مشكلتي .....مشكله ساعدوني
 

:( السلام عليكم ..متزوجه من اربع سنوات تقريبا عندي بنت وولد الله يحفظم ..وافقت على زوجي وانا ادري انه مستواه التعليمي اقل مني وراتبه بعد وبعد الملكه اعترف لي انه عليه سلف في البنك وراتبه ما يصفى منه الا 1500 ريال يوم سالت ليش عليك هالمبلغ قال ماعليج ,عليج مني احين قبل يخصني انا ؟؟ومرت الايام وانا ادري بحالته انا الي اصرف عليه وعلى عيالي بعدها وهو لو خلال السنه جاته اي فلوس عطاني لانه ماكان يقدر يمشى لي مكصروف



المشكله اني كنت ابي ائمن مستقبلي وعيالي خذت سلف من البنك وشريت لي واعيالي اسهم كضمان ...وطبعا اتفقت معاه انها حق مستقبل اعيالنا وراح ننساها في الوقت الحالي .


ولكن صارت المصيبه جاني بالبريد ارباح عيالي من الاسهم وكانت ناقصه 1200 سهم ..سالته قتله البنك غلطانين قالي ساليهم ..لكن للاسف طلع اهو الي بايع مرتين وماخذ افلوسهم يوم واجهته اعترف قال ابوي احتج عطيته وبعد قلت ابوه يدري بحالته مستحيل يطلب منه مبلغ كبير رجعت واجهته قال ..صاحبي احتاج مبلغ وسلفته ؟؟؟؟؟؟والله انه في الفترة الي صار فيها هالشي كانت حالته عدم ما عنده يصرف على نفسه حتى وانا لانهي كنت ماخذه سلف كان راتبي يدوب يكفى راتب الخدامه ومصاريفي لكن كانت صدمه .....وقال كنت بارجعهم من غير ما تدرين صار على الموضوع 7شهور وصاحبه يتهرب منه وزادت المشاكل بينا ..

والي زاد الطين بله اني يوم زادت عني فلوس الاسهم قبل لاعرف انه باع اسهم عياله ..سلفته 85000 الف عشان يشترى سياره ..وطبعا ما رجعها


صارت مشكله كبيره وكانت النتيجه انه قال ما راح احول الاسهم الباقيه لاعيالك باسمك والاسهم احين نازله ما راح ابيعهم احين وما قدر يرجع لي شي ..يوم اصريت عليه قالي خلاص مابي اعيش مع وحده كل همها الفلوس وما اتفكر في زوجها ..راح ارجع فلوسك بس مكانك بيت هلج واخذي اعيالك بعد وما عاد لج اي مكانه عندي ولا حتى دموعك بتغير شي ولا تستبعدين لو قررتي اتعيشين معاي اني اخذ الثانيه .

جاني انهيار وحالتي كانت حاله ..تدرون اشقالي قلت هالكلام تاديب لج ولازم تسمعين كلامي عشان اتعيشين معاي بالطريقه الي انا اقولها واتقولين ان شاء الله على كل الي اقوله ..ز

احين انا ما اقدر انسى كلامه ومابي اخرب بيتي لانه هلي مايدرون لكن جرحني ..اشلون استمر معاه وانا ما اثق فيه ..وبعد الي سويته له هاي نصيبي ..

شاسوي قولولي اشرايكم ؟؟؟انصحوني ..الله يفرج كربكم ..ان شاء الله ........ز:11:

سلااام اختي انا اخاف ارد عليج لانها صدق مشكله
اول شي انه مب متحمل مسؤولية البيت وشكله عجبته السالفه
و الكذب عليج في بيع الاسهم
والتهديد لج بالطلاق

يمكن اذا تدخل احد ينصحه ما اعرف آسفه بس الله ايعينج

كيف يتصرف فى اسهم عيالك حاولى تمنعيه من حق التصرف هدا تعبك و بعدين هو لو رجال لازم يعرف انه هو المسؤل على نفقتك انتى و عيالك و لا يرضى ياخد منك ، مادامك تريدين العيش معه حاولى تدخرين من مالك للزمن من اجلك و من اجل عيالك زوجك مش مضمون و لا هو كفؤ على هده المسؤوليه ربنا لا ايحوجك لا حد يا رب يا كريم

اختي والله نشكلتك كبيرة تحتاجين ترجعين بيها لاهلك لان فيها كدب و للاسف سرقة و عدم امان وعدم شعور بالمسؤوليه ولكن والله انت شلون رضيتي من البداية من عرفتي كدب بخصوص المرتب مال شلون تستمرين معه ........... صدكيني انا اعرف واحد نفس الشيء و كلام زوجك دكرني بكلامه الي كان يقولها لزوجته وللاسف طلع كل كدب لا في دين ولا صديق ولا شي بس اخد الفلوس وصرفها على كيفه
كوني شديدة معه و لاتتهاوني لان ما يستاهل التهاون وبعدين ما تكوليلي ليش حريصة على وجوده ادا كان كلشي عليك انت وهو يحتاجلك وراح يرجعلك ويتوسل بيك انت لو تركتيه بس ادا تهاونتي بحقك وما اخدت موقف فلا تلومين الا نفسك لان بيستضعفك جدا ويدوس بعد وبعد

الأخت العزيزة
لا أملك سوى أن أدعوا له بالهداية ولكي بالصبر

مشكورين على الرد والله يعين الجميع ..لكن انا احين مش قادره ارجع الاسهم وهي كل ما املك لي واعيالي ..وهو الوحيد الي يقدر يتصرف في اسهم اعياله بعتباره هو الوصي ..على حسب قوانين دولتنا انا مااقدر اسوي شي مش راضي يحولهم باسمي ولا راضي يبيعهم ..والمصيبه اني قبل لادري بسالفته هاي شريت له اهو بعد معانه اسهم ..يعني بالمختصر ضاعت فلوسي ولازم اتحمل الديوان لحالي ..




الله يسامحه وحسبنا الله ونعم الوكيل فيه

ياريت لو حد يساعدني بقتراحات قانونيه اسويها وارجع الاسهم ..انا خبرت اخوي طبعا نصحني لما تهدى الامور قوليله انه اخوى راح يبني بيته وعنده مشكله في الفلوس بيع الاسهم عشان اعطيه وهو بيرجعها بعدين ؟؟؟اشرايكم بالحل راح اطوف عليه ..لانه اخوي قبل لانه اقول حق زوجي راح يكلمه ويشتكيله من نفس الموضوع عشان زوجي ما يشك في شئ وزوجي وايد يسمع كلام اخوي والله يعين .........

hالسلام عليكم:
والله للأسف هذا ليس برجل والعيش بدونه احسن الحياة الزوجية مشاركة حتى بالمال ولكن الانانية ممنوعة من اي طرف وهذا اناني وضع مصلحة فوق الكل الاولاد والزوجة شو فيه شئ ما عمله خائن وكاذب.

فكرة اخوك زينه الله ايعينك على هدا الرجل

جربي فكرة أخوج..
وإذا زوجج مارضى ..
قولي له إن صاحبه لما احتاج.. عطاه من فلوسج..
وأخوج أولى أنك تعطينه وتساعدينه..
وقولي له إنت تقول إن كل همي الفلوس..
لأنك ماتعبت فيهم..
لكن هذي الفلوس ماجات بسهولة عشان تضيعها بسهولة..
وأنا خذت أسهم لعيالي عشان أأمن مستقبلهم اللي إنت المفروض تعمله..

من الاساس ما كان لازم تعوديه انك تنفقين
وتحاولين تعيشين مع زوجك حسب مستواه المادى
لعل بهذا درس لك ودرس للزوجات الخريات

عفى الله عما سلف أرجعي معاه...بس لاتعطينه من فلوسك مره ثانيه حتى لوكان سلف..ولاتعطينه الصلاحيه يتصرف بأسهم عيالك..وكلي أخوك أو أبوك أو أحد تثقين فيه..بس عادي شاركي بشراء مستلزمات البيت من باب المساعده.. بس لاتعطيه كاش.الرسول أعلم بحال الأمه عندما ألزم الرجل بالصرف على المرأه حتى لوكانت هي غنيه وهو فقير..

من رأى انك تهدا الامور الرجل ممكن يعمل اى شئ كل الاسلحه معه لازم انك تخلينه يثق فيك وتحاولى انك تكونى جنبه في هذه الفتره لحد ما تجمعين معلومات كثيرة واعرف ان اى معلومه هى في صالحك هذا حل مؤقت اللين تتضح لك الامور اذا خسرتيه تخسرين كل شئ واظن انك بابتعادك عنه رح تخسري كل شئ بالعكس العب عليه وخليك ماكره وداهيه في تصرفاتك لا يحس انك تاخذي معلومات منه ابدا هذا حل سريع

والحل الثاني انك تكونى اقوى منه ماديا ومعنويا ساعتها هو ممكن يسلم لك حقك ..

فكرة اخوك حلوة.....وان شاء الله تطوف على زوجك

واذا زوجك عطاك الفلوس قو لي له انك عطيتيها لاخوك.....

وبعدين اذا سألك وين الفلوس او هل اخوك ردها....قولي له لا ان شاء الله بيردها.....

لحد ما ينسى مسأله الاسهم والفلوس......وهذا درس لك ......عشان تعودينه من الاول انه يصرف عليك وعلى عياله.....

وانك تعيشين حسب امكانيات زوجك........






الله يعينك



دووووووت

لاتثقي فيه من ناحية الأمور المادية واحفظي فلوسك أنتي وعيالك وحولي الأسهم باسمك وحاولي إنك بعدين ما تفتحين معاه موضوع الفلوس وشجعيه أنه يحاول أن 1500 تكفيه بشخصه وأنك تتكفلين بعيالك لين الله يفرجها وينتهي قرضه وفقك الله

يا عزيزتي ... بما أنه تصرف معك التصرف - اعذريني- النذل هذا
و بما أنه ما يصرف عليك و انت اللي تصرفين عليه.. فأنا أقترح أنك تتركينه و تعيشين مع اهلك إذا فيه إمكانيه..حتى لو من دون طلاق.... خليه يحس بقيمتك.

و إذا سويتي هالشي و ندم و قرر انه يرجع لك تحطين قدامه خطوط عريضه و حمرا لحياتكم سويه عشان يكون كل شي واضح و زي ما انت تبينه.

أما لو كنت ما تقدرين تروحين عند اهلك... عيشي انت و اطفالك في البيت اللي انتو عايشين فيه..من غير زوجك... و هو أساسا زي قلته لأنك انت اللي تصرفين من حر مالك... اطرديه من البيت

عشان تستعيدين كرامتك و موية وجهك اللي هو اراقها بتصرفه النذل... لأنه يعتقد انك بقره حلوب ياخذ منك اللي يبي و انت تحت امره .. و هو عشان يثبت هالشي لنفسه يهينك!!!

أنا اتوقع ان فيه شريحه كبيره من الرجال يفكرون بالطريقه هذي

عليك بلاستغفار وقيام الليل