اليوم زواج صديقتي .. الله يهنيها
 

اليوم جايتكم والهم في قلبي


ماني عارفه كيف اوصف مشاعري



اعز صديقاتي اليوم زواجها وانا فرحانه لها من كل قلبي ان الله استجاب دعاءها ورزقها بالزوج اللي تتمناه


لكن

واه من لكن


ما ودي اروح الزواج خايفه من نظرات الناس وكلامهم اللي يقطع القلب


انتي ليما الحين ما تزوجتي؟؟ كم عمرك ؟؟ طيب ليش ما تزوجتي؟؟


واذا قلت ما جاني النصيب


يردون الله يعطيك وكني اشحت منهم


وربي متردده اروح والا لا


وصديقتي واهي بالمشغل تدق علي تعالي ولا تنسين وانتظرك


مدري ياناس اروح واقاوم وامسك دمعتي

والا اقعد واحضن احزاني وهمومي احسن لي؟؟

روحي ولا تترددي وما عليكِ من اسئلة الناس التي لا تدل الا على فضول قاتل ، لا تهتمي كوني واثقة من نفسك ، ولما احد يسألك اي سؤال فضولي غبي، ردي بشكل مرح ومازح ، مثلا : ( انتظر الفارس على حصانه الابيض ) او غيرها من التعبيرات المرحة

عدم ذهابك سيفسر بأشياء كثيرة وستقعين ضحية لسوء الفهم .

لا تخذلي صديقتك في يوم فرحتها ، روحي وافرحي وانبسطي معها .

روحي وابتسمي طوال الوقت ابتسامه عريضه


واذا سالك احد ماتزوجت للحين؟؟؟؟


قولي للحين ماجاني من يملا عيني

حبيبتي قمر 14

رووووووووحي وانبسطي انا بزواج صديقتي صراحة افرح وانبسط صح بقلبي احس اناه بتتغير علي لأنها خلاص حياتها وتغيرت

لكن اروح وصدقيني يمكن محد يسألك لأنهم معارف

العلة في الأقارب العقارب هم اللي يقهرون بعيونهم ونغزاتهم وكلامهم


روحي بس وارقصي كل شوي عشان يقولون من هذي.. يقولون صديقة العروس

وتبدأ الاسئلة:22:

انا بزواج صديقاتي اتحمس واكشخ بعد وودي اصير سنعة وافزع مع اخواتها واجلس حولهم بس استحي اخاف يقولون شتبي هذي هههههههههههه

واذا انزفت العروس اروح اجلس جنبها واحسها تفرح فيني

توكلي على الله وروحي ترى الوقت متأخر روحي تزيني يله:22:

يارب تكونين رحتي

لأنك راح تندمين العمر كله على تفويتك حضور زواج صديقتك العزيزة

اسأليني أنا

اضطريت ما احضر العرس لأن كان فيه موسيقى

وإلا كنت مستعدة وشريت فستان خاص للمناسبة

كل إلي قدرت عليه إني رحت لها وهي في المشغل تتجهز للعرس

وباركت لها وقعدت معها شوي نسولف وقدمت لها هدية الزواج

وطلعت وأنا مقهورة إني ماراح أحضر العرس

كنت أتمنى أكمل معها المشوار للأخير

الحمد لله هي كانت متفهمة وماكاانت تبي موسيقى بس أم زوجها كانت مصرة !!

والحين مرت أكثر من سنة على زواجها وجابت عيال الله يبارك لها ومع ذلك للحين أحس بالقهر لما أتذكر

إني ماقدرت أحضر العرس

بس كان عندي سبب قوي

لكن السبب اللي ذكرتيه

ممكن جدا تجاهله !!

أتمنى تكونين الحين في الكواقير تتجهزين للعرس

والله يوفقك

والفال لك بعدها

يارب ياكريم

يرزقنا وياك والسامعين

طزززززززززززز بالناس
أصلا الناس ماتبي لك الا العذاب
لو أنتي عزابية قالوا ليش ماتزوجتي
لوتزوجتي قالو لسا صغيره حرام زوجتوها
لوماحملت كم شهر قالوا يوووووو عقيم !!
لوحملت على طول قالوا مسكينه كا انتظرت شوي ليش استعجلت!!
لو جابت بنت كلوا وجهها قالوا ليش مو ولد !!
لوجابت ولد قالوا لازم له اخت يالله احملي!!
لوجابت بنت قالوا يوووو لوجابت ولد يلعب مع اخوه أحسن !!!


اسأليني أنا خبره بكلام الناس وغمزاتهم !!
واحاول أرد عليهم ببرود يزيد قهرهم !!

روحي وعلميني وش صار رحتي ولا لاء ؟

حبيبتي بالمبارك عرس صديقتك
وإن شاء الله الفال لج اللهم امين ولك البنات اللي للحين ماجاهم نصيبهم

روحي واستانسي ولايهمج احد وان شاء الله بيجي لج نصيبج ماتدرين امتى بس ان شاء الله قريب وان شاء الله يكون من المعازيم اللي بالعرس

انا عرس رفيجتي الجمعة الجاية يعني ما بقى الا اسبوع واهي اعز اعز صديقاتي ولا يفوتج اصغر مني بس هذا هو النصيب اللهم لا اعتراض .
واهي شاده الظهر فيني تبيني انا اللي اشرف على الحفلة واشوف التوزيعات والفيديو والحين اوزع لها البطايق وتقولي الله الله بالترتيبات والاشراف ما اوصيج طبعا اهي مختبرتني لان عرس اخوها كان الصيف اللي فات واخطبوها من العرس يالله ادعو لي انهم يخطبوني بعرسها . ههههههههه
الله يتمم لهم على خير والفال لج حبيبتي روحي ولا تهتمين لحد ربي يبعت لج نصيب اللي الكل يقول صبرت ونالت والكل يحسدج عليه اللهم امين ويرزق كل فتيات المنتدى وكل الفتيات اللي ما تزوجوا الازواج الصالحين
اللهم امين اللهم امين

لاتمنعي نفسك من الفرح من أجل كلام الناس

مبررووووك عليها وعقبالك يارب

رووحي وافرحي فيها وما عليك من كلام الناس


لازم تشاركين صديقتك أحلى أيام عمرها

وإن شاء الله يكون في روحتك لها نصيب لكِ

دمتي بود

إن شاء الله الفال لك
تحياتي

قمر

وش الأخبار؟ رحتي مارحتي

أحس انك رحتي وش صار عليك:23:

ياأختي ...

مو أنت قمر 14 ...طيب روحي وأقهري الجميع برفعة راسك

أنت أحلى من القمر بعد لو يصير عمرك 100


روحي ياروحي ..وفقك الله ورعاك

السلام عليكم ورحمة الله وبركاته

اول شيء ابشركم جميعا اني رحت الزواج وياربي شنو كانت تهبل صديقتي ما شاء الله عليها والله يحفظها


وما اقدر اوصف لكم فرحتها يوم اني جيتها تقول الحين اكتملت فرحتي وطول الوقت وهي على الكوشه تقول لاخواتها نادوا قمر 14 ابي اسولف معاها


ولما رحت وسلمت عليها نادت اخوات زوجها وقالت هذي اعز صديقاتي وعرفتني عليهم


بصراحه ناس طيبين حيل والحمدلله كان شكلي حلو والكل يمدح فيني


كنت خايفه ارجع مكسورة الخاطر بس الحمدلله رجعت مره فرحانه ان الكل كان مستانس مني واولهم رفيجتي وامها

واللي كنت خايفه منه صار بس مدري ليش ما تأثرت وياكثر اللي سألوني ما تزوجتي يوم قلت لا قالوا صج الطيب ماله نصيب


تصدقون وحده سألتني كم عمرج وكنت خايفه مره يوم اني قلت لها 28 قالت ما شاء الله والله ظنيتج 22 شكلج حيل صغير وراحت تنادي امها تقول تدرين اللي كنتي تسألين عنها مدرسه وعمرها 28 قالت والله مو باين عليج بس احلى عمر والله


والاحلى اني شفت رفيجاتي كلهم وقعدنا نتذكر ايام الجامعه وهالسوالف

وحسيت كأني ملكه غير متوجه

ياربي


من جد فرحانه الله يسعدها يارب واشوف كل بنات المنتدى اللي ما ليما الحين ما جاء نصيبهم على الكوشه ..


قولوا امين



ومشكورين اخواتي على ردودكم وتفاعلكم معاي

اختي البتول دوم كانت نصايحج في محلها .. الله يسعدج يارب ويستر عليج

اختي فيافي نجد والله هذا اللي سويته وتبين الصج في البدايه كانت ابتسامتي صفراء بس شوي شوي حسيت اني من جد سعيده وصارت ابتسامتي صافيه

الغاليه شوبارد والله صدقتي العله من الاقارب .. صج مع صديقاتي ما حسيت ان احد مهتم بهالسالفه واني انا بس اللي مكبرتها بعقلي بس لو بزواج بنت عمي والا وحده من قريباتي تعالي شوفي الهمز واللمز .. الله يعيننا بس

اخت الشفق واخت كل بنات المنتدى .. والله كلامج حلو وحسيت ان كل كلمه فيه تعبر عن اللي بداخلي وقعدت افكر لو اني ما رحت كان بندم طول الوقت مثل اختي اخت الشفق ... الله يسعدج اختي ومشكوره على الدعوه يالغاليه

اختي ق ص م 100 ابشرج يالغاليه رحت الزواج واستانست وضحكتني قصة حياة الفتاه والله صدقتي البنت مسكينه مستحيل تسلم من كلام الناس ( ورضى الناس غاية لا تدرك ) الله يعينج ويبعد عنج كلام الناس ويستر عليج يارب

الريم 80 ماشاء الله عليج والله انتي نعم الصديقه .. وان شاء الله يقومون رفيجاتج بعرسج مثل ما سويتي لهم واكثر ونفرح فيج يارب وكل بنات المنتدى والمسلمات يارب

قمر الحجاز ما اكذب عليج كلام الناس يذبح ونظراتهم مثل السهام بس الحمدلله عدت على خير

اختي الذئبه والله المفروض اسميج حمامة السلام على نصايحج اللي تبعث في روحي الطمأنينه مشكورةه يالغاليه على دعوتج والله يسعدج يارب

اخوي صاحب رأي سديد مشكور على مرورك ودعاءك .. اللهم استجب دعاءنا

شوبارد مره اخرى يا احلى شوبارد بالدنيا .. اي رحت يالغاليه وتسلمين والله ذكرتيني بصديقتي واهي تسأل عني .. ان شاء الله ما نسمع عنج الا كل خير وكل اللي يفرحج يارب ..

اختي اشتقت لامي ياربي شنو رفعتي معنوياتي يالغالية ماشاء الله عليكم من وين تجيبون هالكلام اللي (يسرسح ) على القلب .. الله يحفظج ويستر عليج اويسعدج دنيا واخره امييييييييييييييين

الحمد لله الذي بنعمته تتم الصالحات

سبحان الله كثير نخاف من أحداث مواقف معينة ونرسم لها أسوا الخيالات في بالنا
لكن لما تصير على الواقع تطلع مختلفة كثير وترجع علينا بالفايدة بعكس ماكنا نتصور

والله يعجل لنا ولك بالفرج ..آمين

جزاك الله خير اختي اخت الشفق والله يسعدنا واياك يارب

اختي روحي واستانسي بزواج صديقتج لانه مو حلوة في حقج انج ماتروحين وماعليج من كلام الناس

انا توني ادرس في الجامعه وكلن يحن علي مته تزوجين مع انه توني صغيرة

نصيبج اكيد راح يجيج انا عندي بنات من اهلي تزوجوا في اعمار كبيرة بس الحمد لله كان نصيبهم احسن من كل الي تقدوموا لهم في البدايه

ماعليج من كلام الناس لانه ماعندهم سالفه وفاضيين صدقيني

اخواتي اسيرة قطر والفتاه


الله يسعدكم يارب ويرزقكم الازواج الصالحين وتبشروني بزواجكم وانا واياكم وكل بنات المنتدى قولوا امين

روحي وانبسطي
تراها صديقتي من حقها عليكي انك تباركي لها
وتشوفيها وهي بالفستان الابيض
وامدحيها وامدحي جمالها
ترا كلمات الصديقات قريبة من النفس
وحطي نفس مكانها بترضي انها ماتحضر لزواج عشان هي تاخرت عن الزواج

عزيزتي الناس ماراح ترتاح وماراح يخلوكي في حالك

اتوكلي على الله

وعقبالك ان شاء الله

الله يرزقك الزوج الصالح

الحب والحبيب

حنتوشه


جزاكم الله خير على الكلمات الحلوه والله يسعدكم يارب

اختي قمر 14 الحمدلله انك رحتي واستانستي وكنتي فعلا قمر الزواج وردي عليكي هو نفسه دعائك