|
من الغلطان...ريحوني
مساء الورد للجميع’’’’
حكايه حصلت لي مع أخت زوجي وأبيكم تبينون لي من الغلطان الله يخليكم لأني تعبت من التفكير (((قبل أسبوع تقريبا سافرت مع أهل زوجي لتقضية أجازه قصيره وأهل زوجي كثيييييييرين أخواته وأم زوجي وزوجه خالي الثانيه وبناتها وأزواج أخوات زوجي....المهم إننا كثيرين أنا كنت عارفه من قبل إننا راح نسكن سوا وكان المكان كبير وكنا ننام سوا مع أطفالهم وأنا كنت موافقه وراضيه لأني أحب الجمعه والناس الكثيرين وكنت مبسوطه الحمد لله المهم لما جلسنا أول ثلاث أيام ماطلعنا من المنتجع إللي ساكنين فيه نهائيا وبصرااااااحه بديت أمل ونفسي أطلع وتضايقت شوي بس مابينت لأحد وأكلم زوجي أقول خلنا نطلع أنا وأنت ويقول طيب بعدين مو ألحين هو يحسبني مبسوطه عالاخر وأنا إللي ضيق صدري هو أني ماعندي أطفال وكل الموجودين منشغلين مع أطفالهم وكان يضيق صدري وودي أبكي بس ماألاقي مكان غير الحمام الله يكرمكم أبكي فيه وبعدين فاليوم الرابع مليييييييييييت ماقدرت أتحمل الكل مشغول وماأحد يسولف معي فضاق صدري عالاخر ودي أصارخ من الضيقه المهم لاحظت أنا وحده من أخوات زوجي تتجنب الكلام معي (وهي كبيره متزوجه وعندها عيال) وأنا أكذب نفسي وأقول أكيد يتهيألي بسبب إني متضايقه وأكلمها وماترد علي أنا أستغربت جدا جدا جدا وش إللي صاير مع العلم أن أهل زوجي مررررررره حبوبين وطيبين فأناأستغربت وش إللي حصل مني وزعلها حاااااااااولت أتذكر ماتذكرت شئ وبعدين قلت بروح أسألها وشفيها ليش ماتكلمني المهم رحت لها وسألتها وشفيك قالت مافيني شي طيب أنتو متضايقين من وجودي معاكم قالت لا العكس يعني أنتي إللي متضايقه منا أنا الصرااااااااحه طااااااااااارت عيوني وأنا من النوع إللي لو تضايقت من أحد ماأبين له أسكت وأتحمل المهم أصريت عليها إلا تعلميني وش صدر مني فقامت برا عشان محد يسمعنا وقالت أنتي أول ماجينا كنتي مبسوطه وبعدين بديتي تملين ليش ماسكنتو لحالكم أو ماجيتي مدامك عارفه الوضع أنا أستغربت من كلامها وقلت لها أسمعي ياعزيزتي أنا لماجيت معكم عارفه أننا بنسكن سوا وبناكل وبنشرب سوا وماعرضت بالعكس كنت أستنى هالسفره وأنا أعزكم وأحترمكم واالله والله إني أعتبركم مثل أهلي المهم هي سكتت وبعدين قالت طيب الشئ إللي مضايقني أكثر طريقة تعاملك مع أخوي ليه ترفعين صوتك عليه ليه أسلوبك معه جاف جلست أتذكر في نفسي وش سويت أنا عشان تقول كذا وقلت لها يمكن أنا كلمته وأرتفع صوتي مو قصدي أنا عصبيه لأبعد درجه ويمكني مليت لأننا ماطلعنا أبد قالت بس ولو مو كل شئ تتمنيه راح يجيك أنا أحب أخوي ومابي أي أحد يرفع صوته عليه وبعدين جلست تسرد لي قصتها مع زوجها وتضحياتها وصبرها كلااااااااام صدع رأسي منه وقلتلها بعدين كل أنسانه تختلف عن غيرها وأنا من تزوجت أحاول أمسك أعصابي وماأعصب على زوجي وكل أنسان له عيوب وهو فاهمني وأنا فاهمته وأنا أقدر أرد على أخته وأقولها بأختصار (((((مالك شغل فينا))))) بس أحترامي لزوجي ولأم زوجي سكت وسمعت كلامها كله بنفس زينه ولما جا اليوم الثاني صارت تكلمني عاااادي وتمزح مثل أول وأنا عاااااااااادي ولا كأن شئ حصل لأني ماأبي السالفه تكبر وأنا ماقلت لزوجي شئ لأنه حساس بأي شئ يخص أهله بس عرف من نفسه بعدين وماتكلم معي فهالموضوع المهم أخت زوجي جرحتني وخلتني مثل الأطرش فالزفه وأحس ماله داعي في كل هالهوليله إللي عملتها أنتو وش رأيكم في تصرفها هي معها حق وإلا لا ااااااااااااااااااااااااسفه والله اااااااااااسفه طولت عليكم وأعذروني على أسلوبي الركيك |
اقتباس:
اختي الكريمة انتِ من اصر عليها ان تبوح لكِ بشعورها فتقبلي منها ما سمعتِ ، كان امامكِ خيار ان لا تفاتحيها في الموضوع وان تتصرفي كما لو انكِ لم تلاحظي شيئا ، ولم يكن هناك ضرورة لتقولي لها : اقتباس:
ولكن ما دام انك صارحتيها والحيتِ عليها تخبرك بما في نفسها ، فهي كانت صريحة ولا اجد من خلال ما كتبتِ اي شيء يدل على انها جرحتك ، ويبدو انها طيبة وتحبك والدليل ان نفسها صفيت لكِ بعد ان تمت المصارحة بينكما ، كما انها تحدثت معك على انفراد وهذا نقطة تحسب لها ، انا لا ادافع عنها ولكن احاول ان ارى الموضوع من زاوية مختلفة بل واشجعك على ان تكوني صديقتها . ممتاز انك لم تقولي لزوجك واثبتي على هذا الموقف . |
رأيي من رأي أختنا البتول
بالعكس ما فيه أي غلط أبدا هي تضايقت من تصرفك فقط وهي تخاف عليك والدليل أنها لم تخبر أحد بل عندما اصريتي عليها بالبوح لك لم تتكلم أمام الجميع |
ينقل لعالم المشكلات الاجتماعيه
مكانه الانسب |
باين على اخت زوجك انها عاقلة
أول شي ماحبت تكلمك امام الكل مع انهم عصبة يعني أهلها مو أهلك بالعربي بيفزعون معها ويغلبونك بل بالعكس فضلت انكم تكونون انتم لحالكم ومن ناحية رفع الصوت وخلافه هذه تصير بين الأزواج فلتات من الضغط وانا تصير معي وبعدها اعتذر منه حتى لوامام أهله لوصار قدامهم الموقف ... خلي الرحله تكون ذكرى حلوه ... واحترامك لرأي اخته راح يبقيكي محبوبه عندهم ياليت اخت زوجي توعني بأخطائي اللي أرتكبها ضدهم أو ضد زوجي وانا مو حاسه !! |
** السلام عليكم ورحمه الله وبركاته **
حبيبتي .. اخت زوجك إنسانه واعيه وراكده .. وبصراحه انسانه تستحق الإحترام .. والدليل انها كلمتك بهدوء وبعيد عن الناس .. ثاني شغله ليش انتي متضايقه ؟؟ من طق الباب سمع الجواب ... بعدين هذا رأيها وانتي قلتي رأيك بالموضوع .. إذا خلاص انتهى الموضوع .. لا تعقدينها ياحلوه وضحكي وفرفشي عاد : ) .. بالتوفيق ياااارب
|
مشكورين أحبتي عالردود الجميله
بس إللي مضايقني فالموضوع أنها تتجنب الكلام معي وأنا مدري وش القصه ولو أني ماسألتها كان ماراح تعرف وجهة نظري وأني ماتضايقت منهم بس أنا ماغلطت معها في شئ صح وإلا لا؟؟؟؟؟؟ عالعموم ريحتوني الله يجزاكم خير |
انتي ما غلطتي بس هي لما شافتك تغيرتي 180 درجه واكييد لاحظت الشي هذا اول ما دار في عقلها انك طفشتي منهم وانك ما تبين تسكنين في بيت واحد معهم ولما تصارحتوا عرفت انها كانت غلطانه وصارت تضحك وتفرفش معك
انتي ليش مرتفع ضغطك الوضع عادي وبالعكس الله يقرب قلوبكم على بعض كويس ان تكون اخت زوجك متفهمه وانها قدرت تصارحك لما طلبتي منها الشي هذا وتعلمك باخطائك لو تبي فيك الشر كان قالت لاهلها وكبرت السالفه بس هي تحبك صدقيني ولا كان ما صارحتك انسى اللي صار وافتحي صفحه جديده مع نفسك وحاولي تكسبين اخت زوجك لانها طيبه من اسلوبها وبالتوفيق ان شالله |
يقولون العتاب صابون القلوب
وأخت زوجك عاتبتك وانتهى الموضوع بما في قلبها أتوقع بتحبك أكثر بعد هذا العتاب تحياتي |
أشكركم أحبتي
بس أهم شئ أني ماأكون غلطت معاها في شئ لأني ماأحب أحد يزعل مني نهائيا ولايفهمني غلط الله يجزاكم خير |
بالعكس اعتقد انها لوبدت هي في العتاب وقالت لك مافي خاطرها عليك من غير ماتلحين عليها بالسؤال راح تكون
ردة فعلك غير ويمكن تقولين لها مالك شغل على قولتك بصراحة انتي محظوضة باخت زوجك قليل من يمتلك مالديها من حكمة خاصة من النساء |
والله كنت أحسب إنها هي الغلطانه
بس مشكووووووووورين |
رأي الأخت البتول صحيح وأنا معها في اللي قالته
عموما لا تفكرين كثير في شيئ راح الله يسعدك ويوفقك |
بصراحة اختي
هيا معاها حق ما اخت تحب تسمع مرت اخوها تصارخ فيه ولا ام تحب تشوف مرت ابنها... تصارخ ابنها يعني لو كنتي انتي عصبية... حاولي تمسكي نفسك قدامهم هيك انتي بتكبري زوجك بنظرهم ويقولون زوجته بتحترمه اما اذا صارختيه حتى لو من غير قصد... يقولون هذي راكبيته تقبلي صراحتي اختي ولكي تحياتي |
اختي بقايا انسانه
تسألين منهو الغلطان وأقولك انت ياحبيبتي انا اختي وهي شقيقتي سمعتها تصرخ في وجه زوجها واكبر مني خاصمتها وزعلت والله من اسلوبها وبعدين حبيبتي الزوجه تحترم زوجها مهما كان في حياتها كلها شلون قدام اهله وانا اكون زعلانه مع زوجي تدرين متى يراضيني لارحت لاهله يقبل راسي لاني بمجرد دخولي عندهم اشيله من الارض شيل واكتم زعلي حتى احيانا يتوهق يحسبني رضيت عنه والله لي عشر سنوات ماعمرهم دروا بزعلنا ومره اخوي طلع لصلاة الجمعه وزوجي قبله طلع دخنته وعطرته وطلع الا واخوي جاي يبي يدخن نفسه ورحت لزوجته لقيتها نايمه والله اني حقدت عليها وانشالت معزتها من قلبي شلون عاد لو اسمعها تصارخ عليه والله لاازوجه وحده ثانيه واخت زوجك ترى تحبك وتخاف على مصلحتك طولت لكن سعادتك تهمني خليك عاقل والله يرزقك الذريه الصالحه |
احب اقولك ان من رايي انك ماغلطتي باشي لكن كونها تقول ليش ترفعين صوتك على اخوي فاهي مالهاعلاقة تدخل بينكم ولو انامكانك صراحه باقولها مالك دخل وراح اوقفها عند حدها ولا أعطيها مجال تدخل فالمره هاذي قالت ليش ترفعين صوتك بكره الله العالم بس لاحضي انا ما ادري شلون يعني رفعة الصوت هل هنتيه اوقلتي كلمه غلط عنه اوعن اهلهوضحي فهينا يتغير الوضع لكن انا ديني احد يدخل في شي مايعنيه يعني اهي تتقبل منك لو تدخلتي في امورها
|
اقتباس:
السلام عليكم ورحمة الله وبركاته أختي يقايا أرجو انك ما تلتفتي لكلام النور ومن خلال قرائتي للردها يتضح لي بأنها مازالت صغيرة في السن وتنقصها الخبرة الكافية للرد في مثل هذه المواضيع ، هذا من جانب . ومن جانب آخر هل من المعقول ياأخت النور لو كنتي في مكان أخت الزوج وانتِ الأكبر سننا ولديك عيال بمعنى انه لديك الخبرة الكافية في الحياة الزوجية ستكونين راضية ومتقبلة بأن يرتفع صوت زوجة اخيك امام أهلك ؟؟؟؟ .وأسمحي لي ياأختي الفاضلة ماهي الحدود في نظرك ؟؟؟ وهل تتصورين بأن الحدود السليمة التي تتصورينها من منظورك فقط هي صحيحة ؟؟ ومن هو الذي لابد ان يقف عند حده ؟؟. بالطبع الأجوبة معروفة ولديك الحق في كتمانها .... الأخت بقايا لابد ان تكوني على وعي بأنك وسط ناس وأسرة مترابطة وهذه الاسرة لايمكنها تقبل هذا النوع من التصرف وهو ان يرتفع صوت الزوجات امام أزواجهن ..وأمام الكل . الاخت يقايا أرجو ان تعي بأن أخت زوجك قلبها صافي جدا ولابد ان تحترميها أكثر من الأول لانها فعلاً تحبك وتحب زوجك .. وإلا ما الذي يعني لكِ من أول صباح اليوم التالي أصبحت تتكلم معك كأنه شيئ لم يحدث .. ادعي ربك بأن يوفقك في الحياة ويرزقك الذرية الصالحة . |
أنت أصلاً من الاساس موافقة و راضية و عارفة أنك بتسكنين معهم فلماذا التذمر بعد ذلك !!
وكذلك يظهر أن أخت زوجك فاهمة و عاقلة . |
هناك حقائق يحب أن تعرفيها ومهمة جداااا كوني أنا رجل ومتزوج
1- أهل الزوج يسعدهم ويفرحهم جدااااااا أن تكون زوجة أخوهم قريبة منهم وتحبهم ويحبونها 2- لاشك أن إحترام أخوهم منك إحترام لهم . فكونها رأت منك رفع صوتك على أخيها فتضايقت فهذا دليل حبها لإخيها 3-كسب أهل الزوج وحبتهم هو كسب للزوج نفسه 4- أشكرك أختي على خروجك معهم وصبرك على تحمل أي شيء في سبيل الزوج ورضاه 5- واصلي علاقتك بأهل زوجك فلها ثمار ستجنيها أنتي في المستقبل وسيجنيها أولادك من بعدك |
| الساعة الآن 06:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©