![]() |
آخر أخباري ------> محطمه بدون مبالغه
السلام عليكم
ماراح اطول عليكم ، بصراحه انا محطمه ، وحاسه بأكتئاب فظيع كلما حاولت احسن وضعي ، وانجح في شئ توقف ضدي الظروف !!!! تعبت من الظروف !!!!!!!!! والله اني احس اني مثل اللي يحفر في الحجر بيدينه!!!!!!!!!! ياربي متى الفرج؟؟؟؟؟؟؟؟؟؟؟ الخلاصة ، اني بغيت اقدم على بعثه دراسية (ماجستير) والشروط متوفره فيني ، وانا طموحه واتمنى تخصص في بالي وقلت لأهلي ..... والله لا يوريكم!!!!!!!! مع اني اعرف استاذتي من عائلة محافظة وهي ملتزمه جدا وراحت تدرس في بريطانيا المشكله ان اهلي (الله يهديهم ) اذا بغيت اطلع لمناسبات نكدوا علي ، وصبرت وقلت اتحمل هالظروف وكل بيت وله ظروفه وان تقدم لي واحد وبغيته ، رفضوا ، وقلت معليش اصبري ما جاء نصيبك وان بغيت ادرس وقفت الظروف في وجهي والله اني صابره ومتحمله اشياء كثيره ، وثقتي بالله كبيره ، بس احس ان الصبر نفذ خلاص رحمتك يا ربي |
الله يهون عليكي ما في احد مرتاح فهالدنيا
|
|
حبيبتى
وعسى ان تكرهوا شيئا ويجعل الله فيه خيرا كثيرا اصبرى واحتسبى ومابين ليلة وضحاها يغير الله من حال الى حال وما تدرين ما هو الخير فلو علم الانسان الغيب لاختار الواقع قلبى معك وابقى طمنينا عليك |
يا اختي هوني على نفسك كلو من الشيطان لايردك ان تصبر اتعرفين لماذا لان قال سبحانه وتعالى <انما يوفى الصابرون اجرهم بغير حسسسسسسسسسسسسسسسساب> يعني بلا حدود فلا تتركي لشيطان سبيلا
|
طيب ما عندك اخو او ولد اخ أو ولد اخت يروح معك ؟؟
عموما .. نفس تفكيري ... سبحان الله .. !! ونفس ظروفي .. >>>>>>> أبرسل موضوعك هذا لخواتي يشوفون حتى يعرفون فيه ناس يعانون مثلي :( إلا ...ما تبين نروح مع بعض لبريطانيا قولي لأهلك : معي ( بنان ) وطبعاً الله معنا :) عفواً .. بغيت اغير جو زعلك شوي .. لكن أقولك فعلاً الأهل واقفين بوجهي فلا سفر لاكتساب جديد ومفيد في مجال تخصصي.. ويوم يجي الزوج فالأمور معقده والكل له رأيه حتى يطفش الرجال ويروح ما لنا إلا ربي يا اختي .. ومالنا إلا رفع الأكف بالدعاء .. وإلى الله المشتكى . . . . . . . بنان |
سبحان الله .. تروحين لوحدك تدرسين ماجستير ,,,,!!!!!
طيب تدرين انه اذا بتروحين بدون محرم فهذا حراااااااااااااااااااااااام و انتي بنت مش رجل ... |
الله يكون بعوتك اختي
ولكن ربما يكون خيره لكي واصبري واحتسبي الاجر من الله والله يوفقك |
يعني تدرسين في بريطانيا؟؟
لو اقول هالكلمة لأهلي قطعو راسي:d بيقولون مابقى الا هي بعد بنت وتدرس برا وغير كذا ياحلوة مايجوز تسافرين لحالك.. ومن خلال لهجتك أحسك من ربعنا صح؟؟ ان كانك من ربعنا سؤال بس لنفرض سافرتي ودرستي ورجعتي ضامنة الوظظيفة؟؟ ياختي صاكين علينا صكة هنا مافيه وظايف حسبي الله عليهم!! فكري في عشرين سنة قادمة لاتفكرين بالمستقبل القريب حرام تعب عالفاضي والله الله يفرج همك ويشرح لك صدرك آمين |
الأخت The Swan
الطموح شئ جميل ولكن ليس كل الأهداف طريقها مفروش بالورود كونى على ثقة أن أهلك تهمهم مصلحتك وحريصون عليها 0 وحقيقة سفرك لوحدك مهما كانت منافعه فإن ضرره أكبر ولهذا حرمه الله وهو أعلم بك منك فاصبري أختى ربما يسر الله لك الزوج الذى يساعدك لتحقيق كل طموحاتك العلمية وغيرها ، وفق الله وأسعدك بكل خير ولك تقديري |
انا رايي من راي littelangel_11
والله يسرلج |
اقتباس:
|
يا حبيبتي تصرف أهلك صح ميه في الميه كيف تسفرين من غير محرم فهذا حرام وايضا العادات والتقاليد لا تسمح بذلك
بعدين انظريلها نظره ثانيه ايضا ان أهلك خايفين عليك وايضا معروف عندنا ان الفتاة التي تخرج وتدرس بره لا يأتون لها العرسان ويدقوا بابها لانعم سوف يقولوا هذه فتاة متحرره زيادة عن اللزوم |
اسأل الله ان يفرج همك ويرزق الزوج الصالح وابناء يملأون عليك حياتك
|
الصبر أخيتي .......والدعاء باستمرار
أسأل الله تعالى أن يرزقنا مانتمنى آمين وصلى الله وسلم على نبينا محمد وعلى آله وصحبه أجمعين |
الله يكون في عونج
السفر بروحج ما يجوز ...لازم محرم معاج بس شو الحل مع الأهل .. كلما تقدم لبنتهم رجل رفضوه رغم أنها موافقة :( |
والله انك مثلي..كل ماجي اسوي شي كل شي حولي ويقفني ولا مايتم وهذا انا اصبر وربي اخرتها بنفجر الله يستر وربي اني تعبانه نفسيا وحتي لي اسبوع مادخلت للمنتدي اشوى بس فيه احد مثلي...عموما بالنسبه للسفر حتي انا ودي اروح بس ماعندي اخو مشكله وعندي ولد خالتي مسافر بس برضو مو محرم وامي اصلا ماتوافق لذلك ابوي قال اصبري لين اختك تخلص ثانوي ونروح كلنا تاخذون الي تبون وهذا انا اصبر والله كريم .. بس صعبه تروحين لوحدك اصلا بتخافين عاد فكري ... والله يفرج هم كل مسلم
|
هونيها وتهون اخي the swan
بس صدقيني . سالفه ان بنت تدرس برا ولحالها هذي صعبه ( اللي فهمته انك تبين تدرسين برا والا لا ؟؟) وانا معك اهلك بقرارهم انهم منعوك من البعثه ... على قوله شوبارد والله يقطعون راسي اهلي .. والا يدفنوني وانا حيه .... وغير كذا انه حرااااااام ... الحين الرجل وهو رجل مايرضون كثير من الأهالي يسافر الا معه زوجه .. فكيف بنت ولحالها وبلد غربي ؟؟؟ فكري فيها شوي ... ادرسي هنا .. تقدرين تدرسين اللي تبغين بس انتي توكلي علىالله ..... وسالفه انهم يردون الخطاب اللي يتقدمون عاد هذي ماالومك فيها .. انا عارفه انه شي يحرق القلب ويحز بالنفس ... بس هذولا اهلنا مالنا غنى عنهم ولا هم يستغنون عنا لازم نصبر واكيد بصير فيه ثمار للصبر هذا صدقيني .... الله يفرج همك ويوفقك لكل ماتحبين |
السلام عليكم
يا جماعة الخير وشفيكم علي!!!!!! ترا ما كان قصدي اسافر بدون محرم -------------> يمكن انا ما وضحت لكم قصدي انا قصدي ان ظروفي ما تسمح ، اخوي ما يقدر يروح معي ، والوالد ما يقدر اكثر من 6 شهور فظروفي ما تسمح وفرضا لو اهلي سمحوا لي ( وهذا من المستحيلات) ، انا ماراح اوافق ، لأني اطلب التوفيق من ربي، فكيف اعصيه!! (يعني موضوع المحرم هذا شئ اساسي وبديهي ، ما يحتاج اذكره) واستاذتي اللي سافرت تدرس برا ، هي مسافره مع اخوها هذا قصدي هداكم الله .................................................. ........ اختي العزيزة بنان.. اشكر مشاركتك واكيد صحبتك مكسب والوقت معك ما يمل منه ابد... وفقك الله .................................................. .................................................. ... اختي شوبارد يعني استنتجتي من لهجتي اني من ربعكم!! ههههههههههههه وراح اجاوب على سؤالك : موضوع الوظيفه ما افكر فيه كثير لأنه بيكون تحصيل حاصل ، اذا تخصصت تخصص ممتاز ويحتاجه سوق العمل ، فأكيد بتحصلين وظيفة ممتازة .................................................. .................................................. . اخي الكبير الله يسمع منك يارب ، وجزاك الله كل خير .................................................. .................................................. .. اختي لولو اسعدتني مشاركتك... واتمنى ان قصدي وضح لك .................................................. .................................................. .... تحياتي لكل من شارك ودعا لي |
الله يفرجها اختي الغاليه ويصبرني ويصبرك
|
الساعة الآن 03:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©