|
هالحين وش الحل :لا الشباب عارفين يتزوجون ولا البنات قادرات يتزوجوا
ياناس وش هالمصيبه اللي حلت بالبلاد
انا والله اعتبرها اكبر مصيبه لا شبابنا قادر يتزوج ولا بناتنا استطاعوا الزواج طيب وش الاسباب المشكله ليست كل الاسباب ماديه طيب بقول نقاط لخصتها وهي تجول في خاطري واستنتجتها من خلال تجربتي :- 1-طريقة الزواج لدينا عقيمه وتتسبب دائما في عدم عدم التوافق طيب انا ان لم يكن لدي اخوات وامي امراه كبيره شلون ادور عروس مناسبه .يعني لازم اروح اترجى حريم الناس يدورون لي .واكبر دليل على كلامي تجد الشاب اللي لديه اخوات لهم نظره يتزوج من افضل البنات (وجهه نظر خاصه بي ) 2- تغلى بعض البنات الله يهديهم حيث يكون طموحهم عالي في البدايه مما يجعلهم يرفضون كثير من المتقدمين 3- غلاء المهور وتكاليف الزواج فالشاب سوف يدفع اللي قدامه واللي وراه بهالزواج وكله من هالعادات والتقاليد (لا وبعد تقولون له لاتشرط ) ولو كان الزواج يسيرا لاقدم الكثير من الشباب 4- عدم ظهور البنات الى العلن يعني بعض البنات مايطلعون لاقرباهم حتى انه مايعرف ان هالبيت فيه بنات للزواج 5-يجب القبول بالتعدد وخاصه من تجاوز سنها 28 6-يجب التسامح عند الخطبه من قبل اهل الفتاه يعني بعض الاهالي الله يهديهم يبون رجل جاي من السماء ولو يدرون انك كدبت مره بحياتك يمكن يهونون 7- اوليــــــــــــــــــــــــــــــــــــــــــــاء الامور (وهدا يبيله موضوع مستقل ) طيب شاركوني بارائكم يمكن نستفيد اكثر |
تقول تكاليف الزواج وبعدين تقول فوق ثمانيه وعشرين تقبل تكون ثانيه.......... اللي مو بقادر على مصاريف عرس بيقدر على مصاريف عرس ثاني ولا بعد يتح بيتين
صدقني مشكلتنا الوحيده انه مافيه مجال البنات والشباب يتعرفون على بعض في اطار ديني واجتماعي مقبول.......... كثير بنات انا كبنت يستحيل اخطبها لاخوي بس في الحقيقه اخوي ممكن تعجبه لانه ببساطه مافيه انسان يقدر يختار للثاني........... الدول الثانيه مشاكلهم يمكن ماديه بس مشكلتنا احنا نابعه من الخوف من المستقبل بالنسبه للبنت واشتراطات معينه بالنسبه للولد لو فيه مجال يتعرفون على بعض في اطار مقبول كان انتهت مشاكل الزواج مو بس العنوسه |
واذا بتقولون اني اطالب بالانفلات فهذا مو مطلبي................ لكن طالعوا بمنتدانا وشوفوا كم بنت اعجبكم تفكيرها وتمنيتم ان تحضون بفرصة الزواج منها او من اخرى تشبهها............ لكن هالبنت ماتقدم لها العريس المناسب لان امه واخته اللي يدورون له
|
اقتباس:
انا معك 100% في كل ما قلته واتمنى ان تتغير بعض المفاهيم التي لا علاقة لها بالدين وانما هي من واقع التقاليد |
أخي الكريم
السلام عليكم ورحمة الله وبركاته أولا : لا ألومك في كثير مما تقول ، لأني وبحسب متابعتي المتواضعة لبعض مواضيعك علمت أنك مررت بتجارب خطبة لم تنجح..وكما يقولون .. لا تحرق النار إلا رجل واطيها. ولكني لا اتفق معك في كثير مما طرحت في هذا الموضوع وسابينه لك إن شاء الله. بادئ ذي بدئ .. اسال الله العلي القدير أن يرزقك عاجلا غير آجل بالزوجة الصالحة. 1-ذكرت أن طريقة الزواج عندنا عقيمة .. وهل هي إلا طريقة آبائنا وأسلافنا إلى عهد رسول الله صلى الله عليه وسلم؟ بإمكانك بارك الله فيك ان توصي خالاتك أو عماتك وبناتهن، او تجعل اعمامك وأخوالك يبحثون لك عن طريق زوجاتهن .. والحمد لله مازال الخير في أقاربك وسيبحثون لك وسيجدون ما تقر به عينك. 2-أما غلاء المهور.. فلم تعد كالسابق ابدا .. ولقد سألت زملاء لي في عملي.. منهم من من الشمال ومنهم من الغرب ومنهم من من الشرق والجنوب وأقروا بان أغلب البيوت لم تعد تشترط مهرا كثيرا .. يتراوح بين ال خمسة عشر ألفا والخمسين ألف ريال..كما إني اعلم أن المحاكم الشرعية قد وجهت خطابات إلى أعيان القبائل على أن لا تزيد المهور عن ثلاثين ألف ريال. كما ان هناك تسليف من بنك أنشأته البلد بقيمة عشرين الف ريال لكل من يريد الزواج ، واستفاد الكثير ممن اعرف ويقصطونها اربع مائة ريال شهريا بدون فوائد... نعم ربما مازالت بعض البيوت متمسكة بالغلاء ولكنهم قليل جدا والحمد لله. 3- قلت ( عدم ظهور البنات الى العلن يعني بعض البنات مايطلعون لاقرباهم حتى انه مايعرف ان هالبيت فيه بنات للزواج ) لا ادري إن كنت تقصد أن يظهرن لمن لا يحل لهن أن يخالطن ؟ هنا لا تعليق لي. وهل من المعقول ان لا يعلم الأقارب عن بنات بعضهم البعض؟ هنا الموضوع ليس موضوع زواج وإنما قطيعة رحم والله المستعان. وفقنا ووفقك الله لما فيه الخير. |
أيه والله صادق محد قادر يتزوج مدام الولد و البنت ماراح يلتقون ببعض
كثير من الاهل يتدخلون بالخطبه ويركزون على الجمال من معايرهن و ليس من معايير الرجل فالمراءه دقيقه جدا ومايعجبها قد لا يعجب الرجل بعكس ارجل الذي يرى بقلبه اولا وقد لايبالغ بمواصفات الجمال.. <<<< دايم تقول لو أننا بمجتمع عربي كان تزوجت من زماان مثل صديقي بالكليه :) |
مالاحظت ان أسبابك كلها عن اهل البنت والبنت
يعني الشاب مطهر مسكين مظلوم لو يقولون له فلانة بنت حلال رح اخطبها ركض وخطبها.. والله عجيبة:30: |
اقتباس:
|
والله صدقت
كلامك صحيح 100%
وبصراحه ملاحظتك الاولى صدقت فيها لان معظم الشباب يكون مالهم احد واقولك بعد ترى مو شرط اللي عنده اخوات ياخذ افضل البنات وكل شخص في هالعالم له نظره والثانيه البنات مايتغلون الايبالغون شوي لان البنت الحين ماتبي تتزوج الا بعد الجامعه عمرها 23 ومتى يجي النصيب ليه هالنظريه ما ادري وفيه كثير يجيهم ناس كويسين وراعين طاعة وصلاة وفي الاخر تقول لاتوني صغيره وهي فوق العشرين والله يوفقك اخوي ويرزقك بنت الحلال الا تتمناها ويوفق كل شاب وبنت اللهم اميـــــــــــــــــــــن |
أنا مع أختي الغالية شوبارد بكل حرف!!! فعلا شي غريب كإن الولد ما قد قال ابي طويلة بيضاء جميلة مثل باسكال وخرابيط ولا ما أنتزوج !!!
شي مضحك وكإن الرجل ما زهق أهله وهم يدورون له كالمخلوقة الشبيهة وبالنهاية يآخذ وحدة بس مادري شقول!! الله يبتليه بتشرطه!!!أخوي كلامك قد يكون بيوم من الأيام مشكلة ولكن لا أعتقد أنه مازال أرى أن السبب الأكثر الآن من الرجل فالرجال لأسف أصبحوا عديموا مسؤولية وأفكاهم جدا سلبية وغير هادفة وليس الكل طبعا هناك من هم مميزين فعلا,, عموما شكرا لطرحك للموضوع |
انا مع كلام اختي ومضة فرح
انا ما ادري وش اللي صاير عندنا!!!! جدتي تقولي كانوا الحريم يطلعون ويزورون بعض وتجلس الوحده مع عيال عمها ومحارمها وهي متبرقعه. وكل الناس تعرف ان في هالبيت بنت ، والواحد اذا اعجبته فلانه بنت فلان يروح يخطبها ، بدون ما يجلس يكلمها ويختلي بها. ما كان فيه قلة ادب مثل الحين ، مغازل وضياع شرف ....................................... الحين ... الوضع لا يطاق ، البنات بين جدران خرسانية ، والطلعة في الحوش ، تحاسبين عليها!!!! تقولين طالعه في الشارع!!!!!!!!!!! حالتنا حاااااااااااااااااااااااااااااااااااااااااااله وباقي البنات العكس تماما ، خاذين الدنيا طول وعرض وما اقول غير حسبي الله ونعم الوكيل والحل فينا حنا ، لازم نغير هالمفاهيم ، والا وش فايدة شهاداتنا العلمية !!!! |
مجتمعنا كالسلحفاة
بطىء الفهم...... ولايقدر خطورة الوضع الا بعد حصول الكثير من المشاكل حسبي الله عليهم |
الله يصلح الجميع
هذا اخر الزمان تكثر فيه الفتن والله ثم والله اذا تمسكن بكتاب الله وسنة خاتم الانبياء لن نظل باذن الله تعالي الشاب يحمل المسئولية علي الفتاة واسرتها والفتاة تحمل الشاب المسئولية فقد قلت البركة في اغلب الزواجات بسبب التكاليف والشروط والمواصفات وكثر التميع والانحطاط والحرام الشاب يبحث عن الجمال في مقتبل عمره لما يراه من الماجنات في القنوات الفضائية واذا تقدم فيه العمر ولم يجد مبتغاه مع قلت دخله القى بالائمه علي المجتمع والفتاة تحلم بالشاب الوسيم الغني الذي يوفر لها كل ما تحتاج والاسرة كذالك تبحث في البدايه عن من يوفر لبنتهم المصون المستقبل الكريم كل ذالك طبعآ مع الحرص علي صاحب او صاحبت الدين وهو شرط اساسي ولكن ما ياتي بعد الدين من امور اعتبرها ثانوية هي السبب في كل ما يحصل فالشباب الملتزم والحمد الله كثر وكذالك البنات اسائل الله تعالي لي ولكم ولجميع المسلمين الحياء منهم او الميتين الفوز بالجنة والبعد من النار وانا شكلي باتجه الي قسم عالم التغذية والطبخ الي ان يفرجها رب العالمين تعرفون عزوبي وابي اتعلم الطبخ وسلامتكم |
اقتباس:
أوافقك الرأي 100% بالمئة .. وهذا ما حصلي .. أكتب لكم هذا الرد وأنا في الكوفي شوب في أمريكا .. صار لي أشهر هناك .. البنات مثل الرز .. لابسات من دون لباس .. والله سبحانه هو الحافظ .. ليس لزيادة في إيماني .. وإنما تركت خلفي أم لا تفتر تدعو الله بأن يحفظني .. المهم .. قبل ما أسافر بنصف سنة تقريبا .. بدأنا بالبحث والتحري عن بنت الحلال .. البحث أصبح أصعب من البحث عن أسامة بن لادن بالنسبة لأمريكا .. حاولت .. وحاولت .. وأخيرا .. تولد الجل فولد فأرا ً !! أخرتها عثرنا على بنتين .. الأولى : شفتها وأعجبتني لكنها لم تجتاز جمارك الأهل .. الثانية : رفضو أهلها فكرة السفر لأمريكا .. المهم سوف أرجع للسعودية على أساس أخطب بعد ما يحصلوا لي بنت مناسبة .. هذا إذا حصلوا .. ليس كل هذا تشدد في موصفات المخطوبة .. لا والله .. ولكن عدم وجود وسائل مناسبة للخطوية .. طريقة تقليدية عقيمة جدا .. أهلي كانوا يقولون لي : تزوج .. تزوج .. ويم بغيت أتزوج ما لقو شيء .. طيب مو أول تقولون البيوت مليانة بنات ؟ وينهم ؟! على فكرة عمري 27 سنة .. وأنا أعيش ضحية مجتمع .. حتى فكرت أحاول عن طريق خطابات أو الإنترنت .. أو أي طريقة أخرى .. أنا معك تتماماً .. المشكلة تكمن في : كيف؟ يعطيك العافية .. |
اقتباس:
مسيار...نت..خطابات فكرنا فيهن بس :24: :24: :24: :24: مجتمعنا زي معظم قطاعاتنا الخدمية........ ماتتتطور الا لما تطيح الفاس بالراس:29: :29: ربك يعين |
والله انا ضد هذا الكلام الى تقولون انا مومنه بطريقه زواج اهلينا وهي اشوفها 100% ناجحه والى راح يجي رزقه ماحد راح يرده لا من الاهل ولا من احد في ذي الدنيا.
ومادام الشخص واثق من نفسه ومتوكل على الحي القيوم,, وانا والله كل ماقرات قول اللله الطيبون لطيبات ارتاح نفسينا واعرف ان شاء الله راح يجي واحد يقدرني ويخاف علي طال الزمن ولا قصر,,, والى من الشباب يبغي يتزوج والله صدقوني راح يتزوج انا اخوي كل ماقلنا له بنت طلع فيها عيب ويوم بغي يتزوج والله تزوج وحدة اقل من عاديه . اما احنا البنات طالعين من هذا الموضوع ماعلينا الا انتظار الفرج من الله. مع فائق تحياتي |
اقتباس:
والله ان هالسبب من اهم اسباب العنوسة وانا اكثر من مرة نصحت خواتي وغيرهن بأن يهتمون بهالنقطة لكن ماذا تقول في الاهل كل شوي الزواج قسمة ونصيب ولو نصيبك مكتوب راح يجيك حتى لو ما طلعتي؟؟ طيب وين بذل الاسباب اللي امر الله فيه؟؟؟ وسبب ثاني غفلت عنه وهو حقد وانانية بعض النساء يعني لما احد من صديقاتها او او اقاربها يسألها عن بنات ليخطبون لولدهم ما تكون صادقة معاهم ولا تسعى في التوفيق بين رأسين واذا قلت لها ليه؟؟ قالت مالي خلق بكرة تطلع البنت ما تعجبهم او الولد فيه شي يحطونها برأسي وكل شوي يدعون علي وبعضهن من الغيرة ما تساعد مع ان عندها بنات عم وخالة مو متزوجات كله حسد خاصة اذا الرجال المتقدم فيه مواصفات زينة( يا كثر ما شفت هالشي) وبعدين يا اخي انتم الشباب سبب عنوسة البنات انت اكبر مثال لك موضوع في المنتدى تقول ان فيه بنت خطبتها لكنها غير جميلة مع ان كل الامور الاخرى زينة؟؟ يعني فيه بنات ومستعدين للقبول لكن انتم اللي تبون وحدة فل اوبشن( كامل المواصفات) يعني شوف خواتي اهنيه في هالمنتدى يشكون من تراجع الخاطب بعد الرؤية الشرعية بعضهم وصل خطابها الى 6 او 8 لا تحطون كل شي على البنات والاهل ترى والله الاهل اهم اللي يدفعون البنات للزواج وما يصدقون ان فيه خاطب طق الباب وخلني اقول لك نقطة جدا مهمة بالنسبة للشكل اغلب الشباب يبحثون عن الجمال وانا اقول لكم نادرا ما تلقون بنات حلوات ااحنا كنا ندور لاخواني وما خلينا مكان ما رحنا له( عروس وصالونات وندوات دينية وبيوت اذكروها لنا وغيرها) تصدق نسبة الجمال قليلة روح اي عرس مع ان الحضور بالمئات والبنات اخر شياكة وماكياج لكن ما تلقى بالعرس الا ثلاث او اربع جميلات واذا سألت عنهن اما مخطوبة او توها صغيرة او متزوجة اما سؤالك وين تحصل بنات للزواج سهلة جدا ابحث في الاقارب ان لم يعجبوك خلي امك وخواتك يروحون اعراس وبكثرة اضافة الى صالونات نسائية ( اغلب البنات يروحون الصالونات) او ندوات دينية او زميلات لاخواتك وصدقني راح تلقى الا اذا تبي فل اوبشن:23: |
حبيبتي ليدي سوفت طيب ممكن تقوليلي اذا الرجال يبغوا فل اوبشن ليه ما احد اتقدملي للحين ؟؟؟؟
بيضاء وجميلة جدا وناعمة وجامعية ومتعلمة ومثقفة وقبيلية من عائلة معروفة وكل شئ حلو ومرغوووب طيب ما في احد اتقدم ولو مرة واحدة بس :( بس كلام كل مانروح مكان بس كلام وترى انا قليل ما اخرج من البيت لاني بيوتية بطبعي وهادئة ولكن هذا مو سبب لكن ربنا قادر وكريم |
اقتباس:
الحال من بعضه انا اقول السبب ممكن في قلة اختلاطنا في الناس مع ان اعتقادي الاكثر يرجح اننا مصابات بالعين او النفس او الجن( مو انا اقول هذي احلامي تقول لان فعلا كلها تؤكد هالشي) وصدقيني انا مرة رحت للرقية عند شيخ وبعدها بأسبوع تقدموا لي ثلاثة في نفس الاسبوع ( والله العظيم ) وحدة من هالثلاثة زميلة معاي في الدوام كانت تبحث لاخوها عدة اشهر وبعد الرقية كأنها تراني لاول مرة اذكر لما قالت لي ( احنا قاعدين وندور لاخوي وهالزين قاعد امامي ) واخطبتني بل ترجتني للموافقة:d |
اقتباس:
تصدقيين انا قلت نفس الكلام .. لانه واحدة من صحباتي عادت الثانوية العامة مرتين ومادخلت جامعه واخلاقها ليست سيئة لكن غير محبوبة بسرعه وانا عاشرتها اكثر من سنة لا تفكري انا باقول شئ سئ في حقها لا والله لكن الان اتزوجت من واحد ماشاء الله متعلم وابن ناس الله يسعدها ويهنيها وما احد كان يصدق انها ممكن تتزوج والكل اتفاجأ لكن نصيبها وياقلبي ماتتخيلي اسوأ شئ لما صحباتي ايام الثانوي يكلموني ويستغربوا اني ما اتزوجت حتى لما حضرت حفلة الثانوي بعد سنتين من تخرجي عشان ازور معلماتي بس يسألوا اتزوجتي ؟ والكل يستغرب لانهم اتوقعوا انا اول واحدة وانا ما امدح نفسي لكن انا عارفة ايش عندي مميز وان كان على الرقية ماابغى اروح:( ولاتسالي ليه يجيني ضيق شديد بس اي احد يقلي شيخ او رقية وابكي وما اروح ودوبها امي تقلي باوديكي للرقية مارضيت ودخلت غرفتي وانا متضايقة |
صحيح الشباب يتشرطون برغم ان البنت الي يبونها ممكن ماتوافق على اشخاص بمواصفاتهم وهي بعد تبي الي احسن
بنات الله يجزاكم خير ياليت ماتمدحون باشكالكم كثير لان هذا مو منتدى نسائي....... و بالنهايه كله نت و ممكن كلنا نقول اننا نطيح الطير من السما<<<مزح:)ههههههههههههههههههه |
الله المستعان صار الموضوع سواليف وأنا جميله وأنا معيونه ومجتمعنا بطي مثل الزلحفاه
والثاني يقول يبي حريه وتعارف وشدعوة حنا بمنتدى محشوم ولا تشات للرفع لأقفال المووووضووع بالنسبه للذين لا يجدون أزواج ولا زوجات هناك ممن أثق بهم ويوثق بهم مشائخ يوفقون بين الازواج ويبحثون لهم الذي يليق بهم ......... أخواني وأخواتي التي يريد الزواج لا عيب أن يتصل على أحد المشائخ العروفين وأنا أعرف شخصياً يوفقون ويبحثون لهم |
اقتباس:
لكل واحد الحرية في طرح رايه دون تجريح او ثرثرة خارج الموضوع هذا اللي اعرفه لاادري لماذا يغضب البعض من طرح الناس لارائهم ... التي هي من ابسط حقوقهم لم اجد سببا لدعوتك لاغلاق الموضوع .... اهناك من اخطا ؟؟؟ اهناك من شتم عضوا ؟؟؟؟ اهناك من غازل هذه او تلك ؟؟؟؟ ارجوكم ..... يكفى وصاية على المجتمع ... فكل ادرى بحاله مع الله اولا .. ثم الناس :29: |
[QUOTE=كبريائي][SIZE="5"][SIZE="4"][COLOR="DarkSlateGray"]حبيبتي ليدي سوفت طيب ممكن تقوليلي اذا الرجال يبغوا فل اوبشن ليه ما احد اتقدملي للحين ؟؟؟؟
بيضاء وجميلة جدا وناعمة وجامعية ومتعلمة ومثقفة وقبيلية من عائلة معروفة وكل شئ حلو ومرغوووب مع احترامي يا أختي وش دخل قبيليه وليش الوصف الدقيق |
الموضـــــــوع بصراحه عجبني جدا .......لأنه صار مساحه لأن الواحد يطلع اللي في قلبه......وانامع الاخ تركي ان ابسط حقوق الانسان ان يستطيع الانسان ويمنح حرية التعبير دام انه هالأمر ما يتجاوز حدود الدين ولا يمس بأحد ....والأخوات معهن حق في الاستغراب ولا يقصدن وصف جمالهن لأنه في النهايه هو وصف يقصد به ان الله حباها بجمال وصفات تتفوق به على صديقاتها ولكن الحظ عاثر ؟؟؟ لأن كل واحد يرغب في الزواج حط المواصفات السابقه وكل ام ترغب في تزويج ابنها اول شي تبحث فيه عن المواصفات السابقه .......يعني في سبب لعرقلة وتأخر زواجهن ........ومن حقهم يتساءلون ؟؟؟؟؟وشو يزعل في هالموضوع ...اللي مو حلوه يقولون شو فيها عشان اتزوجها .....والحلوه اذا تأخرت في الزواج قالوا غريبه حلوه وما تزوجت ..........يعني الكل يسأل؟؟؟؟؟؟؟؟ وفي النهايــــــة الزواج قسمة ونصيب
والله صدقوني ان الله يجمع ما بين الشتيتين .......ويجمع ما بين الشرق والغرب ........وقت ما شاء ........حتى لو صار قحط في الرجال ولا انقرضوا البنات؟؟؟؟؟؟؟ مجتمعنــــــــا كله اختلاط ×اختلاط....في مكان عملي كــــــله رجال.......اساتذتي كانوا رجال .....معاملاتي اخلصها بنفسي واشوف كذا رجل في المرور .....الجوازات ......وتصير مواقف سخيفه من البعض وخاصة ان الوحده تكون مضطره تسجل رقم تليفونها للمراجعه..........الخ بس اقول عمر الاختلاط ما كان سبب مباشر للتعارف بغرض الزواج .........اكثر الشباب في هالمجتمعات يستغلون هالوضع في ضياع اوقاتهم مع فلانه وعلانه .......وآخر وناسه ............3 او 4 في مكان عمل به 2000 شخص اواكثر يتزوج من زميلته في العمل .........كله قضاء وقدر .... تخيلوا ولا كان في خيالي ابدا ولا فكرت فيها بحياتي اني التقيت بنصيبي برجل هو في الرياض وانا في دبي ....... جمعنا القدر ........بالطريقه التي شاء الله ان يجمعنا بها ....... |
[QUOTE=lavendergm]
اقتباس:
ليه انا قلت شئ غلط ؟؟؟؟؟؟ :29: انا اتكلم من ناحية المجتمع والبيئة اللي انا اعيش فيها ما اقصد احد بكلامي للاسف واعترف اهلي لايرضوا الا بقبيلي مثلنا وليس حضري مع احترامي للجميع ولكن هذا الواقع ... وانا ما وصفت ملامح شكلي انا قلت صفات عامة اتمتع بها وربي اعطاني هذه النعمة والاحظ انها مرغوبة عند الجميع بس هذا كان قصدي لاتكبروا الموضوع وكل واحد حر يقول اللي يبغاه دام انه مافي تجريح او تعدي على اي احد والكل عارف انه الناس مو سواسية واحنا مسيرين وليس مخيرين |
معليش انا معصب شوي
بس اقول انا اللي فتحت الموضوع وابيكم كلكم تشاركون كل واحد يقول اللي بخاطره لا يترك شي ابد يعني حتى المنتدى تبونا مانجابه الواقع ونصير منغلقين خلاص فضفضوااااااااااااااااااااااااااا |
شاركوااااااااااااااا لايهمكم احد
|
اقتباس:
قلت فكفيت ووفيت شكرا لرايك المحترم |
[QUOTE=كبريائي]
اقتباس:
* قال الله تعالي (ونفس وما سواها * فألهمها فجورها وتقواها * قد افلح من زكاها * وقد خاب من دساها ) * اي نحن مسيرين من عند الله سبحانه ومخيرين لفعل الخير او فعل الشر . * فمن فعل الخير فاز بالجنه جعلنا الله واياكم من اهلها. *ومن فعل الشر ألقي في النار اعاذنا الله واياكم منها . * والله اعلم . |
الحل ياعزيزي
هو ان تتدخل الدووووووووله وتحدد مبلغ لا يقل عن 30 الف لكل من اراد الزوووووووواج طبعاً بعد مايجيب عقد النكاح بكذا الواحد يقدر يعيش براتبه بدون اقساط وديون اقل شي يصير عند دافع عشاني روح يخطب والله شكلي ابكتب عن هالحل بجريده لعل وعسى ان يهتمون فينا شوي |
اقتباس:
ولا ليه ماتسوي زي الامارات ماشاء الله عليهم :14: يصرفون حسب علمي وحسب كلام الاخت غزالة دبي 70 الف درهم معونة ..وايضا شقة او مدري شنو طيب ..ومثلا يخصمون منها من راتب هالشخص اذا كانت عنده وظيفة ^^ اذا كانوا من جد ماديين ومايبون الخير للناس ..عاد الشكوى لله ^^ المهم فيه جهة مسؤؤلة ترعاها الدولة تساعد الشباب على الستر والعفاف لاتقولون لي جمعية فلان او علان ........ شروووووطهم معقدة وياليت فلوووووووسهم وااجد ... :29: :29: :29: :29: |
اقتباس:
هههههههههههههههههههههههههههههههههههههههههههههههههه هههههه الى بكرة ههههههههههههه عاجبني الرد هذا بالحيل ههههههههههههههههههههههههههههههههههههههه مشكورة علي الرد العجيب هذا ههههههههههههههههههههه |
اقتباس:
لكن هذا ما حل المشكلة من جذورها .. هذا حل جزء منها واللي يتعلق بالشباب دون الفتيات |
موضوع ممتاز ومهم جدا..لكن هل النقاش بيجيب حل!!!
فعلا وضعنا صعب لكن هذا هو الوضع اللي تزوجوا فيه الناس من وقت الرسول عليه الصلاة والسلام..بس الفرق..الناس كانت تدور على المعدن..ألحين تدور على المظهر فقط.. ياليت لو فيه وسائل صادقه وصريحه لحل المشكله |
وعلى فكرة..ما تشوفوا إن أغلب المشاكل اللي ذكرتوها تتعلق بالفلوس..أعتقد ما يهم إذا الدوله أو جهه حكوميه معينه تصرف مساعدات أو غيره بقدر ما هو مهم إنها """""تثقف""""""" اللي يبغوا يتزوجوا..صح والا لأ؟؟؟؟؟
أغلب اللي يبغوا يتزوجوا شباب وبنات ما يعرفوا شي عن الحياه الزوجية وطبيعة الجنس الثاني..لا البنت تعرف طبيعة الرجل ولا الرجل يعرف طبيعة المرأه..ولا يعرفوا كيف المفروض يديروا حياتهم ولا تربية الأبناء وغييييييييييييييييييره أمور كثيره..القضيه ماهي قضية فلوس وبس..القضيه أكبر من كذا ويعطيكم العافيه |
حتى انا عجبني حييل
رجل طيب ومتسامح السياره روووووووعه هههههههههههههههههههههههههه كل شي قسمه ونصيب ومن توكل على الله فهو حسبه وبـــــــــــــــــــــــــــــــس |
اتفق مع اختاي ومضة فرح وشوبارد
والتوفيق من الله |
| الساعة الآن 03:07 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©