آآآآآآآآآآآآه من احزاني وآآآآآآآآآآآآآآهين من عذابي اللي ماينتهي
 

السلام عليكم ورحمة الله وبركاته


http://www.66n.com/forums/showthread.php?t=84529

http://www.66n.com/forums/showthread.php?t=88872

http://www.66n.com/forums/showthread.php?t=90563

http://www.66n.com/forums/showthread.php?t=90562


http://www.66n.com/forums/showthread.php?t=85518

هذه روابط لبعض موضوعات الأخت الكريمة منبع الأحزان ، ونتمنى أن تكون الردود بعد قراءة هذه الموضوعات




اكتب لكم ودموعي تسبق حروفي وربي ماشوف شاشتي من دموعي انا توني جايه من بيت هلي وعلى طول جيت اكتب لكم وش صار معي بخصوص طلبي من ابوي انه يخلصني من اللي اسمه زوجي لاني قررت اني اتطلق منه والفضل يرجع لله ثم لكم انتم يااحن اخوان واخوات وربي انكم احن علي من هلي نفسهم واليوم ثبت لي ذاالشي اعذروني على الاسلوب والكتابه لاني مقهوره وابكي ومو قادره ارتب كلامي وافكاري لاني مشتته تخيلوا توني افتح موضع الطلاق مع ابوي وامي واخواتي كانوا موجودين الا تفاجئت بالكل يثور بوجهي والكل تغير وجهه ويقولون لي انتي صابره عليه طول هالسنين الحين جايه تبين الطلاق اللي صبرك عليه هالسنين بيصبرك عليه الحين وبعدين انتي تعودتي عليه خلاص وتكيفتي على عيشتك معه الاتقول امي انتي يابنتي الحين مثل المطلقه وش مستفيده منه يعني وبوشو هو ضارك بالعكس انتي ماتدرين عنه ولاهو يدري عنك وش تبين بعد مخليك على راحتك تجين وتروحين بس الفرق انه عيالك مع ابوهم وامهم واناساكته وحابسه دموعي وربي مخنوقه دموعي عشان ماابي احسسهم بالي فيني من ضيق ومن صدمتي بردهم قلت لها يمه انا مذبوحه انا ميته اموت بيومي مليونمره ومحد حاس فيني قالت اصبري وربي بيعوضك قلت لها يمه اذا عشت معه بموت وربي بتتذكرين كلامي ذا زين قالت لاهو مدمن شرب وان شاء الله بيكون يومه قبلك وبيجيك الي يعوضك عنه واحسن منه بعد الا ابوي يقاطعها ويقول لي ماعندنا بنات يتطلقون اصبري مثل ماصبرت امك علي قلت له يبه مافي مجال للمقارنه بينك وبينه انت ملاك بالنسبه له قال ادري وكل الناس تدري انه مو كفو ومهو برجال بس ذا نصيبك وذا رجلك وابو عيالك واخواتي بعد معهم اللي تقول وش بقول لزوجي اختي اتطلقت قلت لها زوجك يدري ويعرف الي اسمه زوجي ويعرف عيوبه ودوم انتي تقولين لي انه يقول الله يعيين اختك عليه قالت ايه بس الطلاق غير اصبري عليه والاخت الثانيه تقول انتي جبل مايهزه ريح ومستحيل تطلبين الطلاق وتجين تسكنين معنا فخلك معه حسيت اني غريبه بين هلي تمنيتكم بس تكونون معي وتشوفوني الكل ضدي الكل يرد علي الكل يصدني ومن اجيهم من باب يسكرونه بوجهي والله شعور عمري ماحسيته وفي النهايه قالت لي امي يابنتي صلحي امورك مع زوجك وكلميه وصالحيه قلت لها يمه اذل نفسي له انا من سنين مااكلمه وانتي تدرين ومنفصلين قال ابوي يابنتي صلحي امورك مع رجلك يبون يذلوني له عشان اشيل فكرة الطلاق من راسي طلعت من عندهم محطمه نفسيا وتمنيت الموت عشان ارتاح وبعد كلامهم لي وردهم علي قلت خلاص الي هلي ذا ردهم علي اجل مابلوم زوجي اذا سواا فيني اللي يسويه لانه يدري انه ماوراي حد يوقف بجنبي وياخذ حقي وحق عيالي منه والحين من القهر افكر اني اذل نفسي له واراضيه وادوس على كرامتي بسبب موقف هلي معي ولاني مابلوم الغريب اللي اسمه زوجي على تصرفاته معي دام هلي كذا سلبيين ومايهمهم الامصلحتهم وبس بس فيني خوف اخاف انه يقهرني ويردني ويذلني ويطردني مثل ماصارت من قبل يوم رحت ابي اراضيه طردني قدام الخدامه وقفل باب غرفته بالمفتاح وكنت وقتها مراضيته عشان عيالي اذكر انه كان وقت اختباراتهم وحسيت انهم متاثرين الحين متخوفه من ردة فعله محتاره بين اني اراضيه وبين اني اطنشه وابقى مثل ماانا عليه من حال اسمحوا لي على الاطاله وعلى الاسلوب بس وربي وربي مالي من بعد الله الاانتم تكفووووووووووووووووووون ادعوا لي لاني ميته وربي اني محطمه ومدفونه بالحيا

بصراحة اختي الله يعينك مع انك ماقلتي وش سبب زعله منك وصده وهجرانه ......
تبين تقهرينه وتخلينه يجيك عطييييييه اشكل ولا كأنه موجود في البيت
وتزيني والبسي احسن لبس في البيت والبسي ملابس مغريه وتعطري ودخني غرفتك وزيينيها ( وخليه يشوفك في البيت متزينه ......
ولا تراضييينه ولا تجينه....( وانتبهي من الخادمه )
وحاولي يشوفك وانتي في احسن صورة عشان تجذبينه وحاولي تكونين ريلااااااكس .. وخاصه مع اطفالك
وطمني نفسك بالقرآن والصلاة ( اشغلي نفسك فيهم)
بس كم لك سنه متزوجه ؟؟؟وهل معك شهاده "؟؟ او موظفه ؟؟
وانتي عشتي السنين هذي معه اكيد ماتكرهينه بس مرضانه من تعامله معك؟؟ بعدين ليه له غرفه لحاله؟؟
رجاء اكتبي رد

والله اختي الله يعينج بس باقولج هالكلمتين وحطيهم على بالج على طول (قد يتحول كل شئ ضدك ويبقى الله معك فكن مع الله يكن كل شئ معك)

تسلم اخوي على الرد والله يجزاك الف خير احب اقولك اني مااشوفه نهائيا مع اني معه بالبيت بس منفصلين انا لي جناح خاص في وهو له جناحه الخاص فيه وبعدين انااتزين لنفسي بس هو مايشوفني لاني لحالي منفصله عنه وااذا على الدخون والروايح هو مايحبها ومع هذا يوميا احط الدخون والاطياب لنفسي مو له وانا موظفه وشايله كل شي عنه حتى هو انااللي اصرف عليه واذا تحب تعرف اكثر شوف مشكلتي موجوده بالمنتدى وبتعرف وش كثر انا اعاني من اللي اسمه زوجي وماقصرت على الرد اخوي

لا حوله ولاقوه الابالله

اتمني تردين علي اسالته الاخت فوفو لوك
عليكي بالدعاء ثم الدعاء واطلبي له الهدايه

واستخيري الله في طلبك الطلاق واذا اهلك ما وقفوا معك شوفي احد من عايلتكم تمونون عليه

وكلميه يقنع اهلك والله كريم

وعسي الله يكتب لك اللي فيه الخير لك ولعيالك

أسأل الله العظيم رب العرش العظيم أن يذهب همكِ وغمكِ ويفرج عنكِ بالقريب العاجل

أختي إلجأي إلى الله فهو أرحم بكِ من أمكِ ومن نفسكِ

وأكثري من الإستفغاااار في كل وقت وحين

دمتي بكل خير

و الله لقد تأثرت جدا من مشكلتك
الله ييدى زوجك و يصلح حاله و يعوضك خير
و أنا أنصحك أن تدعى الله ان يفرج همك و يصلح أحوالك بما يرضيه و بما يفيدك و اولادك. ادى الله يلهمك الصواب و ينير لك بصيرتك و استخيرى الله و فوضى كل أمورك له وحده . فهو الذى ابتلاك و هو القادر على حل كل مشاكلك.
الله يصبرك و يبرد قلبك و يخلف عليكى خير و يفرج كل همومك ان شاء الله عن قريب.

الله يعينك اختي ويصبرك ويعوضك خير

لكن عزيزتي لا تنصدمين من رد الأهل!
هم كذا على طول الطلاق آخر فكرة ممكن يطرحونها
شوفي أختي حطي في بالك ما فيه احد بالدنيا هذي كلها ينصح أحد بالطلاق حتى لو كان مقتنع فيه! لأنهم يحسون أنهم يجرونه لنهاية مؤلمة لذلك طبيعي جدا تسمعين هذا الرد!

لكن أنا أقولك لا تستعجلين وترجعين للمسخ اللي اسمه زوجك! -واعذريني على الصفة!-
أنت الآن في لحظة غضب وعصبية ارتاحي فترة كم يوم وارجعي فكري في الخطوة القادمة!

احتمال يكون الموضوع بالنسبة لهم جديد وصدمة وعلشان كذا الرفض كان قوي بس بعد كم يوم إذا لقوك مصرة ومتمسكة راح يتنازلون وصدقيني واضح جدا من ردودهم انهم متفاجئين بالموضوع
فاعتبري هذا الخبر جلسة أولى!
وبعد كم يو تصير فيه جلسة ثانية للإقناع أكثر وهكذا الين تلقين الآراء بدت تقتنع برايك
أيضا يمكن لو أجلت اي تصرف ما تدرين وش ممكن يصير مثلا
يمكن أنت نفسك تغيرين رايك وتتخلين عن فكرة الطلاق وتشوفين إن مالها ضرورة وأنت مقتنعة ومرتاحة
احتمال يصير ظروف ثانية جديدة وغريبة لها أثر كبير على حياتك

المهم ان كلام أهلك ما له غير ساعات وتجربتك لها سنوات!!! فاللي صبرك سنين يصبرك كم يوم الى تقررين بشكل صحيح

أرجوك مرة وثنتين وثلاث لا تتعجلين في أي خطوة العمر لا زال قدامك وفيه فرصة كبيرة للتفكير
الله يختارك اللي فيه الصالح

بصراحه بعد ماقرأت مواضيعك وزوجك اللي جدا فااااااااشل
اذا انتي اصلا مو محتاجته اطرديه من البيت ؟؟؟؟!!! بصراحه وانتي ماعندك اهل
وبصراحه انا كنت افكر بغير كذا <<< يعني انو بسيطه
ولو عشان عيالك فهميهم .... لازم يفهمون ان ابوهم مافيه فايده
بعدين سلوكه الفاشل راح يأثر على اولاده حرام التعذيب هذا
بصراحه افضل لهم انه مايكون في حياتهم
وشو للي يحدك تصبرين عليه يعني انتي الحين (معلقه )
ولا تصرفين عليه ولا شي اطرديه من البيت
وبصراحه اللي قاهرني اهلك ماعندهم ساااااالفه ( والمفروض يروضونه ولا يكرشونه مع الباب ) ولا اصلا وش فايدة الأهل وبالأخص اخوانك
وردهم لك انتي شكلهم ضعيفين وماعندهم شخصيه
والله يعييييييييييينك يااااااااااااارب وتمسكي في موقفك ولا تخلينه يؤثر على اولادك
لأن انتي مو بحاجه انسان فاشل تعيلينه

اختي الطلاق مو جرييييييمه والله سبحانه حط الطلاق يفك انسان من محنه زي كذا وحرام والله حرام حالتها ماتسر لا عدو ولا صديق
ومادام صبرت السنين كلها خلااااااااااص الله يعينها يارب:29:

أسأل الله العظيم رب العرش العظيم أن يذهب همكِ وغمكِ ويفرج عنكِ بالقريب العاجل

اختي .............استخيري ربك في موضوع الطلاق....................
ثم اطلبي الطلاق من زوجك؟؟؟؟ :(

: اهلك كل واحد بيروح في طريقه وانتي كما انتي ؟؟
عيشي حياتك كوني حازمه ولاتفكري في ردة فعل الناس ولن ينفعك احد
اما اصبري على زوجك ولاتكثري الشكوى للناس او اطلبي الطلاق حالا.....................والله معك

الله يجزيكم الف خير كلن باسمه ويجعله ان شاء الله في ميزان حسناتكم وربي فرحت يوم دخلت وشفت ردودكم اللي هونت علي الكثير وربي انكم نعم الاخوان والاخوات وقريت الردود يمكن فوق العشر مرات وربي يجعلكم لي ذخر ان شاء الله وصدق من قال رب اخ لك لم تلده امك ادعي الله انه يريح بالكم وينولكم اللي ببالكم .احب اقول لاختي جارة القمر اني مقدر ادخل اي حد من العايله لاني اخاف من ردة فعل ابوي واخواني واخوي اتكاءة حرف ابيك تعرف ان موضوع الطلاق بالنسبه لاهلي مو جديد وربي اني مكلمتهم فيه حتى من قبل لاتجيني عيال منه لكن رفضوا الفكرة لنفس الاسباب اللي ذكرتها وكل ماتضيق بي الدنيا وتزيد مشاكلي معه كنت اكلمهم بموضوع الطلاق وكنت اترجى ابوي واحب رجوله ويده انه يخلصني منه لكن مافي فايده كان يهديني ويرجعني له وعشان كذا قلت اصبر واحتسب عند ربي دام اهلي مايبون يوقفون جنب بنتهم خوفا على مصالحهم .فوفولوك انالو عندي اخوان يهتمون باموري وبحالتي كان ماشفتني وصلت حالتي من سئ للاسوء وكان ماتمادى اللي اسمه زوجي بتصرفاته ذي معي ومع عياله اخواني الله يهديهم مشغولين عني بحياتهم ومايهمهم الا مصالحهم والاسهم ومراكزهم بس اذا صادفتهم اي مشكله تحصلهم يرفعون السماعه ويكلموني يشتكون لي وانا طبعا اشيل همهم بقلبي واساعدهم بكل الي اقدر عليه اداوي جروحهم مع اني مو محصله من يداويني اما فكرة الطرد صدقيني صعبه مقدر اطرد ابو عيالي على الاقل عشان عيالي ماابي يقولون امي طردت ابونا وبعدين يشيلون بقلبهم علي مهما كان ذااسمه ابوهم صعب وربي اطرده وحتى لو صار وطردته مابيطلع لانه ماعنده كرامه ورجوله اذكر مره امه جتنا البيت وطردته من البيت وصار بينهم خلاف كبير وهو قام يشتم امه ويسبها لولا اني تدخلت بينهم .الحنين تسلمين على النصيحه اختي بس صدقيني انا مااشتكيت للناس الا من ضيقي وقلة حيلتي وقبل لااشتكي لهم انا شكيت همي لرب العالمين وبعدين مثلماانتي عارفه انااعتبر اعضاء المنتدى هم اهلي وربي انهم اخواني واخواتي وربي شاهد على كلامي لاني شفت منهم الاهتمام بمشكلتي واحس انهم شايلين همي معي ويحاولون يساعدوني بكل الي يقدرون عليه وذا الشي ماحصلته من اهلي نفسهم وبعدين اذا مافضفت لكم والله العظيم ثم والله العظيم يمكن يصير فيني شي من القهر والظيم ويمكن يجيني انهيار عصبي ومااتمنى اللي فيني يصير حتى لعدوي واسمحوا لي على الاطاله والله يخليكم لي يارب ويخليكم لعين ترجيكم يارب

أختي الكريمة ...

أختاه أعتقد أنه ليس لديك الا أحدى حليين .
1 / الصبر رجاء الفرج ورجاء المثوبة .. (( اصبر وما صبرك إلا بالله )) (( إن الله مع الصابرين ))

وقال عز وجل (( إن تكونوا تألمون فإنهم يألمون كما تألمون وترجون من الله مالا يرجون وكان الله عليما حكيما ))
فصحيح أن الإسلام لم يرضى لنا أن نقبل بالظلم والأذى ..ولكن ممكن أن نتجاوز عن بعض الظلم من أجل مكاسب أخروية ..

وعليك بالدعاء وتلاوة القرآن والصلاة في جوف الليل .وادعي لزوجك بالهداية وتذكري قول الله عز وجل (( إنك لا تهدي من أحببت ولكن الله يهدي من يشاء وهو أعلم بالمهتدين ))..

2 / الأمر الثاني ... ولم أذكره لك في المرة السابقة ولا أجروء على أن أقوله لأحد أبدا كحل للمشكلة ولكن طالما أنك فكرت فيه ..
فأقول لك (( أن الذي يده في الماء ليس مثل الذي يديه في النار )) فإذا أحسست أنه لا مفر لك ولا حل سوى الإنفصال فأقول لك لما لا تنفصلي عنه وتعيشي مع أطفالك في منزل منفصل وليس في بيت والديك ..خصوصا وأنك أنت من تصرفين على المنزل أي أنه لن يتغير عليك أي شئ ..

وأسأل الله أن يوفقك إلى ما فيه الخير والصلاح ..

أختك أم البنين

اختي حبيبتي منبع الاحزان
أسأل الله العطيم رب العرش العظيم أن يساعدك ويصبرك على ماابتلاك
اتمنى انك تشيلي فكرة الطلاق من بالك اخيتي
اخيتي صحيح تعيشين بالم وهموم ولكن اختي ما دام ان صارلك سنين منفصلين زيديهم بعد سنين الى ان يكبروا عياك وتلتهين بزواجهم وهمومهم وتنسين همومك
اخيتي صبرتي والله يأجرك على صبرك زيدك أجر ان كملتي صبرك بعد
اختي ما دام قادرة تطلعين وتدخلين على كيفك فالاحسن انك تشيلين فكرة الطلاق وزيدي اهتمامك بعيالك اكثر وان شاء الله تلتهين فيهم
اختي انا ما الومك صح المرأة تحتاج الى حنان رجل وانت حاسة انك فاقدة هالشيئ وتبغين ترتاحين منه لكن صدقيني اختي ما فيه راحة ببيت الاهل حتى لو انت معززة مكرمة اختي انا مطلقة وبيت اهلي معززة ومكرمة ولكن يعلم الله اختي احس بيتي اريح لي على الرغم من الالم اللي شفته من زوجي
اختي ارجوك لا تطلبي الطلاق واللي عطاك صبر سنين قادر يخليك تزيدين صبر وانت اثبتي لنفسك انك راح تتغيري لنفسك وعيالك وبرمجي نفسك على كذا


اختـــــــــــــــــــــــــــ بنت ديرتي ــــــــــــــــــــــــــك

اختي ام البنين والمزيونه وهمسة ولاء وبنت ديرتي الله يجزاكم الف خير على اهتمامكم بالرد على مشكلتي والله يجعله ان شاء الله في ميزان حسناتكم واحب اقول لاختي بنت ديرتي اني فعلا خايفه من ذا الشي اللي هو اني يمكن مابرتاح في بيت هلي وخاصه عيالي واحس انهم مابياخذون راحتهم فيه مثل راحتهم في بيتهم ولو ان هلي مابيقصرون معنا في شي على الاقل من الناحيه الماديه ومثل ماقالت اختي المزيونه هلي بيتحملوني انا والا عيالي ويمكن ذا الشي اللي خلاني اتردد في الطلاق وبعد ماقريت كل الردود وخاصه رد اختي بنت ديرتي يوم قالت انها مومرتاحه ببيت اهلها قررت اني اصبر واحتسب الاجر عند الله وبدفن روحي وشبابي عشان عيالي لاني ماابي اشوف اي نظره موحلوه لعيالي وحتى لو كانت من هلي نفسهم بس تكفون طلبتكم طلبه انكم تدعون لي ان الله يصبرني ويقويني ويعطيني الصبراكثر واكثر عشان عيالي مو عشاني انا والله يخليكم ويحفظكم من كل شر

اختي منبع الاحزان
ان شاء الله ينقلب اسمك الى منبع السعادة والراحة
اختي جزاك الله على القرار الصح وان شاء الله يأجرك عن نفسك وعن عيالك
اختي تقول الحكمة عاشر من تعاشر فلا بد من الفراق فتحملي ولا تحطي ببالك مش بس الطلاق وحتى الانفصال بعد
اختي وعليك بالدعاء وان يرجع لك زوجك احسن من حاله الحين ويبعد عنه البلوى اللي هو فيها

اللهم فرج هم اختي منبع الاحزان والهمها الصبر والسلوان
اللهم فرج هم اختي منبع الاحزان والهمها الصبر والسلوان
اللهم فرج هم اختي منبع الاحزان والهمها الصبر والسلوان


اختــــــــــــــــــــــــ بنت ديرتي ــــــــــــــــــــك

يارب يعطيج الصبر وقوة الإحتمال على هذا الرجل

أتوقع رد المزيونة وبنت ديرتي وضح لج بعض الثغرات إللي كنتي غافلة عنها

مع إن الجميع ماقصر بالردود

ودعواتي من كل قلبي أن يفرج همج وتتيسر أمورج مع هذا الرجل

حتى لو لم تكن هناك فائدة ترجى منه .. وصدقيني الالتزام والمداومة على الدعاء تغير كل شي وعسى أن يتغير هذا الرجل إلى الأحسن

اللهم ملكني قلب من أحوجتني إليه واسلل سخيمة قلبه وسخره لي<<هذا الدعاء ردديه لزوجك

وطمنينا عليج وعلى عيالج .. الله يعينج يارب

أختي الكريمة منبع الأحزان

أرجو أن يكون قرارك الأخير نهائيا لا رجعة فيه ، فلا تكثري من التردد والتشتت كي تستقر حياتك ولا يتشتت ذهنك بإذن الله ، كما آمل منك الصبر على ما كتبه الله لك ، وأن تعلمين أن كل ذلك مكتوب لك به أجر بإذن الله إذا صبرتي واحتسبتي ذلك عند الله دون جزع أو سخط فتتضاعف الحسنات وتمحى السيئات بإذن الله ، " وللآخرة خير لك من الأولى" .

والصبر لا ينافي الدعاء والعمل الصالح ، فأنصحك بالإكثار من الدعاء في مختلف الأوقات وتحري أوقات الإجابة في ذلك

" أمن يجيب المضطر إذا دعاه ويكشف السوء" ولا تقنطي من رحمة الله مهما طال بك الوقت ، فلربما أن الله قد ابتلاك لتدعي وتدعي وتدعي لأنه أحبك وأرادك أن تدعيه فيأجرك على ذلك أجرا عظيما يرفعك به إلى الفردوس الأعلى من الجنة .

كما أوصيك بالإكثار من الصالحات من صوم وصدقة ونوافل ونحوها لأن ذلك كله يسهم بإذن الله في كشف السوء ، مع أدعية الكرب والهم والحزن.

وأشكر الأخوة والأخوات الكرام الذين لم يبخلوا على أختهم في الله بالنصيحة أن لا يبخلوا عليها بالدعاء في ظهر الغيب ، فإن من دعا لأخيه في ظهر الغيب قالت له الملائكة ولك بمثله ، فادعوا لها أن يفرج الله همها ويكشف غمها ويرزقها من حيث لا تحتسب ، ويوفقها الله فثي حياتها القادمة.

اللهم يا مالك الملك ، يا حي يا قيوم ، يا ذا الجلال والإكرام ، أنت أعلم بحال أختنا الكريمة منبع الأحزان فاكشف غمها وفرج همها وكن لها عونا ونصيرا . اللهم وفقها في دنياها وآخرتها ويسر أمورها.

الهم يا رب السموات والأرض ، يا ملك الملوك ، يا رب الأرباب ومسبب الأسباب ، وغافر الذنب للعبد إذا تاب اكشف السوء اكشف السوء اكشف السوء عن أختنا في الله منبع الأحزان واجعل لها من أمرها يسرا ، واجعل لها من أمرها مخرجا ، واجعل لها بعد عسر يسرا ، وأعظم لها أجرا.

وبناءا على ما اتخذته أختنا الكريمة منبع الأحزان من قرار يغلق الموضوع.


تحياتي،،،