|
رجعنا من مصر ونبي نروح دبي :)
السلام عليكم ياهلا فيكم
رجعنا من مصر واستانسنا ولله الحمدوالحين نبي نروح دبي ابي كل شي عنها: مجمعات فنادق اسواق شعبية ملاهي ومنتزهات مطاعم وكل شي مهم ويونسنا :) لاهنتم:25: |
يا نيالكم خدوني معاكم
|
الله يعينكم ويعظم اجركم
مااوجعتكم روسكم ياربيييييييييييييييييييييييييييييييييه |
مجمعات....
في سيتي سينتر....البرجمان... الملاهي ونتزهات في الوندر لاند القريه التراثيه منتزه الصفا والمزار......(اذا ماخانتني الاسماء) فيها اماااااااااااااااكن وايد......بس ناسيتها... وياريت تقولين لنا عن اماكن التمشيه بمصر والفنادق.......؟ |
آشلي حياك الله معنا :)
امي h اذكري الله وقولي لا اله الا الله :( نور 22 مشكورة سكنا بمصر بالانتر كوننتال وكان حلو وهادي جو مصر حلو وكان مطل ع النيل يعني منظر جميل جدا عندهم جمع سيتي ستارز هذا اكبر واحد عندهم بمدينه نصر وفيه بعد جنينة موول وسوق الحسين عندهم القريةالفرعونية وملاهي دريم لاند ومجك لاند والاهرارمات بس لازم الواحد يروح لها بدري لانها تسكر الساعة 4 عندهم سفن ثابتة ومتحركة وفيها عدة مطاعم واممممممممم فيه حديقة الازهر منتزه حلو وفيه مطعم وكافيه ع التل :) |
لا اله الا الله
لا اله الا الله لا اله الا الله ذكره اعظم من الدنيا وما فيها وجزاك الله خيرا على تذكيري |
^
^ شكرا حبيبتي اجمعين :) |
هلا حياج اختي بدبي ان شاءلله تستانسين فيها وبعطيج كل الاماكن الحلوه اللى فيها سجليها كلها..
طبعا الحين صيف واهم شي المراكز ودبي كلها مراكز تجاريه مثل مول الامارات وابن بطوطه وسيتي سنتر وبرجمان ووافي والغرير وحمر عين ولاتنسين شارع المرقبات والرقه فيه مطاعم ومحلات سوق ........ عندج الحدائق المائيه لاتفوتج حديقة وايلد وادي من احسن الحدائق المائيه بدبي شي فظيع بتستانسون فيها وبعد حديقة وندر لاند وعندك مراكز تجاريه صغيره وحلوه في منطقة جميرا بدبي اللى عالبحر عند برج العرب عندج بعدقرية التراث والعبره تطل على عبره مثل بحيره صغيره وقريه تراثيه حلوه فيها مطاعم ومنظرها جدا جميل .........شي بعد حديقه الخور ومطعم البوم هذا مطعم بسفينه واذا كان زوجك يحب الزوارق في بلخور زوارق البحريه .......وايضا مركز مركاتو اللى بمنطقه جميرا مبني على نمط ايطالي مركز راقي وجميل جدا وهادي......... اذا تبين فنادق حلوه مثل شانغريلا وفندق جميرا بيتش وحياة الرجنسي الجديد روتانا بلازا والمئات من الفنادق الحلوه والجميله بدبي ......... هذي تقريبا احلى المناطق بدبي ........ ولاتنسين تروحين العين منطقه جميله وجوها احسن بكثير من دبي وفيها عيون مائيه طبيعيه اسمها العين الفايضه وجبل حفيت باعلاه فندق جميل جدا ممكن تقعدون يوم او يومين هناك.. شي بعد مدينة الشارقه مدينة جميله وثقافيه فيها متاحف كثيره واسواق وبحيرة خالد بحيره اصطناعيه وكورنيش جميل مره ....... والسوق الاسلامي المركزي ..... هذي تقريبا افضل الاماكن الموجوده وغيرها طبعا اماكن حلوه يوم تجون تكتشوفنها ان شاءلله واتمنالكم رحله سعيده وحلوه بالامارات ..... |
^
^ يعطيك العافية ماقصرت انا طبعت ردك كله بس ممكن تعطيني موقع شنغريلا علشان بنشوف اسعارهم :) |
وياليت موقع الفندق اللي بستي سنتر
|
خدوني معاكم الله يخليكم
|
^
^ حياك الله هه |
موقع سنغريلا الله يسلمج في شارع الشيخ زايد بس عن الاسعار ماعرف صراحة.. وحيااكم الله في دبي ^^.. |
|
الاخ ضاحى ما قصر بس الاسعار فى دبى غاااااااااالية .......... انتبهوا
|
ماقصرتووووووووووو
بس ياليت تعطوني موقع شانغريلا ( الموقع الاكتروني ) |
سما123
انا موجود عندي موقع شنغريلا بس يمنع نشر مواقع في المنتدى |
طيب ممكن ترسله لي رساله خاصة ؟
|
أنصحكم بفندق قراند حياة حلوووووووووووووووووووووووو جدا وكبير ومن احدث الفنادق في دبي
وبالتوفيق......................................... ........................................ اخوكم الطبـــــــــــــــــــــــــــــيــــــــــــــــ ـــب |
سما123
حاولت ولكن ليس لدي الصلاحية في ارسال رسالة خاصة لكن تقدرين تعملين بحث عن الموقع باسم shangri-la dubai |
| الساعة الآن 09:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©