|
زوجي يحب النوم !!!
السلام عليكم
مشكلتي مع زوجي انه كثير ينام وانا ماالومه لانه يتعب بعمله ويداوم طول النهار الى الساعه 4 !!! واذا قلت له شي يقول لي تبيني افصل؟!!! وانا اللي ابيه وقت اقعد معاه قعده خاصه يجي العصر ويكون تعبان وينام الى المغرب ويقوم يصلي ويطلع ساعه او يقعد عندي بس قدام التلفزيون وتجي الساعه 11 وهو على هالحال وانتم عارفين الحين مافيه ليل ويبدا يتثاؤب وماتجي 12 الا وهو نايم وانا اقعد بحسرتي الى الفجر؟!!!! ومايصير بيننا شي الا يمكن مره بالاسبوع والعصر بعد وهو مستعجل عشان ينام له شوي قبل المغرب !!!! حتى اني ماصرت ارتاح معاه واحس كان احد يدفني دف ووراي شي قلت له اني احب اسهر معاه لو ليله مثل المتزوجين بس مافاد سهرت الاربعاء غصب عنه لان ماوراه دوام بس بعد احسه معاي نايم مفتح عيونه !!! وش اسوي |
عادي حبيبتي كلنا كذا مو بس انتي
يعني اذا صار عنده دوام اكيد بيصير تعبان ودايخ بس اهم شي هالكم دقيقه اللي يجلس معاك فيها خليها باسلوبك الخاص احلى الدقايق في يومه عشان يصير يتشوق يقعد معك اكثر |
يعني عادي يروح العمر كله مااحصل منه الا دقايق معاه؟؟
الله يرحم الحال بس المشكله انه بياخذ اجازه وبيسافر مع اصحابه ويتركني وهذا قاهرني مره لاني انتظر هالاجازه طول السنه عشان اقعد معاه وبالاخير بيتركني :( |
اذا هو يتركك طول السنه عشان دوامه ولما تجي الاجازه يروح ويخليك << اجل فيه مشكله
حاولي فيه انه على الاقل يسفرك انتي اول بعدين يروح مع زملاه على الاقل ما تحسين انه مقصر معك والله يخليكم لبعض |
ابدا انا راضيه يسفرني عقب مايرجع بس رفض
يقول شكلك تعودتي وهو ماوداني الا شهر العسل !!! وزعل مني وقال خلاص منيب رايح مع اصحابي ... انا اداوم طول السنه وحاسدتني اوسع صدري اسبوع مع اصحابي !!! قلت له انه ماهو قصدي وبالعكس ودي انك تروح توسع صدرك بس تخلي لي اسبوع اروح معاك لاي شي قال بيتنا احسن شي!!! ولاعاد ادري وين اجيه معه انا فكرت اروح لاهلي قبل اجازته باسبوع يمكن يشتاق لي اذا راح مع اصحابه !!! كنت اتحمل طول السنه دوامه وتعبه واقول ماعليه شي غصب عنه وبياخذ اجازه واشبع منه ... بس لما دريت انه بيتركني ضاق صدري مدري ليه حنا الحريم نحب نروح مع ازواجنا وازواجنا يحبون يروحون مع غيرنا ؟؟!!!! اللي قاهرني ان كل اللي بيروحون معه عزاب ... واللي متزوجين منهم قد راحوا بحريمهم ومشوهم .!!! ولما قلت له كذا قال : هم معطلين 3 شهور مو مثل حالي عطلتي اسبوعين !! اخرتها قلت له شكل الروحه معي تضيق صدرك ؟؟.!!! وتخيلي وش قال لي: يمكن !!!! |
حالتك تشبه حالتي....انا زوجي يداوم لين الساعه 6 يجي هلكان...المهم انه يجلس معاي اقل من ساعه بعدها ينام الين الصباح (هذا اذا ماعنده شغل او شي يبي يسويه)...
وهم بعد يبي يسافر مع صديقه وانا مو موافقه ...فوق كل هذا يسافر ويتركني....قمة القهر..... |
الظاهر يانور ماهو انا وانتي بس
بس الشكوى لله سبحانه |
يمكن!!!!
صدقيني هذي الكلمه اكيد طلعت في لحظة غضب احسن حل انك ما عاد تفتحين معاه الموضوع وادعي ربك في كل سجده صدقيني اذا ما فيه خير هذي السفره ما راح يسافر اهم شي انتي وسعي صدرك اذا الرجال قال بسافر خلاص بيسافر لو ايييييييش |
عاااااااااااااااااااااااااااااااااادي
انا زوجي نفس الحاله كل وقته نووووووم حتى مرة قبل 4 شهور أخذ اجازه 20 يوم تحسبينه طلعني والا مشاني والا سافر بي والا عشاني بمطعم !!!! ولا شي من هذا طوول وقته نوم أروح الجامعه وارجع وهو نايم انوم العصر واصحى لينه نايم واذا صحى راح جلس عند أهله ساعتين ويرجع يتعشى وينام والله انه 20 يوم كلها نوووووووووووووووووووووووووووووووووووم لدرجه حتى ماصار يوديني بيت أهلي صار اهلي يرسلون لي السواق مع اخوي يجون ياخذوني وهو نايم لازم تتعودين اللحين انا تعودت سنه ونص وانا على الحاله هذي صرت أحس البيت حلو لما ينام اما اذا صحى من نومه تجيني حاله طفش كأنه ضيف ثقيل دم |
اكيد له طلبات وانتى لك طلبات .. ابتساماتك لها دور في انه يحبك
وبعد فترة الامور تتغير معه رح يحبك انتى بس وينسى اصحابه وسفرياته المهم انتى لا تتغيرين الا للاحسن .. والله يعينك عليه ولا يغيره عليك الا بالاحسن |
و الله فرحتونى ان زوجى طبيعى
انا كنت خايفة يكون زوجى مش طبيعى او ان انا مش مالية عينو بس الظاهر المشكلة عااااااااااامة الله يعيننا |
و الله ما تحكون عنه جميعا لا يمت للطبيعي بشيئ . ام هي اختلافات مجتمعات?????? ام ثقافات ????????? ام للتعدد عندكم هذا التاثير ?????????
ان ياتي الرجل زوجته مره كل اسبوع و تقولوا طبيعي لا . ان يسافر الرجل في اجازته الصيفيه و يترك اسرته طبيعي لا. ان ينام الرجل معظم وقته في البيت طبيعي لا كان الله بعونكن جميعا د.نبيل |
8
8 8 اؤيد بعض هذه الكتابات |
تسلم يمينك د.نبيل والله كلامك عين العقل صحيح هذا الرجل مش طبيعي وانا نفسي اعاني من هالمشكلة اللي هي النوم يعني الرجال صار ينام ويقصر معاي بكل النواحي يعني من الناحية الشرعية ومن انه يسهر معاي او نجلس نتكلم مع بعض لدرجة اني في اغلب الأيام ما ألقى وقت اشكي له همي او اسولف معاه والله إني بنسى الكلام بسببه ........
|
الله يرحم حالنا وش نسوي عاد
نقول طبيعي ونمشي حياتنا احسن من الهوشات كل يوم واخرتها يطفش ويخليني !!! اختي درعاويه انا سكت عن الموضوع من يومين وبسكت عنه لين يرجع من سفره بالسلامه ان شاء الله لعله يرحمني ويوديني لشي انا قلت له اذا المشكله فلوس انا وانت نتعاون ونتمشى خاصه اني موظفه ولله الحمد قال لي لا المشكلة مهوب فلوس ريم 2006 هذا اللي انا خايفه منه انه يتعود النوم بكل وقت وينسى حقوقي عليه واخاف اكثر اني احسه انسان ثقيل على قلبي وجوده !!! اجل وش فايده نعيش مع بعض اذا حتى الكلام مع بعضنا مانلقى له وقت انتبهي اختي لنفسك وتلاحقي عمرك قبل يتعود على كذا وتبلشين كلام الدكتور نبيل صح بس من يفهمنا لو اقول له كذا قال كل الناس كذا مدري احنا غلط والا مجتمعنا عودنا على كذا ؟؟ الله يفرجها بس |
اليوم اعطاني من وقته نص ساعه لين خلص حاجته
وانا تركني بحسرتي ماقضيت حاجتي معااااااااه ولاحتى قال لي لو كلمة حلوه !!! وتقولون طبيعي ؟؟ |
يا د. نبيل
لية تحزنا على حالنا بس؟؟؟؟ خلينا فاكرين ان كدة طبيعى احنا ناقصين هم على همنا !! |
كان الله بعونك
بس انا اشوف نومه كثير بالفعل اعرف واحد مع زوجي بالعمل عنده هذي المشكله وراح لطبيب ونصحه يسوي حجامه والحمد لله خف نومه كثير يعني اختي بصراحه احسبيها نومه العصر تقريبا ساعتين + من 12 الى 7 تقريبا 7 ساعات يعني ينام 9 ساعات باليوم انا احسها كثير وخصوصا انت تقولين اذا سهر تحسينه نايم ؟؟؟ طيب حاولي معه ما يطلع كل يوم مثلا مره اذا قام العصر تصيري مجهزه عصير ولابسه له ومجهزه فلم تقولين له مالك حجه توك صاجي وشبعان نوم مشتهيه تشوف الفلم معي يمدحونه ؟؟؟ جربي يمكن ينفع ؟؟ تحياتي دلوعه زوجي |
ياحبيلك
المشكله بنتي تنام معاه العصر وتقوم مفتحه عيونها واستلمها عااااااد والمشكلة الاكبر انه يالله يقوم يصلي المغرب وعلى بال مايتواسى على كنبة الصالة يصير باقي نص ساعة على اذان العشاء وبعد مايصلي العشاء تصير الساعه 9 وزيادة يجي يستلم التلفزيون ويتعشاء ويتثاؤب!!!! |
اقتباس:
دكتور نبيل اختلف معك بهذا الرد جمله وتفصيلآ بما انك دكتور الاعضاء والزوار يهتمو بمداخلاتك واضافاتك لانك وبكل بساطه دكتور لم تصل الى هذه المرتبه الا لانك متعلم وبكل تاكيد وواعي بمشاكل الناس واكثر خبره بهذه المشاكل عن غيرك وقادر على تفهم الامور النفسيه ومرعاتها فمثلآ هذا الرد يسبب للزواجات الكثير من الاحباط والالم وانت كـ دكتور تعلم ان المسائله النفسيه تلعب دور كبير ولا يخفاك ذلك فمن باب اولى انك ترفع من معنويات هذه الزواجات وتشرح لهم اسباب هذه المشكله لدى ازواجهم والنصائح لتفادي المشكله بدلآ من تفاقمها انا اذكر لكم مثال بسيط وخفيف انا اشتغل بشركه والدوام الرسمي من الساعه 8 الى الساعه 6:30 وبنفس الشركه هناك الكثير من الجنسيات جنسيات عربيه مسلمه وعربيه غير مسلمه وجنسيات غربيه من امريكا واروبا وهم تقريبآ يصلون الى 60موظف مع فارق الثقافات والتعليم من شخص لاخر والاغلبيه منهم متزوجيون وعندهم اولاد والكل يشتكي من مشكله طول الدوام وتنظيم ووقت النوم والوقت المشروع للزوجه والاولاد ووقت الراحه والاسترخاء والاغلبيه يعترف ان طول مده الدوام الرسمي سبب رئيسي لتقصيرهم مع زوجاتهم واولادهم فالكل منا وقت الدوام يستنزف الكثير من الجهد البدني والفكري والنفسي وهذا كله مؤثر جدآ وطبيعي يكون هناك ارهاق و تقصير متفاوت من شخص لاخر لاهله واصحابه نصيحتي للاخت السائله وللاخوات يجب ان تكوني عونآ له لا عونآ عليه وان تكوني خير امراءه لزوجها وان تتفهمي ان مطالب الحياه هي من تجبره على هذا التقصير وان تستقبليه بكل رحابه صدر وبكل شوق وفرح وتودعيه كذلك حتى يقدر ان يتخلص من هذا الجهد الكبير بهذه المعامله الكريمه منك وان يتقرب لك اكثر واكثر ويقوى على تلبية كل احتياجاتك مجرد نصيحه من اخوكم الصغير :21: |
اقتباس:
|
و انا اتفق مع jeans
فكما يعطى عملة حقة كاملا يجب ان يعطى زوجتة و بيتة حقوقهم كاملة |
بسم الله الرحمن الرحيم انا اتفق مع كلام الاخ عاقل بقوه مع فائق احترامي لكلام الاخ المشرف د.نبيل فكلامه لاينطبق على عالمنا العربي لان الاخ الفاضل د.نبيل يعيش في المانيا وهناك تكون ساعات العمل من 4_6 ساعة عمل يوميا. اما في معضم البلاد العربية تكون ساعات العمل من 8_10 ساعة عمل يوميا. لهذا السبب لايجد المواطن العربي وقت فراغ كما هو الحال عند المواطنين الاجانب. مع الشكر... |
يعني معاه حق ينام ويخليني ؟؟
انا بعد دوامي قبله واروح لمسافات ابعد عنه عملي على بعد ساعه ونص من البيت واطلع من الفجر وارجع هلكانه ومع ذلك اتمنى اسهر معاه ليله حتى لو رحت للدوام مانمت هذا الفرق بين الحرمه والرجاااااااااااال على كذا لااحد يعرس الا بعد النقاعد احسن له عشان مايتعب نفسه |
تقولين لاتعودينه على طريقته !!!!!
ريم 2006
هذا اللي انا خايفه منه انه يتعود النوم بكل وقت وينسى حقوقي عليه واخاف اكثر اني احسه انسان ثقيل على قلبي وجوده !!! اجل وش فايده نعيش مع بعض اذا حتى الكلام مع بعضنا مانلقى له وقت انتبهي اختي لنفسك وتلاحقي عمرك قبل يتعود على كذا وتبلشين حبيبتي أختي سؤال على الماشي انا لي سنه و6 شهور متزوجه وهو هذا حاله ما يصحى أبدا الا بحالتين: 1) يصحى الصبح الساعه 7 عشان الدوام 2) يصحى الساعه 9 الليل عشان يروح لبيت أهله وبعد مايرجع من أهله يتعشى ويجلس عند التلفزيون شوي ويرجع ينام مرة ثانيه واذا رجع من الدوام الساعه 4 العصر يتغدى وبعدها على طوووووووووووووووووووول ينام الى الساعه 9 وأيام الخميس والجمعه ينام الساعه 1 بالليل ومايصحى الا 3 العصر واذا صحى تغدى ورجع نام الساعه 5 العصر الى العشاء وبعدها يصحى متكند من كثر ما نام وتبداء حرب داحس والغبراء :16: بيني وبينه أنا أطلع حرة الاسبوع كله في يوم الخميس وهو يبداء بالصراخ والعصبيه:19: واذا مر علينا خميس وجمعه بدون طقاق وحروب نستغرب ونتعجب;) خليها بالقلب تجرح ولا تطلع لبرا وتفضح هذي عشتي انا ويها من تزوجنا كل وقته نوم واذا صحى وقال ليش ساكته ما تسولفين اقوله طول الوقت لحالي وش اسولف فيه وش يقووووول ::( انتي تبيني أواصل ليل مع نهار عشان أجلس مع حضرتك طال عمرك) تكفين انا مليت وزهقت من كثره نومه بس الآن خلاص ان شاء الله كلها كم شهر وأرتاح من هالملل وأولد بالسلامه وأنساه بس اصير متفرغه للبيبي وهو خل ينووووووووووووووووم على راحته.. |
والله يا حبيبتي انا حالتي نفسج و يمكن اصعب بعد , لان زوجي نومه ثقيل وااايد, واتوقع ان دايما يكون هذا حال الرجال الي دوامهم طوبل او شفتات . او انه طالع طول اليوم بالساعات و يحاسبني على الساعتين الي يقعدهم معاي ,
و حتى اذا قعد معاي يكون مشغول بأشياء ثانيه ... |
ريم 2006
والله انك ترحمين حالتي هانت عندك بس انتي ترى مااعطيته وجه بزياده والله لو منك اكب بوجهه الماء واتعذر بالصلاة يقوم يصلي المغرب وش ينومه بعد؟؟؟؟ الا صدق على هالحاله وشلون حملتي !!!! خل زوجك يشوف له صرفه مع هالنوم ماهو طبيعي ابد وبعدين لاتظنين انك بترتاحين بعد الولاده بالعكس بتنهبلين ازود انتي بتحوسيين مع البيبي وهو ولا يدري عنك والمشكله اذا تعود على هالشي بكره ماراح يلتفت لاولاده ولا راح يشوفونه اقول سنعيه بس قبل يفوت الاوان |
اقول نستله
شكل الحريم واجد اللي مثلنا !!! |
أختي سؤال على الماشي
وريم2006 ونستله ومن في مثل حالتهن أنصحواأزواجكم يسوون حجامة ممتازة لتخفيف النوم حتى اللي نومه ثقيل يخف تراها مجربة وراح تدعون لي |
فعلا انا واحد من معارفنا كان ينام يوم كامل <<<<<<<<الاخ فاقد
وبالحاله يالله يقوم سوا الحجامه وتعدلت نومته الله يسهل اموركم |
انا العكس جوزي هو بدايئ مني لاني بروح من شغلي وبكون تعبانة الله يعينا انقطع حالنا يعني
|
اختي الألمعيه
قلت له روح سووا حجامه قال لا طبعا لأنه أنسان موسووووووس الى أبعد درجه واذا كبيت عليه مويه متعذره بالصلاه وش يسوي من زين الطبايع يزعل ولا عاد يكلمني اسبوع كامل وياخذ فراشه وينام بالمجلس انا نفسيا تعبانه منه مرة بس وش أسوي اذا قلت لأهلي قالوا كل رجال فيه عيوب احمدي ربك مايشرب ولا يدخن واذا قلت لاهله قالوا الله يعينك عليه من أوووووووووول وهذي طريقته كل وقته نوووووم خلاص انا زهقت صرت ياأمسك التلفون مع صديقاتي او أروح عند اهلي من الصبح الى الليل والا ماسكته الانترت لمدة 6 او 7 ساعات ومابقيت منتدى ما اشتركت فيه من الملل والطفش |
ريم 2006
دى عملة تعمليها ؟؟؟ مياة على راسو و هو نايم ؟؟؟ دة كلام ؟؟ طبعا لازم يزعل و يقاطعك كمان |
ساعات يتاخر الانساجم الزوجى والتوافق بين الازواج بعد سنه سنتين ويمكن اقل ويمكن اكثر ومهما كان في الرجل من عيوب الا ان المراه ايضا يكون فيها عيوب ويمكن ان النوم في هذه الفترة من السنة شئ خارج عن الارده وشئ يحتاج الى التعديل والتعديل ياخذ وقت مع العلم ان الرجل دائما ما يخبأ مشاكله عن زوجته بعكس الزوجه تطلع كل المشاكل اللى عندها عند زوجها ... والقاعده تقول ما كل ما يعلم يقال ... واكثر النساء يعاكسون هالقاعده
الله يوفقك دنيا واخره بس تراه بيحس بعدين بالتقصير الحاصل منه وبتعبك اللى هو ما حس به ولا اخذ باله منه ومنك |
الحياه تضحيات وبعدين ممكن تكثيرى عوامل الاغراء والدلال حتى لوكان تعبان سوف يفضلكى على النوم بس انتى اعتنى بمظهريك
|
اختي ريم عندي لك حل
اذا بغيتي تقومينه لاتقعدين تصايحين على راسه اغسلي يدك بمويه بااااارده وبعدن عطريها ومرريها على وجهه بنعومه وياحبذا تجي معاها بوسه وهمسة باذنه ياحبيبي ماودك تقوم ؟؟ صدقيني جربتها وارتحت من الصياح كل يوم حاولي تجينه بالمسايسه وان شاء تتسهل وش نسوي مالنا الا كذا |
اخوي رجل
ماخليت شي ماسويته له بس تعبت انا اللي اتحرش فيه صرت استحي وودي هو اللي يطلبني احس على الاقل اني معجبته |
| الساعة الآن 03:30 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©