|
خايفه اخيب أمله
السلام عليكم ورحمة الله وبركاته
انا اول مره اكتب بمنتدى وطالما قرأت مواضيعكم وردودكم وانا ابحث عن مشكله تشبه مشكلتي بس للأسف لابد من (الإحراج ) وكتابة موضوعي انا معقود قراني وزواجي سيكون بعد فتره قصيره تقريبا 60 يوم وزوجي زارني في بيت اهلي تقريبا ثلاث زيارات وبحضور اخواني المهم في الموضوع انه بيننا مكالمات هاتفيه وانا احب زوجي بكل ما تحمل الكلمه من معنى لدرجة اتمنى الله يمن علي بنظره منه او كلمة حب اللي ما يقصر معي فيها وبعدها يصير فيني اي شي لو اموت عشان لا اصدمه فيني واخيب آمآله وبنفس الوقت ما اشوف منه نظرة نفور او كره او احتقار انا مشكلتي اني حلوه من برا ومن الداخل عكس الخارج تماما اعاني من مشاكل كثيره في بشرتي وسمنه في مناطق معينه وسيلوليت وسواد ......... اعذروني بس من جد محتاجه حل وفي مره سألني سؤال محرج واضطريت اكذب عليه واقله عكس الحقيقه احيانا افكر اطلب اللطلاق مع اني شديدة التعلق به واحبه بكل مافيني وهو طيب معي وما يستاهل ينصدم فيني اتمنى تلقون حل لمشكلتي واعذروني على الاسلوب اول مره اكتب في المنتدى |
اقتباس:
فالصدق منجاة ! أما المشكلات اللي تعاني منها في البشرة إن شاء الله تلقين حلول لها في قسم المرأة في المنتدى |
اختي عادي كل مشكلة ولها حل
اعتني بنفسك وجسمك ادخلي نادي رياضي اعملي برنامج غذائي احضري كريمات مبيضه واعملي خلطات طبيعيه في بيتك لبشرتك والان تطور العلم واصبح في ليزر للتجميل وتبغي نصيحتي الرجال اذا حبك خلاص انسي الوضع لانه ماراح ينظر لهذي الاشياء بس المشكله انتي ثقتك بنفسك مهزوزة قوي ثقتك واهتمي بنفسك ولاتهتمي للافكار السوداويه الي تخطر ببالك لانه من عمل الشيطان لانه احب ماعليه انه يفرق بين الزوجين تحييياتي |
froto كلام 10\10
اهتمي بنفسك ولا داعي للأفكار السوداء .. والله يتمم بخير |
فرح يعطيك العافيه على الرد بس انت خوفتيني اكثر يعني ممكن يحاسبني على كذبتي؟؟؟ مع العلم انه حس اني كنت منحرجه اجاوبه وانا والله ما قصدت اكذب لاني عارفه انها كذبه مكشوفه مصيره يشوف بنفسه بس من الارتباك والاحراج طبيعي ما في بنت تقول عن نفسها انها .....( شي محرج )
froto يعطيك العافيه على الرد بس ما ظنتي ان في خلطات او كريمات تنفع والوقت ما يسعف وفعلا ثقتي بنفسي صارت مهزوزه بس مو من فراغ وهو فعلا يحبني بس اكيد يتمنى يشوف قدامه زوجه تفتح النفس |
قيثارة الحب يعطيك العافيه
|
بارك الله لكما وبارك عليكما وجمع بينكم على خير
لا تزعلي نفسك وتشيلي هم ،،الرجال إذا وقع في الحب خلاااص ما ينتبه للأمور الصغيرة بس برضو حاولي تعدلي في جسمك بشرتك قد ما تقدري من غير قلق وتوتر.. وانصحك لا تكذبي أبداً أبداً ..وأوعدينفسك إنها آخر كذبة لأنه مصير الأمور انها تنكشف وبعدين انتي تبغي ربنا يباركلك زواجك فلا تعصيه وادعي دائما: اللهم وفقني وزوجي واستر عنه عيوبي واستر عني عيوبه ..اللهم وبيّن له محاسني وبيّن له محاسنه وموفقة إن شالله |
قلب سحابه يعطيك العافيه على الرد وان شاء الله آآآآآآآخر كذبه وعجبني دعائك لنا والدعاء اللي بآخر مشاركتك
اقتباس:
|
هذي المشكله مره بسيطه شويه رياضه وخلاص واحب اقوللك اني انا كنت اعاني من نفس المشكله تخلصت منها بفتره بسيطه بالنسبه للسمنه مافي احسن من المشي وطلوع ونزول الدرج
وبالنسبه للسواد انا تخلصت منه في شهر باربع جلسات حمام مغربي بالبيت هذا اللي تشتريه من محلات التجميل وعندي انا جهار البخار حق الوجه اشعله في الحمام لمده 10 دقائق يصير الحمام بعدها كله بخار ويدي نتائج مذهله اما بالنسبه للسؤال المحرج احب اناشد كل رجال المنتدي انه ما يسألو اسئله محرجه نهائيا عشان لانهم مايعرفو قد ايش هذي الاسئله تكون جدا جدا محرجه لدرجه انها ممكن تكذب عليك وشكرا |
حبيبتي لا تزعلي نصيحتي عليكي بدخول نادي او تتبع رجيم معين و الخضر و الفواكه و اشتري كريمات من الصيدلية او ادهبي لطبيبة جلد تعتني وتتبعين عندها و ان شاء الله تكوني جمل الجميلات
|
مســــاء الخيرااات للجميع شدني هذا الموضوع وآلمني خوف هذه الزوجه في الحقيقه لجميع البنات أغلب الرجال لايهتم في الأمور الثانويه خاصه اذا وجد من الزوجه كل الحب والأحترام والتقدير فسرعان ماينسى تلك الأمور فلاتخافي اختي الغـــــــــــاليه وبالتوفيق لكــ ولجميع المقبلين والمقبلات على الزواج |
لاتشيلين هم
وحاولي تسوين رياضة خلال الفترة المتبقية قبل زواجك وتعدلين مايمكن تعديله والباقي خليه على ربك والكمال لله وحده وأوصيك بحسن المعاملة لزوجك والتودد وإشعاره أنه الرجل وله القوامة هذا مايحبه الرجااااااااال |
miss_x _ صفاء11
نايف الخالدي _مملوح نجد جزاكم الله كل خير على تجاوبكم معي وجعله في موازين حسناتكم وربي خففتوا همي الله يبعد عنكم الهموم يارب وانا فعلا ناويه انتظم في نادي رياضي والله يعين وبالنسبه لتعاملي مع زوجي والله انا حاطته في عيوني لاني احبه بكل ما تحمل الكلمه من معنى وخوفي وقلقي وكرهي لجسمي كله من حبي له وحاسه انه يستاهل الأفضل ولا تنسوني من الدعاء وانا ما راح انسى وقفتكم معي |
قلبووو انتي فديتك ليش مزعله نفسك كذا :( شوفي ياقلبي بقولك على السواد الي محرجك فيه حل فتاااك :) أعطتني اياه دكتورة مختصه اسمه فيد كريم بعد اسبوعين اذا مااتبهتي بالبياض والنعومه تعالي وقولي ياظامية لا تكلميني :( لا اضربيني هههههههههههههه المهم وكمان الساونا مره حلوه استخدميها بالاسبوع مره يلا الحقي وروحي اشتريها واعمليها في البيت وحتدعيلي بس لااااااااااازم تستخدمي فيد كريم وارجعي وقوليلي بعد اسبوعين ايش حصل معاكي ؟ والله يوفقك ان شاء الله وادعي ان ربي يحقق الي في بالي :)
|
سوسو :
انتي تقولين انك سمينه شوي طيب انتي كذا عاجبته لأنه لو ما يبيك كذا كان ماتقدم لك انا لما خطبت كانوا يقولون الناس انها سمينه بس اصريت على رأيي والحين زوجتي ناقص وزنها وانا اقولها انتي اول احسن وتقول لا بالعكس الحين احلى لأن فيه رجال يحبون ان زوجاتهم تكون مليانه شوي علشان الحركات والجنس وهذا ينطبق علي والله يوفقك وانصحك بإرضاء زوجك بكل ما يطلب منك ولا تقولي لا ومو حلو او قرف ومثل الخرابيط هذي وبالتوفيق مرة اخرى |
ليش تعقدين نفسك ياكثر الكريمات والصنفرات في السوق..فيه صنفره عند بودي شوب مره حلوه... وأستخدمي الصابون المغربي مره بالشهر..وبعد كل حمام حطي لوشن مرطب على كل جسمك...وسوي تمارين رياضيه خاصه للمنطقه الممتلئه عندك..وياليت تاخذين كريمات لتفتيح الوجه والجسم من صالون نسائي يكون ثقه..
|
أولا مبروك ياحلوة الله يهنيك
ثانيا.. السمنة وزوجك شافك ورضى فيها معناتها الأمر طبيعي مشاكل البشرة خذي جزء من مهرك وروحي لعيادات تجميل يسوون لك تقشير الكورس شهر تقريبا وتطلعين زي الفل السيلويلت اختي منطقة الأفخاذ خصوصا في المرأة عبارة عن دهون طبيعي تكون فيه سليوليت لكن اذا انت كثير بشكل ملاحظ جيبي رشاش وضعي فيه خل تفاح وكل يوم رشي على المنطقة تخففه كثيييييييييير وتنعمه السواد 95% من النساء فيهم والحل تخفيفه اذا خففتيه صدقيني المنظر مايكون بشع ماهو شرط يروح استخدمي عالدوام ليمون وجلسرين كل يوم ادهني فيه والله معاي بنات بالدوام حالاتهم النفسية زفت قبل زواجهم يدي مبقعة رقبتي مادري شفيها المنطقة فيها وفيها كل عيوب الدنيا خلوها فيهم ولما تزوجو ضحكو على انفسهم لأن الزوج اذا حب زوجته مايهتم بدقائق الأمور لكن الاحتياط واجب لازم تهتتمين ونصيحة اذا احرجك زوجك بسؤال لاتجاوبين سوي نفسك ميتة خجل عشان مايدقق بعدين امممممم وبعد اهم شي حاولي تبينين له انك مرة واثقة من شكلك وجسمك لأن الرجل مثلا الطفل لما يحس انك مستحية من شي يدقق فيه وينتبه له والله يوفقك ياأحلى عروسة:14: |
ظامية الشوق يعطيك العافيه حبيبتي والكريم ان شاء الله من اليوم اشتريه والله يوفقك ويبشرك بالجنه انا في قمة السعاده كوني لقيت كريم يشيل السواد وهذي مشكله وانحلت ان شاء الله والباقي يارب في الطريق
انا كذا اخوي الله يجزيك خير على الرد والدعم النفسي والله يسعدك مع زوجتك يارب ويجعلها قرة عين لك وتبقى دايم سمينه مثل ما تحب اما بالنسبه لزوجي ما اختارني متينه اصلا ماشافني الا بعد العقد بس عجبته كثيرواذكر مره قالي لا تنحفين وعاجبني جسمك كذا بس حسيتها مجامله بس هو كل ما شافني يشوفني بالتنوره الطويله يعني تخفي المتن شوي ومشكلتي مو المتن قد ماهي مشاكل المتن اللي تحصل في البشره وبالنسبه لإرضاء زوجء لاتوصي حريص اكيد راح ارضيه والله يعينني ويقدرني بس تونوm حبيبتي راح اخذ بنصيحتك ان شاء الله والله يجعلها في ميزان حسناتك يارب شوبارد حبيبتي الله لايحرمنا من نصايحك ويجزاك خير ويعافيك بس بالنسبه للتقشير كثير نصحوني بالإبتعاد عنه وانا المناطق اللي ابيها تفتح ما يصر اكشفها لاحد وطمنتيني شوي ان شاء الله يكون اللي فيني كله وساوس وبعد الزواج اكتشف اني كنت خايفه بدون داعي واخر كلامك بالنسبه لتفكير الرجال وكيف ابين اني واثقه قدامه هذي مشكله بشخصيتي انا بطبعي اذا فيني عيب يكسرني اضنه ضعف شخصيه بس الله يعين والله يبارك فيكم وعقبال كل بنت او شاب ما تزوجو يارب يتزوجون باقرب وقت |
اقتباس:
اتركي وساوس الشيطان عنك |
ابو مريام جزاك الله خير
|
حبيبتي بالاضافه للرياضه اعملي جلسات لتوحيد لون البشره
وللسيلوليت والمشاكل اللي عندك.. باقي على زواجك شهرين يعني في وقت تكون النتيجه كويسه واكيد افضل من انك تعرفي مشكلتك وتقولي مافي وقت وماتعملي شي.. الله يوفقك ان شاء الله ويسخر زوجك لك وتكوني في نظره احلى وحده من جوا وبرا |
soo_soo جزاك الله خير حبيبتي
اقتباس:
بس وين اسوي جلسات توحيد البشره؟؟؟ اول مره اسمع فيها قصددك تقشير؟ وكيف طريقتها واذا كنت من السعوديه قولي باي منطقه ممكن اسويها؟؟ واعذريني على الاسأله |
حبيبتي لا يمكن ان تجدي زوجه كامله من جميع النواحي
اذا 01 انتي مو جميله في بشرتك في فراشك اجعلي من نفسك علبة عطر لا يقع الى على نوع من العطرالجديد نظافة الجسم من الشعر 02 المطبخ اخرجيه من خانة المطاعم الى بوفية البيت 3- البس في البيت وفي النوم سددي اي خانة نقص فيكي فكم رشيقه جميله لايجد الرجل فيها متعه نقص وتكون مغروره انها جميله ويكون الرجل في حالة عزوبيه اللهم متعة الشهوه وسوف ينفرالرجل منها اذا لم يجد التجديد اكثر الحالات التي تسبب الازعاج لسمينه هي الممارسة الجنسية واوضاع الجماع وهذا ليس عائق فيه طرق عديده وممتازه وممتعه الايميلات ممنوعة وتكرار ذلك يعرض عضويتك للايقاف يرجى الالتزام وشكرا / البتول |
كل الاراء كانت رائعة حقـــــــــــــــا. شيء اظنك اختي تعرفينه لكنك من شدة التفكير يمكن انساك اياه الشيطان و هو: أن الجمـــــــــــــــــال جمال الروح و من طريقة طرحك للمشكلة تبدين ذات ظل خفيف .
هذا دعاء داومي عليه واجعلي ثقتك بالله و بنفسك قوية : اللهم اجعلني قرة عين لزوجي و اجعل زوجي قرة عين لي .اللهم اسعدني به و اسعده بي.اللهم حببني فيه و حببه في اللهم اخفي عيوي عنه و اخفي عيوبه عني آمين يا رب العالمين . |
zezfon جزاك الله خيرا راح اخذ نصايحك في الاعتبار وان شاء الله اعوض النقص والله يسعدك يارب
راضية بالقضاء جزاك الله خير اختي وفعلا الواحد اذا كان في مشكله تتقفل امامه كل الابواب والحلول وهنا تظهر فائدة الأخوه وانا والله ما كتبت لكم الا لما اعتبرتكم اخواتي واخواني وكلي ثقه فيكم وفي نصايحكم وان شاء الله ادعي واستعين على مشاكلي بلله بصراحه ارتحت كثير بعد ما كتبت الموضوع جزا الله خير كل من دعمني نفسيا وقدم لي الحلول |
هلا مره ثانيه.. تقدري تتصلي على مراكز التجميل الموجوده في منطقتك بتلاقي جلسات كويسه فيه في الجرايد اعلانات وأغلبها عليها عروض حسب عدد الجلسات.. ولا تنسي الحمام المغربي يساعد في حل المشكله.. و بالتوفيق ان شاء الله :) يمنع تحديد اسماء الاماكن او المراكز الرياضية وشكرا / البتول |
| الساعة الآن 10:24 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©