|
اريد الطلاق
الســـــــلام عليييييييييييكم
انا تعبت من زوووجي نفسيا اسلوووبه مافيه احتراااام ولا حب ولا شي مع انه ولد عمي وماخذته اعرف ان عنده علاقه قديمه بس حلف لي ماراح يرد لها لانه كان يلعب بس وايد تعبت من عرسنا اول اسبووع حلو وبعدها يقولي لا تسأليني وين رايح وليش تاخرت قلت له ان شاء الله وانا عصبيه وهو عصبي وانا امسك نفسي كثير بس اذا نفجرت قلت كلام جارح بس هو كل يوم يجرحني وتخيلو كل شهر كان يقولي ماحملتي والحين انا حامل من شهر ومعرسين من 5 شهور احنا اوكي معاملته زفته يكلمني بصوت عالي واذا قعد وياه بالغرفه ابغي اسولف وياه مشتاقتله ولا اشوف التلفزيون وياه يدور سبب عشان ازعل واروح الغرفه الثانيه واذا ابغي اقعد عناد يغطي ويه بالغطااااء احسه مايحبني ولا يقولي حتى كلمة حلوه وانا دايما حبيبي حياتي روووحي والله يبغيه اسويه بس اخر مره من 3 اسابيع رحت بيت اهلي زعلانه ولما رديت معاملته شوي تغيرت صار هادي وبعدين رد لحالته القديمه ويتاخر ولا يكلمني مثل كل زوج يكلم زوجته يعلي صوووته احسه كارهني وانا كرهته ادري توني حامل بس امس كلمته بالتلفوون قلت له انت في بوظبي ولا تتصل قال عمي مريض وانا عندي ريااييل قلت ولو حتى الرياااييل هذيلا اهليه عادي يعني مابغيك تسولف بس ابغي اخذ الاذن اني ارووح العياااده ولا ويوم كلمني مثل اللي يتمنن عليه وكلمته وعليت صوتي عليه انا هو وقلت شو يابن الناس مش مجبووور تعيش عندي واللي مايباااني مابااااه اما تعاملني باحترام ولا مابغيك قال اوكي اللي تبينه ابااااه صدقوووني في زوج مايبتسم لما يشوف زوجته في زوج يعرف ان زوجته حامل بشهورها الاولى وينكد عليها ياربي انا اشوف الله يمكن يمتحني ولا عقاب بس على شو ماعندي شي كبير بس انا تعبت صدقوووني لدرجه اشياء وايد اتغاظى منها انه مايحب يقعد معايه احس به والله مايحب يشوفني وفراشنا منفصل كل واحد بغطاااا تخيلو ليش نعيش مع بعض عشان شو اول اسبوع العرس حنوووووووووووووووووووون وعقب خلاص بان الاصل بانت الحقيقه احسن لي عند اهلي يعرفون قيميته محد يهين كرامتيه يعني بموت بدونه يخسي شهادتيه انا اعلى منه وبشتغل ان شاء الله بكون نفسي والحمل اذا اتمه الله لي بربي ولديه احسن تربيه اما اعيش عند واحد متجاهلني ولا يحترمني ماقدر تحملته بما فيه الكفاااايه هو حسبت به عادي الطلاق عنده ماقالي لاء بس يلا احس اني بطلبه منه يستاااهل انصحووووووووووووووووووني تعبت ابغي اطلق |
يا اختي توك ما امداك حاولتي تغيرين من اسلوبك معاه
مفاجات رومانسيات حركات حلوه لانه بالنهايه ولد عمك اسمحي لي قد يكون شايف شي قبل واكتشف شي ثاني حاولي تكونين له العشيقه اولا ثم الزوجه الله يسخره لك ويصب حبك في قلبه صبا ويتمم حملك ويرزقك بالذريه الصالحه |
نسيت اقولك اختي لاحظت من اسلوبك انك شايفه نفسك عليه شوي من ناحيه الشهاده
وهذا ما يقتل الزواج وفقك الله لما يحبه ويرضى |
انا شااايفة صراحة .. انه لسه متمسك بعلاقته الاولى ... وانا والله العظيييييييييم مو قصدي اضيق صدرك لكن شكله مجبوووور عليكي لانه ولد عمك ..
ياقلبي .. حاااولي تتكلمي معاه واذا ما نفع حاولي تدوري على حل .. لانك لسه في البداية وتقدري تلحقي نفسك ... بس ما اقصد طلاق ... انتي ادرى بمشكلتك وزوجك ... انا دائماا اقووول انه اخر شي يتدخل بين الازواج الاهل لكن في بعض الاحيان لازم يدخلوا الاهل انتي اهلك كيف طبعهم ؟ وممكن يوقفوا معاكي ؟ لاتتسرعي وفكري في الطفل اولا واخيييييييييرا .. وربي قادر يعوضك ... لانه مشكلتك نفس مشكلة واحدة من زميلاتي ... بس لانها صغيرة وعمرها 21 .. قررت الطلاق عشان تلحق نفسها وللاسف عندها طفل ... واحد وزواجها مادام اكثر من سنة و5 شهوور ... الله يصبرك ويعوضك .. ويفرج همك .. |
اختي طلااق طلااق طلااق شنو هاذا انتي بعدج عروووسه وووررده
اختي شيلي عنج هالوسوااس اختي قعدي وياه بركااده وتكلمي وياه بس مو تلحين عليه بالشي الي اشوفه انه ريلج فيه شي نفسي داخلي يعني احسه في ضقووط قد تكوون من العمل او من مصاريف الزواج او من اشيااء داخليه ساعديه وخليه شوي على رااحته ولا تطولين السانج عليه اختي اكثر شي يتعب حالت الريال الهوااش وطولت الساان علميه اشلوون بئسلووب حلوو انج ما تقصرين ويااه اختي صدقيني زوجج فيه بس ضقووط نفسيه وكلمة طلاااااااااااااااااااااااااااااااااااااااااااااااا اااااااااااق انسيهااا لا هنتتي ولا الموجودين وتحملي شوي ولا تصارخين عليه تراه تجرحه وايد ولا تفرضين عليه شي كئنه امر منج عشان الرجال جذيه وراح تشوفين اشكثر اهو يحبج صدقيني ولي عوده سلااام |
اختي العزيزة .. قبل ان نتكلم بموضوعك انصحك ان تنقليه الى قسم الارامل ... و لا اريد ان اقول الكلمات الباقية اعتقد هناك ستجدين تفاعلا اكبر .. يا اختي استهدي الله ابغض الحلال عند الله الطلاق .. ارجوك تعقلي يا اختااااااااااه |
اختي لا تستعجلين وحاولي تصلحين الامور بينكم حته لو غلط عليج لاتزيدين الطين بله صدقيني وغير كذ انتي حامل منه الحين وهاي الطفل اقل حقوقه انه يعيش بين ام واب يحبونة لاتخلينه ينحرمج منه ومن ابوة ويعيش ضايع بينكم انتو الاثنين
المشاكل شي طبيعي بين الزوجين وبالذات في اول سنه زواج دوم يقولون هاي اصعب سنه لانه بدايه انكم تعيشون مع بعض وتعوفون بعض عدل لازم الطبايع تختلف بس لازم في النهايه راح تتاقلمين معه حاولي حاولي اضغطي على نفسج لانه صديقني ماراح تستحملين لين تطلقين وتحملين لقبه مطلقه ترا هاي الكلمه ابدا مو هينه وبتندمين صدقيني حاولي تعالجين الامور بالعقل مو بالصراخ وحاول ترجعين الحب والالفه بينكم والمراة الشاطره هي الي تعرف شلون تتعامل مع زوجها وتخليه مثل الخاتم بصبعها انا عندي وحدة من اهلي والله ماتعرفين شقد هي عصبيه وزوجها الطاق طاقين بسوف شوفي شلون الحين مخليته مثل الخاتم بصبعها وخليته يرجع لبيته وعياله بعد اللعب والوناسه الي كان عايش فيها حاولي اختي عشان البيبي الي في بطنج حرام تحرمنينه من ابوة وهو لين الحين ماطلع للدنيا هاي الشي يبيله صبر وتحمل ومنج الله يهدي سركم ويوفقكم ان شاء الله |
يا اختي .. دعيني احكي لك قصة مشاااابهة تماما لقصتك لي قريبة ايضا تزوجت بابن عمها .. و كان بينهما مشاكل كثيرة بسبب سكنهم في بيت اهل الزوج .. تخيلي و صل الامر به ان يقول لها سانفذ لك ما تريدين .. ان اردت الطلاق فساحقق هذا لك .. قريبتي عندما سمعت كلامه تأثررررت كثيرا طبعا لكن لم يكن لها سبيل سوى ان تبقى معه و كيف لا و هي لا تزال في عز شباابها و لا يمكن ان تأخذ لقب مطلقة .. صدقيني بعدها شاءت الظروف ان تخرج لبيت وحدها .. و الان لها مع زوجها ثلاثين عاما .. اصبح لا يقدر الاستغناء عنها .. اصبح حسابهما في البنك مشرك .. اصبح لا يقدر ان يبتعد عنها .. يواجه الكثير من المغريات لكنه متمسك بها هل تظني انه اصبح يحبها هكذا بدون سبب ؟ يا اختي هذه المراة عانت كثيرا و صبرت كثيرا على زوجها باعت الغالي و النفيس من اجله و الحمد لله .. عوضها خيرا في النهاية .. الان زوجها و اولادها يقبلون يداها كل يوم امتنانا لها فلتكن هذه المراة الصابرة مثال لك يا اختي فلا تفقدي الامل بزوجك فالزواج نعمة كبيرة و امان و استقرار و الرجل يحتاج لفترة لكي يتعود على حياته الزوجية .. خذي بيده فقد وجد نفسه فجأة مقيدا بمؤليات كثيرة بعد ان كان حرا .. فاصبري عليه و كوني له امة يكن لك عبدا وفقك الله تعالى و سهل امرك و فرج كربتك |
الله يهدي سرك ويسخر لك زوجك الي اسمعه انه اول سنه من الزواج تكون كذا يحدث الاشياء الي تمرين بها لان هذي حياة جديدة عليكم والرجل يحس انه حريته مهددة هو امكن مزودها شوية بطريقة تعامله بس خليكي احسن منه وحاولي تمسكي اعصابك خاصة انك حامل وشيلي فكرة الطلاق بالمرة ولاتخليه شغلك الشاغل يعني اهتمي بنفسك وبيتك وكيف تلبسي وتتعطري حسسيه بانه اول مايدخل عليك انه بحلم وشوفي كيف هو ماراح يصبر عنك والله يوفقكم :)
|
والله لا أعلم ماذا أقول الله يهدي زوجك ويسخره لك ويجعله قرة عين لك اللهم آآآآآآآآآآآمين وعليك بالصبر يا أختي فكما قلن الأخوات السنه الأولى كلها مشاكل لأن لا أحد يعرف أطباع الآخر وهي مرحلة استكشافيه وتختلف فيها الطباع
|
لا تتعجلي باتخاذ القرار لعل الله يهدي لكي زوجك وانتي ما زلتي في اول سنه من الزواج انتري حتي يتم الله عليكي الحمل وياتي مولودك قد يكون هو سبب في التغيير لان الاطفال لهم تاثير كبير علي الرجال هذا اولا ثانيا فبل ان تتخذي اي قرار عليكي ان تصلي صلاة الاستخاره لما لها من تاثير عجيب وقراءة سورة البقره في البيت لعل الله يهديه لكي ويهديكي له
ولابد ان تتحلي بالصبر لان المتضرر الوحيد من الطلاق هم الاطفال هداكي الله لما يحبه ويرضااه |
الله يصبرك والله ما اعرف شو اقولج بس اتمنى تستفيدين من كلام الأخوات
وان شاء الله ربي يسخر لج ويكون قرة عين لج اللهم امين |
اختي انتم لس في الطريق وطبيعي يكون هناك اختلاف في وجهات النظر لذا تمهلي في اتخاذ القرار واعلمي انك تحملي بين احشاك جنين ليس له ذنب
|
ليش ما تعاملينه نفس ما يعاملج ...
حسسيه انه ولا شي بالنسبه لج .. بس شيلي فكرة الطلاق من بالج ... |
ياعمري ماحد مرتاح في هادنيا لكن انا اشوف انك تجلسين ما عاه وتفهمين منه بصراحه ايش اسباب هالتصرفات يمكن يكون اسلوبه كذا ويمكن ارغم على الزواج وبعدين تفالئ خير يمكن بعد الزواج يتغير
|
سوري اقصد بعد الولاده
|
اختى الكريمة لو فيه احد يقول لك كلام حلو ويحترمك رح تقولى له مشكور بس ما تعرفي اللى بداخله
انتى في البداية وهذا يحدث كثير مع المتزوجين في البدايات كل فرد يحاول اظهار شخصيته وانه الاقوى وانه ... وانه ... وانه ..... انتى كرامتك محفوظه بس الشيطان يحب يفرق بين المرء وزوجه |
من رايي كوك حامل حاليا تصبري عليه وتحاولي تلينين راسه ولا تفكرين تتطلقين لأنة ما تدرين يمكن بعد ولادتك يتغير وتتغير نفسيته اذا صار أب واذا يأستي بكل المحاولات لك الخيار....
واذا زوجك من النوع اللى اذا أهملتيه يهتم حاولي تهمليه كم يوم وتتبتعدي عنه بس وانتي معاه في البيت يعني لا تبينين انك مشتاقه له ومهتمه فيه يعني قومي بكل واجباتك تجاهه في أكمل وجه بس بدون ما تتقربين منه يمكن هو يحن لك بس ملاحظة لا تطولين في تطنيشه عشان ما يتعود على الوضع ويصير عنده عادي انك تهتمين فيه او لا ، يعني اذا شفتين نفسك طولتين في تطنيشه وما عبرك انتي ردي له ........ وبالتوفيق لك وللجميع ياااارب... |
اختي الله تعالى يسخر مابينكم والدنيا فيها مشاكل اصلا الانسان خلق لقوله تعالى ( خلق الانسان في كبد )
انصح باللجوء لله تعالى ، والصبر 00وتذكري ان ابغض الحلال عند الله الطلاق دعواتي |
لو تقولين هذا الكلام لزوجك او تكتبين نفس الموضوع في ورقه اعتقد اجدر
(( الصراحه )) راحه جميل ان يخبر كل واحد عن ما يدور في خاطره هذا شريك حياتك حاولي تعلمينه الرومنسية يمكن ماتعود . لا يمنع ان تتركيه كم يوم وخليك عاديه لا تقولين كلام زين خليك ناشفه حتى يحس في التغيير |
نقل الى عالم المتزوجين
|
يا أختي أنا أعتقد إنك إستعجلتي في طرح مشكلتك
في اساليب كثيره ممكن ترد لك زوجك ولا تنسي انك حامل عودي لصوابك وتواضعي لزوجك فيظهر من وصفك له انه ممن يسهل كسبه واستخيري الله الف مره |
اختي عليك بالدعاء
فلا يرد القضاء الا الدعاء أختي وعليك بالصبر بعد عل الله يحدث أمرا وخاصة انك حامل والحامل تمر بنفسية صعبة تخلي نفسيتها تعبانة والله يهدي لك زوجك ويسخره لك اللهم آمين والله يهدي لك زوجك ويسخره لك اللهم آمين والله يهدي لك زوجك ويسخره لك اللهم آمين أختـــــــ بنت ديرتي ـــــــــك |
عزيزتي ام فلاح ,, مرحبا بيج في عالم المتزوجين .. الحياة الزوجية يبيلها نفس طوييييييييل وطولة بال الامور لازم تاخذينها بسياسة واحيانا شفافية وصراحة واحيانا بكتمها انتِ تشوفي المسائل وشو يناسبها .. مدري بس احس ان حياتج حلووووة لو شفيتها انها حلووووة انسي كل شي يضايقج من زوجج وكل المواقف الي تنكد .. اكتبيها بعدين احرقيها تكلمي امام المرآة وعبري عما بداخلك من غضب او عصبية او ضيق .. وابدي حياة جديدة .. وفيها نقاط اساسية مهمة 1- انتِ متزوجة الان .. لاتفكرين ببيت اهلج وكيف حياتج قبل انسيها. 2- مهما صار انتِ راح تحاولين بين بيت على اساس متين وتنشئين اسرة مسلمة سعيدة بمساعدة زوجكِ العزيز. 3- زوجج يحبج .. لكن انتوا في بداية حياتكم فالامور مب واضحة . 4- انتِ راح تكونين الاجمل والافضل في عين زوجج عن طريق اهتمامج بنفسج وببيتج وكلامج .. اظهري انوثتج لزوجج. 5- في الفترة الي تشوفي فيها زوجج بعيدة خليه فترة لاتتصلين لاتسألين .. انشغلي باي شي ..ماسي هواياتج. 6- في الفترة الي يقرب اقربي اكثر واكثر وعبري عن احساسج . 7- دائماً بيني لزوجج انج واثقة فيه مية بالمية وانج واثقة انه يحبج ,, وامديحه وقولي له شيا يحب يسمعها حتى لو ماسواها . 8- الاهم ان تطلبي من الله عز وجل ان يوفقكِ ويسعدكِ مع زوجكِ ويبعد عنكم ابناء الحرام . وانا متأملة لج حياة سعيدة هانئة باذن الله .. لان الحياة الزوجية السعيدة ليست مستحيلة ..وانتِ ماشاءالله تمتلكين مقوماتها وماعليكِ الا التنفسذ. تحياتي لج |
شكـــــــــرا لكم كلكم ماقصرتوااااااااا
وانا عمري ماتفااخرت جدامه بالشهااااااده ابدااااااااااااااااااااااااا بس راح اسوي نصايحكم ليه وووووووووووعـــــــــــــــــد همـــــــــــسه حلو كلاااااااااااااامج 1- انتِ متزوجة الان .. لاتفكرين ببيت اهلج وكيف حياتج قبل انسيها. 2- مهما صار انتِ راح تحاولين بين بيت على اساس متين وتنشئين اسرة مسلمة سعيدة بمساعدة زوجكِ العزيز. 3- زوجج يحبج .. لكن انتوا في بداية حياتكم فالامور مب واضحة . 4- انتِ راح تكونين الاجمل والافضل في عين زوجج عن طريق اهتمامج بنفسج وببيتج وكلامج .. اظهري انوثتج لزوجج. 5- في الفترة الي تشوفي فيها زوجج بعيدة خليه فترة لاتتصلين لاتسألين .. انشغلي باي شي ..ماسي هواياتج. 6- في الفترة الي يقرب اقربي اكثر واكثر وعبري عن احساسج . 7- دائماً بيني لزوجج انج واثقة فيه مية بالمية وانج واثقة انه يحبج ,, وامديحه وقولي له شيا يحب يسمعها حتى لو ماسواها . 8- الاهم ان تطلبي من الله عز وجل ان يوفقكِ ويسعدكِ مع زوجكِ ويبعد عنكم ابناء الحرام . اختكم ام فلاح |
| الساعة الآن 12:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©