|
ايهما افضل طبخ الرجل او المرأة
اليوم كنا شباب ومجتمعين ودور الطبخ كان عليه وسويت مطازيز مع اللحم والخضار المهم تغدينا والشباب صاروا يشكرون ويثنون وقلت لهم الوضع عادي اطبخ من وانا صغير عند اهلي قالوا لا طباخ الرجال يفرق عن طباخ الحرمه طباخ الرجال احلا وتذكرت حتى من زمان اذا طلعت مع اهلي وابوي وخواتي ينتظروني (اذا بتاخر والحقهم) ويقولون ياالله اطبخ وبعض المرات اقولهم بجيب جاهز ويقولون لالالالالالالالالالالالالالالالالالالالالالالا حتى زوجتي الحين في الطلعات تقولي الله يخليك وتتحايل عليه ومره من المرات كنت مسوي مندي ووالله انها تتصل فيني وهي عند اهلها وتقولي الله يخليك ردلي عشاء ترا ماني متعشية عند اهلي بتعشاء من العشاء اللي انت مسويه نبيك انت اللي تطبخ طباخك غيرررررررررر حتى بعض الاحيان تقوم تحضرلي وتجهز المقادير وتقول بس اطبخ (اذا كانت مروقه والجو العام حلو) اقولها بجيبلكم اللي تبون اطلبوا والله ترفض وتقول بس يكفينا في الاسبوع طبخة وحده سؤالي هل هو صح طباخ الرجال افضل من طباخ المره بوجه عام وللمعلومية من وانا صغير متعود على العزوبيه والطباخ |
من رأي وخبرتي اجد ان طبخ الرجل أطيب (لا تقتلوني يا بناااات!!!!:)) ..ليس كل رجل لكن الرجل الخبير بالطبخ
والسبب هو ان الرجل أدق في التفاصيل من المرأة ولهذا يصلح للهندسة...يعني الطبخ يكون ادق فيطلع احلى وأيضا المرأة متعودة على الطبخ فعندما تطبخ يكون شيء عادي وروتيني اما الرجل الذي يطبخ واضح انه يحب الطبخ لأن الرجال عادة ما يطبخون..بل يريدون النساء تطبخ..فيعني الرجل الذي يطبخ أكيد يحب الطبخ والذي يحب ما يفعل دائما تكون الأكل أطيب لهذا مرات عندما امي تطبخ ولا يعجبني اقول لأامي "أكيد بالك ليس بالطبخ وغير مركزة" |
هههه :)
مو في كل انواع الأكل الرجل افضل بس انا لاحظت إنه في سوالف الرز والأشياء "الكبيرة " مثل المندي والشوي ايضا الرجل يعرف يطبخه بطريقة حلوة لكن تظل المره لها طبخ غييييييييييييييير .... وخاصة الأمهااات ..فديت أكل أمي :d والحلويااات الرجاجيل ما يفهمون فيها لأن الحلو يعرف يسويه الحلو بس :25: اللي مستغربة منه إن أكثر الطباخين المشهورين رجال يلا الله يهنيكم بها الطباخ ننتظر المندي :d |
علي حسب بما انك تحب الطبخ يمكن تصير احسن من كذا حرمه بس براي ان الحريم احلى ...... بس حلو رجال يطبخ ليت مثلك عشره
|
الرجل عندما يطبخ يطبخ من تقديره هو ودائما يحط شعبان على رمضان ويطلع كويس ومن احلى مايكون!!!
لكن المرأه تطبخ بترتيب وكل شي تحطه بمقدار وكل طبخه تحط لها الابازير المناسبه لها يعنى الرجل طبيخه حلو بشكل والمرأه طبيخها حلو من ناحيه اخرى |
انا براي طبخ الرجل احلى لاني مجربه طبخ اخوي حتى الحلى ماشاء الله عليه يتفن فيه
|
عزيزي كيف تسوي المندي بالبيت ??
|
اقلكم الصراحة
احسن طباخين في العالم هم رجاااااااااااااااااااال والله يخليلي ابوي وامي ابوي طباخ رقم واحد يا ناس عنده نفس في الاكل مو طبيعيييييييييييييييي تكون الطبخة عادية لكن يخليها هفففففففففففف خيااااااااااااااااااااااااال ربي ما يحرمنا منه احنا صارت الناس تتصل علينا من بلاد برة عشان تاخذ وصفات منه لاكن هوا لئيم ما يعطيهم سر الطبخة ههههههههههههههههه :D :D :D |
[
اقتباس:
صدقتي حتى ان كمية الملح اقيسها بفنجال القهوة بالنسبة للموية مع حجم القدر واكره شي علي تزويد الملح بعدين في الاكل |
[QU
اقتباس:
ابشري بالمندي لكن ترى الحلى عندي واحد من الشباب يسويه يهبل بس نادر مايسوي وانا في الحلى صفر والله مادبره بس لو واحد سواه مره وحده معي يعني قدامي وانا مركز معه صدقيني طبختين والثالثة بفتح مطعم حلويات وانتي اول زبايني |
[Q
اقتباس:
مشكورة ووالله حبي الاول الطبخ ،،،،،، وخاصة اذا شفت واحد يسوي اكله جديدة معرفها تحصليني اركز معه واحاول انا اشتغل واخليه هو يامرني سوي كذا هات هذا وهذي افضل طريقة الواحد يتعلم فيها الطبخ واخاصة شغلت البهارات وش اللي ينحط الاول وبكم دقيقة ينحط الثاني وكذا والنار يكون مقصر عليها بقوه ومن هالشغلات |
[QUOTE
اقتباس:
اللي بيطبخ كذا من الشباب هذا على هذا صدقيني اخرتها بيروح يجيبلهم الغدا او العشاء على حسابه |
اقتباس:
صح لسانك انتي اول شهودنا بس خليه يعلمني الحلى كيف لاني ماعرفله |
اقتباس:
المندي بالبيت مثل اي مندي وترا النكهة لها دور كبيررررررر وتغطي على الرز لو ما استوى بالدرجه اللي تبين تاخذين برميل مندي من اللي يباعون في مجطات البانزين على الخطوط السريعة هذا بالنسبة لنا في السعودية وخصوصا الرياض تاخذين حطب سمر اصلي لان فيه نوع مغشوش ارجنتيني والفرق بينهم السمر المستورد اذا شبيتيه يطلعله دخان واجد وريحة دخانه تلصق في الملابس حتى الداخلية وتشبين الحطب داخل البرميل الين يجمر وجمره كبار طبعا تحطين الرز في قدر وتحطين عليه الليمون الاسود والقرفه والملح وتصبين مويه عليه الين ترتفع فوق مستوى الرز باربع اصابع يعني بحوالي 7 سنتي متر طبعا اللحم تتبلينه بنوع من البهارات يكون على شكل صلصه سائل تحصلين في بنده او السدحان فيه مركب رجوله ثلاث تحطينه فوق الجمر ثم تحطين القدر عليه عشار القدر مايلمس الجمر ويموت فيه اسياخ تعلق فوق في البرميل تعلقين اللحم فيها وبعضهم على شكل دائره يعني مثل القدر بس مشخل تحطين اللحم وسطه ويكون الجمر في القاع فوقه المركب وفوق المركب القدر وفوق القدر معلق الشبك ووسطه اللحم وتغطين البرميل بالغطاء باحكام ومدة الدجاج مع الرز ساعة كامله ومدة الخروف مع الرز ساعة ونصف تماما طبعا الجمر لازم يكون كثير حتى مايموت بسرعة ويقعد الاكل مااستوى وعقبال اكله حلوه |
[
اقتباس:
الله يخليلك ابوك وترا الطباخ الماهر وانا منهم مايحب احد يطبخ معه حتى مايخربو عليه الطبخه |
انا شخصيا عزوبي وادرس في بريطانيا .. والحال فرض علي اني اجرب الطبخ واتعلمه .. والحين بعد هالسنوات صرت خبير ..
وفي رايي طبخ الرجال احلى ..ولا تنسون اشهر الطباخين في العالم هم رجال ......بس مافي احلى من طبخ امي ^__* |
بالطبع الرجل طبخه افضل خصوصا فالرحلات
|
أكييييييييييييييييييييد
اقتباس:
والله كأنك أنا , و والدي فناااااااااااان في الطبخ و بشهادة عائلته و عائلة أمي أطال الله في أعمارهم في طاعته :22: أقول لكم الأدهى من ذلك أن والدي هو من علم والدتي الطبخ :d :d :d و أنا ولله الحمد توارثت هواية الطبخ منه , و الآن أعلم زوجتي بعض الطبخات التي أحبها و تعجعبها و تعجب أهلها و أهلي و لله الحمد , و جميع الشباب من العائلة عندما نطلع طلعة شباب يقدموني لعمل أي أكلة و خصوصآ الشواء :22: و بالنسبة لأخذ الوصفات لا يعطيها إلا لي فقط و لزوجتي أما غيرنا لااااااااااااااا يمكن :23: :d :d و في رأيي الخاص أن الطبخ نفسسسسسسسسسسس أي حب و هواية للطبخ فقط , و أنا عن نفسي لا تقيد بمقادير و لكن بالنظر و التذوق كوالدي الله يعطيه العافية :25: تحياتي :) |
انا في نظري طبخ الرجااااال ممممممممم ولا الذ منه لان زوجي طبخه لذيذ مرررررره
|
الرجل
|
يغلق
تحياتي،،، |
| الساعة الآن 05:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©