|
ام زوجي ...........اكرهها
لا تلوموني انا تزوجت من سنتين ومن اول ماتزوجت واحس ان ام زوجي تكرهني تغار مني مدري ماني فاهمه بعد زواجي بسنه كانت تتهزا علي بمجالس النساء لاني ماحملت ودايما تتكرر بهالموضوع وانا مااتكلم نهائيا اسوي نفسي مااسمعها تخيلوا مجلس مليان حريم وتجريح منها علني امام الناس المهم سكت وتحملت ورزقني ربي بعد سنه وشهرين من زواجي بالحمل والله اني زرتها وانا حامل وكان عندها مجموعة نساء يعني البيت مليان والله والله ماقالت مبروك حملك ولاقالت وشلونك دخلت وقامت تناظر للتلفزيون ولاكني موجوده علما انها بمنطقه تبعدعننا 5ساعات يعني نعتبر ضيوف عندها المهم سكت وتحملت ولعلمكم غير موضوع الحمل دايما تنصحني وتقول يابنتي الحريم اللي مايخافون الله يستخدمون السحروالسحركبيرة من الكبائر ودايما هالموضوع يعني اني ساحره ولدها الله لايوفقها المهم عقب ماولدت وجبت بنتي عسى الله يحفظها لي قولوا ااااااااامين:15: صار موقف كنت انا وزوجي وامه وطبعا بنتي النونو صار ت سالفه طويله ماابي اطول عليكم المهم معناها ان ام زوجي خلاص سنه وهي تعاير بعدم الحمل وحملت وسنتين تلمح للسحروطنشت اخرتها قالت سالفه بمعناها ان الحضر بناتهم فاسدات وان البدو كلهم شريفات طبعا حنا اقارب بس هم بدو وحناعايشين بمدينه من ولادتناالمهم كلامها قذف صريح قلت يا عمه حتى البدويات فيهم خيرهم قالت لا ابداااا المهم ماسكت قلت ابدا عندنا وعندكم خير والفسادوالصلاح بكل مكان واحتدينا شوي بالكلام وزوجي يسمع وساكت المهم زعلت ومشيت يعني تخيلوا حسبي الله ونعم الوكيل حتى الشرف بدت تتكلم فيه المهم انا طبعا ماقلت الموضوع لاحد وهي راحت وقلبت الموضوع علي وقلت لبناتها وحريم اعيالها وعيالها اني اقول انهم كلهم فاسدات وقلبت الموضوع علي طبعا لاحظت ان المجموعه كلها متغيرين علي قلت لزوجي قال طنشيهم لاتقولين شي قلت وش اقول اقولهم العجوز كذابه انا لله وانا اليه راجعون بصراحه قااااااااااااااااااااااااهرتني تكرهني مدري تغار مني مدري شقصتها تخيلوا حتى الحين اذا شافتني معاي طفل من عيال حماتي تتهزا وتقول يوه صارت تعرف لاطفال الحين تتهزا المهم مشاكلهامعاي اتحملها وصارت تسبب مشاكل مع المجموعه كله وتسوي سوالف ماقلتها وانا ساااااااااااااااكته وش الحل ؟ زوجي طبعا عارف انها ماتحبني بس انا خايفه من كثر ما تزن على راسه يتغير علي
|
لا حول ولا قوة إلا بالله..
سامحيني حبيبتي ماعندي لك حل.. بس أدعي لك إن الله يهديها ويفكك من شرها.. ومهما سوت فيك خلك أنتي الأحسن.. |
أختي .. لا عليك مادام زوجك يعلم بما يحصل فبإذن الله لن يتغير عليك ..
أسأل الله لكما الهداية .. ولكن انتبهي من تكرار مثل هذه الألفاظ أو ما شابهها اقتباس:
|
أختي ريمية كان الله بعونك
بس شوفي عزيزتي ترى بعض الحريم اذا شافت اغلى ماعندها بيد حرمة ثانية تتضايق مرة وتحس ان ولدها لها لحالها حاولي تكسبينها.. طنشيها ااذ تكلمت وهالشي لاحظته عليك ماشالله اهديها هدايا >> والله لها مفعولها السحري احشميها قدريها اعزميها في بيتك.. اذا جا عندها حريم قومي صبي معها وشيلي وحطي.. اكسبي اخوات زوجك امدحيهم دايم .. احرجي ام زوجك بكرمك ولطافتك يمكن تستحي من نفسها ادعي ربي دايم ان يحنن قلبها عليك.. قولي لزوجك يكلمها يصارحها والله مسألتك مهي هينة بس انصحك لاتخرب علاقتك معها لأن هذي ام زوجك وجدة عيالك يعني علاقتك معها طول عمرك |
الله يعينك ه على خالتك
بس انت سارحي زوجك وقولي لة ان يحاول يقنها حتا تتغير لانة هو يعرف كيف يقنعها ويعرف طبايعها والله ان العجايز هذي مشكلة كبير واللة الموفق عفوا: لفظ الجلالة الله يكتب بالهاء وليس بالتاء |
اقتباس:
واضيف ان اذا صارت مشكله معها وانتي خايفة من كثر الزن يتغير عليك زوجك قولي له انا مقدرتها ومحترمتها وماابي ارد عليها اولا لانها حرمة كبيرة وثانيا حشمة لك لانها امك .. واهم شي لاتردين عليها مهما قالت ولاكانك تسمعين وصدقين بالاخير بتمل ... |
صدقوني انا مااتكلم واسوي نفسي مااسمعت كلامها الاطبعا بموقف واحداللي قلت لكم لانه قذف واضح وكنت بسكت لكن ماتحملت واللي قالت الهدايا ذكرتني بوقف كنت طبعا دايما كل مارحنا لها لانهافي منطقه وحنا بمنطقه اخذ لها هديه واعطيها فلوس المهم مره رحنا وانا حامل ولااقالت لي حتى شلونك المهم رجعت الشقه اللي انا فيها وكلمت امي قلت يمه تخيلي حتى ماقالت لي مبروك خلاص ماني معطتها الهديه اللي جبتها لها قالت امي لايابنتي عطيها المهم رتبت هديتها وارسلتها لها مااخذت عشر دقايق الا جت تسلم وتهلي وترحب كنها توها تشوفني وتياني عن اهلي وعن حملي وتبارك بس ماينفع رجع مثل ماكانت وصدقوني صرت اتحسف اعطيها شي ماتستاهل وياليتكم تشوفون وش تهدي لي او لبنتي والله حتى الشغالات مايلبسونه الله المستعان
|
ينقل الموضوع لعالم الثقافة و التوجيهات الزوجية
|
مايخالف ياريمية..بس لاحظي فرحت بالهدية وتغيرت بمعاملتها شوي.. وبعدين ليه تتضايقين من هديتها؟؟
أنا امي ماتهدي حريم اخواني أبدا الا اذا ولدو وبس!! وتعالي شوفيهم وحدة منهم مغرقة امي بالهدايا انت تماسكي واصبري وبقولك شي بعد.. اذا صار زوجك وامك بنفس المكان جالسين لاتحاولين تضحكين مع زوجك كثير وتجلسين جنبه مرة مراعاة لمشاعرها ادري زوجك ومن حقك بس ولو كأم ومتعودة ولدها قدام عيونها مربيته وفجأة راح منها غصب عليها والحريم يختلفون في مشاعرهم وتصرفاتهم اول ماتجينهم سلمي عليهم وسوي نفسك مشتاقة لها وحبي راسها << حتى لو مو من قلبك والله مع الوقت يتحول الكره لحب وكل شوي شيلي بنتك وجيبيها عندها وقولي ياجدة تبي تسلم عليك وان شالله تطلع بنتي عليك ياخالة << كبري راسها اهم شي قدريها حسسيها بمثابة أمك.. صدقيني الحريم الكبار من السهل التأثير عليهم.. اهم شي اختي ولاتزعلين علي راجعي نفسك وحساباتك ونظراتك لها حاولي بقدر الأمكان تحسسينها ان هي الأساس وانها عمود حياتكم اذا كنت عند اهل زوجك قولي له وش رايك نطلع نتمشى مع اهلك؟ وروحي اعرضي الفكرة عليها وشوفي شلون تنبسط منك.. لاتدخلين بيتهم الا معك شي حلا- فطاير - اي شي اذا كنتو بعزيمة امدحيها عند الحريم << ترى الحريم مايصدقون يسمعون كلمة حلوة صح؟ اذا صار عندهم عزيمة ساعديهم وافزعي معهم بكل شي اعتبريهم اهلك << اصلا بتكبرين بعين زوجك نصيحتي ياريمية ترى انا عندي اخوان متزوجين وعارفة كل هالسوالف وفاهمتها زيييييييييين!! اكسبي اهل زوجك احشميهم قدريهم يقدرونك محد يرفع راسك عند عايلة زوجك غير حمولتك. |
|
بصراحه الله يعينك
ومثل ما الجماعه قالوا لك انتي بس جننيها بحسن تعاملك معاها واهم شي لا تقربين زوجك قدامها... والهدايا كمان مهمه والهديه ماهي قدر من تهدى له....الهديه من قدر مهديها ودايما خلي زوجك يشوف هداياك لها وهدايها لك لاااااااااااااااااازم من هالحركه وادعي بالادعيه المعروفه والله يعينك |
ياعمري والله ردودكم تبرد القلب وذكرتوني بحاجات ناسيتها انا صح مااغلط عليها بس انا فعلا ماامدحها لاني مدري مااعرف اجامل اقول اللي بقلبي وزين اني سكت لها بس فعلا الزمن هذا يبي له مجاملات وكلام حلو الله يعين مدري وش امدح فيها ؟؟هههههههه
بحاول امدحها واشتري لها هدايا وانا فعلا اذا رحت عندهم مااسوي شي موقصدي بس اناطبيعتي كذا ماني خفيفةدم ولاني مااجيهم الا كل ثلاث شهور مرة لانهم بعيد بمنطقه وحنا بمنطقه تقريبا 5ساعات سفر فاقول انا ضيفه مااسوي شي خصوصا انها كثير من يخدم من بنات عيالهامعاها في البيت حتى مايرضون اني اسوي شي بس انتوا صادقين وتوصياتكم ذهبيه اذن التركيز على الهداياوالمدح وخفةالدم والابتعاد عن زوجي عندها فعلا انا عنداهاه عادي اسولف معاه يمكن فعلا تغار من كذا بس هذي طبيعتي معاه مع اخوانه خواته عيالهم الاطفال اخش مع الكل بس خلاص اذا رحت المره هذي ببتعدعن زوجي ماراح اسولف معه وجزاكم الله الف خير وووووووو لبى قلوبكم وتسلمون انتو وهالمنتدى الرائع |
اختي غرقيها هدايا
مادام ذلك يحببها فيك نوعي في الهدايا مره فلوس وعطر واقمشه فخمه والله يصلح الشان |
للأسف مشكلة ام الزوج مشكله أزليه... لكن لابد من التعايش معها باي شكل والمهم انك بعيده وبيتك مستقل فجاملي في زيارتك لهم وحاولي تتحملين علشان خاطر زوجك .. والله الرجال انهم يحزنووون مررره فهم يقعون في حيرره كبيره بين إرضاء امه على حساب زوجته وأو تطييب خاطر زوجته المظلووومه لكن نررجع ونقوول لجل عين تكرررررم مدينه...
|
الله يعينك اختي.......اقولك تجربة وحده من حريم اخوان قريباتي ............لو تشوفين كيف يحبونها اهل زوجها ماتصدقين مع انها ماتزورهم الامره بالسنه.............والسبب...........يقولون
اذ جتهم تجيبمعها هدايا لاصغر واحد فيهم الى الوالد ............وتسوي الاكل لهم بنفسها ..........زود على الكلام الحلووالمجاملات...........والوحده لازم تكسب محبة اخوات زوجها لانه اكيد بياثرون على والدتهم... |
أحسنت يا سوسو في ردك
عليك يا أختي بالصبر الدعاء واللجوء إلى الله |
السلام عليكم
اختي العزيزة ، الله يفرج همك يا رب و همي وهم كل واحدة تعاني من حماتها، انا كمان بعاني من حماتي و لو قرأتي مقالتي " حماتي ما بقدر عليها الا الله سبخانه وتعالى.... اريد حلا" لعرفت انه لسة فيه اكثر من مشكلتك ، بالنسبة الي حل مشكلتك ابسط مني و الله يكون في عونك ، نصيحتي بس ردي على زوجك شكله فاهم امه و فاهم اهله كويس ، طالما عارف انك مش غلطانة و مش ظالمة امه خلص هو عارف شو يسوي، صدقيني و الله لو انت الغلطانة كان ما سكتلك زوجك ابدا، بس هو عارف امه كويس، الله يفرج همك ان شاء الله ، بعدين انبسطي انك بعيدة عنهم المسافة الطويلة 5 ساعات احسن الك و ما حدا بيعملك مشاكل الا الغيران منك و خليهم يموتوا غيرة و شو عليه ، انت انبسطي مع زوجك و بنتك و خلص. و لما تشوفيها طنشيها. الله يخليك مع زوجك و يخليلك بنتك ان شاء الله تعالى |
اقتباس:
صدقيني يا اختي مش كل الناس واجد انا بعمل اكثر من هيك بكثير و بقول لزوجي صلة الرحم ، احكي مع خواتك و امك حرام ، و خواته زي الزفت معي عفوا. |
اقتباس:
|
الله يكون بعونك ......صبرى وحمدى ربك إن زوجك عارف بالموضوع و إن مكان سكنكم بعيد عنها
وكلام شوبارد عين العقل .....ودايما إقرءى بوجهها ( اللهم إنا نجعلك فى نحورهم ونعوذ بك من شرورهم )(اللهم أجرنى على مصيبتى هذه وإخلفنى خيرا منها ) |
السلام عليكم ورحمة الله وبركاته
اختي ريمية نجد اعذريني إن كان ردي قاسي
لكن متى نتعلم نحترم ام الزوج ترضي أحد يقول عن أمك الله لا يوفقها ؟؟؟؟؟ ولاحظي انتي قلتي ام زوجي الله لا يوفقها وبعدها على طول قلتي بنتي الله يحفظها لي صحيح إن تصرفات أم زوجك تقهر وتفقع القلب لكن ترجع ست كبيره ولها إحترامها وعامليها بما يرضي الله عز وجل ولو هي افترت عليك بالسحر ( وهذا شيء بعيد عنك لأنك أولا واخيرا مسلمة ) الله سبحانه وتعالى بينصرك وبما انها بعيده يعني شرها وخيرها بعيد وعليك بالدعاء الدعاء الدعاء والاستغفار الاستغفار الاسغفار يعني اكتفي بحسبي الله ونعم الوكيل وحذاري ثم حذاري ثم حذاري تذكري امه او اهله قدامه بسوء الله يفرج همك وينفس كربك وفقك الله لكل الخير والصلاح وربنا يحفظ لك زوجك وبيتك ويسخر لك ام زوجك وينقلب الكره اللي بينكم لمحبه يارب وربنا يهدي سرك تحيااااااااتي |
اقتباس:
انشاءالله بغرقها هدايا بس عساه ينفع:11: |
اقتباس:
|
اقتباس:
|
اقتباس:
يقولون الطيب مع الطيب تجارة والطيب مع الردي خساره |
اقتباس:
جزاك الله خير |
اقتباس:
الله يكون بالعون ياام الفوز ويسخرهم لنا غصب عنهم ويبدل الكره بالمحبه وتصير حماتي اذا شافتني :14: هههههههههه |
اقتباس:
جزاكي الله خير واللة انك صادقه بقرى بوجهها يمكن شياطينها تهدى:11: |
رأي ياعزيزتي
انك تخبرين زوجك وتفهمي وحسسيه انه امه تغار منك والله أمهات الجوز لمن يغارو يبهدلوك ويطينو عيشتك ومو بعيد تحشي زوجك عليك وحاولي مرررررررررره تتجنبيها وان كانت تسيء معاملتك ابعدي عنها احسن طبعا بالاتفاق مع زوجك وحاولي تكسبيها تحياتي |
السلام عليكم ورحمة الله وبركاته
اقتباس:
اتقي الله اختي عاصفة الابداع بدل ما تحاولي تهدي الوضع بينها وبين حماتها تشعلي النار شوفي رد فيافي نجد والاخوات اللي يحاولون يهدون الوضع ما شاء الله عليهم اتقوا الله في امهات ازواجكم ام زوجك جنته وناره وانتي زوجك جنتك ونارك خليه يبر جنته وناره اختي عاصفة لولا الله ثم أم الزوج كان ماحصلتي على زوج متربي احسن تربية وموظف احسن وظيفة وفي يوم من الايام راح تصيري ام زوج الرسول صلى الله عليه وسلم قال : ( من كان يؤمن بالله واليوم الآخر فليقل خيرا أو ليصمت ) أختي الحبيبة ريمية نجد أنا ما راح أزعل لأنها مب امي لكن هي أم وأم الزوج إلا ماتغار من زوجة ولدها لأنه كان ملكها وفجأه تزوج وصار ملك غيرها اختي ريمية نجد والله لو تحسني معاملتها صدقيني راح تعرف في يوم من الايام انك افضل زوجة ابن في هالكون وراح تاخذي اجرك بالدنيا والآخره اقول لك على وحده من اخواتي مره حصلت بينها وبين زوجها مشكله والله العظيم ما وقف معاها بعد الله إلا أم زوجها لأن أختي الحمد لله تعاملهم زين الحمد لله كل أخواتي أمهات أزواجهم يحبوهم ماشاء الله تبارك الرحمن انا أمي متوفيه الله يرحمها ويغفر لها لكن لو أعرف ان اي وحده من حريم أخواني تقول بس أمك هذاك الوقت اوريهم الوجه الثاني ولو هو سمع لها بيجيه أكثر مما جاها تحيااااااااااااااتي |
أفضل حل
انك تتجاهلي ام زوجك يعني اذا طلعت لسانها وجلست تتكلم وتهوش لاتردين عليها والأفضل انك تجلسين اغلب وقتك بالغرفة لاتقولين طفش وملل كلها ايام وترجعين لديرتك وترتاحين والله يكون بعونكم |
اقول حبيبتي ريميه ريحي ملايكتك العجايز الخبيثات مافيهم فايده خلاص اجمدوا على هالشكل اهتمي بزوجك وبنتك وانسي موضوعها وحاولي تتجنبينها اا زرتوها بس لاتنسي الاوراد على نفسك وزوجك وبنتك وخلي زوجك بالصوره علشان ماتسوس افكاره وبكره يقلب عليك وبحفظ ربي
|
اقتباس:
جزاكم الله خير على الكلمات والنصايح الطيبه |
اقتباس:
الله يستر ويكفينا شر من فيه شر:21: |
اوصيكي غاليتي بصلاة الييل
فهي سهام الييل فالدعوة لاترد ولاكن استغلي هذا الوقت بالدعاء لها انا الله يهديها كان الله عونك |
حبيبتي ريمية والله حسيت من كلامك غنك طيبة وحبوبة ، شوفي عمري
مافي حياة كاملة والله إني حسيت إن زوجك يحبك ويحترمك وهذ أهم شي في حياتك مو مهم إخذي عبارة ( القافلة تسير والكلاب تنبح ) خط عشان تكملين حياتك إعتبري حماتك وحده خرفت اعتبريها مو موجوده اصلاً ولا تجادلينها حتى لو سبتك لأن قصدها تطلعك إنتي الغلطانة مثل ماقالت الأخت (شوبارد) وبعدين خليني أقولك شي خففي زياراتك لها يعني بالسبوع مرة مرتين بس عشان خاطر زوجك المهم إنك تعتبريها ولاشي ولاتناقشيها في ولاشي عشان ماتقلب الكلام عليك وعامليها بالطيب وخلي كلامك معاها محدود جداّ . |
حبيبتي ريمية والله حسيت من كلامك إنك طيبة وحبوبة ، شوفي عمري
مافي حياة كاملة والله إني حسيت إن زوجك يحبك ويحترمك وهذ أهم شي في حياتك مو مهم إخذي عبارة ( القافلة تسير والكلاب تنبح ) خط عشان تكملين حياتك إعتبري حماتك وحده خرفت اعتبريها مو موجوده اصلاً ولا تجادلينها حتى لو سبتك لأن قصدها تطلعك إنتي الغلطانة مثل ماقالت الأخت (شوبارد) وبعدين خليني أقولك شي خففي زياراتك لها يعني بالسبوع مرة مرتين بس عشان خاطر زوجك المهم إنك تعتبريها ولاشي ولاتناقشيها في ولاشي عشان ماتقلب الكلام عليك وعامليها بالطيب وخلي كلامك معاها محدود جداّ . |
في مثل يقول امشي عدل يحتار عدوك فيك واللة لوانك طيبة معاهاوتحترميها وتسالي عنها وترسلي لها هدايا وكل يوم تكلميها وتتقربي منها واللة لتعزك وتحبك زي بناتها واكثر وحنت العمات شي طبيعي جدا بس اكسري حنتها بالطيبة والادب وعاملي زوجك بالطيب وامة علشان محد يمسك عليك زلة واصبري
|
أنا اضم صوتي لصوت شوبارد ما شاء الله عليها هي والاخوات اللي قالوا مثلها
لكن بالنسبة للأخوات اللي يحاولون يشوشون صورة أم زوجك قدامك حتى لو هي قاهرتك أنا أرد على الأخوات واقول لهم ( كما تدين تدان ) وصدقيني الاخوات اللي قاعدين يشوشونك إذا وحده فيهم بنتها كبرت مستحيل إنها تنصحها بالنصايح اللي نصحتكإياها عارفه لييييييييييييييه لأنها تبغي مصلحة بنتها وما تبغى بيتها يتخرب بالعكس راح تقول لها سايسها وهذي مثل ( أمك ) أسأل الله العظيم أن يؤلف بين قلوبكم وينزل السكينة والطمأنينة بينكم |
| الساعة الآن 03:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©