|
ولدي خوااااااااااااف
السلام عليكم ورحمة الله وبركاته
اخواني باطرح مشكلتي وان شاءالله الاقي الحل عندكم ولدي وايد خواف من كل شي يخاف يعني اذا بنرقد ونطفي الليت يقول بطلي الليت انه اخاف او تعالي رقدي يمي انه اخاف والمشكله ان اللي يخاف منه شي تافه يعني اذا عبايتي معلقه يقول لي شيليها اخاف منها تخرع في الظلام او اذا اطرشه مكان يعني برع الغرفه يقولي اخاف اروح حتى بالنهار اسئله من شنو تخاف ما يرد علي ،حتى اذا في هوى يحرك الاشجار يقولي مابي اروح اخاف من الهوى اقوله انت تقول هوى ليش تخاف منه ، تعبت عشان انمي عنده شوية شجاعه اقوله اي شي بتسويه او اي مكان بتدشه قول بسم الله الرحمن الرحيم وكل شي تخاف منه بيروح ياليت تساعدوني وتعطوني حلول لاني الصراحه مابي يكبر وهو خواف:24: |
وين ابوه عنه المفروض ابوه يهتم فيه بزيادة وياخذه معه
اماكن تعطيه الشجاعة مثل البر والاماكن المظلمة وتدريجيا راح ينسى الخوف لكن فالبيت لايمكن يتشجع ابدا |
والله ما ادري شاقول يا اختي\اخي وجه الحقيقه ،ابوه كلش ما ياخذه معاه حتى هو متعلق فيني اكثر من ابوه لانه ما يجوف ابوه وايد من كثر طلعاته
|
اخوك وجهه الحقيقة
كلميه لازم ياخذ ولده ويدربه شوي شوي مرات ياخذه الصبح يعني فالنور للمكان ويرد ياخذه ليل وصدقيني راح يتعود ولد اختي ماكان يخاف لكن عيال عمه يروعونه مع المغرب المهم الولد صار يخاف ويبكي من ادنى شي حتى لو اكلمه بكى وانا اكره البكا لدرجة انه صار يقطع الكلمة خمسين مقطع لين ينطقها صرت اجلس معه كثير واسولف ونطلع سوا الحمد لله الحين رجع عادي جدا بس عنده عقدة الاسد يفكر انه يقدر يذبح الاسد خيال واسع والله يستر |
عزيزتي عيون فاتنة ..ماترينه أنت تافهه فهو مخيف طبعا بالنسبة للطفل .. لا تحاولي أنتجعلي الغرفة ظلام دامس ولكن اجعليها مضاءة قليلا للحد الذي يمكنه من الرؤية ولكن ليست الرؤية التامة ..
وبالنسبة لخوفه من الأماكن حاولي أن تذهبي معه وتقولي له انظر لا شئ يخيف .. وشجعيه إذا ذهب بعد ذلك لوحده سواء بالتشجيع المعنوي أو المادي .. وخوفه من الهواء اعتقد لأنه يسمع الجلبة التي يحدثها الهواء القوي مما يبعث في نفسه الخوف ... الف تحية ..أختك أم البنين |
شكرا اخوي وجه الحقيقه بس صدقني انه خاطري ان يطلع مع ابوه بس ابوه طلعاته مو مالت ياخذ ياهل وياه يعني هو اذا بيطلع بيروح القهوه وطبعا ما ينفع ان يوديه معاه،جم مره اقوله اخذه وياك طلعه يقولي انه عندي شغل
اختي ام البنين مشكوره على المرور بس للتوضيح(عيون فتانه وليست فاتنه) ،ثانيا هو ما عنده اماكن معينه يخا ف منها بس اذا مكان مظلم او مكان ما فيه احد حتى لوكانت الغرفه اللي يمنا ما يروح ويقولي تعالي معاي واروح اقوله اول شي قول بسم الله وادخل معاه اقوله جوف مافي شي يخوف يقعد يضحك |
طيب اذا في اطفال بالبيت غيره حاولي تتركيه معهم كثير وشجعيه اكثر
يعني قولي له بطل ورجال كثير لان التشجيع يجيب نتيجة قوية |
شكرا اخوي وجه الحقيقه على النصائح وان شاءالله باجرب وجزاك الله خير
|
اذا كان عمره كبير حاولي انك تخلينه يشترك بانديه صيفيه يختلط باطفال يكون صداقات
اجلسي مع ابوه وتناقشي معاه وعلميه ان هذا الشي ممكن ياثر على نفسيته مستقبلا فخليه يتعود انه ياخذه معاه حتى لو للسوبرماركت اومشوار قصير وباذن الله مع الوقت بيتغير........... |
شكرا على النصائح اختي\اخيjeansعلى النصائح والله يقدرنا ونحل هالمشكله
|
ماعرفت عمر طفلك!! عموماً اجلسي تكلمي معاه و حاولي تنزلي لمستوى تفكيره وتعرفي ايش اللي مخوفه وبعد ما تبيني له ان ما في شي يخوف وممكن تشغلي كل لمبات البيت وتدوري معاه في البيت و تخلينه يشوف كل الاماكن اللي يخاف منها الغرف الممرات الحمامات وداخل الدواليب و ذكريه ان الله يحميه اذا ذكر اسمه وهذا سلاح يخوف الشياطين و الجن او اي شي هو يخاف منه.. بعدين دام طفلك يخاف من الظلام خلي نور خفيف في كل غرفه لحد ما يكبر شوي لان منظر الظلام فعلاً مرعب.. اهم شي ابعدي طفلك عن المناظر المرعبه مثل افلام الرعب او مناظر الحرب او افلام كرتون اللي فيها عنف او حتى اشرطة العاب الكمبيوتر المرعبه او فيها قتال ودم.. وان شاء الله بيتحسن طفلك |
شكرا سوسو عمر ولدي 6 سنوات
|
انا اختك في الله جينز
عزيزتي .... ولدك الان عمره 6سنوات الله يحفظه......يعني بعد فتره اكيد بيروح المدرسه حاولي تتكلمين معاه تقوين شخصيته تسولفين له عن المدرسه وانه لازم ما يخاف وبيكون عنده اصدقاء ابطال مثله ما يخافون ومن هالكلام......... وفعلا زي ما قالت اختي سوسو خلي الغرفه الي ينام فيها تكون فيها اضاءه خافته علشان يروح عنه الخوف ويطمئن انه ما فيه حاجه بالغرفه مخيفه وعوديه على الاذكار البسيطه سهله الحفظ...........والله ييسر امورك والله الاطفال عالممم يبيلهم صبر اللع المستعان |
شكرا اختي جينز والله وانتي الصاجه الاطفال يبي لهم قلب ما يتعب (الله يعينا على تربيتهم )وجزاك الله الف خير
|
6 سنوات الحلول كثيرة اول شي ارسليه روضة اطفال لكن الله الله بالروضة
الجيدة اللي فيها نسبة الاولاد اكثر والله لتخافين منه بعد شهر واحد واذا رجع البيت عليكي بسبيس تون وبعدها حصة اذية فالبيت او مع الاطفال صدقيني راح يخوف الظلام واعتقد انك انتي من صنع به ذلك لزيادة الحرص والخوف عليه لكن جربي وراح تشوفين الفرق |
إذا إبنك بعمر 6 فما فوق خذى المسألة بمحمل جد وحاولى علاجه بالتدريج .....وعطيه الثقة وبدأى بالكلام ولا تستعملى معه كلمات تحبطيه مثل يا خواف أو لاتقارنيه بأحد أصغر منه ...قولى له والله إنت إتفكر كذا تعال إنشوف كلامك صح ......
لان إبنى بعمر 6 كان لى تجربة معه ....فوضعت له لمبة صغيرة بغرفته فى البداية وكنت أجلس معه حتى ينام ......ثم كنت أنتقل لغرفتنا وبين غرفنا باب متصل وأجلس بالمقابل وهو يرانى حتى ينام ثم بدأت أطلب منه النوم وأنا بغرفتى وقوم أطل برأسى عليه ليعرف إنى مازلت معه ....ثم بدأت أطلب منه الذهاب للنوم وأنا بالغرفة ......وهكذا كما إنه كان يخاف ركوب الدرج إلا مع أحد خوفا منه ومن الممر الذى يوصل لغرفتنا ......فبدأ زوجى معه بقول بسم الله .....وتركه ليركب الدرج الى النصف معه ثم يكمل بنفسه ......ُم كان يركب وأبوه ينتظره بألأسفل أو الاعلى .......ثم بدا يطلب منه ترك باب الغرفة مفتوحا ويطلب منه النزول لجلب غرض من الصالة وأخذ هذا منا وقتا فى حدود 6 أشهر ولا زال له بعض المخاوف .....فنصيحتى إبدلأى معه بالنهار ثم بعد التعود بالليل |
شكرا اخي وجه الحقيقه لعودتك انه دخلته روضه ثلاث سنوات واحين ان شاءالله بيدخل المدرسه وهو ماشءالله عليه مو حصة اذيه حصص اذيه هو وااااايد شيطان وحركي تنطبق عليه المقوله المعروفه ((كل شيطان خواف)):)
اختي لولووا شكرا على مرورج وان شاء الله باعمل بنصائحكم والله المستعان تسلمون |
ذكرتيني بولدي
ابني عمره حوالي 4 سنوات يخاف من الاصوات المفاجئه و منها صوت البرق و الصوت العالي و الالعاب الناريه با تابع الموضوع حتى اعرف طريقه للتغلب على هذه الظاهره |
شكرا اختي ام اثير والله يعينا على عيالنا
|
| الساعة الآن 01:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©