|
شنو رايك في الموقف هذا,,؟؟ للنساء فقط
السلام عليكم ورحمه الله وبركاته
شنو رايك بالموقف هذا لو حصل لك شنو ردت فعلك ,,,, انا بصراحه مت من القهر لدرجه اني تعبت ورحت الطبيب الموقف,, كان المفروض اروح ازور اهلي انا ازورهم بالاسبوع مره او مرتين او اذا كان في شي عند اهلي المهم ها الاسبوع زوجي مو راضي يوديني :( سكت قلت يمكن يحن علي يوديني شوي او بكره جا اليوم الثاني ونفس الشي مو راضي المهم اهل زوجي اتصلوا علي قالوا لي تجهزي نبي نمر عليك ناخذك نبي نطلع نتمشي:22: رحت دقيت علي زوجي وقلت له اهو ما قال شي بس انا قلت له استحي من اخوك وما اقدر اخذ راحتي بطلعه خصوصا بعد اعيالي معاي قال ابشري لا تروحين معاهم انا اوديك نطلع انا وياك والاعيال :17: ,, انا استانست قلت نغير جو وخصوصا اني ما رحت حق اهلي ورحت تزهبت ولبست الاعيال :15: وفجأه دخل زوجي وقال لي ما اقدر اوديكم :29: امي قالت لي خل زوجتك تسوي عشاء حق ابوك لانها راح تتأخر انا صكت فيني الدنيا لا اني اللي رحت معاهم ولااني اللي زرت اهلي وفوق هذا اقعد بالبيت طبعا الاخ ولا هامه ولا كانه صار شي والاعيال كسروا خاطري عقب ما لبستهم اقعدوا:15: طبعا جلست انا وياه مقابلين بعض والاخ يقول لي ما بيدي شي ,,, وانا مت قهر والامر عنده عادي ياليته قال إن شاء الله اعوضكم او من الكلام هذا بالعكس يقول الموضوع ما يستاهل انك تتضايقين لو انتوا مكاني بصير شنو ردت فعلك ,,؟؟ هل الامر عندكم عادي ؟؟ هل راح تنقهرون مثلي؟؟ اسفه علي الاطاله وبنتظار ردودكم |
التصرف الصحيح اللي يعجب الزوج
وماينساه لك ويزيدك معزه عنده يوم قال لك سوي العشاء تقولين ابشر وانا من عندي اغلى من خالي وخالتي وتركضين تسوين العشاء وتجهزين معاه عشاء لكم وتودين عشاء خالك وتكملون انتم برحله بريه تتعشون انت وعيالك وزوجك والله يسعدكم دوووووووووووم |
فيافي نجد
هلا وغلا واشكر لكي هذا الرد انا ما اختلف بالعكس ابوه علي عيني وراسي وانا احبه واغليه واعزه واعتبره ابوي بس الاعيال شنو ذنبهم عقب ما لبستهم وقلت لهم راح نطلع خل انقول اني رحت معاهم من كان راح يسوي العشاء,,,, |
الله يارب يسعدك بس بسألك أنتي لو حصل لك هالموقف في وقت ثاني بتزعلين نفس الزعل [IMG]http://www.asmilies.com/smiliespic/girlsonly/001.gif[/IMG]؟؟ عن نفسي مرات تصير مواقف أسوأ ولا أزعل يعني عادي ماراح شيئ [IMG]http://www.asmilies.com/smiliespic/girlsonly/006.gif[/IMG] ومرات مثل هالموقف يزعلني بس أهتم أني أعوضه تحياتي لك |
انا شايفة انو الموقف ما يستاهل كل هالزعل
يعني عادي... خدي الامور بروح رياضية والجايات اكتر من الرايحات |
هلا وغلا وجود222
اشكر لك مرورك الطيب واسعدني ردك انا تضايقت من الشي هذا ولا تلومني من حقي اطلع واونس اعيالي انا ما قلت لزوجي شي ولا بينت له اني تضايقتك وكتمت في نفسي هذا الشي وانا عنده سويت الامر عادي واللي يبيه انا حاظره لكن الشي هذا جاء عكسي علي لاني تعبت وكتمت الغضب في داخلي وكنت معصبه وهذا اللي خلاني تعبت ورحت الطبيب |
الله يسعدك ولا تشوفين شر ثاني
دعواتي لك |
وجود222
الشر ما يجيك ياعمري واشكر لكي هذه الاهتمام وجزاك الله خير |
بسم الله الرحمن الرحيم
اختي الفاضلة الله يسعدك انتي وزوجك وعيالك راح تعوضينها ان شاء الله لا تنكدي على حالك |
صدفه البحار
شكرا علي المرور جزاك الله خير |
أختي جارة القمر .....
أسال الله أن يديم االمودة والوفاق بينك وبين زوجك ... أختي ... قد يبدأ الشيطان في هذا عمله ويبدأ يضخم هذا الموقف أكثر وأكثر ... واتوقع أنه سوف يبدأ يجر لك المواقف الشبيه لهذا الموقف والتي حصلت من قبل ويبدأ رصيد الكره والتحامل يزداد أكثر وأكثر على زوجك ... لكن أتوقع من المناسب أن تتذكري أن دوام الألفة والوفاق بينك وبين زوجك أغلى وأعز من موقف مثل هذا يؤثر بينكم هناك بعض الأمور التي أرغب أن تأخذيها بعين الاعتباااااار 1- قد تكون من الخيرة عدم ذهابك مع الأهل لهذه النزهه ... ربما أحد الأولاد يصاب بضرر أيا كان لا قدر الله (يسقط وينكسر .. يصاب بعين ...يتعلم حركة أو فعل سيئ..الخ) 2- قد تكون أيضا من الخيرة عدم ذهابك إلى هذه النزهه .. لا سمح الله ( تصابين بجرح أو كدمه تبقى أثرها عليك إما في الوجه أو اليدين أو غير ذلك ...الخ) 3- تذكري أن الهم الذي أصابك والحزن سبب لتكفير سيئاتك .... قال صلى الله عليه وسلم (ما يصيب العبد المؤمن من نصب ةلا وصب ولاهم ولاغم حتى الشوكة يشاكها إلى كفر الله بها من خطاياه). هذا ما استطيع أن أقوله لك .... دمت بود وعافية... |
حبيبتي خلي روحك رياضية ومرريها والله بعوضك بايام احلى منها انشاء الله ...
|
اختي اجرك على الله ... وخلي روحك رياضية عادي صدقيني تصير مع الكل ... :) :d
|
أنا صارت لي مواقف مشابهه و بصراحه زعلت مع اني بينت غير هالشيء
بس مو زعل قوي القهر ان خالتك تتمشى وتاركه شايبها بروحه كان جلست معاه والا خذته معاها مسكين يغير جو و ان رفض فتحاول ما تطول في رحلتها لأن زوجها بالبيت بروحه مو تحط رجلها و ترد آخر الليل (( شكلي حولت الموضوع على خالتك )) هههههههههه المهم يالغاليه الموقف يضايق و لكن ما يوصل للقهر القوي اللي يخليك تروحين حق الدكتور حاولي تكونين ريـــــلاكـــس عشان صحتك و بشرتك كمان ترا تتأثر بالزعل والتعصيب |
والله ماننلام يوم ننصدم بنسبة الطلاق الي عندنا .......... الحين بس علشان هالطلعه بغيتي تترقدين وحالتك لله ...... ياليت بس لو تقعدون معا حريم اول وتسئلونهم ..كل كم مره تروحون لأهلكم ..وشوفوا ردهم ...... يابنات كفاية دلع ..وترى إذا كل وحده بتسوي مثلك ..مابتضل حرمه معا زوجها .. انا اتفق معا اختي فيافي يوم قالت .....قومي اركضي وضبطي كل شي ..واعتبري هالموقف هذا تضحيه .......امحق تضحيه ..الناس تضحي بالي قداما والي دونها ..ماهو علشان بس ماوداك لأهلك ولا طلعك رحله ...... من جد ماقصر فيك يوم قال ماتساهل ولا قال نعوضكم :d حياة موفقه خالية من الدلع الزائد تحياتي |
كريم السجايا
مها عبورهـ رايق1000 اشكر لكم ردودك الطيبه انا الحمدالله صحتي زينه الحمدالله انا معاكم في اللي قلتوه الموقف ما يستاهل ازعل عليه وانا ما زعلت بس تضايقت والحمدالله علي كل حال وها الشي ما يدري عنه زوجي لاني بينت له انه الامر ما يهمني وعادي عندي وانا ولله الحمد علاقتي مع زوجي زينه ومبنيه علي الصراحه التامه بيننا واهو مقدر ها الشي وهذا هو المهم والحمدلله راح انعوض الطلعه باللي احسن منها ويمكن خيره اني مارحت اوطلعت مثل ما قال الاخ كريم السجايا واشكر لكم مروركم الذي اسعدني كثيرا وجزاكم الله خير |
اختي العزيزه صحيح ان الموقف مو موقف جميل بس الحياة الزوجيه يوم ليك و يوم عليك
يعني سهلي الامور علا حالج و لا تتأذين من مسائل صغيره مثل هذي و قدامج طريق طويل يوم علا مرامج و يوم لا لا تفكرين كثير انسي الموضوع طنشي و بعدين ذكري زوجك في المستقبل بلمواقف الي انتي وقفتيها معا اكيد راح يقدر و العيال طلعيهم غير يوم او لعبيهم في البيت عادي يعني انا قصدي مشي حياتك بسهوله طنش فنش تنتعش |
اجمل رؤيا
شكر علي المرور الطيب وجزاك الله خير الحمدالله علي كل حال انا مرت علي مواقف لكن علي قولتك طنشت لكن هذا الموقف ضايقني لاني كنت بحاجه اني اغير جوى وانا سبقت وقلت اني صايره عصبيه ونفسيتي متغيره ولااعلم شنو سبب هذا التغير ولما قال لي ما راح نطلع تضايقت وسكت وما قلت له شي وهذا الشي اثر علي شوي لكن الان الامور تمام والحمدالله راح انعوضها باللي احسن منها |
عزيزتي ماشاء الله ماخلوا الأعضاء فرصة للرد ................ ولكن عزيزتي أنا أرى أن أكثر شي ضايقك هو موقفك قدام أولادك .......... حبيبتي اللي راح راح ولكن لو حصل أمر مماثل ممكن تقولي لأولادك معليش حبايبي بابا جاي تعبان ومايقدر يخرجنا اليوم ..... بس أكيد إن شاء الله بيعوضنا بخرجه أحلى من كذا ............
والا بالنسبة للموقف اللي حصل يعتبر عادي ، وتخيلي ان أمك هي اللي اتصلت وقالت سوي العشاء لابوك لاني ممكن أتأخر ياترى بتكون عندك نفس ردة الفعل ؟ !.......... وصدقيني لو أهل زوجك ماهم معتبرينك زي بنتهم ماكان فكروا ياخذوك تتمشي معاهم أولا ولا كان طلبوا منك تعملي العشاء لابوهم ثانيا ............ عزيزتي عند عمل أي شي لأهل زوجك دائما احتسبي الأجر من الله أولا وفكري في فرحة زوجك بك وستجدين لذة فيما تقومين به من عمل مهما كان وفقك الله وأدام عليك السعادة |
feelings
الف شكرا لك علي المرور وجزاك الله خير حبيبتي انا علاقتي مع اهل الحمدالله تمام وانا اعتبرهم بمثابه اهلي وانا مقدره ها الشي لكن احب اقول انه هم يدرون اني ابي اطلع لما رفضت اني اروح معهم بلغتهم اني ابي اطلع مع زوجي والاعيال ولكن تفجأت عندما اتي واخبرني بأنه لايستطيع الخروج لسبب الذي ذكرته قبل سكت ليس بيدي شي وانا اشفق علي اطفالي اطفالي اذا اردوا شي لا يخبروا ابوهم به بل يأتون الي ماما نبي نروح الالعاب ماما يلا متي نروح وهكذا وانا ليس بيدي شي ويكسرون خاطري لما اخبرهم اننا لا نستطيع الذهاب اسمع البكاء ولماذا لا نذهب ومن هذه الامور وانا لا احب ان اعدهم بشي ثم اخلف فيه |
بصراحة ... اختي...يحق لج تتضايقين... ولو بو العيال جبر بخاطرك بكلمه كان عادي...
كوني صريحه مره ثانيه وقولي الي في خاطرك لزوجك وخليه يعرف شو الي انتي تتضايقين منه.. بس بأسلوب حلو.. مثلاً تقوليله كان خاطري اطلع برع اليوم.. عشان عمي بس ما عليه بس توعدني تعوضها علينا.. مثلاً.. المهم انج ما تسكتين وتظلين تاكلين في نفسج.. هذا زوجك ولا تحطين اي حواجز بينج وبينه.. لا اهلج ولا اهله.... |
بصرااااااحة انا بزعل شوي بس بعدين برضى بروحي
|
هونيها وتهون اي شي نعطيه اكبر من حجمه يكبر وكل ما قللتي من حجمه يصغر ويصيررر هيييييين
والله معك |
الظبيانيه
محد دلوع شراتي رونه اشكر لكم مروركم الطيب وجزاكم الله خير الحمدالله علي كل حال اخت ظبيانيه كلامك صح لكن قدر الله وما شاء فعل لكن الحمد الله ابشرك عوضنا الطلعه وطلعنا انا والعيال والحمدالله وشاكره لكم هذا المرور |
لو انا مكانك صح بنقهر وبعصب
بس بحاول اكسب رضا زوجي وأقوله أن شاء الله ومن عيوني بهالطريقه الزوج ينحرج من زوجته وبالتالي اذا طلبت منه انه يوديها لبيت اهلها ما راح يقول لا لأنك تنازلتي عن الطلعه عشان خاطر زوجك وأهله وغير كذا بتكبرين بعين زوجك... |
موقف عااااادي اختي......وتصير مواقف اصعب بس ما ازعل.....
نفس ماقالت فيافي نجد......قولي له ابشر وعلى امرك.....حتى لو كنت من الداخل تحترقين....... بس اللي صار صار.....ماله داعي تزعلين على زوجك لسبب مو بايده......وصدقيني لما يشوف زوجك انك استقبلتي كلامه بكلام احلى راح يعوضك....... اختي الموقف ما يستاهل الزعل.......صج وقتها تنقهرين.....بس لو تفكرين فيها عدل.......مو بايده.......اما عن زوجك انه ماقال ان شاء الله بعوضكم.....ترى اغلب الازواج جذي......يقول كلام مثل الصخر بعدين يرد ويقول الموقف ما يستاهل تتضايقين منه...... طوفييييييييييييييييييي هالمرة.......وان شاء الله تكبرين وتنسين........هههههههههه دوووووووت |
يغلق
|
| الساعة الآن 01:54 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©