ماأدري أو يكون في شيئ عند أهله يمكن صارت مشكلة:30: ماني عارفة الحل قربت منه ابتسمت :d ابتسم بس بعد مو معي:) سألته ايش فيك رد بعد وقت مافيني شيئ طيب ليش ساكت بعد رد متأخر ولا شيئ الصراحة خذت في خاطري:( حسيت فيه شيئ وهو يخفيه:11: بعد وقت رجع زي ماهو المرح الضحوك الشقي وقال السبب اللي ماتخيلته ولا تأكدت منه إلا بعد ماتكرر وأكتشفت :17: :17: :22: إنه أذا كان يتابع مبارة ينسى ماحوله يركز ولا عاد ينتبه والله أول ماصدقت ووخفت وزعلت بس بعدين تأكدت وعرفت ومع أنه مايتابع كثير للمباريات إلا أنه اذا كان يشاهد مبارة أو يتابع تحليل رياضي أو حتى فاتح على القناة الرياضية فأنا أعرف أن كامل تركيزه عليــــــــــــــــها فما أكلمه وأقوم أسوي أي شيئ أنظف أرتب أتزين أي شيئ أو حتى أزور أهلي وحتى وهو مسافر لعمله أذا شفت إخواني يتابعون مبارة لفريقه ما أدق إلا بعد المبارة طبعاً لما الإنسان يعرف طبيعة شريك حياته ويتفهم إهتماماته راح يتقبله ويجد تبرير لتصرفاته وهذه أول خطوة للبعد عن المشاكل إلى اللقاء فيافي في إكتشاف أخر وفقك الله ورعاك |
ماخطر لي موقف من هذا القبيل ولكن أريد أن أحكي موقف حدث لي بالأمس ::
كان زواج أخي وطبعاً ذهبت إلأى الكوفيرة وعندما عدت كنت جالسه أضع في جسمي من البودرة المعطرة حقت الجسم أمام زوجي وكنت أضعها دايماً عندما تزوجنا والآن أنقطعت عن ذلك المهم :: قالي زوجي ::ذكرتيني بالذي مضى وانتهى؟؟؟؟؟ طبعاً تضايقت ولم أبين له (بس في قلبي )فقلت له:مََََََََََََََََََََََََََََََََََََََََََََََ ََََََََََََََََََََََََََََََََََََََََََََََََََ ٍَََََََََََََََََََََََََََََََََََضى وعندخروجنا من البيت قلت له :تعرف ليش أنا بطلت أضع البودرة والأشياء الحلوة كثيراً لأنك حتى لما ألبس لبس جديد ماتهتم ولاتقول حلو أو رائع قال..يالله يالله أتخرنا خلاص انتهى الموضوع... وجلست اضحك في نفسي |
اقتباس:
والله اكتشافك جدا مهم:22: لانك لو ماعرفت هذي النقطه كانت سببت لك الكثير من المشاكل ليش مطنشني؟؟؟ انا ويش سويت لك؟؟؟ والمسكين باله في المبارات الله يسعدك كمان وكمان ولاتحرمينا جديد اكتشافاتك:d |
كان زوجى ضعيف ماديا
وكنت متضايقه من ها الشي وكنت احيانا ابدى انزعاجى من ها الشي ولكن مع مرور الزمن اكتشفت انى محظوظه بزوجى لانه يملك خصال حميده كثيره تغطى على عجزه المالى وصار لما يجى يشكيلى من شي متضايق منه على الوضع المالى اقوله ياسيدى بكره ربى يفرجها ولا تزعل نفسك ولا شي الى خلقنا ماحينسانا وادعيله وكان ها الشي يسعده ويخفف من ضيقته |
اقتباس:
انتبهي ياوخيييتي ام البراء اكتشافك جدا خطير:24: وممكن يحدث انفجار باي لحظه:18: زوجك يحب تتزينين له ويلاحظ ودقيق الملاحظه:11: لكن مايعبر بالاقوال بل بالافعال:30: :17: وننتظر اكتشافات جديده منك يالغاليه |
اقتباس:
حياك يالغاليه نعم الزوجه ياوخيييتي واذا ماتحملناهم وقت الشده نسهل عليهم وقت الرخاء وبانتظار اكتشافات اخرى |
اكتشفت اكتشااف
ان الرجل تجيه حالات يحب ينعزل بنفسه شوي ويحب يرجع لحياة العزوبيه وكان زوجي لما تجيه هالحاله ازعل واتضايق واقول اكيد انه مايحبني ..اكيد حاط عينه على وحده ثانيه ومن هالوساوس,, ومع التعود عرفت انه اذا جته هالحاله المفروض اطنـــــــــــــِش واسلي نفسي بأي حاجه لما يرجع لطبيعته ويضحك ويسولف عااااااادي والاكتشاف الثاني <<< عالمه وانا مدري عن نفسي :) انه زوجي مايحب ابد الصوت العالي ولا المجادل وقت الزعل بمعنى اسكتي لما اخلص كلامي وبعدين حاسبيني مثل ماتبين وبكذا ريحت راسي وراسه ووووووووبس...... وموضوعك خطـــــــير والاخطر الاكتشافات المفيده .. وتسلمي ياعيوني .. |
اقتباس:
حيالله هااااايدي الجميله سجلت لنا اختراعين مهمين ونبهتينا لعزلة الزوج وهذي اول مره اعرفها والصوت العالي كل الازواج مايحبونه لازم نسجل اكتشافاتنا بكتاب وننزله للاسواق والاهم انه من تجارب وووووووووووووووواقعيه تسلمين يالغاليه |
يعني انا كمان اكتشفت انو في كتير اشياء تايهة عننا واحنا مو دريانين
صحيح الواحد بعيش وبتعلم من اخطائه واخطاء غيره كمان انا اكتشفت ان زوجي يحبني لما يقول لي كلمة احفظها واسمع كلامه فيها يعني امرني بامر ولو نسيته .......... يا ويلي يا سواد ليلي طبعا اتعودت على هذا لاشي وصرت لما يقول لي كلمة اخذها بعين الاعتبار وقبل ما اتصرف اي تصرف افكر مية الف مرة وهيك ما يحب كلامه يطير في الهوى والله المستعان ادعولي بارك الله فيكم ويهنيكم ويسعدكم دنيا وآخرة اللهم امين موضوعك يجنن |
اقتباس:
غالييتي شخصيه مجهوله الله يبارك فيك ويسعدك مع زوجك وفعلا فيه اشياء مانعيرها اهتمام :11: وهي تعني للازواج الشئ الكثير سجل اكتشاف خطير:22: الله يسعدك |
ااكتشفت مؤخرا:22: ان زوجي العزيز في اي اامر يبت فيه ويقرره:30: يجب ان اقول له انت ابخص_((يعني اعلم))) حتى لو كنت ارى انه خاطئئئئئ من راسه لساسه :29: اقول سم صح عليك :22: والناس كلهم خطا وفيما بعد يرجع عن رايه وياويلي:24: لو اقوله شفت هذا شوري ورايي:18: التزم الصمت وانسى الموضوع |
انا احكي لكم موقف بس هو مع ابويا مو مع زوجي00 لاني مخطوبه00المهم مره بابا جاء معصب وماما عملت له شاهي بس كان الشاهي سكره قليل وهو يحب السكر كثير فجاء عندنا الغرفه وانا شفت الغضب في عيونه قال ليش الشاهي ما في سكر رحت انا قلت له انا الي عملت الشاهي وقلت بابا سكر بلاش ازود سكر جلس يضحك وشرب الشاهي0000000000
|
الله يعين على الدنيا يبغالها صبر وتحمل والنفوس صارت كبيرة
|
اقتباس:
ماشالله عليك ياوخيييتي تصرف دبلوماسي ينفعك مستقبلا شرفت يالغاليه:22: |
باول زواجي كنت لما استأذن من زوجي عشان اروح للسوق مع خواتي......يعصب ويسوي مشاكل مالها داعي
ومراااات اذا وافق اني اروح مع خواتي ........اروح للسوق بس لما ارجع للبيت ينطر اي زله عشان يسويلي مشكله..... بس بعدين اكتشفت..... والاكتشاف كان خطير.......مثل اكتشاف الذرة.......هههههههه عرفت ان زوجي ما يحب اني اطلع لاي مكان مع اي شخص غيره ..حتى لو واحد من اخواني...... والسبب اني يغااااار.......تخيلي.....يغار حتى من اهلي.... ومن بعد ما قالي انه يغار صرت ما اطلع الا معاه ولا اقول له بروح مع فلانه او علانه..... بس قلت له تحمل مشاويري!!!! الحين شكله نااادم.......ههههههههههه تسلمين فيافي على هالموضوع دووووووت |
اقتباس:
حيالله الغاليه دوووووت:) والحمد لله انك ااكتشفت واحلى اكتشاف :d الغيره تعني الحب الله يسعدكم ويهنيكم وننتظر اكتشافات اخرى منك ياوخيييتي:11: نبغى نستفيد لان صنف الرجاله لايصرح بس يعصبون ولا ندري وش الخافي :25: |
والله انك لذيذة جدا جدا ودمك خفيف
بالنسبه لي كنت أزعل شوي....... لكن بعد كده000000خلاص أتعامل معه عادي وأكبر دماغي كأنه مفيش حاجه لكن لو زودها اتلاشاه وأعمل أي حاجه متخليناش نتخانق لأنه هو متضايق من الشغل و فلان وعلان 000000وأنا زهقانه من البيت و العيال والحبسه جوه البيت طول النهار لحد ميتعطف علي ونخرج " عند أهله "طبعا. وربنا يصلح حالي و حالكم جميعا0 |
ما شاء الله عليك ياليتني أقدر أسوي مثلك المشكلة إني ماتعودت على مثل ذلك لو سويت يمكن يقول غريبه وش اللي صار؟
|
اقتباس:
لازم نرخي من عندنا علشان تمشي الامور مع ازواجنا وتصرفك طيب وتسلمي |
:15: موضوع حلوووووووووووووووو كتييييييييييييييير وعسسسسسسسسسسسل
انا بالنسبة لي مالكة يعني لسة ما تزوجنا بس ملكة ، بس الحمد لله علاقتي بخطيبي حلوة واخذنا على بعض كتير وتقريبا فهمنا بعض على الاخر لانو طالت الخطبة وصار عشرة بيننا فعرفنا طباع بعض، ما رح اطول رح ادخل بالموضوع والاكتشاف:22: :22: :22: محمود خطيبي هادي كثير وانا نرفوزة وعالسريع اعصب ،وهو حرام لما يشوفني معصبة يخليني اطلع الي بخلقي وبعدين يحكيلي تعالي ناقشيني وبكون رقت وتحدثنا بس انا العصبية الي ما افهم ( بس الحمد لله هلا صرت افهم :25: :25: ) كنت لما اشوفو معصب ما اعطيه فرصة ازعل منو ليه زعلان حتى لو انو مو زعلان مني ومتضايق من شيء خارجي ، واذا زعلان مني او بينا مشكلة وعصب فهو عصبي كثييير ( لانو طبيعتو هادي وما يعصب كثيييير يعني بالاختصار من النوع الي ينقال فيهم اتق شر الحليم اذا غضب) وانا طبعا لازم اعصب متلو وما اعطي فرصة ينفس عن روحوا شوية واصير اصيح ، ولما يصير يناقشني يرتفع صوتي واناقشة ولا يفهمني ولا انا افهمه وتكبر المشكلة حتى لو انها بسيطة ، المهم بعد ما تكرر الموضوع ، اجا حبيب روحي وعمري ( الله لا يحرمني منو) ، وقعدني وحكالي::::: انتي لما تعصبي انا بكون هادي صح؟؟؟!!!1:29: :29: طبعا اجاوب بنعم فحكالي يا عمري يا حبيبتي طول ما انتي على هالطبع عمرنا ما رح نرضا او نتفاهم ، لازم لما تشوفيني معصب انتي تهدي اللعب شوية وتبلعي غضبي عشان يصير الي بدك اياه ( طبعا هون حسيت انو هوه بحكيلي انو انتي غبية وما تعرفي تدبري حالك ولا انا سهل الطبع:30: :30: ) حكالي يا غالية انا ما اطيق اسمع الصوت العالي بالمرة وخصوصا منك ، وبالذات في وقت المناقشة لاني لما يعلى صوتك ما عاد افهم شو انتي بتحكي فلو تضلك تحكي 100 يوم ما رح افهمك لاني بس بكون منزعج من الصوت العالي وما اسمع ولا افهم شو بتحكي ( حسيت حالي هون غبييييييييييييييية :29: :29: :29: ) فبترجاكي انو انا لما اعصب او ازعل منك استحملي غضبي شويه وهو حرام لا تفكروه من الناس الي كتير عصبيين متلي يعني:25: :25: :25: لااااااااااااااااااااااااااا هوه اكثر شي عندو يقعد مكشر او ما يحكي معي كلام حب ولا يعبرني وهون محسوبتكم بتولع :30: :30: :30: فحكالي انتي لما تشوفيني ازعلت منك احكي معي بهدووووووووووووووووووووووووووء ولا تنرفزي وادلعي شوية وشوفي اذا ما اخذتي الي بدك اياه حتى لو انك انتي الغلطانة (((( تحسوه يعلمني كيف اكون فصحة وشاطرة وكيف اكسبه وانا الي كنت ما افهم ولا استوعب) وادلعيلي شوي وانا رح اموت ساعتها وخلاص لو انك طعنتيني بسكين رح انسى وارجع ادلعك انا اسفة لاني كتير طولت بس احبيت انقلكم تجربتي البسيطة وطبعا في كمان بس اخاف تملوووووووووووووون عشان هيك اوصي الكل انهم يصيرو زي ما حكى بعد عمري محمود لاني والله من يوم ما تغيرت معو بطل يصير في مشاكل بينا وصارت ما طول المشكلة اكثر من دقاياق:17: :17: :17: :17: |
أهلين فيافي نجد...يعطيك العافيه اختي
أنا زوجي بعد سنتين زواج اكتشفت ان مفتاحه. التراب اللي يكث في وجهه <===== وحده معصصصصصصصصصبه على زوجها صح اني أحبه و أغليه بس اكتشفت انه ما يفهم لا مشاعري و لا كلامي و لا ينفع معه لا زين و لا شين.. إذا كان مزاجه رايق بيبسطني و إذا كان متنكد بينكد علي و إذا اشتهى يصير زوج سنع صار مافي اسنع منه و إذا ما اشتهى صار هو جحيمي و هو اللي لازم اداري على نفسيته و لو على اتفه الأسباب لأنه هو الإنسان الحساس و هو الإنسان اللي عنده مشاعر و أنا لازم اتحمل حتى لو كان عندي اكتئاب بسبب لخبطة الهرمونات ... و هذا شي الدكتور هو اللي قايله... و ياويلي و يا سواد ليلي لو سمحت لهرموناتي انها تتلخبط.... لا يمكن اتوقع منه انه يتفهم أو انه يضغط على نفسه... بالعكس بيضغط علي لو قلت له ان نفسيتي تعبانه بسبب الهرمونات ... و الهرمونات و لخبطتها مو عذر عشان اكتئب او تتعب نفسيتي و لا فيه أصلا مبرر... بس هو كل احق له يزعل و يعصب و يقاطعني بالأسبوع و الأسبوعين .. و أنا المفروض اني احمد ربي و اشكره ان فيه رجال متزوجني!!!!!!!!!!!!! الشكوى على الله.... عدوا يا بنات هرموناتي متلخبطه و توني أمس مبلله المخده بدموعي! |
| الساعة الآن 09:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©