|
هل فيه شي ينقص عدد ايام الدورة؟؟
السلام عليكم
بنات انا عادة تجيني الدورة وتستمر معايا حوالي 9 ايام تقريباً... والآن والحمدلله على كل حال تأخرت عن موعدها وجاتني قبل موعد يوم زفافي بسبعة ايام يعني في احتمال انها تستمر يومين بعد الفرح...هل فيه شي طـبــيــعــي أو وصفه او اعشاب او اي حاجه ممكن اخذها تساهم في تقليل ايام الدورة وتخليها تسير 7 ايام فقط... عشان يجي يوم الفرح وانا ان شاء الله اكون طاهرة... لان بصراااحه خطيبي متحممسس جدا وما اضمن ردة فعله... خصوصاً انه يعرف انه مو موعدها الآن بس الظاهر مع التوتر والضغط النفسي تأخرت عن موعدها المفترض... بلييييييييزز...ساعدوني تراني شااااايله هم كيف ممكن اوصل له المعلومة...وايش ممكن تكون ردة فعله؟؟؟ على فكرة انا اليوم في ثاني ايام الدورة... |
هلا ياقلبي
الله يوفقك ويسعدك بحياتك الجديده يقولون فيه طريقه تنقص ايام الدوره كاس حليب دافي مع ملقه عسل يوميا ايام الدوره يقولون بتلحظين كميه الدم تزيد بس ينقص ايام الدوره انا قالته لي زميلتي تقول تستخدمه هي واهله ان شالله ينفع معك |
يعني اخلطهم مع بعض؟؟؟
اخلط الحليب مع العسل؟؟ |
ايوه حياتي
كاس حليب وملعقه عسل |
اول مرة اسمع يعنى كاس حليب مغلي بدون سكر وملعقة عسل يوميا؟؟؟
|
ايوه انا استغربت زيك
بس والله زميلاتي تقول صارت دورته بعد ماكانت خمس ايام صارت ثلاث ايام |
ينقل الموضوع لعيادة المنتدى ,,
تحياتي ,, |
اليوم شربت اول كأس حليب مجفف طبعا مع مويه وحلـّـيـتــه بالعسل بدل السكر...
عسل اصلي من اللي ينباع على شكل خلية بشمعه... والله يجعله يحقق غايتي... وكمان جاني بإيحاء بحاجه ونفذتها وما ادري اذا كانت بتفيدني أو بتضرني بقولكم وقولوا لي رايكم.. باختصار جلست في حمام مائي دافيء...يميل للسخونة اكثر من كونه دافيء... وصرت أرش عالمنطقة...ما ادري بس جاني اعتقاد انه ممكن الحرارة تساهم في جفاف المنطقة... بس يعني ما كانت المويه مرررررررره حارة..لكنها كانت اكثر سخونة من كونها دافئة... تكفووووووون يا اخواتي...ادعوا لي...الله يفرج على كل وحده همها وينولها ما تتمنى... دعوة في ظهر الغيب من قلب صادق ما تكلفكم شي...بصرااااااحة خايفة لأبو الشباب يقلبها نــكـــد ليلتها..... ومايسوى عليّ أتنكد في ليلة عمري... الله يخليكم أدعوا لي.... |
الله يوفقك حبيبتي ويجمعكم على خير.. لا ياقلبي الموية في الدورة مو زينة للمنطقة حتى بنظافتك تكوني حذرة الحلو واللي بينفعك بإذن الرحمن
تاكلين من رابع يوم شوية رشاد مع عسل مرتين باليوم واذا تطهرت تستخدمي مسك حجر تطحنينه وتمسحين فيه آخر شي وهو سنة أنتي مأجورة فيها بإذن الله وبالتوفيق ... ذكرتيني أنا طهرت فجر زواجي .. |
هلا عيوووش حبيبتي...يعني ايه رشاد؟؟؟
وكيف شكل علبته؟؟ومن فين اشتريه؟؟من العطار؟؟؟؟ |
^
^ ^ ماعليه بجاوب عن عيوووش :d الرشاد : تطلبينه من العطار معرووووف ، وهو مثل الدقيق يجيك مطحوون امممم وأنا عندي حل ثاني ، اشربي قرفة مع موية دااافية ، وأمشي كثييير أي شي دافي يساعدك وأفضل لك .. بالتوفيييق يارب |
الرشاد من العطار واسمه الاخر ثفاءيشبه السمسم
|
هلا غالية...
هل انتي مجربة هالوصفة؟؟ القرفه مع الموية انا اسمع ان القرفة مع الموية عشان تخفف آلام الدورة مو عشان تقلل ايامها... اما المشي...فأنا مستغربة جدا... اعتقد انه بالعكس المشي ممكن يزيد ايامها...هل انتي مجربة المشي؟؟؟ وممكن توضحي لي كيييييف؟؟؟ اعذريني لكثرة الاسئلة...بس احتاج توضيح... اخواااتي اللي تعرف اي شي تلحقني ترى خلاااااااااص مااااااااااافي وقت!!!!!!!! يمكن في احد وصفاتكم يكون الحل بإذن الله... |
اقتباس:
هلا فيييك مرعوووبة / القرفة ممتازة لتخفيف الألم صحيح ، وكويسة تنّزلها بسرعة وتنظف بطنك <<< كلام أمي :d والمشي بعد كووويس يخلي الدورة الدموية تتحرك كثير وتبذلين مجهود وتنزل بسرعة إنتي شوفي نفسك أول ماتجيك الدورة وماتتحركين كثير وبسريرك بس ماتنزل بسرعه عكس لما تمشين وتنزلين وتصعدين الدرج ، تشوفينها أكثر .. طبعا ً هذا بالنسبة لي ألاحظة كثييير لما أمشي وأتحرك ، وإن شاءالله معك تكون كذا وصحيح مرعوووبة الموية مو كوووويسة أبدا ً ، أبعدي عنهااا والله يوفقك ياااارب ويرزقنا الزوج الصالح قولي آآآمين :d |
ما قصرتي غلاوي حبيبتي...
والله يرزقك ويرزق كل بنات الحلال الزوج الصالح... بجربها..بس دعواتك لأختك انها تجيب فايدة بأمر الله... |
اى شىء يكثر نزول الدم يقلل من ايامالدوره
والقرفه والمشى وشاى الزعتر والرشاد واللهوم والحسو يفيد وهذا الاشياء تستعملها المراه بفتره لنفاس |
هلا حبيبتي الرشاد عند العطار مثل ماقالوا لك مثل حب السمسم بني ولا تاخذين المطحون ماندري وش فيه
بس انا أقولك عن تجربة لا تت؟أخرين القرفة حلوة مفيدة بالدورة زي الشاي بس الرشاد بإذن الله مضمون ... وبالتوفيق |
الف شكر للجميع...
جارية التجارب..وطالما انا كلها اشياء طبيعية ان شاء الل اذا ما نفعت ما حتضر... بس بلنسبة للرشاد اذا كان عبارة عن حبوب زي السمسم كيف اخلطا مع العسل؟؟ انا توقعت سائل قلت من السهل خلطه بس اذا كان حبوب كيف اخلطه؟؟؟؟ |
| الساعة الآن 03:03 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©