زوجي لاترحل
 

موقف غريب مررت به اليوم وقد خفت على نفسي وعلى زوجي من بعد مارايت انا في حالة صدمه



اليوم الصباح ذهبت الى المحكمه مع زوجي وامي وابي لبعض الاجرات القانونيه وكدخلت غرفة انتظار النساء



وقابلتني احد صديقاتي بعد غياب سنه من وفاة والدها وش تسوين يافلانه قالت لي انا هنا مع اخواني والوالده نسوي حصر وراثه للوالد المرحوم




وسالتها اين امك قالت لي تللك التي تجلس خلفك ونظرت اذا بها عجوز اكل الدهر من وجهها


تاملت هذي المراه اربعينيه بسن امي او تكبرها بعامان لم تنجب سوى مرتان



لم ترهق بشئ كانت مدلله على زمن زوجها وكانت حبيبة وعشيقته


لدرجه انه كتب قصه عشقهما في كتاب


لكن فجاه تذكرت لقد رحل هذا الغالي رحل زوجها وحبيبها

مما اطفء شعلة المحبه والحياه داخلها



جلسة انظر اليها بتمعن واقارن بينها وبين امي


لكن لا مجال للمقاره لقد بدت تللك المراه بعمر جدتي نعم





لقد نظرت اليها كانها تقول زوجي ادعني اليك ولا تبتعد عني اني انتظرك





هذا هو الحب هذا هو الاخلاص لان السعاده تبدو على وجهها



لاذا عندما عدت الى السياره اخبرت زوجي ارجوك لات رحل لا اريد خسارتك وخسارة نفسي



نعم اني احبك

صدقتي من جد الحياه زوج بكل عيوبه

ما شاء الله اللهم اجمعة واياها فالجنة خالدين

اي والله الحياة بدون الزوج ما تسوة شيء اتدكر كلمة قالتها زوجة عمي يوم حين توفى عمي (رحمة الله عليه) قالت يوم توفى والدي حزنت حزن ما كتن متخيلة اني باحزنه على احد فقدت الامان بغيابه ولكن حين توفى زوجي حسيت اني فقد الدنيا كلها ولاحزن مثل الحزن على الزوج

الله يخليهم لنا ...

لوفكرنا للحظه كيف الحياة بدونهم ...كان ماضيعنا الوقت في زعل

وهم وضيـــــــقة بال .......

بالعكس نستغل كل ثانيه عشان نسعدهم ونرضيهم ...

أنا بعد أأكد على كلامك
 

أنا عندي خالة زوجها نكدي نكدي نكدي... لو أقعد أعدد حركاته وسوالفه ما أخلص ..

الكل يتمنى موته من السواه اللي مسويها في زوجته وعيالهم ..كل يوم والثاني هواش وصراخ وضرب للعيال على

أشياء تافهه .. وإذا ما قدر يطلع عليهم غضبه وعقده طردهم من البيت .. الأم مع العيال.. وفي أحسن الأحوال يقفل

المطبخ عشان ما ياكلون .. ويشيل التلفون عشان ما يتصلون لأحد ..

ويا ويل خالتي إذا فكرت وحده من جاراتها تزورها يقعد ليها مثل العظم في البلعوم داخل طالع لين ما تتملل وتطلع ..

وساعتها يستلم خالتي وهات يا نكد ..

بناته المتزوجات يجون بيتهم يوم في الأسبوع وما يسلمون من النكد والصراخ .. وغالبا الطرد يكون من نصيبهم ..












لكن

















قبل سنتين ارتفع عليه السكري وجاته جلطة سببت له شلل نصفي .. تعالوا شوفوا خالتي وش سوّت في روحها من

الصياح والبكي هي وبناتها ..

العايلة كلها استغربت من اللي سووه ..

احنا قلنا خله يطول رقاد في المستشفى بيفتكون شوي منه ومن حنّته وبيرتاحون وخصوصا عقب ما الأطباء سيطروا

على الجلطة وذوبوها ..

بس خالتي تقول لو ألف الدنيا كلها ما أحصل واحد يحن علي كثره .. الله لا يخليني منه ..

ولله في خلقه شئون ..

وعقب ما شاف الحب اللي يشيلونه له عياله في قلوبهم على اللي يسويه فيهم .. قلنا أكيد بيتعدل وبجوز عن أفعاله ..

لكن أبو طبيع ما يجوز عن طبعه .. للحين نكدي نكدي نكدي .

السلام عليكم
والله صادقه الحياه صعبه بدون ازواجنا
ومهما الوحده يزعلها ويسير الي يسير بينهم
لاكن لو جاه شي تموت قهر عليه
مشكوره موضوعك رائع

الله يخلي لي زوجي ويخليني له..

والله على كثر ما أشتكي منه..

في لحظة الصفا.. أنسى أخطاءه وأفعاله..

وأقول الله لا يحرمني منك يالغالي..

صحيح إن الإنسان عندما يكبر يبدأ الزمن يخط خطوطه العميقة على جسده ...وخاصة الوجه

ولكن من واقع تجربة .... للهم خطوطا أقوى ....
فما يستطيع الزمن أن يفعله في عشر سنين ... يستطيع الهم أن يفعله في شهور ....

الف حمد وشكر لك يارب على النعمة ....
تحياتي ... أم البنين ..

الله يخلي لي زوجي ويخليني له..

والله على كثر ما أشتكي منه..

في لحظة الصفا.. أنسى أخطاءه وأفعاله..

وأقول الله لا يحرمني منك يالغالي..

ذكرتني بوالدتي- شفاها الله وحفظها -عندما نقلت لها خبر وفاة والدي -رحمه الله- كيف كانت بالنسبة لها تلك اللحظات؟

فرغم أن وفاة والدي كانت متوقعة لمرضه الشديد ، ورغم أن والدي متزوج عليها بأخرى إلا أنها حزنت عليه كثيرا حتى مرضت حزنا عليه ، وكانت ولا زالت منذ ثلاث سنوات منذ أن توفي وهي تدعو له في كل وقت وفي كل صلاة .

قصص فعلا مؤثره وواقعيه الى درجه كبيره

وهذا هو حال المراه من قديم الزمان

واظن ان معظمنا يعرف قصه الخنساء بعد اسلامها

وكيف انها عندما خبرها المسلمون باستشهاد اخوتها الثلاثه استرجعت الله وقلت انا لله وانا اليه راجعون

وعندما اخبروها باستشهاد ابيها استرجعت ايضا

فلما ذكرولها استشهاد زوجها ولولت وقالت وامصيبتاه واكرباه

وكان رسول الله حاضرا فقال مامعناه ان مصيبه المراه فى زوجها هى اعظم المصائب

وصدق رسول الله فيما قال والواقع يصدق ذلك

فالزوج توام الروح وموته يعنى انفصال الروح عن الجسد(طبعا فى حاله الموده والرحمه )

العبارة التي ..وددت كل نساء الدنيا أن تغدو كأغنية جميلة ..يتغنى بها فعل الرجل وقوله


حيااااااااااااااااااااااااااااك الله أخي النور والحنان

الله يخلي لي زوجي ويخليني له..

والله على كثر ما أشتكي منه..

في لحظة الصفا.. أنسى أخطاءه وأفعاله..

وأقول الله لا يحرمني منك يالغالي..


مثلي الله يخليه اللي ولاولادي

راح اقولكم قصة خالي وزوجته اولاً الاثنين على طول مع بعض مايفترقون الا نادراً ولفتره بسيطه جداً عمري ماشفتهم زعلانين من بعض وطبعاً زوجته خالي كانت هيه المسيطره على حياتهم الي تقول يصير ومع ابتسامه عريضه من خالي.
وعمره ماقصرعليها بشي بس هيه الصراحه مقصره معاه في اشياءكثيره المفروض انها تكون مسؤله عنها في لبسه واكله الا انها مهمله جداً جداً.المهم مرضت مرض شديد من سرطان الثدي ومن جلطه ........الخ اللهم عافينا وكان اذا شافها تتألم يجلس يبكي عليها ويبوس راسها ويدهاوبعدين ماتت الله يرحمها وحزن عليها خالي حزن شديد وقالوا عياله لازم تتزوج وقبل على مضض المهم بعد سته شهور من وفاة زوجته مات قبل يتزوج الله يرحمهم جميع الصراحه عمري ماشفت زوج وفي زي خالي الله يرحمه

يا حليلكم والله

ياليت الرجال يقرأون كلامكم!!!

عشان يعرفون ان المرأه قلبها كبير

فعلا
والله الحياه ما اتخيلها بدون ابو وليد الله يخليه لي

الله لا يحرمنا من ازواجنا



من جد الحياه صعبه من دونهم

انا زعلانة من زوجي وبعد ما قرات هدا الكلام صرت بدي اراضي