|
بنااااااااات خااااااااااااااااالي
السلام عليكم ورحمة الله وبركاته مساكم معطر برائحة الورود اخواني عندي مشكله وابي منكم حل قبل ايام معدوده جلست معي أمي وقلت لها بتزوج دوري لي بنت الحلال ماهتمت بالموضووع تحسبني امزح قلت يا أمه تراي جاااااااد مره ما امزح أبغى اتزوج وبعدين الزواج مافيه مزح:22: قالت ياوليدي انت وضعك مره صعب .. راتبك قليل .. وماعندك رصيد بالبنك أنتظر سنه سنتين لين تجمع قلت لها أخذ قرض من البنك مثل اغلب شباب السعوديه وبالنسبه للجمع انتي تعرفيني ماعرف امسك الريال المهم اقنعتها .. وقلت لي انت ماتقدر تتزوج الا من بنات خالك هم اللي بيعينونك وماهم ماخذين منك الا 25 الف او 30 بصراحه رفضت وبشده وقلت يا يمه بنات خالي أنظر لهم نظرات خواتي وماقد جاء في بالي يوم من الايام اتزوج وحده منهن أمي قالت لي بالحرف الواحد ماحد راضي فيك وبظروفك الصعبه الا بنات خالك .. والا أصبر سنتين لين يزيد راتبك أبي رايكم هل انا على خطا ؟؟ وهل أمي على حق ولكن قبل تحكمون لازم تعرفون ان بنات خوالي مثل خواتي وأكثر ومن جد ماراح ارتاح نفسياً لو تزوجت وحده منهن مقدر اتصور هالموقف :( والسؤال الثاني هل تأيدووون زواج الاقارب ولماذا ؟؟ أنتظر ردوووكم بفارغ الصبرررررررررررررررر اذا اقنعتوني راح احاول ارتب نفسي لزواج .. وان ماقتنعت .. سأعلن العزوبيييييييييييييه للابد :( اخووكم رجل طيب ومتسامح |
أخوي مساك الله بالخير
حياك الله وبياك بدايه حلوه وخطوة جميله للعفاف ثانياً / بنات خالك ما فيها شيء وكلام أمك صحيح وبعدين الله حلل لك بنات خالك وحاول تتقبل الوضع عادي خاصة ( إذا كانن بنات خالك جميلات لا تفرط فيهن والله يوفقك لما يحب ويرضى ) وأنا عن نفسي والي أعرف كثير يؤيدون الزواج من الأقارب لأنه يقول المثل ( وجه تعرفه ولا وجهاً تتعرفه ) |
اذا مو مرتاح لاتتزوج منهن
نصيحه |
أخوي الفاضل
ذكرت وبالنسبه للجمع انتي تعرفيني ماعرف امسك الريال لو مضبط أمورك ودايم تجمع كان أمورك عال العال.. هذ مشكلة شبابنا يصرفون الفلوس وذا جا الزواج قال والله الناس مافيهم خير يبون مهور ؟ عموما اخوي الراي رايك أنت.. هل أنت مقتنع فيهم؟ اذا تحس نفسك متردد اذن فيه احتمال قبول لكن اذا منت مقتنع لااااااا لاتورط نفسك وفيه بنات اكيد يرضون اذا كان لديك مميزات.. الله يكتب لك الخير والله يجيب اليوم اللي تضع موضوع هنئوني بزواجي:17: |
اقتباس:
مساك الله بالنور البدايه ياعزيزي من زمان ولكن ماكل مايتمناه المرء يدركه بنات خالي مافيهن شي دين + وجمال + واخلاق يعني اللي بيأخذهن راح يرتاح ولكن انا نفسياً مب مرتاح مدري ليشششششش؟؟ ودي ارتاح بس مب قادر بعدين هن فيهن كبار وصغار متزوجن صعبه اروح اخطب الصغيره وخلي الكبيره بتحز بخاطرها والله اني ادعي لهن دايم بالستر اخوي السيف المسلول الله يعطيك العافيه على ردك ورايك على العين والراس |
اقتباس:
هلا وغلا بأخو بدوووه ياوالله مو مرتاح وشاكر لك نصيحتك |
انا دائما اقووول ( زواج الاقارب عقارب ) ..
لكن لازم تسال نفسك ليه مو مرتااااااااح ؟؟ اذا مافيهم شي ؟؟؟ في الزمن هذا الانسان صار يدور على راحته .. وكمان بنات كثيير يرضوون بمثلك لانه الاخلاق اهم .. انت اهم شي استخيررر واقرا قران واللي تحس انك مرتاح فيه سويييه ... ترى كل شخص له وجهة نظر ياعزيزي ... الله يعينك .. ويرزقك ببنت الحلال ... |
اقتباس:
يا اختي من وين اضبط اموري وانا جلست بعد الثانويه ادرس سنتين وبعدها جلست عاطل سنتين والحين موظف لي سنه بعدين انا محب اقصر على نفسي وعلى اهلي ولاتنسين السياره تبي والجوال يبي .. ولاتنسين ان الراتب 3000 وعلى فكره انا مب حق سفريات خارج المملكه ولا شي ياوالله مب مقتنع عشان كذا مابي اظلمهن معي حتى لو زوجوني ابلاااااااااااش ممكن اسألك سؤال .. وش معنى مميزات ؟؟ ممكن اعرف قصدك بدل سكن وبدل مواصلات يعني ؟؟:17: <<<<وين الاخ مقدم على شركه:22: يا ختي انا مميزاتي ولله الحمد الرجوله ومحافظ على الصلاة ولله الحمد والطيبه وانسان ولله الحمد راعي ضحك وسعة صدر وماحسب لدنيا حساب مب مثل اللي متزوج ويغازل من ورا زوجته ويخونها ويضربها وانا انظر لزوج على انه حب وعاطفه مب بس مسؤاليه اما اذا كنتي تقصدين مميزات فلوس وووالخ لا والله انا انسان عادي عايش على الراتب وهذا اللي مخليني مصر على الزواج لاني ابغى ارتاح اختي انتي ذكرتيني بالبيت الشعري اللي يقول اللي يبينا عيت النفس تبغيه واللي نبيه عيا البخت لايجيبه شاكر لك مرورك ونصيحتك والله يجزاك الف خير |
انا صراحه ماافضل زواج الاقارب زي مايقولوا الاقارب عقارب وذا صار لاسمح الله اي مشكله بيصير حزازيات بين العائلتين....ومدام والدتك قالتللك مافي الا بنات خالك وانت منت مرتاح فانتظر مده سنه على الاقل تقدر ترتب فيها نفسك وتجمع فلوس ...وخلال دي الفتره صلي استخاره وادعي كتير والله ييسر لك الخير
|
السلام عليكم .......>>>
أولا :: اقتباس اقتباس:
والوالدة اتقول انك طالع على الشايب .. الله يغفرله .. بعدين أنا أشجع على زواج الأقارب .. لأنك تعرفهم زين .. ويكونون محترمات وإلا لا .. !! لأن في هل الوقت صعب ثم صعب أن تلقى بنت محترمة وأقسم بالله إنهم قليل مرة .. إذا ماتيسر زواجك من بنات خالك خل الوالدة أو الأهل عموما يدورون لك لأنهم أعرف .. لا تقول أبي فلانه والا فلانة والا أحب فلانة وغالا علانة تراه ما ينفع وأقسم بالله اني صادق .. بعدين انا عاقد قراني على بنت خالي .. وكل شي زي العسل .. وخالي مساعدني كثير .. لأني ولدهم طبعا وواثقين فيني .. مو زي الغريب إللي لازم يحملونة مصاريف وتكاليف كثيرة .. تحياتي لك .. وترى الاستخارة أفود من كلامنا جميعنا .. |
اقتباس:
|
السلام عليكم ..
خذوا فقراء يغنيكم الله .. الفقر يا اخي الكريم مو عيب .. إذا أتزوجت ان شاء الله ، الله سبحانه وتعالى يرزقك ونصيحتي توكل على الله وخطب .. وفي بنات مقتنعين .. اذا في بنت ما تقبل فيك من البداية تركها ودور اللي ترضى فيك .. والله يوفقك :22: |
باختصار
.......................................... الاقارب عقارب والغرايب حبايب اذا تزوجت بنت خالك وصارت بينكم مشكلة مستقبلا بتصير مشكلة بين العايلتيم امك وخالك وتتفرع وهكذا والله حتى زواج الغريبة تكون عاداتها مو زي عاداتك وتختلفو كثير يعني.... كله له محاسن ومساوئ انت استخير والله يوفق |
اقتباس:
صدق والله اختي born2love .. عجبتيني بردك ... كانه معيار الادب والاحترام صار خاص بالاقارب .......... الله يهيديك يا اخوي فهد المحتار |
اعذرني اخوي
امك على خطأ لما قالت ما يرضى فيك إلا بنات خالك لأن المهر 25 او 30 الف هذا رأي ما يدخل المزاج حاول انك تقنعها انك تبي الزواج في الوقت الحالي ومن فتاة غير بنات خالك وعلى فكرة الأقارب عقارب هذا رأيي ============= ثانياً اخوي انت نويت بزواجك انك تعف نفسك ومن المعروف ان الذي يتزوج ويريد العفاف فإن الله يرزقه وبعدين اخوي الواحد ما يدري عن المستقبل يمكن يرتفع راتبك بعد الزواج مباشره كل شي بقدرة رب العالمين |
أخي عليك بصلاة الإستخارة
فإن تيسرت أمورك مع بنات خالك فهو توفيق من رب العالمين أما عن عدم راحتك فهو قد يكون من الشيطان وإن تعسرت الأمور معك فهو أيضا توفيق من رب العالمين لأن تختار غيرهن صلِ واستعن بالله وتوكل عليه وفوض أمورك إليه وأسأل الله لك الزوجة الصالحة التي تقر عينك عاجلا غير آجلا |
[انا دائما اقووول ( زواج الاقارب عقارب ) ..
لكن لازم تسال نفسك ليه مو مرتااااااااح ؟؟ اذا مافيهم شي ؟؟؟ انت اهم شي استخيررر واقرا قران واللي تحس انك مرتاح فيه سويييه ... ترى كل شخص له وجهة نظر ياعزيزي ... الله يعينك .. ويرزقك ببنت الحلال |
اخوي الغالي
استخير ربك سبحانه شيل من بالك قريبتي او حتى بعيدة هذا زواج ...حياة...مسؤولية بعد استخير وشوف وربك يعين...... وعلى فكرة.... مو لازم انه اذا بعض الناس صارت لهم مشاكل مع قرايبهم راح تصر وياك |
لالالا اخوي اصحى تتزوج وانت مو مقتنع
خد البنت الي تبيها باختيارك سواء قريبتك او لا لاكن المهم اختيارك والا في هذي لاتسمع راي امك لانه الان ممكن تنبسط شويه لاكن سنه سنتين حتحط الحق عليها وتقولها انتي الي زوجتيني البنت الي مابغاها تحياتي ولاتستعجل رتب اوراقكك |
اخوي انصحك بالبدايه الاستخارة قبل كل شئ لموضوع الزواج عامة سواء من قريبه او غريبه
وبعدين اهم شئ رايك انت لأنها حياتك انت بالنهايه والوالدة الله يحفظها لك تقدر انت تقنعها بوجهة نظرك وبالعكس في كثير من البنات والعوائل اللي يطلبون العفة ومايغالون بالمهور انت باسلوبك حاول توصل لها الفكرة وتقنعها بالموضوع أما مسألة انك تقدم على اي شئ انت بالاصل منت مقتنع فيه فهذا شئ خطأ وزواج الاقارب انا ضده لأنه زي مايقولون الاقارب عقارب وانا اييدها يااخوي بكل حروفها والله اعرف كثير تزوجوا من اقارب لكن المشاكل اللي بينهم ممكن تنحل لكنها تكبر بين الاهل وهي المشكله فالمطلوب منك انك تستخير ربك وتفكر بنظرة شامله والله يوفقك لكل خير ويرزقك الزوجة الصالحة ونفرح فيك:17: |
بصراحة انا اكره زواج الاقارب....مو عشان الاقارب عقارب على مايقولون
لكن مااحس ان في هذه الزيجات راحة وبعدين الحين فيه بنات كثير اهم متطلباتهن زوج صالح خل الوالدة تدور لك على بنت الحلال الي اهلها يطبقون قول الرسول (من اتاكم ترضون دينه وخلقه زوجوه فأن لم تفعلوا تكن فتنه وفساد في الارض) والله يوفقك لما فيه الخير |
هلا اخوووووووي
اعقلهااااااااا وتوكل عشااااااااان نبارك لك وصدقني ماااااافي احسن من زواج الاقاااااااارب وخذهااااااا من تجربه والله جمييييييييع الي حولي مااخذين من الاقارب وعايشين ومارتاحيييييييييين وحياااااااتهم عسل وبركه بعد وانت تقول في صغار وكبار للبنات خالك انت عااااااااادي اخطب الي تناسبك وحتى لو كانت الصغيره فهالامور مافي كسر خواطر بالعكس كل الاباء يدورون لبناتهم الستر << انت استخير والخيره فيما يختاره الله والله يووفقك دنيا واخره يارب تحيتي اختك الهم |
اخوي انا بقولك انت تقدر تاخذ غير بنات خالك وانا اشوف هذا الكلام احسن
تدري ليه لانه احنا عندنا في عايلتنا يصير كذا وااايد بس في الاخير حته لو الرجال تزوج قريبته وهي عنده مثل اخته اكيد راح يعزها بس عمرها ماراح يحبها وانت شكلك رافض هاي الفكرة فالاتظلم حالك وتظلم بنت خالك وثاني شي بخصوص السؤال الثاني انا طبعا طبعا ضد زواج الاقارب وبشده لانه انا عندي اهلي كله يتزوجون مع بعض كل شخص يصير لي اكثر من حاجه ( ولد خالتي وفي نفس الوقت زوج عمتي ) هاي مثال بس وثاني شي احنا كان هذا الزواج عادي ومنتشر وايد بس من تقريبن عشر سنين عمي رزقه الله ببنت وبعد فترة خمس شهور توفت ومحد عارف السبب وبعدين رزقه الله بولد وكان مريض يوم راحوا الخارج يتعالجون قالوا لهم زوجتمك تقربلك قال اي يوم سوااا تحاليل اكتشفوا انه مرض وراثي في العايله ويسبب مو ت الاطفال بعد خمس شهور من ولادتهم وبعدين عرفنا شنو سبب موت بنت عمي وهذي مش الحاله الوحيده الي في العايله في تقريبن حالتين او ثلاث بعد والي راح ضحيتها سته اطفال انا اشوف ليش نعذب حالنا ونعذب هاي الاطفال المساكين وليش مايصير في فحص قبل الزواج مع انه موجود بس للاسف محد يطبقه ولا حد يقدر يكتشف هاي الاشياء الا بعد مايجيون الاطفال الي صدق يتعذبون في المستشفى للعلم انا ولد عمي الحمد لله لازال عايش بسبب اكتشاف علاج في الخارج بس هذا العلاج مش اكيد يعني ولد عمي واطفال ثانين قاعدين يسون عليهم تجربه هذا الدواء انا حبيت اقولك هذي القصه لانه حته لو اقتنعت بس اخوي لاتتهاون ابدا بالفحص قبل الزواج وبالذات للامراض الوراثيه لانه فيه الاخير راح تندم لما تشوف عيالك شقد راح يتعذبون وانت استخير وشوف والله يوفقك ان شاء الله |
اخوي اوعى تورط نفسك و انت ما مرتاح
انا اعرف واحد اهله جبرو على الزواج من بنت خالته و هوه ما كان مرتاح نفسيا بس اهله جبرو ا تصدق انه ليلة العرس ظل يتقيأ و من بعد اسبوع ترك البيت و قال لو تنطبق الدنيا علا الارض ما ارغب فيها و اصلا مو مرتاح مع ان البنت جميله و شريفه و ما فيها اي عيب بس المسأله انو هو ما كان مرتاح و طلقها من بعد مشاكل كثيره دامت لمده سنتين و طول هلمده بقه معاها اسبوع واحد بس وهو كثيرر طيب و حنون و ما كان احد متوقع انه يسوي كذا بس نفسيته ما كانت متقبله الموضوع فلا تورط نفسك اذا ما مرتاح نصيحه لوجه الله |
مرحبا اخوي
انا مثلك ياخوى ماني شايف لى بنات اقاربي شعور ان وحده تكون زوجه لى مو من شي مثل ماقلت اعتبرهم مثل خواتي واذا راتبك 3000 ريال ياخي توكل على الله ترى كثير من البنات يبون الستر والله لا تنتظر ابد انت كلم امك وقلها انتى تشوفي لى بنت الحلال والباقي على ربك واصلح نفسك انت تصبح لك امورك وادع ربك وتزين امورك وشف البنت لى تكون زوجتك وربنا يوفقنا وياك |
اخوي بنات خالك عمرهم مايصيرون اخوات ابدا لان الاخوة ليست احساس
انما نسب او رضاع وهن بنات خالك شئت ام ابيت لكن اللي بقوله لك وباختصار خلك انسان واقعي اذا انت ترى انهن كفؤ لك كزوجات لا تررد ابدا والقريبة بصراحة غالبا ماتكون متعاونة في امور الزواج مثل ماقالت امك توكل على الله وفكر وفكر وفكر زين قبل لا تتخذ القرار |
اذا انته مب مرتاح من بنات خالك وما اتفكر في يوم من الايام وحده منهم اتصير زوجتك.. فلا اتجازف وتتزوج منهم.. والله يوفقك.. |
انصحك اخي ماتقدم على شي الي عن اقتناع تام واستخارة والله يوفقك
|
اقتباس:
8 8 8 نعم سبحان الله .. عندما تعرف الأب وصفاته .. وتعرف الأم وصفاتها وطريقة تعاملهم مع أبنائهم .. تعرف صفات الأبناء والبنات .. وعندما تكون أختك أو أمك مقربة للبنت التي تكون بنت خالك أو بنت عمك ..سوف تلاحظ صفاتها الداخلية وحسن أخلاقها أو سوءها وأسرارها وعلاقاتها اذا وجدت .. تحياتي |
اقتباس:
عزيزي فهد مانبغى نخرج عن الموضوع ولكن من وجهة نظري كلامك مو صحيح مية في المية ... لانه ممكن الاهل يكونوا محترمين ولكن الاولاد لا ....... فالهداية من عند ربنا ... فلاتحكم على الناس من خارجهم ... :25: والا ايش رايكم ؟؟ |
اهم شي القنااااااااااااااااااعه في كل شي وفي كل قرار يتخذه الانسان في حياته بغض النظر عن المجاملات ومراعاة بشخص او قرابه او انك بتحصل على تخفيض ومساعده في زواجك.......اذا اخذت بنت خالك ولا بنت عمك ولالالالالالالا عيب لا زم تسترها!!!!!!!................. الزواج بالذات اذا ما كان برضا الطرفين ورغبه مشتركة في العيش وقبول كل منهما للآخر ........وان يكون سكنا له.....يصبح جحيما وشكاوي وصراع من اجل البقاء......
من وجهة نظري ....عزيزي لا تتخذ قرار في حياتك وانت مجبر عليه وخاصة الزواج! عزيزي فهد المحتااااااار ....بكلامك ظلمت الكثير من البنات المحترمات ولسن قله كما ذكرت ....لأن البنات المسلمات القانتات والعابدات والحمدالله في بيت كل مسلم .......ولا يجوز ان تعمم القاعده اذا كنت قد قرأت أو سمعت ن قصص لبنات غير محترمات .......وخاصة ان مفهوم المحترمات من وجهة نظرك لا اعرفه! ولا اعتقد ان البنت المحترمة تكون فقط خارج اطار العائلة .....وبنت العائلة والقرابه ما عليهاااااا كلام......صدقني ان الله يعلم الانسانه التقيه من غيرها .......ولا يمكن ان نحكم على انسان بأنه غير محترم اوغير اخلاقي من ما اسمعه او اشاهده واعمم القاعده!........ |
بشكل عااااااااااااااام انسانة انت مو مرتاح لفكرة الارتباط منها لا ترتبط بيها سواء كان قريبه لك او انسانة ماتعرفها مابينك وبينها قرابة
وبصراحة راي امك مو غلط بس كمان مو صح مية بالمية فيه بنات يدورون الستر والعفاف والرجل الصالح ونظرات البنات مختلفة واهتمامتهم كمان مختلفة وانا اقولك اتوكل على الله ودور بنت الحلال والي من نصيبك راح تاخذها والزواج اولا واخيرا رضا وقناعة ارجع اكرر لاترتبط بانسانة انت مو مرتاح لها والله يوفقك ونسمع عنك اخبار طيب قريب وان شاء الله بنبارك لك والله يعينك انت وجميع الشباب على هذه الدنيا الصعبة |
نصيحه مجربه
ابتعد عن زواج الاقارب قد ما تقدر |
الله يوفقك اخوي وييسر أمورك
انا حاسة فيك اخوي لاني كنت مثلك ما اتخيل اني اتزوج احد من اولاد عمي او خوالي لاني من يوم عرفت نفسي ما اعتبرهم الا إخوان وما تخيلت نفسي زوجة لاحد منهم بتاتاً مع العلم ان احد اولاد خالتي كان يرغب بالزواج مني والله اني استخرت كم مره وفكرت لين عورني راسي عجزت اتقبله وقلت ما يصير اني اوافق علشان مايزعلون واظلمه معي باقي عمره صحيح انهم زعلوا وسوو لي سالفه بس الحمدلله تزوج وربي سمح له امره وانا ان شاء الله زواجي بعد كم اسبوع والله يكتب اللي فيه الخير ربي رزقني بالرجل والحمدلله والله ان راتبه قليل وباعيش مع اهله وانا راضيه ومقتنعه فيه ولا تحسفت على شي واحمد ربي واشكره عارفه اني كثرت الحكي بس في مسائل الزواج القرار لك انت هذي حياتك انت صحيح ان الوالده تبي مصلحة ولدها لكن ما تدري وين الخيره فيه والله اعرف وحده غصبت ولدها ياخذ بنت اختها وفعلا سمع كلامها والحين البنت مهبله بخالتها وذالتها والله المستعان الله يكتب لك اللي فيه الخير ويسمح لك دربك وبنات الحلال كثير والله يرزقك وآآآآآآآآآآآآآآآسفه على اللإطاله :) :) |
ياحبيبنا صلى الإستخاره فهي الحل
وانا ماني معا مقوله الأقارب عقارب أصابع يدك مهي سوى |
الله يجزاكم الف خير
والله يعطيكم العافيه وجميع اللي ردو علي ماراح انسى لكم هالوقفه انا اقتنعت بأغلب أراكم وبنات خالي مو مرتاح لهن نفسياً وانا مابي زواج مدته سنه والا سنتين انا ابي زواج ماينهييه الا الموووووت وبنات خالي احترمهن واقدرهن والله اني ادعي لهن دايم بالستررررررر وهذا آخر كلام قلته لا أمي يارب اتزوج بنت الحلال اللي ترضى بظروفي واهم شي مايطلبون مني مهر فوق 30 قولوا آميييييييييين |
اقتباس:
والله معك حق المشكله بنات خالي اعتبرهن خواتي والناس الثانيه اكيد بيطلبون مني مهر فوق 50 يعني الحظ مسكر من كل جهه الله يعين بس الله يوفقك اختي ويجعل حياتك كلها سعاده ومشكوره على نصيحتك |
اقتباس:
يا أختي انا ماقلت الفقر عيب بالعكس الفقر ماهو عيب والدنيا متاع بعدين انا ولله الحمد حالتنا الماديه ممتازه بيت ملك وساكن مع اهلي وموظف وراتبي قدي وزياده صح انه ماينفع بالوقت هذا بس الراحه النفسيه اهم شي وانا انسان قنووووووووووووع مره والفلوس ماتهمني أدري ان فيه بنات مقتنعين ويدورن الستر بس تدرين وش مشكلتي .. الحقيقه أنتم تقولون دور لك على بنت الحلال واغلب اراكم تقول ان البنات يدورن الستر طيب اذا رحت خطبت وافقو واذا سألنا على المهر واطلبو 50 والا 60 وش اقول ؟؟ ان قلت ايه بيروح كل راتبي ديوووووووووووون واقساط وان قلت لا بينقص من قدري .. وهذا اللي مخوفني ومخليني متردددددددددددددددددددددددددد مره أبي رأيكم الله يجزاكم الف خير |
فيه بنات كثير راح تقبل بيك .بس أهم شيء الصبر والتروي في البحث
وبعدين أنت تريد العفاف وربي راح يكفلك ..لكن أخي حاول تمسك قرشك .. لأن الدنيا تحتاج ..والواحد مايضمن الحال ..والحمد لله على كل حال أما الأقارب لا تقارب فهم كالعقارب.....طبعا إلا من رحم ربي وافضل لك من الأمراض الوراثية وفقك الله ورعاك ..لا تعلن العزوبية بل أعلن البحث عن الفتاة الصالحة يوفقك رب العباد.. |
استخير واقطع الأمر باليقين
|
| الساعة الآن 08:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©