|
اتمنى الموووت .....
اتمنى المووووووووووووووووووووت .. بالفعل اتمناه ....
انا صار ليا يومييييييييييييين جالسة لوحدي في البيت ما احد معايا خلاص كرهت نفسي .. عشان كذه لاتلووموني لما اقووول ابغى اتزوج لاني طفشت من الوحدة ... مشروع الانحراف جااااااااااااااااااهز قدامي اقدر ادخل واخرج زي ما ابغى ما احد يعرف .. كلا عايش في عالمه ... بس انا صابرة ومحتسبة عند ربي .. لاني دخلت هذا العالم قبل كذه وماعجبني وبصعووبة خرجت منه واخاف على نفسي ارجع مرة ثانية ... ماعندي شي يسليني غير الانترنت حتى تلفزيييون ما احب اتفرج .. اكره كل شي ... ونزلت من وزني كثيييييييييير تخيلوا نحفت 14 كييييلو بس من التفكييير واكل في نفسي ولا احد يعرف ... انا في شكلي الخارجي اسعد انسانه .. مدلعه .. طلباتها مجابة ... تدخل وتخرج زي ما تبغى .. درجاتها عالية ومتفوقة لكن من الداخل انا انسانه محطمة ... ماعندي احد اتكلم معاه والكل يستغلني ... بس علاقات مصالح ... ماراح تصدقوا انه الكل راح يحضر مناسبة وانا لا . عارفيييييييين ليه ؟؟؟ لاني اجمل بنت في العائلة والكل يغار .. وممكن لما ارووح البنات الثانييين الكبار اللي ما اتزوجوا يتاثروا وممكن اغطي عليهم ... خالاتي بنفسهم قالوا هذا الكلام ....تخيلوااااااااااا ؟؟؟ كل ما اشوف احد يقربلنا ما يسلم عليا ويعاملووني بتكبر يعني تقدروا تسمووها غيييييييرة ... والله العظيييييييييييم ما يحبوا يشوفوني سعييييدة ومناهم اني ما اتزوج واني ما اكمل دراستي لاني الوحيدة اللي دخلت الجامعه .. اكرههم كلهم .... انا قبل كذه حبيت واللي حبني كان رجل اتعرفت علييه من العالم المنحرف اللي دخلته من فراغ وهوا ساعدني وخرجني منه وبعد فترة جا اتقدم وبدون علمي عشان تكووون مفاجئة للاسف اهلي ما رضيوا باشياء مو مقبوووولة وما ابغى اتكلم عنها قولولي ايش اسوي ؟؟؟ ولمتى راح اقعد كذه لوحدي ؟؟؟ وما احد يتكلم معايا ؟؟؟ والكل يكرهني حتى اقرب الناس مني وايش ذنبي انا اذا كنت جمييلة ... الجمال الخارجي لا يدوووووووم .. فقط جمال الاخلاق هو اللي يدوووم ... من جد اتمنى المووووووت لانه ممكن ساعتها يعرفوا قدري واني انسانه عندها مشاااعر ......... من الداخل وليس من الخارج .. |
ماعليك من الغايرين....ونصيبك لو لك نصيب راح تاخذينه غصب عنهم...والانحراف كلما تقربتي من الله عز وجل مارح يجي على تفكيرك وفيه وسائل كثيرة مثل الاشتراك بدور التحفيظ كثير لقوا فيها صداقات اغنتهم عن صداقات الدراسة.....وصادقي بنات اجمل منك يمكن تروح الغيرة(؟)
|
سبحان الله ( أُخيـــه )
كل شيء ينخاف منه بنبعد عنــــــــه إلا شــــــيء واحـــــــــــــــــــــــــد هــــو !!!!!!!! !!!!!! !!!! !!! !! ! هـــــــــــو ( الـــــلــــه ) نخاف منـــه نقرب منه لا تخافي أختي الغاليه حفيدت عـــائشة رضي الله عنها وأرضاها . حلك بسيط والله بسيط عليك أختي الغاليه بالأستغفار فإنه والله وتالله وبالله حل لكل شيء بإذن الله وعليكي بالصبر والإنشغال بما يرضي الله ومن يتقي الله يجعل له مخرجا ! ............................... ثانياً / ما عليكي من الغيورات منك لن يضروك شي بإذن الله وكبري رأسك وخليك متفأله وخلوقه مع الكل وتعوذي من الشيطان وكل هذا الي بيحصل لك كله من الشيطان يريد أن يضيق عليكِ لكي تقعي في الزنا والعياذ بالله وحاولي تحاسبين نفسك وتتجنبين الأشياء التي فيها مداخـــــــــــــــــــــــل شيطان . وخاصه شيطان نت . أسال الله العظيم في هذا الوقت المبارك أن يرزقك الزوج الصالح المصلح الذي تقر به عينك عاجلاً غير آجل واللهم يا كريم يا حليم يا عليم يا سيمع يا قريب يا بصير أحفـــــــــــظ أخواتي المسلمات في كل مكان من كيد كائد وحسد حاسد . آمين |
أختى am with u
مشكلة كثيرات عدم النظر لما يملكنه من نعم الصحة والفراغ وعدم استغلال هاتين النعمتين الا في الهم والنكد على انفسهن اولا احمدى الله الذى انقذك مما كنت فيه حيث كنت والله أعلم تسيرين بخطاك إلى حفرة من النار عمقها ممشى سبعون خريف وأكثر بكثير ولكن الله رحمك بفضله وأخذك إلى طريق النور ، مجرد تخيل ذلك يمنحك السعادة 0 تعيشين بصحة وغيرك تحت آهات المرض تمشين وتتنقلين على قدميك وغيرك يتمنى الوقوف لست خائفة ولا جائعة ولا بردانة ولا عريانه اليست تلك نعمة ؟ تتمتعين بالجمال والنجاح بحياتك 0 تلك النعم صاحبها محسود فلا تستغربي ممن حولك فانظرى إليهم ستجدينهم يفقدون كثيرا مما تملكين 00 اكتفي بربك واشكريه واحمدية وحاولى اسعاد الآخرين حتى لو ازعلوك فأجعلى هدفك رضى الله وحده ولن تندمي الله يسعدك ويوفقك الزوج الصالح ويستر عليك ويثبتك على طريق الخير |
أختي .. كم عمرك؟ شكلك صغيرة طالبة صح؟
وعادي روحي لنفس المناسبات اللي يروحونها عاااااادي . مو انت عايشة معاهم ماتسمعينهم لما يقولون بنطلع؟ماتشوفينهم يتجهزون ويلبسون؟. شوفي انا حاسة انك متضايقة لأنك من فترة كنت على علاقة مع شخص وعايشة جو ثاني وماصار نصيب معاه صح؟ والحين تذكرتيه وتذكرتي كيف حالك معاه وقارنتي حالتك الأولى بحالتك الحين صح؟ شوفي ياحلوة مابني على باطل فهو باطل وثقي ان ان رفض اهلك له خير لك ان شاءالله والديل انك انت برضو مقتنعة قلتي تعرفت عليه من العالم المنحرف.. شوفي كل بنت تتمنى احد يهتم فيها ويحبها ويعيشها بجو ثاااااااني بس هذا مايصير الا بالحلال والزواج.. وغيره هذي شهوة من شهوات الدنيا وحرمانك منها يعتبر صبر ولك أجر بإذن الله.. ان شالله بيجي رزقك وتعيشين احلى عيشة |
أختي الغاليه
بصراااااااااحه شديده جدا أحس من خلال الموضوع انك بنت صغيرونه بعدك لسه بدري على الزواج حبيبتي ركزي على دراستك و جامعتك .....؟؟؟ لاحقه على التفكير في الزواج و عوار الراس الله يرزقك الزوج الصالح و الذريه الصالحه عاجلا غيرآجل بإذن الله |
الله يعينك يا إختي
والله يوفقك ياااا رب بس عندي سؤال بسيط : أهلك وأقصد بهم أمك وأبوكي وخواتك يغاارووون منك بعد ؟؟؟ عزيزتي تتمنين الموت لأنك تشوفين كل شي حولك أسود في أسود صدقيني مثل ما قال الأخو اللي قبلي ارجعي لله ينصرك على كل اللي ظلمك القرآآن يا حلوة والله يشرح النفس والصلاة بعد ومخالطة الأهل والتبسم في وجوههم خلي عنك سوالف الغيرة ولا تبغضي أحد صفي قلبك من كل حقد وضغينة لأنه السبب في تعاسة القلب ..أنا كنت مثلك حاقدة على الكل لأني ظننت إنهم ما يحبوني ويظنووني متكبرة لكت إلحين ... حسيت إني أنا المخطئة في ذلك وليسوا هم فقط غيري من حالك يا إختي ..غيري نفسيتك وراح تشوفين الدنيا كلها بمنظااار غيييييييييييييييييييير وإن كان عن النصيب فلا تشغلين بالك محد في ها الدنيا إلا وياخذ نصيبه دعائي لك بالتوفيق ان شاء الله والفرج القريب |
jewel ..مو بكيفي انا اصادق اي احد .. وكمان اعرف بنات كثير جميلات ولكن ماعندهم شي من الاخلاق ...
السيف المسلول .. جزاك الله خير على النصيحة ... الكبير .. صحيح كلامك انا الحمد لله في نعمة .... جزاك الله خييير ... شوبارد .. حبيبتي انا عمري 20 سنة .. وماتصدقي لو قلتلك انهم يخرجوا من غير ما اعرف ولا احد يقلي ... ولاكاني معاهم ... عشان كذه انا معظم وقتي بالغرفة ... وانا انشاء الله سنة واتخرج من الجامعه .. لاني الحمد لله متفوقة وعديت سنة من الدراسة &&همسات&& .. يمكن لاني وحيييدة معظم وقت بافكر في اشياء غلط بس مثل قالوا .. جزاهم الله خير .. الاستغفار ... والتقرب من ربنا ... |
غارقة في همي .. ما عندي اخوااات ... كلهم اولاد ... وانا اكبر واحدة
للاسف زي ماقلت كلا يعيش عالمه الخاص ... ما احد يدري مين دخل وخرج ... او ايش سويتي ... ممكن تمر ايام ما اشوف ابوي وامي او اخواني .. |
20 سنة توك صغنونة :22:
يوم انا بعمرك كنت بثالث جامعة وعااااااااااااااااااااايشة حياتي واي شي غلط قدامي كنت اطنش وماهتم لأني حاسة انه مهما صار في الدنيا أظل بنت بأول حياتي ياشيخة وسعي صدرك وانبسطي وانت اجلسي مع امك قولي بروح بطلع معاااااكم والبسي وافرحي واذا احد قال لك كلمة مهي حلوة ردي بثقة او اضحكي وطنشي.. حراااااااام عليك لاتتضايقين .. وانتهبي انصحك انتبهي من العلاقات المشبوهة والله ماتجيب غير الهم والإحساس بالذنب خليك طاااااهرة لحد مايجي ابن الحلال وتصيرين له لحاله |
أختي الكريمه
انت تعانين من فراغ عاطفي وفراغ زماني وهذا مما يجعلك تنظرين إلى الدنيا أنها سوداء ولا تستحق العيش . ما الحل ؟؟ الحل يجب أن تشغلي نفسك بما ينفعك لأن النفس إذا لم تشغل بالطاعه شغلت بالمعصيه وكلمي امك حتى تعطيك من وقتها . أما غيرة الحاقدين فلا تهتمين منهم ولا تدعي لهم فرصة يستغلونك كوني قوية صلبة فإن قمت بهذه النصيحه فإن النجاح حليفك تحياتي |
شوبارد
صحيح ارد واطنش بس اكييييييد تجي للواحد لحظات ضعف وانا الحين كل ما احد يقوول شي اقووول لااااااااا لسه صغيييرة .. بس ياشووبارد انا طفشانه لاني ليا يومين بالبيت لوحدي .. كلهم راحوا .. يمكن يرجعوا الليلة .... انا كتبت هذا الكلام لاني متضايقة ... منهم ... بس تصدقي احب اقرا كلامك لانه يحسسني بثقة ... واني لسه صغيرروووونة ... تسلمي حبيبتي .. وسعتي صدري الله يسعدك ... |
الله يخليكي حق اهلك ان شاء الله
انشغلي بأي شي والله كريم |
صاحب رأي سديد ..
صحيح فراغ عاطفي وزماني ... شكرا على النصيحة .. احاول باذن الله اشغل نفسي .. بشي وفكرت اشترك في نادي ... الله يعطيك العافية [line] غارقة في همي .. ويخليكي انشاء الله .. تسلمي ياقلبي على المرور .. جزاك الله خير |
[QUOTE=am with u]صاحب رأي سديد ..
صحيح فراغ عاطفي وزماني ... شكرا على النصيحة .. احاول باذن الله اشغل نفسي .. بشي وفكرت اشترك في نادي ... الله يعطيك العافية خطوة مباركة أهنئك عليها وياختي الكريمه مرت علي تجربه وهي (( المرحلة التي عشتها من تخرجي حتى التحاقي بالوظيفه كانت اصعب مرحله في حياتي أحس طلعت نخله في راسي من سبب كثرة التفكير والهم والغم ولكن من يوم توظفت وأشغلت نفسي تغيرت الدنيا واصبحت في عيني ورده بيضاء بدل ما كانت سوداء )) كل شئ تغير واصبح للحياة طعم . وأنصحك يكون لك أهداف والافضل أن تكون أهداف اسبوعية حتى تذوقي بطعم النجاح عند تحقيق كل هدف الله يوفقك وينور بصيرتك تحياتي |
am with uسبحان الله نفس احساسي بالضبط ...ونفس اللي يصير لك يصير ليا ...وكم مره اتمنيت اني اموت من جد تعبت من كل حاجه احس كل شي في حياتي يتعب من الدراسه والمشكله انو انا ادرس طب ماتتصوري صعوبه الدراسه وخلاص تكوني على اعصابك عشان تاخدي النتيجه ناجحه وللا راسبه وغير كده انا كمان موسوسه واحس ماحد فاهمني ايش بالله اقوللك ...الحمد الله لكن بعدين اجي افكر واقول بالله انا ايش سويت من حسنات عشان اتمنى الموت وكيف حقابل ربي وانا للاسف كلي ذنوب ..اختي تعرفي انا ايش صرت اسوي صرت امثل على نفسي اني سعيده ومابغى افكر بشي محزن وبالفعل لقيت لها نتيجه حتى مرة واحد من المرضى بتحكى معاه قاللي يابنتي اكذبي على نفسك واضحكي وانبسطي وراح تعيشي الدور...صدقيني خليكي متفائله ودعي ربنا كتير خصوصا بين الاذان والاقامه ...واي احد تشوفيه كده على طول قوليله ادعيلي في صلاتك ..صدقيني مافي احد راح يفهمك ويستحملك مثل ربنا بس لازم نتعب شويه وما ادراك المصايب اللي فينا يمكن تكون تكفير لذنوبنا...لا اله الا انت سبحانك اني كنت من الظالمين خليها دايم على لسانك ....be smile
|
اختي المؤمنه الكريمه
استعيني بحب الله يعوضك الله الزوج الصالح ليسكن اليك و تسكني اليه اختي استغني بحبك بالله اعدك ان الله يعوضك زوجا صالحا عاجلا ام اجلا يحتضن قلبك و ينور عمرك اختي لا وحدة مع الله و لا انس بغير الله استغفري ربك واكثري الدعاء لله والله يوفقق ويوقف معك في محنتك ووحدتك المؤقته وليس الدائمه ان شاء الله يحميكٍ من كل سوءوعانك على كل صواب |
صاحب رأي سديد ... بالفعل لازم اشغل نفسي والا الفراغ راح يذبحني ... :29:
[line] born2love .. كيييييييييييييف اتمنى الموت وانا لسه كلي ذنوووب ؟؟.. صحيح كلامك ... الله يعينك على دراستك وراح احاول اكوون ايجابية ... وبالفعل مافي احد راح يفهمني غير ربنا .. لانه عالم وشايف كل شي .. [line] وحيد بغربتي .... جزاك الله خير اخوي على كلامك .. بالفعل لا وحدة مع الله و لا انس بغير الله ... |
اختي الكريمه
اعانك الله بالصبر ما تحسين به الان تمر به بنات كثيرات في مثل سنك و لعدم خبرتهن في الحياه يصلن الي نفس اليأس الذي وصلتي له. لابد ان تثقي بنفسك اكثر و لا تعطي بالا لما يفعله او يقوله الاخرين و اما كيف تشغلي وقتك فهناك العديد من الوسائل المفيده لقضاء وقت الفراغ .كالقرأة و الرياضه و النت و حتي يمكنك كتابه خواطرك هذه و سوف تتضحكين عليها مستقبلا عندما تكبري .و تذكري قوله عز وجل و استعينوا بالصبر و الصلاه و اياكي و الغلط لانك الخاسر الاول و لا تفكري كثيرا في جمالك حتي لا يضلك و كما قلتي الجمال فاني و ان شاء الله سيهبك زوجا يستحقك بصبرك و دعائك د.نبيل |
بالفعل ما اصعب الوحده
كان الله في عونك ويارب يحفظك من كل مكروه |
عزيزتي الصغيره صاحبة العشرون ربيعاً
انتي الان ما عندك مشكله بالعكس احمدي ربك على ما أعطاك اياه من جمال ومال واسره ميسوره الحال ..!! انتي مشكلتك هي في علاقة الحب الوهميه السابقه اللي انتي عشتيها واللي بعد ما انتهت اتركت عندك فراغ عاطفي كبير وطبعاً يا عزيزتي هذا كله راجع الى قلة الوزاع الديني ولا تزعلين مني انا اتكلم معاك بكل صراحه وما احب اعطي نصائح لأحد يعني خلي النقاش مفتوح وقولي كل اللي تحسين فيه ..!! هل تراودك نفسك على البحث عن علاقه جديده تملاً عليك وقت فراغك جاوبي بكل صراحه وبتعرفين اذا كلامي صح والا خطأ ؟؟؟ المهم مسألة الطلعات والروحات والجيات تقدرين بكل سهوله وبساطه تفرضين على أمك وين ما اتروح اتروحين معاها وإذا ارفضت ابكي صيحي الين ما تاخذك اهم شي لا تجلسين بروحك ومسألة الزواج يا عمري هذا نصيب من الله ولا تتوقعين ان الزواج بيحل لك كل مشاكلك وانه وناسه وكل شيء فيه حلو وسفر ورجال يدلعك ويبسطك ...!! لا يا عمري الزواج ماهو كذا يمكن يكون العكس ويمكن تكون الحياه أكثر تعب ومسؤليه لا اتصدقين المسلسلات والفيديو كليبات والخرابيط الفاضيه ولا اتعيشين بأحلام ورديه يضيع عمرك بسببها فكري بدراستك وابني لك طموحات جديده واتعلمي هوايه حلوه واقري ارقصي العبي رياضه اطبخي جيبي خوانك الصغار والعبي معاهم عيشي سنك وانسي الماضي وركزي على بناء مستقبلك فلربما يأتي دهر ولا تتزوجين لا اتعلقين أمالك وطموحاتك على الزواج بعدين يصيبك الهم والحزن لأنه نصيب من عند الله مع تمنياتي لك بالستر والزوج الصالح |
bolbol1 ...
مها الكويت ... ماقصرتوا .... انشاء الله بافكر ايش اسوي ... لاني كنت متضايقة لما كتبت هذا الكلام بس الحين احسن .. [line] وردهـ ... صحيح احيانا اتمنى تكوون لي علاقة من جديد ولكني اتراجع خوفا من ربي ومن الفضيحة .. لاني ما ابغى احس مثل اول كانت اعصابي مشدودة معظم الوقت فمستحييل ارجع ... بالنسبة لدراستي اكييييد بافكر فيها .. وناوية اكمل انشاء الله بعدييين حتى لو اتخرجت ... ومثل ماقلتي كل شي قسمة ونصيب والحياة مو بس لعب ... مشكوورة حبيبتي على المرور ... وعلى كلامك الحلو .. [line] الواحد لما يكووون تعبان ومتضايق بيفكر باشياء غلط ويقوول كلام ممكن يندم عليه بعدييين انا كنت متضايقة اول ودخلت المنتدى وحطيت قهري كله ... بس الحين احسن الحمد لله ... ولكل من رد علي جزاهم الله خير ... وانشاء الله يشوفوا في ميزان حسناتهم ... صحيح مايعرفووني لكن وقفوا معاي وافادوني وانا كنت عادة لما اتضايق اسوي شي غلط او اخرج من البيت ...بس الحين قمت صليت ركعتين وراح الزعل كله وسويت عشاء لاهلي لانهم كانوا جايين من برة ... |
اختي الغالية
ردك عليكي الاعضاء اجمل الردود ولن ازيد فوق ردودهم غير احمدي الله فانت في نعمة واستمري وجددي توبتك مثل ماقالت شوبارد انت حنيتي للحبيب الاولي وفي نفس الوقت انتي عارفه انه غلط والغلط غلط مهما حاولتي تصححيه ياغالية انت اوجدي لنفسك جو او طريقة تسليكي اقرأي انتي ذكرتي انك تقدري تطلعي من البيت بسهولة اشتركي ياحلوة في الجمعيات الخيرية تطوعي فيها تطوعي في المراكز الصيفية دوري هنا او هناك هلى موهبة مدفونة فيكي اتعلمي وضع المكياج الطبخ مارسي الرياضة احفظي القراااااااااااان فيه اشياء كثير حلوة بالدنيا بدري على الهم عيشي عمرك واسالي الله من فضله وخلي هالدعاء دايم على لسانك ( اللهم اجعل الدنيا زيادة لي في كل خير واجعل الموت راحة لي من كل شر) ةاستغفري الله فالموت صعب وهل ياترى استعديتي انتي او انا للموت وللحساب ولمقابلة رب العباد اللهم انا نسألك حسن الخاتمة |
| الساعة الآن 01:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©