|
موضة الشعر هالأيام الأسود الفاحم ?????
مرحبااااااااااا اخواتي العزيزات .......
بس حبيت اسأل انه موضة الشعر هالأيااام اللون الأسود الفاحم ......يعني ضروري نصبغ اسود لأنه شعري بني بخصل فاتحه ........وهو مناسب جدا بس يوم اشوف المذيعات والكل اللي يواكب الموضه في التلفزيون صااابغين اسود ..كلمت مصففة الشعر اللي متعوده اصبغ عندها قالت لي اذا حبيتي تصبغي اسود اصبغه لك بني دااااااااااكن لأني اذا صبغت لك اسود فاحم مستحيل تقدري تصبغي ثاني مرة هاللون اللي في شعرك يعني بني وتدرجاته وبصراحه كل وحده تقول لي حلو عليك هاللون لا تضيعينه بالأسود ! شو رايكم بصراحه احس اني ابغي اصبغه اسود ومتردده !!!!!!!! مع العلم انه لون بشرتي حنطاويه فاتحه .......! |
إذا كنت تملكين الجرأة الكافية فأصبغيه بالأسود..
ولكن برأيي الشخصي بأنه مادام اللون البني يناسبك فلا تلاحقي الموضة.. لأن ليس كل ماينزل موضة يناسب جميع الناس.. اسمحي لي أسأل سؤال في نفس موضوعك وأتمنى أن اجد الجواب.. معروف أن صبغ الشعر بالسواد حرام.. لمن يغطى الشيب؟؟ بالنسبة لي عمري 23 سنة وأعاني من الشيب وأتمنى أن أصبغ شعري بالأسود ولكن اخشى أنه لا يجوز... |
اختي غزالة دبي
اولا الموضه هو اللون البني الشوكولاته!!! صحيح انه فيه بنات لازالوا على اللون الاسود لكن المهم هو اللي يناسبك!!!! اذا لون شعرك الحالي مناسب لك ، فلا تغيرينه الى الاسود فالاسود صعب ، انا لون شعري اسود من سنتين احاول اغير لونه ، وكل ما رحت لكوافيره تقولي انتظري حتى الصبغه تروح ، او نسحب لون !!! ( وسحب اللون يخرب الشعر) ولأن اللون الاسود من اجمل الالوان على شعري ومناسب لي جدا ، فقررت اخليه هذه نصيحتي لك تحياتي |
أرى أن البني أو الكستنائي بخصل فاتحة سواء ثلجية أو رمادية له نظرة وشكل رائع
لكن أرى في الأسود ميزة وهي (يظهر شكلك أصغر عمرا ) والله تعالى أعلم . |
ربي يخليكم لي يااااارب ويسعدكم ....
بحرينية ولكن .......صدق تغيير لوني فجأة اعتبره مخاطره عشان هالسبب حبيت اسألكم!بخصوص الفتوى شو رايج تسألين قسم الفتوى ........ THE SWAN ........بني شوكولا !!!!!!!اللي اذكره كان من فترة بسيطة بس هالأيام انقلبت فجأة لأسود داكن !!!!! عالعموم اذا حطيت بني شوكولا اتوقع بيطلع حلووووووو ...... ENSSSANقرأت مرة لخبير الشعر في احدى المجلات ان اللون الأسود يخلي الوحده ملامحها ناعمة بس اللون الفاتح يخليهاااااا تظهر اقل سنا ! مع اني ارى الأسود يخلي الوحده تبين اصغر مثل ما قلتي . |
بس يا حلوة مو كل موضة وكل رايج تروحين تتبعينه
الأسود حلو ع نااس معينين مو ع كل حد فلا تخاطرين بحياتك وبعدين الكل قام يصبغ اسود علشان كذا لا تصبغين وخليكي متميزة انا بعد كان خاطري اصبغ اسود فاااحم ولكن اللون البني الذهبي او الشوكولاته مناسب علي جدا ويطلع ملامحي اكثر من الأسود فلحد إلحين ما أقدر اصبغ اسود |
ايه والله حبيبتي يعلج ما تغرقين في همج صدقتي .......خليني متميزه احلى شي ....وان شاء الله دوم كلكن متميزات يارب في كل شي حلو .......بجرب هالمره لون واااااااااااحد مليت من الخصل! والله يعلم متى بصبغ اسود .......بيتم في بالي ما عرف ليش ........مشكوررة
|
هلوووو
انه بعد مشكلتي مثلك انه بيضة وشعري الحين اشقر فاتح صابغته والكل يقول لي حلو صاير، بس خاطري اصبغه اسود، وخايفة مايطلع حلو علي، وانه شعري كلش ضعيف وحالته حاله من اللون الاشقر، اذا صبغته اسود بيخترب ، ومثل ماقالو لج خواتي الاسود مايناسب الكل، واحس ان اللي يناسبها الشعر الاشقر مابناسبها الشعر الاسود المهم، في لون جديد طلع هالايام مع ظهور موضة الشعر الاسود الفاحم، وهو صبغ الشعر لون واحد لون احمر فاتح كلش، او لون احمر ماروني جربي ، ترى اللون الاحمر صديق الشعر ومايخربه مثل الاشقر والاسود |
والله يا اختي انا كمان حابه اصبغه اسود بس بدي اعرف اذا حرام ولا لاء؟
|
هلا اختي
انا ماعندي خلفيه كفايه لاني ولا مره صبغت شعري ولا افكر بس عندي خواتي، واذكر ان في وحده منهن بغت اللون الاسود بس نصحتها راعية الصالون، لو شو ماصار لا تختار هاللون لانها قالت انه يحرق الشعر ويبهدله حبيبتي اكتفي بهاللون احسن، البني وتدرجاته وايد روعه مع اني افضل الحنه اكثر من الصبغات :) |
يا أخواتي....................اللون البني الغامق مثل الاسود بالضبط.................وبالنسبه للصبغه بالاسود حراااااااااام............
والله أعلم |
بالنسبة للون بشرتك ارى ان البني مع الخصل الذهبي اجمل من الاسود ، لا احب اللون الاسود ( رأي شخصي )
وعادة في الصيف تكون الالوان الفاتحة بعكس الشتاء لدرجات البني والاحمر. |
اقتباس:
هلا عزيزتي هل هو فعلا حرااام أم أنه مكروه !!! اتمنى ألقي رد لأني انا بعد شاكة في السالفة علشان كذا ابتعد عن اللون السود دايما |
مشكوراااااااااات خواتي على ردودكن بس بصراحه بخصوص الفتوي نحتاج حد يأكد لنا الخبر ......لأن احنا غرضنا من اللون الأسود تجميلي يعني اكيد نحن مب عجااااااااايز ولا بنغش حد وحتى لو في شعر ابيض اكيد طلع بدري من كثر تغيير الصبغات والبيروكسيد .....!!!!!!!
عزيزتي .zayona2003 تبين نصيحتي اذا حسيتي شعرج منتهي من اللون الاشقر غمقيه شويه بيكون شكله مرتااح اكثر وبالنسبة للون الماروني او البرغندي الاسمر جربته حلللللللو بس يروح اللون بسرعه ويطلع مع كل غسله يعني ماايدوم !وهذا عيبه ..... عزيزتي زهره متمايله .....لابد ان نسألك مشايخنا الفاضل بهالنقطه ! بنت النوخذه .. حلو ان الوحده ما تخرب شعرهااااااا بالألوان ..بس ما تملين يعني ما تحسين انج لابد من تغيير اللون عشان نيوووووووو لوك ..... رأي الأغلبيه ..................البني وتدرجااته............. وانا مااااااااراح اكسر كلامكن واللي هو .........اكيد نتاج خبراتكن وعين العقل .....بجدد في اللون قريبا يعني البني وتدرجاته ......عشان يكون فيه لمعه حلوووووووووه اموت في شكل الصبغه وهي جديده على الشعر .........الله لايحرمني منكن ومن نصايحكم الغاليه..... عزيزتي الحنين-500 صحيح البني الداكن مثل الأسود بس بصراحه يكون اللون مطفي يعني ما يكون فيه لمعه مثل الاسود.وهو دايما نصيحة مصففات الشعر البني الداكن مااغيره. عزيزتي البتول المشكله اني مليت من هاللون البني بخصل فاتحه وابغى اتغير 100درجه يعني الكل ابغيه يلاحظ التغير ..وتعرفين من كم يوم انا ومجموعة بنات في النادي قمنا نتكلم عن هالموضوع ان الصيف لابد تكون الألوان فااتحه عكس الشتااااااااء ....بس يوم اشوف بعض المذيعات ودققوا في اكثر من قناة الوحده فيهم تغيرت فجأة يوم حطوا اللون الأسود .........الف يمين شمال الكل بدأ يصبغ اسود .....قلت ما فيه اكون بعيده عن الموضه .......بس مثل ما قلتوا ووالله اقتنعت بكلامكم انه الوحده لالالالالالالالالابد تختاااار ما يناسبها ومو ورا الموضه ........ توني من دقايق كنت اشوف خبير لبناني في التلفزيون قال نفس كلامكن انه الوحده تساير الموضه مع ما يناسبهااااا....قلت والله بناااات منتدانا خطيرات ومشاورتهن ماااااااا هي خساااااااااااارة ربي يسعدكم ويجملكم في عيون حبايبكم واهلكم يااااااااااارب ........ |
| الساعة الآن 10:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©