|
زوجك يسافر ...بدونك
عندما يأتي زوجك اليك بالاجازه الصيفيه ليخبرك بأنه سوف يسافر لكنه سوف يسافر لوحده مع احد اصدقاءه...
كيف ستكون ردة فعلك...؟...هل توافقين...؟ انا اعلم ان هناك الكثير ممن يسافرون تاركين زوجاتهم...لكن ماهو تأثيرة على الزوجه..؟ ولماذا تطرأ على الزوج هذه الفكره...؟...الا توجد بها شيء من الانانيه..؟ شاكره لكمـ.. |
مررت بهذه التجربه عدت مرات
واستودعت زوجى بابتسامه واستقبلته بابتسامه اهم مافى الموضوع استودعيه الله قبل ان يذهب لكى يعود سالم غانم لكِ واطلبى منه ان يحافظ على عرضك فى سفره ((سوف تهزه هذه الكلمات وسوف يسالك ماذا وكيف قولى له اذا ارتكب خطا فى سفره فليعلم بان الله يراقبه وهو على كل شى قدير فالعين تزنى والاذن ومن هالكلام)) واتمنى من الله ان يكون زوجك حافظا لكِ بكل الاحوال والاوقات جعلك الله قره عين لزوجك وجعلك المسكن والماوى لقلبه وعينه ومشاعره لك فيض ودى وعذرا لو جرحتك ببعض الكلمات لمـــــــــــــاوى |
اقتباس:
كلام عين الصواب خااااااااااااااااااااااصه كلمة حااااااااااااااااااافظ على عرضك |
مرحبا
بالنسبه لي ياأخت لمى صعبه اني اسوي مثلك...وماادري اذا اول سفره لزوجك ودعتيه بابتسامه...؟... باعتقادي ان اصعب شي اهي اول سفره لانه اذا سافر بدونك راح يعتاد على السفر لوحده وهذا ماأخافه... شكرا لكِ...... عاشق الحور..... يعني انت من المؤيدين لسفر الزوج لوحده...؟اذا كان كذلك لماذا...؟ انا صراحه ماودي ينتهي النقاش في هذا الموضوع ودي الرجال والنساء يقولون ...ماهو رايهم بهذا الموضوع..؟ ودمتم..... |
بصراحه اللي يروح بلحاله.......... زوج أناني...
|
ماراح لحاله الا انه ناوي يدخل اماكن فبها بلاوي والا كان اخذك معاه..امنعيه من السفر لوحده ولك الاجر ان شاء الله..
|
اقتباس:
|
الحمد لله مايحب السفر خير شر !!!!
ولو يقولي بسافر لوحدي يمكن يغمى علي !!! |
عندي نفس المشكله وماأعرف كيف امنعه لانه مصمم يرووح مع اصحابه يقوول انه من حقه يسافر وينبسط مع اصحابه
|
خالد23....و la vie ...
اهي اكيد فيها شيء من الانانيه..... اعرف بعض الازواج يقومون بالسفر مع الزوجه والابناء ...ومن ثم يقوم هو بالسفر مع اصدقاءه....!..(على اساس انه ماحرمهم من السفر) لكنِ هنا أرفض مبدأ السفر لوحده مع الاصدقاء سواء كان مسفر زوجته او لا.... تونو.... مشكلة اغلب الرجال انك اذا منعته من شيء يستخدم معاك اسلوب العناد وماكأنك سويت شي..... ريمــ... وهم من حقكِ انتِ ان تسافري وتنبسطِ..... لكن تبقى المشكله بدون حل.....ويمكن اهي مالها حل... لكن لماذا يقوم الزوج بالسفر من دون زوجته...؟ |
انا صار هالموقف لي مرتين وبصراحه حزت بخاطري ...
لاني كنت ميــــــــــته على البلد اللي بيروح لها بس اقنعني انها سفرة شباب ×شباب ....وعااادي اقتنعت .... انا مانكر الرجل يبي فتره يسافر فيها مع ربعه ويغير جو عن زوجته اللي مقابلها24 ساعه باليوم ... وبنفس الوقت يرجع لها بنفسيه حلــــــــوه ومشتاق لها وهذا اهم شي ... بس بعض الرجال الله يهديهم ينســــــى زوجته وعياله كليا ... يعني لايوديهم لاقبل ولا بعد وفوق كذا مايسأل عنهم وقت السفر .. يعني يخلي زوجته غصب تشك فيه وهذي قمــــــــــــــة الانانيه .... لكن لو سافر الزوج لحاله كل مابين فتره وفتره ومعطي زوجته وعياله حقوقهم حرااااام نعتبره اناني ... لان نفس الحاله لو تسافر الزوجه مع اهلها كم يوم وتخلي زوجها نعتبرها انانيه ؟؟ لا بس حبت تغير جو مع اهلها وهي راجعه راجعه لزوجها .... يعني سيم سيم ... فليش نكبر الموضوع ونعطيه اكبر من حجمه .... اذا انتي عارفه زوجك وواثقه فيه خليه يــــــلف هالدنيا هذي كلها والله يرجع لك مثل الطفل اللي مشتاق لامه .... واللي فيه نية خيانه ولا شي ماراح يستنى لما يسافر عشان يلعب بذيله بيسوي اللي يبي ولو انه في بيتها وقدام عيونها ....... ووووووووبس......... |
لا أوؤيد سفر الزوج لوحده
يمكن قبل لا اسافر مع زوجي لبعض الدول كان عندي عادي يسافر بروحه بس لما سافرت بل شفت العجايب من الشباب العرب وبنات الليل وعذرا على هذي الكلمة بس شفت اشياء يقشعر لها البدن ما عندي مانع انه يسافر الى بيت الله الحرام بس غير هالمكان لا والف لا اذكر سالفة خالتي طبعا متزوجة عمي كل ما يحجز لها علشان يروحو مصر او ماليزيا او اي مكان تقول له روح بروحك الحين هي تصيح لان اكتشفت انه اتزوج عليها وهو بالسفر هذا الا ندري عنه وما ندري بالباقي فمستحيل اترك زوجي يسافر لحاله وسلامتكم |
اولا عذرا لـ ق ص م 100 لاني مارديت عليها
تبين الصراحه انا مالومكِ .... وهايدي.... انا اذا مارضيت له يسافر لحاله بالتالي اكيد ماراح ارضى اني اسافر واتركه......هذا من جهة ومن جهة اخرى حتى لو انا اثق بزوجي انه ماراح يخوني بس ترى الحين طالعه لنا انواع الزيجات اقصد المؤقته .... بعدين يمكن اهو يسافر ومايصير شي لكن ماذا عن المرات القادمه هذا اذا تكررت...هل أضمن...خصوصا ان اغلب الدول كل شوي تنفتح عن اكثر وكل مكان يقول...الخراب عندي.... عصفوريين بقفص... هذا اللي انا ابي اقوله ...واللي مايوافق على سفر الزوج ماينلام...كل وحده تبي تحافظ على زوجها وبيتها.... وبيني وبينكم حتى لو كنت واثقه منه ...مجرد انه يسافر ويشوف الحريم اشكال والوان شي ما اتحملّه.... شاكره لكمِ....... |
:: احيكم بتحية الاسلام00 السلام عليكم ورحمة الله وبركاته
اولا: اشتقت اليكم بعد انقطاع بسيط ثانيا: سبب انقطاعي عنكم هو نفس السبب اللي تتكلمون عنه وهو سفر زوجي المصون غصب عني علما اني مااواطن الرجل اللي يسافر لحاله لكن بتليت بهالشي والنتيجه:29: زعلت ورحت بيت اهلي وأعلنت الحرب لكن اللي براسه سواه وسافر لديره ياسلام سلم عليها وش اقولكم عنها بس :25: وعقبها حلفت انها تكون اخر سفره له وان صار آخر مابيني وبينه ماينفع الا كذا فيهم مع احترامي لوجهات نظر الجميع وعلى فكره ترا فيه رجال تأمنين انه يسافر لحاله وفيه رجال ماتأمنينه ولو هو بيته وسلامة فهمكم |
بصراحه انا بالنسبه لي كان عادي يسافر كم يوم ابيه يغير جو حتى لو ان في خاطري اسافر معاه ما احب امنعه لان إحنا 24 ساعه مع بعض ابي يغير جو حتى ماتصير المشاكل وفي النهايه هو الرجال ولا احب احرجه قدام ربعه بس من اسبوع قال بسافر جهزت له الشنطه وبخرت ثيابه على اساس رايح ...........قبل ليروح يقول لا صديقي قال ان العرس مش في ........ في ........ جاني شك بسيط قلت مش مشكله اهم شي مايروح ......... بروحه لان اخاف عليه بما اني كشفته على علاقه مع وحده هناك قالي ان شاء الله وامنت يوم جا , جاني شك بسيط اني اشوف جوازه راح ........ ولا لاء وشفت الختم كنت باااموووووووووت انه خدعني سكت وتميت متغيره شوي قلت بانسى لانه وعدني ان الماااااااااضي ماااااااضي وانه مايبي يخسرني ستحملت وعلى فكره اناااا حامل وفي الشهر السادس يعني المفروض ماااازعل ... وكنت قاعده معاه اتغشمر اني بارقص في عرس ولد عمه غاااار وقالي باتزوج عليج علشان ترقص معاج وكان معصب ولا كلمته لين الليل جا يبي يراضيني "انا نهرت" فتحت الموضوع وكان ينكر لحد ماجبت له الجواز قالي انا اسف ورحت علشان رفيجي يبي يمر وانا وعدتج مراح يصير شي ولا سويت اي خطأ ومن هذا الكلام .... انا ليش قلت قصتي ابي اقول حق كل زوجه ان انا اللي سويته صح مش غلط عطيه الثقه وخليه وكوني معاه دوم وهذا انا اللي سويته بس زوجي مادري ليش يسوي جذيه احس ان فيه شي وعلى شهادته يوم اصيح يقولي انتي تحبيني وانا بعد احبج وانتي مش مقصره معاي والله اني اركض له بيدي وريولي علشان رضاه ولا ازعل منه اسامح وارضى بسرعه وقلت له انا يمكن فيني شي كل انسان فيه عيب شنو عيبي لاتروح برع تهرب مني قولي وانا اعدل من نفسي شوفو شلون انا مستعده اغير من نفسي
سؤالي في هذي الحاله شو الواجب علي اني اسويه؟؟؟؟؟؟؟؟؟؟؟؟؟؟ يمنع ذكر أسماء الدول ، كما أن (إن شاء الله) تكتب هكذا. |
رأيي من رأي الاخت لمى جزاها الله كل خير ، كلماتها قوية ، اجل من يخاف الله ويعلم انه مثلما تدين تدان والديان لايموت ما بنخاف منه
وبعدين خليه يسافر لوحده راح يرجع بنفسية اخرى ، ويرجع لك مشتاق. لماذا دائما بنضع الامور السلبية،عنا رجال ما شاء الله عليهم عمرها عيونهم ما نظرت للحرام ، مش كل اصابعك واحد توكلي على الله يا غالية الزواج لو بده عيونه تزوغ بتزوغ وهو بحضن زوجته وبجواره ما عليه رباط |
بصراحه كلامكم كله صحيح في صحيح ان الرجال لو يبي ماينتظر يروح يسوي شي لو هو جنبج بيسوي بس شلون الوحده تحافظ على زوجها انا لو اثق فيه
بالنسبه لي انا واجهته وقلت له بكل ثقه وقوه شوف انا شفت منك اشياء ونصدمت ونسيتاها اوووووكي بس اذ شفت شي عليك انا مراح اعيش معاااااااااك لان اللي مايبيني انا مابيه صحيح كلام قوي بس لازم الرجال يحس ان مرته قويه وجاده ومع هذا انها تنسى اللي فااات ولا تجيب الموضوع مره اخرى ومع هذا لو يبي يسافر خليه بس مع رقه ونعومه وحب انا احبك وانت ابو اولادي والله يحفظك من كل شر ومن اولاد الحرام خليه يحس ان لين راح يفكر في كلامك انا صحيح زوجي خدعني بس اعرفه عدل ماله في السوالف يخاف على نفسه تدرون ليش لاني خوفته ان بنات الليل مثل ماذكرت اختنا ان يسون عمل ويخلون الواحد يحبهم ويدفع لهم ويخرب عليه وعلى زوجته فيخاااااااف وااايد على نفسه وسلاامتكم |
واذا ما وافقت تعتقدين انه بكنسل السفره......ولا رضاي وعدمه واحد....واقوله روح بالسلامه حفظا لماء الوجه
والرجل يسافر لوحده ليش ....عشان يتصرمح بعيد عن الانظار ....لانكذب على نفسنا ....لكن احنا الحريم مافيه يدنا شي انسويه غير نكذب على نفسنا......ونقول هو رايح يتسلى مع ربعه.....والمثل يقول { خلها في النفس تجرح..ولا تطلع لبره وتفضح} الصبرررررررررررررررررر |
ديمو.....
كل وحده ماودّها زوجها يسافر لحاله...لكن مو لدّرجه اللي انتِ قلتيها..لاتخلينها توصل" لبروح بيت اهلي "لان بعض الرجال ياخذونها على انها تحدي...واللي براسه راح يسويه عهود...... صراحه انتِ عجبتيني في ردك...واحس انك صابره كثييير وماعليكِ اي قصور لان باعتقادي ان المرأه اللي تسعى لنيل رضى زوجها على طول هذي المفروض تكون حياتها سعيده ويقدّر لها زوجها هالشي....... انتِ تعطينه ثقه واهو يعطيكِ وعود لكن ماتدرين اهو صادق معاكِ ولابس كلام..يمكن كل زوجه بحسب تعايشها مع زوجها تقدّر تعرف هالشي.... وبالنسبه لتذكيره بأن لايرتكب حرام ولا يخونك...انا بصراحه مااقدر اقوله من هالكلام..؟! ام الاحزان....... حتى لو ماتكنسلت السفرة اهم شي يعرف ان انا مو موافقه.... بعدين مو كل الرجال يسافرون عشان الصرمعه عشان مانظلمهم لكن احنا نخاف انهم يكررون سفر العزابي بعدين حتى اللي ماله نية يتصرمع يتصرمع....... روعـــه.... انا مو مع اللي يقول خليه يسافرو يرجعلك "مشتاق"....... اذا فيها سفرة لحاله مانبيه يجينا مشتاق... بعدين انا دوام زوجي طوييييل ويجي وينام لين الصباح يعني باغلب الايام ماشوفه الا ساعه او اقل...... اذا على الاشتياق هذي فيها اشتياق ولو جزئي..... شكرا لكمـ |
أنا رأي ممكن الزوج يسافر لوحده اذا في شغل عنده أو مسافر مع ناس مشان شغل
أما السفر مشان الإجازة فما مقبول أبدا أنه يسافر ويترك زوجته لوحدها يعني وقت الشغل بيتأخر وهي بتستناه وبتتحمل ضغوط شغله معه ووقت الإجازة والبسط بروح لحاله هذا كلام مو منطقي |
samo-m........
طبعا اذا كان مسافر عشان الشغل هذا شي ثاني ... وانا مو ضده كليا... وهنا اتكلم عن سفره للاستجمام...... شكرا لكِ |
| الساعة الآن 07:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©