|
زوجي والنظر الى النساء هل هو طبيعي ؟؟
السلام عليكم ورحمة الله وبركاته كلنا نعرف ان الرجال بطبعه يحب يناظر << خصوصا الحريم :11: انا زوجي من النوع اللي يحب يناظر خصوصا لما تكون وحده عباية عالكتف ولثمه << انتو فاهمين اكيد اللي ابي اعرفه هو العيب مني والا منه والا الوضع هذا طبيعي وعادي افيدوني يالمتزوجين والمتزوجات تم التعديل على العنوان ليتناسب مع المضمون |
العيب مو فيك
وهذا شئ غير طبيعي ، لأن غض البصر مطلوب |
|
العيب موفيك
العيب في البنات اللي مايستحون ويظهرون مفاتنهم الله يهديهم واللي عينه زايغة على طول يناظر وأحيانا العيب في الرجل حتى المتسترة يناظرها.. كل ممنوع مرغوب!! دايم نبهيه الله يسخره لك ويخليه لك يارب صديقتي من الدرعية لاتكون انت بس:d |
عادي العيب مو منك
بس الرجال عيونهم زااايغة اولهم زوجي عينك عينك قدامي لا احم ولا دستور ولا سوى اي احترام لي |
طير<< والله انك صادقه عيني عينك هههههه
بس ترا انا مره نصحته وقلت له ترا ما يجوز هو حسبها بحسابات ثانيه اني اغار ومن هالكلام يمكن انا واثقه من زوجي بس انقهر لما وحده ما تخاف ربها يقعد يطالع فيها << يكبر راسها وهذا اللي يضايقني اكثر شي |
أرحم كثيييير البنات اللي يحطون حيلهم بالتفنن بلبس العباية والطرحة والميك أب
عند كل طلعة ، واللي يهمها أكثر تلفت نظر الرجال المتزوجين دون غيرهم !!!!! ماعليك منهم وتأكدي إنه زوجك ومهما أعجبه الشكل الخارجي ، يدري إنه زوجته أطهر منهم وماسمحت لنفسها تكون لأي أحد غيره حتى ولو بنظرة ذكري زوجك بشكل غير مباشر ( بروشورات & كتب ) عن غض البصر وفضله و العقاب لمده وإن شاءالله فيه الخير اللي بيترك هالنظرات ، اللي أحيانا ً وأنا بنت يلفتون نظري ومو معناتها إني ناظرتهم أعجبوني تماما ً بالعكس أرحمهم أكثر لأنهم عصوا ربهم علشان ارضاء غرورهم أهم شي يااختي إنتي لاتاخذين الموضوع بشكل آخر وتحاولين ترضين زوجك وتلبسين مثلهم علشان تلفتين نظره !!! بالتوفيق لكم يارب |
اختي الله يعينج بس هاي حالج وحال اغلب المتزوجات شتسون بعد انا لو مكانكم مدري وش سويت فيه
ترا حته لو نصحت الرجال وقلتي له حرام فهو يدري انه حرام بس هاي طبيعه فيهم وصعب انهم يغيرونها بس الله يهدي الجميع ان شاء الله |
عادي انا اقول لزوجي لاتناظر تراني اغار او انت تهيني بها الشي 00انا احلى منها 00 كل الكلام اللي مفروض ينقال قلته له ولا حياة لمن تنادي 0000يقول هي اللي تناظرني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
انا اقول لك ليش يناظرون 000
لانه كل رجل يتخيل اي بنت تناظر له انها معجبة به 000 فيحلو له تمثيل دور الشاب الجذاب 000 الا من يخاف الله |
أنا رايي من راي الاخت انج تبعدينه كثر ماتقدرين من الاماكن اللي تكثر فيها تجمعات النساء
طبعا النصيحه واجبه وتقدريت تاخذين براي الخوات بانج تعطينه بروشرات وكتيبات بس انه افضل النصيحه المباشره تقدرين تحطين شريط في السياره تسمعينه انتي وياه اذا عندكم مشوار عن سالفة غض البصر ولا تنسين تدعين له |
العيب على الإثنين المرأة بالدرجة الأولى التي فتنت الرجال بعباءة الكتف اللثمة المغرية من خلالها تظهر جمال العيون والوجه . والله الذي لا إله إلا هو إن منظر المرأة بعباءة الكتف لمغري مع وجود اللثمة ( إتقوا الله يابنات المسلمين )
|
زوجي كذا.. أول ايام زواجنا كنت أتضايق وأقول له : أعتبر نظرك لهذي الاشكال وانا معك اهانة لي.. لدرجة اني حبيت أغيضه .. وش سويت..........؟؟؟؟؟؟؟؟؟
رحت وتضبطت ولبست لثام وكحلت العيون ولبست العدسات( ولكن ترى كل هذا والله مجرد اني بشوف ردة فعله.. وألا بسم الله علي ما نويت أطلع بهذا لشكل) المهم قلت له تعال للسوق أبغى أشتري أغراض.. هو طلعت عيوووووووووووووونه.. قال: خير ان شاء الله وبتطلعين بهذا الشكل.. والله ما يشوف مفاتنك غيري.. روحي غيري المهزله هذي.. قلت له .. ما دام انك توسع صدرك ومعطي عيونك راحتهن وتناظر في بنات الناس.. أنا بالمقابل بوسع صدري وأخلي غيرك يوسع صدره -- دقه بدقه وأن زدت لزاد السقه---( وانا بداخلي اضحك على شكله وهو مستفز لاخر درجه).. قال: خلاص الله يتوب علي.. ومن بعدها قلت نظراته بشكل فضييييييييييييع.. على الاقل وهو معي.. |
ليس طبيعى طبعا....لرجل متدين..يخاف الله...حيث ان غض البصر فرض..عموما تكلمى معة بهدوء ووفقكم الله
|
بسم الله الرحمن الرحيم
تحية طيبة يجب ان تخاطبي زوجك بأسلوب هادي جداً تخيلي زوجك هو ابنك وخاطبية بكل حنان بأسلوب نصيحة والكلام الذي يخرج من القلب يدخل القلب بس اختاري الزمان و المكان المناسب والاهم حالت زوجك النفسية قولي له بعد المقدامات للي تطيب الخاطر :- ليوم يمكن الواحد يطالع اعراض الناس بكرة يجي للي يطالع عرضه اليوم انا عندي خوات وعندي زوجة وبكره بتجيني بنات واخاف عليهم وانت أكيد غيور علينا وما عندي شك في ذلك لكن معروف انه كما تدين تدان صحيح الشيطان شاطر بس ايمانك بالله أقوى من كيد الشيطان ومن هذا الكلام الطيب صدقيني بيتغير ان شاء الله ملاحظات :- لا تشعري زوجك بانه مذنب فتأخذة العزة بالاثم لا تنسي ان تختاري الزمان والمكان المناسب وحالة النفسية لا تنفعلي وكوني الام الحنون التي تبحث عن مصلحة إبنائها فترشدهممن باب الحب والحنان عليهم في رعاية للـــه |
طبعاموطبيعي
هذه حقيقة
لكن ولله الحمدأن كثيرامنارجاع للحق فقط كلمةصادقةحانيةترده الى صوابه (اياك والتشنج في النصيحة ) ياأخوات المراةفتنةللرجل واياك واخراجه للفتن اختاري أوقات مناسبة دائماأقول لحبيبتي حرسهاالله لاتقتلينابسهام النساءتردبقولها طيب هذاي ا أنامعك وش تبي بغيري صحيح أناماأبي غيرك لكن الحريم بعضهن هداهاالله لافتةللنظر متعطرة(حديث ((أيماامرأةاستعطرت فمرت .........................))الحديث متزينة متحجبةبحجاب يحتاج لحجاب خاتمة(لاتحكم على الرجل في تدينه على شكله ولكن انظر الى محارمه فعلامتهم أظهر) |
والله بصراحه هالموضوع كتير صعب يعني انا بمجرد اتخيل انه خطيبي ممكن يطلع وهو الحمدلله بحياتي ما شفتو بطلع على بنت , بس انا لما اتخيل هالمنظر بعصب وبصير احاكي حالي وبعصب عليه هيك بدون سبب وهو مو عامل شي كيف لو جد اشوفه بيطلع؟!!!!!!!!! يعني ما بعرف شو حتكزن ردة فعلي بس اكيد حعمل مصيبه الها اول ما الها اخرررر
|
ريتــــــاج
تصرفك مع زوجك 100% |
ههههههههههههههههههههههههه
شووفي انا انحين صرت ماطلع مجمعات خوفا انة زوجي يناظر واذا حبيت اروح اقولة نزلي وانت روح البيت اجلس على سوني ولا على الكمبيوتر هو يستانس ويقول لي فكيتيني من الدوارة بس اذا طلعت معاة برة نتمشي وضرب براسة انة نروح مجمع مثل جيان وبناتهم الزفوتت اذا انا المرأة ابلق عيوني واناظرة وزوجي عيني عينك يطالع والله بشنطة يقول لي انا ماعلي هي الي جالس تغمز مايقدرون يقاووموني وانا مشتحنا وجالسة اهزئ فية وهو ولا على بالة خصوصا انة عيوون زوجي وسيعة كبيرة حيل واذا نااظر يعني الكل يحس بعمق نظراتة وهو الى انحين كلمن طلعنا لا زم يناظر وانا اقولة اي يلووعون الكبد ادخل الحمام ورح شووفهم حدهم بس براقع ويام تحت البراقع ضفادع يقول لي اي معلية علينا بس وانا من جد مقهورة |
اقتباس:
ا الحل لكي تخلصي زوجك منها امرين : الاول تذكيره بالله الثاني انك تسوين هذا الشيء له انتي في البيت لين يتشبع ويمل منها |
تسلموووووون كلكم عالتفاعل
بس اني اسوي له هذا الشي عشان يشبع منه او لاي سبب ثاني مستحيييييييييييييييييل انا ابيه يستحقر هذي الحركة وبالعكس ما يحبها لانه هو دايما يقول لي صدقيني والله اني استحقرهم حتى مره اول ما تزوجنا قالي >> انا مره بسافر وفي الطياره ركبت سعوديه متغطيه بعدين كشفت يقول قعدت طول الطريق ااطالع فيها ابي زوجها يغار ويغطي وجهها بالله عليكم هذا منطق هو الحين الحمد لله مررره اخف من اول بس يمكن قدامي << اهم شي لا يهيني بس مازال الله يهديه ويصلحه |
شي بديهي اذا لم يكن هناك وازع ديني فتوقعي منه ذلك ..اما اذا كان يخاف الله فليس الرجل بطبعه يحب الحرام
كما تقولين .. |
العيب في البنات اللي مايخشون الله ولا يستشعرون بأنه يراهم سبحانه
ثم الواجب غض البصر من الرجال والنساء.. أسأل الله لكما التوفيق |
ذكريه بغض البصر
وانه هالجمال الي يشوفه والاناقة بس للسووووق وانه هالبنات مثل الحلويات المكشوفة مر عليها الذباب وانتي ابعديه عن هذه الاماكن دام هو غير قادر على غض البصر |
يا درعاوية خذي نصيحةمجرب انا زوجي مثل زوجك بس لما حس الامريضايقني بدا يحاول تكون نظراته اقل واسرع انا خلاص طنشت الموضوع لان ابوطبيع مايهدطبعه مثل مايقولون ودام انه شاف كل هالبنات ويشوف كل هالبنات وانا الغااااليه ماعلي منهم انامانكرلك بالبدايه فقدت ثقتي بنفسي وسويت مثل ماقالت ريتاج وووووووو طلعت معه للسوق وتعالي شوفي مابقى لارجال ولامره مايطالعون وقلت لزوجي ها حبيبي ترى واجداعجبهم واستمريت فترة كذا لين جننته وصار يقول غطي عيونك غطي يديك اذاقلت له ليش قال عشان محدينظلك ههههههههه المهم بعدين عقب ماجبت بنتي عقلت وقلت ربي وربه الله وذنبه على جنبه واخذتهامن جانب اخر انه فعلا على قد ماشاف وبيشوف يشتااااااق لي انا ويحبني انا ولي انا وطبعا زوجي حده نظرات لامكالمات ولاسهرات واهم شي لاتكررين عليه ولاتظهرين له الغيرةترى الرجال بعضهم عنيد وووووووووووالله يوفقك
|
طبعا هذا شي غير طبيعي
|
طلب الله منا غض البصر
|
هناك فرق بين النظرة المتعمدة والنظرة العابرة التي تكون عن غير قصد ،فهل أنت متأكدة أنّه ينظر عن قصد ،فإن كان كذلك فعليك الاتي :
1 ـ حولي بصره إليك وذلك بالتزين له ، والتنويع في ذلك طبعًا هذا في البيت ليس في السوق 0 2 ـ انصحيه وذكريه بالله ، وقولي له هل ترضى أنظر إلى رجل غيرك ؟ 3 ـ اجتهدي في الدعاء إلى الله بأن يصرف نظر زوجك إليك ويقنعه بك 0 |
| الساعة الآن 11:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©