|
اطباقنا اليومية
:17: يابنات اية رايكم نعمل الملف دا عن اطباق كل بنت من البنات فى اليوم يعنى كل واحدة تكتب وصفة الطبق اللى عملتة اليوم والكل يستفاد وكمان نكون عرفنا وصفة مضمونة وانا حابدا بالطبق اللى عملتة اليوم
|
انا عملت اليوم لازانيامش قادرة اقولكم قد اية كانت لذييذة
بصراحة انا اخذت الفكرة من الاخت العزيزة ريما واضفت ليها لمساتى شوفو يابنات المقادير والطريقة: [COLOR="DarkOrange"]لازانيا اللحم[/COLOR] _سلقت 10 شرائح من المكرونة لزانيا _وعملت الحشوة اللى كانت عبارة عن الاتى جبت علبة ماشروم مقطع عبوة صغيرة ،وشوحتة فى قليل من الزيت مع حبة بصل مقطع صغير وفصين توم ثم اضفت عليهم حبة فلفل رومى مقطع صغير وحبة طماطم مقشرة ومقطعة ايضا صغير وضعت عليهم قليل من الماء مع البهارات (كمون _فلفل اسود_ملح _كارى)القليل من كلا منهم وتركتهم شوى ليستووا ثم اضفت عليهم حوالى نصف كيلوا و اقل منذلك قليلا لحم مفروم لانى كنت عاملة صينية متوسطة كنت مشوحاة لوحدة برة قليلا تركت الجميع قليلا على نار هادئة ليستوا ثم اضفت حوالى معلقة ونص من معجون الطماطم وتركتهم حتى جف الماء وكمان ضفت عليهم حبة جبنة كيرى واللة طلعت لذيذة _بعد كدة حضرت الباشميل الطريقة المعروفة فى التحضير اضفت على البشاميل نص كوب من الكريمة المخفوقة (كريمة لبانى)بعد ما رفعتة من على النار وقلبتة معاهم _احضرت صينية ودهنتها ووضعت 3 شرائح من المكرونة تحت ،ثم وزعت الحشوة ،ثم معلقتين من البشاميل ،ثم 3 شرائح اخرى والحشوة والبشاميل ثم 4 شرائح اخيرة وباقى الحشوة وباقى البشاميل المخلوط بالكريمة ،وطبعا بين كل طبقة رشيت موزاريلا ،وايضا رشيت الجبنة الموزاريلا على الوجة _وضعت الصينية بالفرن من تحت قليلا ثم اشعلت الشواية لتاخذ اللون الحلو اللى كان سببة الكريمة وايضا الجبنة ومش حاقولكم عالنتيجة رهيببة ياريت لو كنت اقدر اصورهالكم بس لواحد جرب الطريقة دى يقولى راية يلا منتظرين اطباقكم |
عزيزتى روان موضوع جميل ياريت الكل يشارك
انا النهاردة جايبة سمك مشوى من برة وحاعمل معاة رزبلجمبرى والكارى طريقتة معروفة كمان سلطة خضراء وسلطة طحينة ومفيش حلو لاننا خارجين بعد الغداء وحانسهر برة عند ناس معارف ام بيسان:22: :22: |
مشكورة ام بيسان غلى مرورك ومشاركتك وبالعافية ان شاء الله
|
فينكم يابنات ولا احد تانى شارك اية مابتطبخوا ولا اية
عالعموم انا حأقولكم عملت اية اليوم عملت اكلة عملتها الاسبوع اللى فات وكانت لذيذة فقررت انى اعيدها وهى مشاوى دجاج ولحم اولا جبت فرخة متوسطة الحجم ومخلية وقطعتها صغير وتبلتها وطبعا مع الجوانح كمان التتبيلة حبة بصل وفصين توم كبير مفرومين ناعم ،حبة فلفل اخضر مقطع صغير اومفروم ،بشر معلقة من قشر البرتقال يخلط الجميع ثم نضيف الاتى نص كوب زبادى مع معلقة كبيرة خل او ليمون انا استخدمت الخل وربع كوب عصيربرتقال وملح وفلفل وكارى وبابريكا _يتبل قطع الدجاج فيها من الليل فى الثلاجة لليوم الثانى لما تطبخيها _فى اليوم الثانى هاتى عيدان الخشب المخصصة للشيش طاووق ،والئيها اولا بقطع من الطماطم ثم من البصل ثم والفلفل الرومى ثم قطعة من الدجاج وهكذا مع تبادل وضع القطع من البصل والفلفل الرومى والطماطم ويمكن انك تضيفى الفطر _رصى العيدان غى صينية الفرن وغطيها بالقصدير وادخليها الفرن وبعد السواء انزعى القصدير وحمرى الوجة تحت الشواية وانا وضعت فى منتصف الصينية قطعة من الفحم المشتعل من قبل وعلية قطرات منالزيت وغطية قليلا لذييذ _بالنسبة للحم _احضرى نص كيلو لحم مفروم وتبليهم ببصلة مبشورة مصفاة من الماء وملح وفلفل وبهارات لمدة نص ساعة فقط وممكن ماتتركيها خالص تسويها مباشرة _هاتى 2 عصا من الخشب بجانب بعض وقومى بتشكيل الكفتة عليهم بطول العودين وهكذا حتى تنتهى من الكمية _ضعيهم فى صينية اخرى مدهونة بقليل من الزيت دون غطاء ثم اقلبيهم على الوجة الاخر حتى يتم التسوية واعملى نفس عملية الفحم السابقة _قدمى الشيش طاووق والكفتة علة فرش من البقدونس وحلقات الليمون والبصل بالسماق ،وحلقات الطماطم _انا عملت جنبهم سلطة باذنجان وطحينة وطبعا مخلل الخيار وبالهنا |
بسم الله الرحمن الرحيم اختي الكريمة روان علي .... فكرة ظريفة لكي يستفيد الجميع بالاكلات المجربة و المضمونة انا عملت النهاردة بيتزا باللحم المفروم http://www.66n.com/pics/hosted/v049a...7nij8obglw.jpg انا باشتري العجينة من مخبز العيش ... بتكون عجينة بيتزا جاهزة مجرد ما اشتريها و اذهب المنزل بتكون خمرت :23: :23: تجهيز الصلصة في حلة بصلة مفرية و عليها الثوم مفري و تحمر حتي الاصفرار ثم اضيف عليها طماطم مضروبة في الخلاط بدون قشر .... http://www.66n.com/pics/hosted/fovps...fmsw69mg88.jpg و نضع مكعب مرقة دجاج بلدي و مكعب ثوم و مكعب توابل عربية و شوية سكر ابيض و اتركها تتسبك.... ثم اضيف عليها 1 م/ك صلصة طماطم و اضيف فلفل اسود و اوريجانو و بهارات و قرفة و تقلب و تكون جاهزة المحتويات لحم مفرم معصج + طماطم مكعبات بدون بذر + فلفل اخضر مكعبات بارد + فلفل اخضر حامي حلقات + زيتون اسود مخلي مقطع + زيتون اخضر مخلي مقطع + ماشروم مشوح في زبدة و عليه ملح و فلفل + جبنة رومي مبشورة + جبن مودزريلا+ اورجانو التجهز 1- نحضر صنيه تدهن زيت و من الجوانب 2- تفرد العجينة بالنشابة علي سطح مرشوش دقيق و تكون ( بان) http://www.66n.com/pics/hosted/n8xsh...c6p8k3xzyq.jpg و تفرد داخل الصنية http://www.66n.com/pics/hosted/wf5p6...xl66a7rqht.jpg 3- يضاف عليها الصلصة و نغطيها بدون الجوانب http://www.66n.com/pics/hosted/qvmd3...obvaaygnww.jpg 4- نضع اللحم المفروم و توزع جيدا 5- نضع الطماطم القطع ثم الفلفل الالوان ثم الزيتون الاخضر و الاسود ثم الماشروم ثم الجبنة الرومي ثم نرش كمية من الاوريجانو تغطي السطح 6- تدخل فرن ساخن في الرف الوسط و تترك حوالي 45 ق تقريبا في الفرن قبل ما تخرج من الفرن ب 10 ق نرش كمية كبيرة من الجبن المودزريلا و نرش عليها قطرات من الماء و تدخل الفرن و تقدم بالهنا و الشفا عليا :25: :25: و عليكم :15: :15: http://www.66n.com/pics/hosted/vhafr...g0wyuj3nrn.jpg طبعا انا بحبها جدا :d :d :d و بنفس الطريقة بضيف تونة بس بيكون عليها بصل شرائح معصور عليه ليمون .....او بسطرمة او خضار مشوح و ان شاء الله تعجبكم :22: :22: ارق التحيات مستكة_مستكة |
انا اليوم عملت رولات الباذنجان هي الطريقة جبتها من موقع اجنبي وترجمتها وجربتها وطلعت روعة بس ما صورتها عشان مصورة خطوة خطوة من الشيف
نحتاج الى 4 او 5 باذنجان حسب طبختك كوب كبير بقسماط زيت زيتون بصلة مفرومة صغير جبنة مبشورة ملعقة من ورق الاوريجانو مفروم صغير ملح وبهار 2 بندورة مفروم بالخلاط او بالمكينة الكهربائية بس يكون ناعم 2 بيض مسلوق مفروم قطع بالطول الطريقة قطعي الباذنجان الى شرائح متل الصورة http://www.annamariavolpi.com/involt...elanzane02.jpg ضعي القليل من الزيت في قلاة عميقة واقلي الباذنجان شوي حتى يلين شوفي شكله ولونه كيف بالصورة http://www.annamariavolpi.com/involt...elanzane03.jpg بعد الانتهاء من القلي ضعيه على ورق المطبخ حتى يتشرب الزيت http://www.annamariavolpi.com/involt...elanzane04.jpg ضعي نصف كمية البقسماط بمقلاة وحمريهم مع ملعقة زيت حتى يصبح لونه ذهبي http://www.annamariavolpi.com/_wp_ge...wpb678818d.jpg بمقلاة تانية ضعي ثلاثة ملاعق زيت واقلي فيها البصل حتى يذبل لا تخليه يحمر http://www.annamariavolpi.com/involt...elanzane05.jpg بعدما يذبل البصل ضعي البقسماط فوقه وقلبي جيدا وارفعيهم عن النار http://www.annamariavolpi.com/involt...elanzane07.jpg ثم اضيفي الجبنة والاوريجانو والبهار واخلطيهم http://www.annamariavolpi.com/involt...elanzane08.jpg اشعلي الفرن على 190 درجة واتركيه يحمى وجيبي صينية بايركس ضعي فيها ملعقة زيت ورشي عليها قليلا من البقسماط المتبقي وهذا يمنع الباذنجان من يلزق بالصينية http://www.annamariavolpi.com/involt...elanzane09.jpg ضعي الباذنجان على لوح او صحن كبير وابداي بحشيها بالحشوة اللي عملناها بصل وبقسماط ضعي بكل شريحة ملعقة صغيرة http://www.annamariavolpi.com/involt...elanzane10.jpg ضعي فوق كل وحدة قطعة بيض http://www.annamariavolpi.com/involt...elanzane11.jpg وضعي ملعقة صغيرة من خليط البندورة المفرومة ناعم http://www.annamariavolpi.com/involt...elanzane12.jpg اغلقي الباذنجان واعمليها متل الرول http://www.annamariavolpi.com/involt...elanzane13.jpg صفيها بصينية الفرن http://www.annamariavolpi.com/involt...elanzane14.jpg ضعي ما تبقى من البندورة والبقسماط واسكبي قليلا من الزيت فوق الشرائح وضعيها بالفرن حوالي 20 دقيقة http://www.annamariavolpi.com/involt...elanzane15.jpg ثم اخرجيها وقدميها ساخنة وبالهنا http://www.annamariavolpi.com/_wp_ge...wp6b71378c.jpg لا تستهونو بهالطبق تراه فعلا لذيذ وعن تجربة جربوه وما بتندمو |
صباح الخير يا حلوين
فكرتك حلوة يا روان و باتنجان ريوم كمان حلو :) انا اليوم عملت بطاطا( بطاطس) محشية باللحم المفروم و معها ارز بالخلطة طريقة البطاطا طبعا تنقوها صغيرة و دائرية الشكل تقشر و تحفروها جيدا ( تقوروها) تقلى لحم مفروم بالبصل فى قطعة سمن على النار و يتبل و يبهر تحشى البطاطا باللحم المفروم ترص فى بايركس و ما تنسوا اللى طلع من البطاطا فى الحفر تفردوة فى كعب البايركس و ممكن تخلطوة مع بصل مقطع صغير ثم تصبى صلصة طماطم و تدخلوها الفرن لحد ما تتسبك اما الارز يتغسل و يتصفلى و يتحمر فى سمن ثم نضيف علية مرقة لحد ما يستوى ثم نضع علية كبد ة دجاج مسلوقة و محمرة و نزينة باللوز و الصنوبر و الزبيب بعد تحميرهم عالنار و بس و على فكرة انا عندى طريقة تاية للرز احلى بس اليوم عملت دى و سامحونى لانى كسولة فى مسألة التصوير |
جزاكم الله خير عتلى الوصفات الرائعه
لكن للاسف انا ما اطبخ هالايام لان راسي متعبني حاسه بخمول شديد فيه ادعوا لي ربي يشفيني حتى اطبخ واصور لكم وجزيتم خيرا |
سلمت ايداكم وشكل صينية الباذنجان رايحه تكون روعه
|
موضوع حلو حبيبتي روان يثبت ليلقى التفاعل
|
موضوع رائع .. :22: تسلمي يا " روان على " على هذي الفكرة المفيد .. لي عوده بإذن الله ..:cool: |
تسلميلى ريما ياريت والله عشان الكل يستفاد ونعطى افكار للبنات ممكن يتعمل اية كل يوم
|
اقتباس:
|
حاقولكم انا عملت اية اليوم عملت اكلة سهلة ولذيذة فى نفس الوقت
[COLOR="Blue"]ساندوتشات[/COLOR] (الكبدة الاسكندرانى) _انا جبت نصف كيلوا كبدة غنم وممكن تجيبى بقرى بس انا جبت غنم وطبعا على حسب عددكم تزويدى كمية الكبدة _وقطعت عليهم 2حبة فلفل رومى اخضرواصفرشرائح رفيعة مثل شرائح الكبدة _وحبة بصلة كبيرة شرائح ايضا اوحلقات يعنى _3 فصوص ثوم مفروم ،وملح وفلفل وليمونة صغيرة _تبلتهم مع بعض ومع الكبدة وعصير الليمونة لمدة نص ساعة _وضعتهم على نار هادئة وغطي القدر وهما حينزلوا ماية تسويهم ولو حبيتى بعدمايشرب الماية تضيفى القليل عادى بس ما يكون كتير _المهم بعد ماستويت عندى وشربت الماية وضعت فى قدراخراوقلاية معلقة زبدة ووضعت الكبدة عليهم وشوحتها قليلا _رفعتها من عالنار وجبت خبز لبنانى وممكن تستخدمى خبز عربى خفيف انا استخدمت لبنانى وخبز صامولىاو(فينو)للمصريين _فى الخبز الفينواوالصامولى وضعت اولا حلقات رفيعة من الطماطم(البندورة)وحلقات فلفل اخضر رفيعةوبعدين وضعت عليهم الكبدة وورق نعناع ولو ماحبيتى بلاش _فى الخبز اللبنانى نفس الطريقة بس لفيته ووضعتة فى صينية وفى الفرن قليلا _وقليت بجانبهم بطاطس اصابع ،وسلطة ،وحلقات من الطماطم والفلفل الاخضرالحلو وبالهنا |
تسلم ايدك يا رنرون بس الكبدة الاسكندرانى بدون بصل
لى عودة مع طريقة الكبدة الاسكنرانى كما تصنع فى عربات الكبدة ........:) |
بسم الله الرحمن الرحيم طبق اليوم http://www.66n.com/pics/hosted/42l9z...8j8etq8re2.jpg المكونات فرخة صحيحة تزن 1.200 كيلو تقريبا بالجلد http://www.66n.com/pics/hosted/w906l...u3smfhkoe7.jpg + 4 م/ك زيت ذرة + 2 ليمونة كبيرة + ملح خشن + فلفل اسود مجروش + زعتر + اوريجانو + قرفة + حبة البركة الطريقة نحضر الفرخة و تكون مغسولة و نضعها في طبق نضع عليها الزيت و تدعك به من الداخل و الخارج و نعصر عليها الليمون و نرش عليها الملح الخشن و الفلف الاسود من الداخل و الخارج ثم نضع الزعتر ( انا بستخدمه دقة ... مضاف اليه سمسم ) و الاوريجانو و القرفة و حبه البركة و يرش عليها و من الداخل ثم نستخدم الصنية اللي بها عمود معدني ندخل فيها الفرخة و نضع في الصنية اللي تحتها ماء مضاف اليه شرائح ليمون + قرفة عيدان + حبهان + ورق لورا ( غار ) و تترك في الفرن180 درجة تقريبا ساعة و نصف الي ساعتين لضمان النضج http://www.66n.com/pics/hosted/h23o7...5xv2aibk9i.jpg و تقدم مع بطاطس محمرة و بالهنا و الشفا ارق التحيات مستكة _مستكة |
[QUOTE=maziouna]تسلم ايدك يا رنرون بس الكبدة الاسكندرانى بدون بصل
لى عودة مع طريقة الكبدة الاسكنرانى كما تصنع فى عربات الكبدة ........:)[/QU مشكورة حبيبتى على مروك وتسلميلى فعلا الكبدة الاسكندرانى بيكون فيها ثوم كتير وبدون بصل بس بصراحة الثوم الكتير بيكون له تاثير سلبى على المعدة عشان كدة باقلل منه على قدمااقدرواضيف حلقات البصل بتعطيها كمان طعم رائع ودا الطريقة اللى دايما باعمل بيها الكبدة وجربيها بالبصل وقليلى رايك مشكورة |
تسلم ايدك يامستكة طبق سهل جدا ولذيذ وكمان يفيد للى بيعمله رجيم لانه مابيدخل فية اى دهون تسلم ايدك مرة تانية
|
انا اليوم يابنات عملت [COLOR="Red"] كبسة اللحم[/COLOR]
الطريقة اخدتها من التلفزيون ومن تقريبا الاخت ام الجود _جبت حبة بصل صغيرةمفرومة ،حبة فلفل اخضر مقطع صغير ،و3فصوص ثوم مفروم _حمرتهم فى نص معلقة زبدة مع قليل من الزيت _بهرتهم بالفلفل الاسود والكمون والقرفة والقرنفل(المسمار)والهيل وورق اللورا _ثم وضعت عليهم حبة طماطم مقطعة صغير ثم معلقة صلصة طماطم _وضعت عليهم الماء اللازم لسلق اللحم _تركته حتى الغليان ثم قمت بوضع اللحم فى الماء المغلى حتى يتم سواه _وطبعا تضيفى الملح حسب الذوق _بعدتمام السوى توضع عليهم كوب ونصف من الارز الحبة الطويلة بعدما ينقع فى الماء لمدة نص ساعة واكثر _حتى يغلى الرز وتهدا النارعليه حتى يستوى _بعد ماستوى غرفته فى طبق التقديم ورشيت علية الصنوبر المحمص وممكن تستخدمى اللوز بع تقشيره وتحميصه وبالهنا |
الكبدة الاسكندرانى على طريقة ( الفلاح) <------- دا واحد بيقف بعربية كبدة
المقادير كبدة مقطعة شرائح رفيعة جدا كمية وفيرة من الثوم المطحون القليل من الفلفل الرومى مقطع شرحات رفيعة الخلطة: كمون ليمون ملح خل تخلط جميع المكونات مع استبعاد القلبل من الخلطة و تترك الكبدة لتتشرب الخلطة تحمر الكبدة فى كميةقليلة من الزيت و قبل النضج بدقائق يضاف باقى الخلطة تقدم مع بطاطس محمرة بالهنا و الشفا |
أنا اليوم عملت سمك بالطريقة التايلندية
كيلو سمك ويفضل أنه يكون هامور ملح طحين وصوص تايلدني بيكون بقارورة مثل الكاتشب ويكون سويت وتشيلي كمان زيت للقلي ثوم + بصل اخضر + حبة طماطم صغيرة قليل من الماء الطريقة : تنظفي السمك كويس وانتي براحتك تبغينه فيليه او يكون سمكه كاملة او مقطعه نصفين انا عملتها سمكه كاملة المهم نظفتها وملحتها وخليتها على جنب لمدة نصف ساعه ..... بعد كذا نجيب السمكة ونغسلها بالماء ونغمسها بالطحين ونكون جايبين مقلاة وحاطين فيها الزيت حتى يحمى عشان نقلي السمك ...... نقلي السمك وبعد ما يستوي نخليه على جنب ........ بعد كذا نجيب مقلاة ونضع فيها شوية زيت ونحمر البصل بس مجرد يتحول للون الذهبي الفاتح او لحد ما يذبل بس بعد كذا نحط الثوم والطماطم وماء تقريباً ربع كاس والصوص تحطي تقريبا نص كاس او اقل على حسب ما تحبي بس يعني ما تكون ثقيله مره ولا خفيفه .... تخليها تغلي غليتين بس .... تجيبي طبق التقديم وتحطي السمك وتصبي عليه الصوص وتزينيه بالليمون والبقدونس وتقدمينه بجانب طبق رز ابيض مسلوق ...... وبالهنا والشفاء وجربوها صدقوني ما راح تندموا ... أختكم زينة الحياه |
يا سلام يا طباخات ما شاء الله عليكم
كل طبخة احلى من التانية تسلم ايديكم والله يعطيكم العافية:22: :22: :22: |
طيب أعمل أية فى الأكل الجميل دة أنا كان مالى داخل لية هنا بس . عموما جزاكم الله خيراً ومش قادر أخرج بس على العموم راح أقول لزوجتى تعالى أتعلمى البيتزا بس ههة ههة هة هة هييييق والا راح أتعلم المطبخ من ريما ومستكة
باى |
تسلم ايدكم يابنات طبعا الكبدة بالطريقة دى بتكون كتير لذيذة
اما السمك فبجد سهل كتير ان شاء الله حاجرب الطريقة واقولكم تسلم ايدكم حبايبى |
انا اليوم عملت الكباب الهندي وهو كما يلي:
ناتي بالكفتة ونقسمها ثطع صغيرة، وكل قطعة نكورها مثل الكبة ونحشيها بقليل من اللوز المقطع والصنوبر ونغلقها ثم نضعها في صينية بالفرن حتى تحمر. ثم ناتي بالطماطم المقشرة والمقطعة شرائح وبصل شرائح وعلى النار حتى الاستواء ثم نضع عليها الكقتة وقليل من الماء ورب البندورة حسب الرغبة، وكاري وزعتر بري ( اوريجانو) ومكعبات ماجي ونتركها قليلا على النار ونضع عليها باقي اللوز والصنوبر وكاجو اذا وجد. نعمل بجانبها ارز ابيض، جدا لذيذة.......................اللي بتجربها تقولنا النتيجة. |
http://www.graaam.com/vb/uploaded1/welcome66.gif طبق اليوم مقادير الكفتة 1 كيلو لحم مفروم + ملح + فلفل اسود + 2 ك ارز ( يغسل و يترك ساعتين ليجف تماما من الماء ) + 3 حزمة بقدونس + 2 بصلة كبيرة + 4 فصوص ثوم كبيرة + 6 حزمة شبت الطريقة - في الكبة نضع الارز و يطحن و يوضع في طبق - تفرم البصل و الثوم و الملح و الفلفل في الكبة - تضاف البصلة علي اللحمة المفرومة و تقلب جيدا - يفرم الشبت و البقدونس في الكبة - في طبق كبيرة تخلط جميع المكونات - تفرم علي اجزاء في الكبة حتي تتجانس و تنعم - يكون لونها النهائي اخضر - تصبع الكفتة بقليل من الزيت ( في اليد ) و تحمر في الزيت الكمية ممكن تعمل 5 اكلات تقريبا او حسب عدد الاسرة تترك لتبرد و تحفظ في اكياس بلاستيك في الفريزر ..... التجهيز - في حلة نضع بصلة مفرية تحمر في قليل من الزيت و نضع عليها 2 فص ثوم مفري عليهم شوية فلفل اسود و تشوح - نضع عليهم عصير طماطم و مكعب مرقة خضار + شوية سكر و تترك لتتسبك ثم تضاف 1 م / ك صلصة طماطم و تقلب - نحضر عدد 2 حبة بطاطس تقشر و تقطع مكعبات و توضع علي التسبيكة و تترك علي النار حتي قرب النضج ب 10 ق ( اصولها البطاطس تحمر في الزيت لكن ... انا بحاول تكون الاكلة خفيفة :23: :23: ) - توضع الكفتة المحمرة علي البطاطس و تترك علي النار لمدة 10 ق و تقدم مع الارز و السلطة اتفضلوا معايا :d :d :d :d :d ارق التحيات مستكة_مستكة |
'اكلة لذيذة جدا ياندوش وسهلة تسلم ايدك ان شاء اللة بنقولك عالنتيجة
|
مستكة العزيزة تسلم ايدك انتى فعلا بتعمليها على اصولها مظبوطة بس لية السكر ضفتيها وعلى فكرة احنا بنعمل البطاطس زى ماقلتى بالظبط مابنحمرها الاول يعنى مظبوطة مية المية وعلى فكرة للبنات كلها بجد اكلة لذذذذذذذيذة كتير وماحتندموا لو جربتوها
|
انا بقى عملت اليوم قلقاس باللحم
على فكرة الاكلة دى ممكن يكون يتعمل فيها كفتة الاخت مستكة بدل البطاطس وكمان بتكون كتيييرحلوةبس انا عملتها بالطريقة دى _حمرت حبة بصلة مفرومة شوحتها يعنىثم شوحت معها قطع اللحم البتلو قليلا مع اضافة افلفل الاسود والملح فى الاخر _ثم وضعت عليها صلصة الطماطم زى ماتحبى خفيفة اوتقيلة انا وضعت نص علبة صلصة الطماطم ندى الكرتون _بعدين اضفت المايةعليها عشان اللحمة تتسلق _طبعا كنت مقشرة القلقاسة متوسطة الحجم ومقطعها مكعبات صغيرة وغسلها _بع ماتستوى اللحم اضيف القلقاس واخفض النار واغطى القدرباحكام حتى يتم سواها اللحم والقلقاس _ثم احضرت حوالى 3فصوص ثوم مفروم وحمرتهم فى القليل من الزبدة مع اضافة نص معلقة صغيرة كسبرة ناشفة وفى الاخر اضيف عليها بقدونس مفروم ناعم حتى يذبل قليلا _ثم نضيف الكل على القلقاس مرة واحدة واغطى القدرمباشرة ونتركها على نار هادئة لمدة 3 دقائق ونغلق النار _ونعمل بجانبها رز مصرى بالشعرية وبالهنا والشفا |
اقتباس:
بسم الله الرحمن الرحيم حبيبتي روان مشكورة علي الموضوع الجميل بالنسبة للسكر اعتدت اضيفه علي اي نوع صلصة ...... اخدتها من الشيف اسامة السيد .. بتفرق في طعم الطماطم ( غلبا بعد ما تتسبك بتكون لازعة شوية ) السكر بيظبتها جربي 1/2 م /ص سكر علي اي تسبيكه عند وضع عصير الطماطم تحياتي ... مستكة_مستكة |
تسلمى عزيزتى مستكة عالمعلومة وان شاء الله باجربه شوفى دا ميزة الموضوع ان كل بنت بتقول وصفة ومعلومة يمكن ما يكون الباقى يعرفها
مشكورة |
سامحوني عالتاخير يا غاليات
حبيباتي انا عملت دجاج مشوي ان شاء الله يعجبكم تحتاجين ل 8 قطع دجاج افخاذ بدون عظم وافخاذ بعظم متل ما بتحبي ملح بهار نص كوب باربكيو صوص اشعلي grill ورشي ملح وبهار على ادجاج واشويهم لمدة عشر دقائق لا تنسي تقلبيهم بهالوقت عالوجهين http://www.recipetips.com/images/glossary/g/grill.jpg بعد العشر دقائق ادهني الدجاج بباربكيو صوص واشويه عالجنبين حتى يستوي وقدميه ساخن مع السلطة ويم يم وبلهنا والعافية http://www.recipetips.com/images/rec...thighs_big.jpg |
تسلم ايدك يا مستوكة
انا كان نفسى موت اعرف طريقتها ماما الله يرحمها كانت بتعملها |
اقتباس:
بسم الله الرحمن الرحيم الحمد الله انك اخيرا وصلتي لوصفتها اعمليها و اي استفسار تحت امرك .... للوصول الي افضل النتائج ... - يطحن الازر جيدا - تفرم الكفتة جيدا بعد خلطها ( زمان كانوا بيدقوها في الهون ) - ممكن تقليل كمية الارز الي كوب و نصف .. سيكون افضل ( زيادة الارز بتجعلها تنفش ) - تضاف الكفته علي البطاطس قبل التقديم مباشرة ... الكفته مش بتاخد وقت علي النار لانها مستوية و احنا تحت الامر دائما ارق التحيات مستكة_مستكة |
تسلم ايدك ياريما بجدشكل الدجاج مش طبيعى لدرجة انى بافكر اقوم اعمل دجاج مشوى بالرغم انى لسة متغدية طريقة كتير سهلة تسلم ايدك
|
النهاردة حاجة سريعة فراخ بانية واسباجتى بلسوسيس وسلطة واكيد بطاطس شيبس
طبعا تبلت صدور الفراخ ب بصل+ليمون+م صويا صوص +بهارات+ملح+فلفل اسمر+قرفة+بيضة تتبل الفراخ لمدة 3 الى 4 ساعات ثم توضع فى خلطة كورن فلكس+دقيق بقسماط ثم تقلى فى الزيت الغزير الاسباجتى تسلق طبعا نقلى بصلة فى الزيت حتى تصفر ثم يوضع عليها السوسيس ويقلب جيدا ثم نضع علية الطماطم المقطعة صغير والفلفل الرومى المقطع ممكن شمبنيون ايضا ومعلقة كبيرة صلصة طماطم وشوية ماء وطبعا بهارات وملح وفلفل اسمر وبعد ما تتسبك توضع على المكرونة وتقلب جيدا عند التقديم نرش على وشها جبنة موتزاريلا سلطة خضراء عادية وشيبسى بس لانى كنت متاخرة وعملت حاجة بسرعة طبعا بناتى روح قلبهم المكرونة بكل انواعها الف هنا وشفاء لهم ام بيسان |
ام بيسان تسلم ايدك ويارب يخليلك بناتك وانا ايضا باموت فى المكرونة بكل انواعها بس لو تركت نفسى عليها حاصير بومبة باحاول اقاوم نفسى منها عشان وزنى ما يزيد
بس دى من افضل اكلاتى افراخ البانية مع المكرونة يممممممممممممممممممممممممممممممممممممممممممممممممم م |
انا يابنات امبارح حاقولكم على العشا لانة احسن اصل زوجى حصل على ترقية وحبيت اعملة حفلة صغيرة على قدى انا وهو وطبعا ابنى حبيبى المهم عملت اول حاجة _بيتزا اللى كتبتلكم طريقتها قبل كدة وكانت جننناااان
_وعملت لفائف اللسبرينج روول وكانت موالح عملتها بالجبنة واللحمة المفرومة اما الحلويات _فعملت كيكة حبيبة قلبى ريما اللى بالزبادى وكانت اكثر من رائعة انا عملتها على نصفين وضعت نصف الكمية اولا فى الصينية وبعدين اخرجتها ووضعت الجزء الثانى وفى نفس الصينية وفى طبق التقديم وضعت اولا الطبقة الاولى وعليها وضعت مربى فراولة مع معلقة كريمة الخفق ثم وضعت الطبقة الثانية وفرشت عليها الكريم شانتية(كريمة الخفق )وزينت الجوانب بالحبات الملونة اللى بالسكر مااعرف اسمها بس موجودة فى السوبر ماركت للتزييين وزينتها من فوق بالكانتلوب وشرائح التفاح اللى وضعته قليلا مع السكر وعصير برتقال على النار قليلا وطبعا حبات من الكريز _وعملت تشيز كيك بالمارس مش عارفة بصراحة مين الاخوات كانت قايله طريقتة كمان طلع كتيير حلو وزينتة بشيكولاتة جلاكسى مبشورة وخلاص حبيت اقولكم تجربتى وياريت كنت قدرت اصورهالكم |
اما اليوم فعملت كفتة الارز علي الطريقة المصرية
طريقتها طبعا زى ما العزيزة مستكة كتبتها بالظبط بصراحة كنت ناسياه لما كتبتها الاخت مستكة شهتنى عليها وكررت اعملها وطبعا رااااااااائعة |
| الساعة الآن 02:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©