|
ابي رايكم اخواتي المطلقات
السلام عليكم ورحمة الله وبركاته اخواتي المطلقات انا عايشه بجحيم مع اللي اسمه زوجي بالاسم الحين منفصلين من سنين بس عايشين مع بعض في بيت واحد صابره عشان عيالي اكيد مرت عليكم مشكلتي بقسم المتزوجين والحين اناافكر اني اطلب الطلاق لاني تعبت ومو قادره استحمل اكثر بس فيني مخاوف اول شي عشان عيالي ماابي اظلمهم وافرقهم عن ابوهم ولو انه مايدري عنهم واحسن لهم انه يبتعدون عن هالطاغوت اللي مايعترف بالاسلام ويشرب ليل ونهار وثاني شي من ظلم المجتمع للمطلقه ونظرتهم لها حتى لو انهم يدرون بعيوب الرجال بس لما تتطلق الحرمه حطوا كل شي عليها ابي رايكم لانكم مجربين وش تنصحوني اطلب الطلاق او اتم عنده واتحمل حراته وظلمه وقهره لي بس ارجوكم قبل لاتردون اقروا مشكلتي بعالم المتزوجين والله يجزيكم الف خير
|
الطلاق ياأختي حالة لاأنصح بها إلا إذا كانت لوجه الله تعالى
كأن يكون الزوج لايصلي ...... |
الله يجزاك الفخير على الرد واللي اسمه زوجي مايصلي ويشرب الخمر ليل ونهار
|
<< بنت ماتزوجت
الله يفرج عليك اختي بسألك انت موظفة؟؟ اذا موظفة او تستطيعين تعولين نفسك وعيالك ووجود زوجك زي عدمه الراحة منه أفضل.. وماعليك من كلام الناس هم متكلمين كذا ولا كذا بالعكس يمكن يعرفون تصرفاته ويتكلمون عن جلستك عنده وعيالك بعد صح؟؟ والله الوظييييفة زينة ومهمة جداا للمرأة في زمنا الحين حسبي الله على وزارة االمعارف اللي حرومنا من حقنا الله يريح بالك اختي ويخليلك عيالك وعساك تفرحين فيهم ويرفعون راسك ياااااااارب |
اختى منبع الأحزان
لاحول ولا قوة إلا بالله ، اختى إبحثى عمن ينصحه بالعودة لربه لعل الله يفتح على قلبه ويهديه حاولى وإن يئستـى فاسألى أهل العلم هل يجوز البقاء مع زوج لايصلي وعلى فتواهم اتخذى قرارك وتوكلى على الله الذي لايضيع أحد اسأل الله العلي القدير أن يمن على زوجك وكل ظال بالهداية 0 |
انا مع اخى الكبير
الموضوع يعتمد عن الشرع اما عن كلام الناس فكما قالت الحبيبه شوبارد الناس تتكلم تتكلم توكلى على الله واسالى من الناحيه الشرعيه |
الله يجزيكم الف خير كلن باسمه انا سئلت مشايخ واجد وكلهم اكدوا لي انه مايجوز اني اجلس معه لمجرد انه يشرب بس فمابالكم بترك الصلاه والهجر وعدم النفقه والاهمال واحب اقول لاختي شوبارد اني مو محتاجه له ماديا لاني انا الي اصرف عليه وعلى البيت يعني انا الرجال والمراءه وياليت محصله منه كلمة شكر او تقدير اقولك احنا منفصلين عن بعض من سنين بس بنفس البيت وتسلمون على الرد
|
بما أن مافيه فود وحاولتي فيه ولا شفتي نتيجة
توكلي على الله وافتكي منه والحمدالله عيالك حولك وتصرفين على نفسك هذي من نعمة من ربي والجأي لربك وادعيه دايم الله يفرج عليك ويحفظ لك عيالك يارب ويكفيك شر الدنيا |
اختي قريت قصتك قبل و اشوف ان الآدمي هذا البعد عنه غنيمة و ان شاء الله الله بيرزقك باللي يقدرك و يحترمك و ما تدرين يمكن بعد ما تتركينه يبدأ يراجع حساباته. المهم استمرارك على وضعيتك الحالية غلط في غلط. الله يوفقك.
|
الله يجزيكم الف خير اختي بنت رجال وشوبارد وانشالله اني بطلب الطلاق بس انا الحين انتظر تتعدل شوية ظروف ببيت اهلي الله اعلم متى وبعدين ان شاء الله يحلها الف حلال
|
اختي الكريمة 00000000
اخشى ان يكون زوجك قدوة سيئة لابناءك 000000 انتبهي استشيري اهل العلم والعقل ولا تلتفتي لكلام الناس |
أسألي شيخ أحسن...يرد عليك رد صحيح 100%...
|
تسلمون على الرد والله يجزيكم خير والله يسوي اللي فيه الصلاح والخيره
|
منبع الاحزان
وش تنتظرين مادام لا يصلي وشارب للخمر هذا الطلاق منه افضل وانا علمتك بأن الوالده مطلقه والحمدلله مبسووووووووووووووووووووووووووط على الاخر إذا كان عندك اخوان سنعسن خليهم قدوه لعيالك والله يوفقك ويكتبلك اللي فيه الخير والصلاح عين ربي تحفظك |
عاشق الحور اخوي اله يجزيك الف خير وربي حاسه بانك حاس باللي اعانيه من ذا اللي اسمه زوجي ادعي لي اني اقدر اخذ القرار الصح اللي بيريحني وبيريح عيالي
|
فتوى سمعتها من الشيخ العلامة محمد العثيمين رحمه الله في برنامج فتاوى على الهواء
اتصلت عليه احدى النساء تقول : ان زوج اختها يلعب قمار ولا يصلي .. فهل يجوز أن آكل من طعامهم وشرابهم ؟؟ فقال الشيخ (((( إن كان لا يصلي فأختك تعتبر ليست زوجته .. لا يجوز ان تجلس معه ولا تنام معه .. فقالت : انا اسالك عن الرجل هل ناكل من طعامه أو لا ؟؟ فقاطعها بغضب : (( اتركي الطعام والشراب اتصلي الآن على اختك وأخبريها انه لا يحل لها الجلوس مع رجل لا يصلي .. ولا يعتبر زوجها لأن من ترك الصلاة متعمداً كافر ..)) اختي لا زلت احتفظ بشريط تسجيل لهذه الفتوى ... لكن عليَّ أن ابحث عنه لكن يشهد الله ان هذا ما سمعته من الشيخ رحمه الله تعالى فابتعدي عنه .. واطلبي الطلاق فأمر الآخرة يقدم على الدنيا وكلام الناس أعانك الله ..وفرج عنك .. . . . . . . اختك المحبه / بنان |
اختي بنان الله يجزاك الف خير ان شاء الله بتوكل على الله وبكلم ابوي عشان موضوع الطلاق وادعوا لي بان اله ييسر لي اموري واتخلص منه باقرب وقت
|
والله بجد الله يكون فى عونك
ربنا يهديه ويصلح حالك وحاله اختى قديكون مريضا مرضا نفسيا فحاولى ان تكتشفى ذلك واسالى اهل الطب لعل ه يكون لديهم لحالته علاج فليس كل من لايصلى يكون سليم العقل او راجحه فقد يكون احتياجه اليك اكثر من احتياجك اليه لذا ارجو الاتتسرعى فى طلب الطلاق قبل دراسه حالته جيدا |
اخوي محمد الله يجزاك خير وربي انا في حيره كل مااعزم على الطلاق القى نفسي اتراجع واقول اصبر شوي بعد بموت من الحيره وربي مو قادره اوصل لحل اكرهه بس ماابي الطلاق ابي اتطلق وماابي وربي انا حاسه اني مشوشه ومحتاره حييييييييييييييييييييييييييييييييييييييييييل لدرجة اني مرضت من كثر التفكير بالطلاق عشان كذا مقدرت ارد عليكم لاتنسوني بالدعاء
|
الله يكون في عونك اختي
صدقيني الموضوع صعب فعلا ومتعب بس صدقيني إذا حصل الطلاق فعلا ورحت بيت أهلك راح تنتهي مشكة التردد فإذا كان طلاقك في محله -كمتا أراه ويراه الأخوة- فما راح تندمين بالعكس تقولين الحمد الله على هذي الساعة وإا كان العكس فطبعا فيه ندم بالنسبة لي ما أحس إن فيه أي سبب للاستمرار حتى الأطفال لهم رب يتولاهم وليسوا أول ولا آخر أطفال ابتعدوا عن أبوهم وحتى هم راح يلقون الراحة إذا أنت تفغرت لهم ولمشاكلهم ولحياتهم وصدقيني آلاف عاشوا أيتام وطلعوا علماء وفقهاء ورجال تاريخ! ما أدري موضوع الطلاق مو سهل بس ما عليك من اللي يقولك المراة ما تتطلق إلا إذا كان تارك للصلاة وشوفي غيرك ووو الخ اعذروني فلو صح ذلك لحرّم الشرع الطلاق وحدده بهذا الأمر أنا ما أبغى أطلع من الموضوع بالنسبة لكلام الناس في البداية ممكن تحصل مواقف لكن بعد شهر؟!! إذا انتشر الخبر وانتهى الأمر صدقيني خلاص تصير المساةل سهلة وتواجهين حياتك وأنت مرتاحة نهاية مؤلمة لا ألم بلا نهاية!! الله يكون معك ويسهل أمرك يارب |
اخوي اتكاءة حرف الله يجزاك الف خير على ردك اللي ريحني وطمني بنفس الوقت واحب ازيدك انه اللي اسمه زوجي ماعمره ركع ركعه لله يعني من كل ناحيه لادين ولااخلاق ولاحتى رجوله وكرامة ووحده مثل حالتي كان لازمك تتخلص منه من زمان تبي الصدق انا خلاص مليت منه وشكلي بعزم على الطلاق بس فيه شوية ظروف ببيت اهلي تمنعني من اني اطلبه الحين انا بس منتظره تنحل هالظروف وبعدين اروح لهم بس المشكله مدري متى بتنحل هالظروف لانه ذا في علم الغيب بس ماهي ظروف ماديه واسئل الله انه ييسر لك كل امورك وينولك كل اللي ببالك
|
أهلا اختي
بس حبيت أنبهك على إني أخت ولست أخ وهذا يدلك على تقديري لمشاعرك كامرأة تجاه الطلاق ولمصير الأبناء واحساسي فيك وفي مشكلتك لكن انت توكلي على الله واطلبيه يختارك الصالح من أمرك وفكري في اخطوة القادمة وان شاء الله يارب نسمع عنك احسن الأخبار وممكن نلقاك في منتدى المقبلين على الزواج!:23: بالتوفيق |
يالحبيبة ...ماشرع الطلاق إلا في حالات مستعسرة
لذا استخيري الله وقوي صلتك به .. وإن كان المحسوب عليك زوج من رواد الخمر وناكري الصلاة ففي هذه الحالة يحرم الجلوس معه ويفرق بينكما ...وإن يتفرقا يغنها الله .... فلا نجعل همنا الأولاد الأولاد....يختي صحتك وراحتك أولى وكم من ولد وبنت عاشوا أحسن عيشة وهما يتمان أو مطلقي الوالدين .. أنا لا أنصحك بالطلاق ولكن إذا استعسرت الأمور ...وكان الرجل غير صالح ... وفيه مكان تعيشي فيه مع أولادك ...فلا تضيق بك... أسأل الله بمنه وكرمه وجوده أن يرزقك الرشد في أمرك والطمأنينة في حالك |
بالنسبة لكلام الناس فهذا وهم كبير عايشين فيه غي كل امور حياتنا ومنهم الناس غير انا وانت واهلك وجيرانك والانسان الناجح والواثق من نفسه ما يهمه احد ويواجه المجتمع بكل قوة لا تخلين كلام الناس شبح يطارد ما في انسانه عندها احترام وتقدير لنفسها ترضى بالعيشة هذه والله يكتب لك الخير
|
استغفر الله ولكن لو انا مكانك لطلبت الطلاق
|
والله انا بما اني مطلقه
اكره هاللقب ولا اتمناه لاي امراه |
الله يجزاكم الف خير كلن باسمه وينولكم كل اللي ببالكم وانا بفضل الله ثم بفضلكم قررت اني اشيل فكرة الطلاق من بالي واحتسب الاجر عند الله وادفن عمري بالحيا عشان عيالي وبس ومو عشاني انا لاني خلاص انا مييييييييييييييييييييييييييييييييييييييييييييييييت ه واشكر كل من رد علي ووقف جنبي لين قدرت اوصل للقرار اللي بيريح عيالي تكفون لاتنسوني بالدعاء
|
| الساعة الآن 10:49 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©