|
ارجوكم ...هل أخبر زوجتي بما يحدث معي !!
مرحبا اخواني
بدون مقدمات فيه وحده تدق علي بالجوال من اليوم الصباح الي هذي الساعه الي قاعد اكتب لكم فيها والمشكله انها عارفه اسمي وترسل رسايل وكل 5 ثواني اتصال ونا ماارد عليها واخر شي قبل شوي قلت خلني اوريها شغلها بخوفها دقت تو وقلتها وش تبين من الصباح قالت يافلان خلنا نتفاهم هي قالت كذا وسكر الجوال بوجهها والمشكله انها عارفه اسمي وعايلتي وكل شي عني لااحد يقولي تعرف بنات او لك علاقه في بنات انا ما اعرف حريم الا امي وزوجتي وخوواتي من طلعت على الدنيا هذي خاشه عرض ومسببه لي قلق صراحه اخاف استرسل معها بالكلام تطول السالفه واخاف اطنشها وتجلس ترسل رسايل وتمشكلني خاصه ان زوجتي صايره حساسه بعد الظروف الي مرت فيها وش اسوي فيها تكفون انا كل شي يهون عندي من المصايب الا هذي الامور اقول لزوجتي تم تعديل العنوان حتى يتناسب مع الطرح |
اول شي فهم زوجتك السالفه كلها وبعدين اذا دقت مره ثانيه عط زوجتك التلفون ترد وشوف شيصير
|
أذاكنت تعرف احد في شركة الاتصالات اعطه الرقم وبيطلع لك من هو صاحبه وإذا عرفت من هي ذيك اللحظة بتعرف كيف تتصرف
|
صايره تتحسس من كل شي هذي الفتره نظرا لوضعها الصحي ونا مابي اضيق صدرها وخليها تفكر
او تكتشف شي ربي يصرفها عني باهون سبب |
اقتباس:
وانا اتفق اتسوي نفس الطريقه.. او انك اتغير رقمك اذا البنت مصختها معاك.. والله يعينك.. بناات فاضياات وما عندهم شغله..:( |
اهم شيء لاتاخذو لاتعطي معها بالكلام صدقني والله يصير لاشيطان اقوى منك
وإذا شافت عدم اهتمام بتتركك المسألة ما صار لها الايوم يعني بسيطة |
السلام عليكم
احسن حل تطلع اسمها من الاتصالات وحاول اذا دقت قدام زوجتك انك ما ترتبك انت واثق من نفسك خلاص انشالله ما راح تشك فيك واذا مرره زادت عن حدها خل زوجتك ترد او افضل بعد قفل جوالك الله يكون بعونك |
المشكله انها تعرفني
والرقم طلعته والعايله عرفتها من المعروفين عندنا بس انا ما اعرف فيهم احد لا رجال ولا حريم والجوال باسم رجال وعايلته معروفه عندنا بس انا ما اعرفهم وهذا الي مقلقني انها داخله وعينها قويه بزياده ونا اكتب لكم الحين تدق بس حاطه على الصامت ولا اقدر اقفله يمكن المشرف المناوب يطلبني وتكتب لي بالرسايل طيب رد خلنا نتفاهم |
انتبه لا تخبر زوجتك ولا شي ولاتشغل بال زوجتك
انت بيدك تنهي الموضوع ياانك اتشوف وش سالفتها خليك واثق من نفسك ولاعليك منها او انك لو عرفت اسم رقم الجوال كلم احد اقاربها الراشدين وخلها تبعد عن طريقك والحمدالله والشكر يارب هي وش تبي الله يبعد عنك كل سوء ويخليلك زوجتك تحيتي اختك الهم |
استغفر الله العظيم
انقلب حالنا ، صاروا البنات بدون حياء يا أخي انتبه من شياطين الإنس و الجن |
اخوي غير جوالك و اذا ما تقدر تغيره حط خدمة موجود و اظن تعرفها و راح تمل من كثر الاتصالات و جوالك مقفل و راح تبطل
الله يعينك و يبعد عن بنات الحرام يااارب |
امكن عندها شي مهم بس غريبه وش الي مهم هالوقت من جد عينها قوويه
الله يعينك اخوي |
ياجماعه انا ودي تشوفون تلفوني قسم بالله العضيم ماسكت كل ثانيه اتصال ورساله
صراحه وترتني ولا ابي ارد عليها الحين لا وتهددني بعد تقول بترد ولا شلون اخر الزمن ولله العضيم مسخره |
تقول برساله تو ارسلتها دقيقه لو سمحت رد
ارد ولا اطنش عذراً منك اخي الفاضل لاداعي لذكر تفاصيل الرسائل ومحتواها وأعمل بما جاء من آراء الاخوة الأعضاء |
السلام عليكم
اذا انت واثق من نفسك من جد رد عليها وش وش تبي اذا قامت تقول كلام مدري وشلون قايل قفل الجوال ورح نام احسن لك والقرار يرجع لك انت |
أخاف تفتح على نفسك باب - لا سمح الله -
و ما تقدر تقفله |
صح عشان كذا انا اقول لا تسوي شي الا وانت مقتنع فيه
والله يكافيك شرها |
تدري خل إمراة من محارمك ثانية تكلمها من خواتك مثلا برقم ثاني ..وتتاكد إمراة ام رجل
إذا إمراءة خلها تربيها وإذا رجال تصرف انت |
طالما زوجتك حساسه لا تقولها على الموضوع .. لأن الشيطان ممكن يلعب بعقلها وتظن إنك ممكن تكلم هذه وإنت بعيد عنها..
إما تغير رقمك .. أو تتجاهلها وما ترد على إتصالاتها بتاتا ,, من أول رنه اضغط زر الإقفال.. وفي حال لو رسلت رسائل إمسحها على طول ولا تحاول تقرأها عشان ما تأثر فيك .. ترى الشيطان شاطر وممتاز في تزيين الباطل.. الله يبعدها عنك .. إنتبه يا أخي لا تكلمها حتى لو فكرت تستدرجها بالكلام لحد ما تعرف مين هي ! أولا ما يجووووز وثانيا ممكن تسجل مكالمتك معاها وترسلها بأي طريقه لزوجتك .. طيب ليش ما تسوي لها حظر !!! |
شنو نوع الرسايل اللي ترسلهم ؟؟؟؟؟؟؟؟يمكن تبي تبلغك شي مهم ......؟؟؟؟؟؟
اخوي ان كانت تتصل في هالوقت فطنشها وما عليك منها ........... يعني اش بتسوي ما عندها دليل يدينك ............... ولا تخاف منها . |
لاحول ولاقوة الا بالله تستاهل الضرب معدومة الحياء!!
أخوي نايف رد عليها وانت معصب وقل نعم وقلها اسمعي يابنت فلان الفلان والله لو تدقين مرة ثانية اني لاروح لفلان واعلمه والله ماخليك وابدا صارخ عليها وهزاها واكيد بتخاف بتسمع صوت رجال ويصارخ بتطقها الروعة ولاتعلم زوجتك نصيحة |
يا أخي دز لها رسالة تفهم منها هذه الوقحة أنك عارف إسم الرجل صاحب الجوال وإنك ستقابله شخصيا حتى يقطع الإتصالات الواردة من الجوال الذي بإسمه.
|
راى وعن تجربة شخصية طالما هذة البنت التى تتصل عليك تعرفك...قل لزوجتك..كن صريح معها...وصدقنى كن صريح افضل ما تخبر هذة البنت احدا لة علاقة بزوجتك وتعرف زوجتك فمنك افضل من شخص اخر وتوكل على الله ...وعندما تعرف زوجتك الموضوع لا ترد على تلك البنت ولا تقرا رسايلها وكلما رايت رقمها قم بمسح الرسالة قبل فتحها ولا ترد على رقم لا تعرفة والله معك وصدقنى مع الوقت ستمل تلك الفتاة وتتركك وشانك ولكن بعد مدة وان ياست تماما قم بغير رقم الجوال
|
اذا كان الامر الان فقم باغلاق هاتفك الان ...افتكرت الان فى مثل هذة المواقف هناك حل جيد جدا...لكن ساقوم بالشرح بالغة الانجليزية وانت طبقة على جوالك...وهذة الخدمة سيجعلها عندما تتصل اما لن يعطيها شيئ او هذا الرقم غير موجود بالخدمة ...
اولا افتح الsettings ث ثانيا call settings. ثالثا call divert. رابعا divert all voice calls. خامسا activate. سادسا to other number..وهنا فى هذة الخطوة اكتب اى رقم مثل 777 لا تكتب رقم هاتف اخر طبعا ...اكتب رقم لا وجود لة...لو عندك رقم جوال انت واثق بانة غير موجود بالخدمة اكتبة....و اذا ارادت الغاء هذة الخدمة افعل الاتى افعل كل الخطوات الى ان تصل الى call divert افتحها وبعدها ابحث بداخلها عنcancel all diverts . وبذلك قمت بالغاء الكلمة وعلى فكرة عندما تكون الخدمة شغالة بيكون فى سهم فى اول الشاشة بجانب الساعة ولكن الناحية الاخرى وهذا دليل انها شغالة والله معك وارجو ان اكون افادتك |
السلام عليكم ورحمة الله وبركاته
أخي الكريم السلامة لا يعدلها شيء إذا كان بالإمكان أن ترد عليها إحدى أخواتك التي تتصف برجاحة عقل وحسن تصرف وتفهم منها ما تريد وإن لم تنتهي عن تصرفها فاطلب من أختك أن تقول لها بأنك هممت بإخبار صاحب الجوال لينتهي عن الإزعاج لكنها ـ أي أختك ـ طلبت منك الستر عليها ولا تخبر زوجتك إلا بطريقة عارضه بعد نهاية الموضوع حتى وإن سمعت في الموضوع يكون عندها تصور والسلام |
اخي الكريم الموضوع كبير جدا جدا و لا يستهان فيه
انا لا اعلم شنوالي قايله بالرسايل بس شوف يا اخي ...اذا البنت وصلت اذا هذا المستوى ممكن جدا انها تسويلك قصه كبيره و تقول حق صاحب الجوال انك انت الي عطيتها الرقم فحذاري مع هذي النوعيه من النساء يا اخي تقلب الموضوع عليك ..... اسمعني يا اخي ..مهما كان وضع الزوجه اعتقد لها الاحقيه تعرف شنو يصير بالضبط ..اجلس معاها و فهمها انه في وحده تتصل و انته ما تعطيها مجال و انك مستحيل تخون حبيبت قلبك و من هذا الكلام المعسول و قوللها انا عرفت منو صاحب الجوال و ما ابي اي مشاكل و اثق فيج تمام الثقه و ادري تمام الثقه انج تدرين اني احبج يعني كلام معسول يا اخي ..ثانيا لا تهدد البنت بانك راح تسوي لانها راح تسبقك ....لا تمسح اي مسج يوصلك منها و اي رساله ..خل جميع الرسائيل عندك هذا دليل ضدها ... لا تكلمها ابدا ابدا لانها راح تسترسل بالحديث ف ماله داعي يا اخي ..اسمع نصيحتي ارجوك .... خل زوجتك اول العارفين على شان الله لا يقوله يصير شيء اهيا تكون على علم ما تنصدم ... لا ترد عليها و خلها ترسل قد ما تبي من رسايل ... و لمن توصل حد معين اتصل لهذا الشخص و قوله في وحده الساعه الفلانيه تتصل علي من هذا الجوال و فهمه الوضع و قوله انك رجل متزوج و تحب الستر و خليه اهوا يراقبها و يشوف اهيا شنو تعمل على شان يكسر راسها ...اخي كون حذر فهذا البلهاء ممكن تورطك ...و قوله عندك دليل انها تتصل عليك و ما تبي مشاكل مع ام العيال.. ارجوك يا اخي خبرني اول اب اول شنو يصير معاك ولا تخلي زوجتك تكلم هذي النوعيه من النساء الحقيرات مرتك مو ناقصه بس خلها تعلم بالي يصير و خبر مرتك شنوناوي تسوي على شان تحس انها مهمه و انك مستحيل تخونها اختك بني |
ارجو يا اخي اسمعني لا تسمح اي شيء يكون باجر لصالحك و اخبر زوجك ارجوك اسمعني لا تخلي احد من اهلك يكلمها فهي راح تعرف شنو ناوي تسوي خلها ماهي عارفه اب شيء و خل صاحب الجوال يتصرف معاها اسمعني ارجوك انا امراه و اعرف حيل النساء
اختك بني (هذي ثاني رساله انا مهتمه للموضوع افهمني) |
أحترس أخي الفاضل
أخاف تكون هذه القصه لعبه من زوجتك لتختبرك ........ أحترس ثم أحترس ثم أحترس الله معك أخونا في الله . |
اخوي نايف
شوف انا ابعطيك حل ============= اولاً اخبر زوجتك قل لها في وحده تدق علي وترسل رسايل وانا علمتك علشان ما تشكين فيني ======== ثاني شي : اذا دقت عط زوجتك الجوال ======== ثالثاً : إذا استمرت في الاتصال عليك تعال لزوجتك وقل لها حبيبتي انا عرفت اللي تتصل علي وتزعجني هي بنت فلان الفلان ======= هنا ان كانت زوجتك تعرف رقم اهل البنت بتتصل عليهم وتقول لهم بنتكم تتصل على زوجي ======= وكذا احسن لأن زوجتك لو ما تقول لها بتعرف بعدين وبتقول انت تتصل على فلانه وان حاولت معها توضيح الحقيقه ربما لن تصدقك وبتكون حياتكم شك x شك والله يكون بعونك وحسبي الله على البنت والله يوفقك ويبعد عنك المشاكل |
الله يبعد عنك كل شر معروف هالنوعية الحل معها التطنيش وعن سؤالك أخبر زوجتك ولا تظهر أهتمام بالموضوع وفقك الله لما يحبه ويرضاه |
لاترد عليها ابدا وطنشها بتمل وبتتركك
|
التطنييييييييييييييييييييييييش ثم التطنيش والكثير من التطنيش
بعدين يوم هي تقول ترد والا شلون....ايش عندها هذي تهددك فيه؟ ماعليك منها وكثير ناس تبدا معهم مزح وياخذون الرقم ويلعبون وتعجبهم ويواصلون ماعليك منها ما عندها سالفه الله يهديها لنفسها وقول لها انك عارف هي من اي عايله ولا تعلمها بالاسم....خلها توسوس....وغلط تخلي زوجتك تكلمها...انت حل الموضوع |
لازم لازم تبلغ زوجتك و لازم تعرف ان ديه واحده تبغي لك او لزوجتك ضرر يعني تبغي مشكلة بينكم ضروري
فلازم تعرف زوجتك ضروري ثم تكلم احد من اقاربها بعقل و حكمة او تخلي واحد من اخوانك يكلموا واحد من اقاربها و تعرفوه بالسالفة اهم شيء تعرف زوجتك ما تخاف علي صحتها هي كدة هتكون في وضع احسن انها تكون عارفة بالموضوع ممن البداية لانها هتشعر بشيء غريب و ده هيقلقها و يشككها فيك و انت مظلوم و الشيطان يبغي يولع الحال بينكم و ه>ه البنت ايضا و الله معاك هتقوي و هتحل المشكلة لكن بتدخل من زوجتك |
اتفق مع الاخ انا كذا
بلغ زوجتك ودام انك واثق من انك ما عندك علاقات ثانيه ليش خايف منها وادمك بعد اتعرف من بنته لاتهتم بلغ زوجتك وتوكل علي الله والله يكتب اللي فيه خير لك |
وانني مع رأي الاخوان بلغ زوجتك واهمل الموضوع ولا تعطي له اي اهمية طالما واثق من نفسك ، ربنا بتولاك وبدافع عنك ربنا يكفيك شر كل ذي شر
|
بسم الله الرحمن الرحيم
اخوي اخبر زوجتك وغير رقمك هذى وحدة تبي تخرب بيت عامر لا تلتفت لها اياك تعطيها فرصة دع ما يريبك الى مالا يريبك بالله لا تعيرها انتباه غير رقمك نصيحة اخت والسلام الله يوفقك |
لا تغير رقمك....
إيش هالمسخره؟؟؟؟؟ رجل طويل عريض له أعماله وأصدقائه يغير رقم تلفونه عشان وحده غبيه؟؟؟ والله والله لو مني منك برفع السماعه بتصل على رقم هالرجل اللي مسجل التلفون بإسمه وبقوله السالفه... وخليها تتربى... والله آخر زمن......... وإحكيلنا إيش بيصير معك... |
اخوي نصيحة لا تقول لزوجتك
واللى عطاك اسم صاحب الجوال خله يكمل معروفة ويعطيك رقم ثابت بنفس الاسم وانت دق على الرقم واطلب نفس الاسم واساله اذا يعرف هذا الرقم ( رقم الجوال ) واذا جاوبك بالايجاب قوله السالفة وان هذي البنت مزعجتك واهو يتفاهم معها والحل الثاني : اتصل على شركة الاتصالات وقدم شكوى وعطهم الرقم واهم راح يراقبون جوال البنت ويتفاهمون معها والحل الثالث : حط رقم جوالها في قائمة الحظر ولا راح تزعجك ابدا لانه ماراح يرن عندك ابد والله يصرفها عنك باهون سبب |
لازم تقول لزوجتك لأنها لو اكتشفتها ستتصور ان لك علاقة بها وسيحدث مشاكل انت بغنى عنها
|
مدري !! يمكنه مقلب طيب من رجال ؟؟!!!!
السالفة أبسط من البسيطة أبد بكل برزد تطنشها تماما مادام إنها مو ماسكة عليك شي ليه تخاف منها ؟؟؟ وبالنسبة لزوجتك عادي جداً تقدر تقولها اليوم وحدة مدري من تكون أزعجتني تدق من الصبح صدق الحريم ماقاموا يستحون هالأيام ويعني من هالكلام أو بعد تقدر ماتقولها وينتهي الموضوع مثل مابدا أهم شي لا تعطيها وجه بالمرة أنا إنك تبلغ أهلها أو تغير رقمك إجراءات كبيرة مالها داعي بالمرة !! |
| الساعة الآن 02:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©