للي يبي يسوي عملية الليزك
 

هذي اول مشاركة لي بالمنتدى

وشاركت عشان احب انصح كل اللي بيون يتخلصون من النظارات والعدسات انهم يسوون العملية

بصراحة انا من زمان البس النظارات من شي حوالي 12 سنة وتعبه الا ابعد درجة والاتعب منها العدسات لافي التركيب ولا الاحساس بالصداع

فكرت اسوي العملية لان النظارات تمنعني من لعب الكورة اخيرا قررت اني اسوي العملية سويتها بمستشفى الحبيب بالرياض عند دكتور نصحوني به كذا واحد

دخلت غرفة العمليات الساعة 6:16 وطلعت منها 6:27 دقيقة عملية سريعه مافيها الم الا الام بسيطة طبعا طبيعة الرجل تتحتم عليه ان يصبر والله واطلع من عنده ويصرف لي قطرتين اداوم عليها قال لي بتحس بغشاوة الايام الاولى
وطلعت وحسيت اني اشوف الدنيا شكل ثاني ماني مصدق الف راس بكل الاتجاهات بسرعة احس اني حر

السبب الثاني اللي خلاني اسوي العملية هو مبين من الاسم حقي زوج عاشق
لان زواجي قريب واحب اكون بمظهر حلو قدام خطيبتي وسويت اللي سويته عشان ابغا اعيش انا وهي بدنيا ثانية بعيد عن النظارات وقلقها


عموما العملية مو مره مكلفه:

الكشف 200 ريال
الفحوصات 550 لمدى ملائمة العين للعملية
العملية وهو اهم شي 7000ريال
القطرات 55 ريال

المجموع 7805 ريال

والله يوفقكم:29:

جزاك الله خير..

و مبروك الليزك..

والحمد لله على سلامتك..



انا بعد ودي أسويها .. بس متردد ..

الله يسلمك ...
اذا لقيت الدكتور الممتاز سوها وتوكل على الله وقبل كل شي استخير

لانه ماندم من استشار ولا خاب من استخار

انا أريد أسويها
بس خايفة
ومترددة
ولكن مشاركيك شجعتني

والله حتى أنا الوالد أقترح عليا أسويها بس خايفة ولمن شفت كلامك أخوي زوج عاشق أتشجعت لكن بعدما خلصت من كلامك رجعلي الخوف

همممم..

المشكلة أنا ابي أجرب بعد :d

بس المشكلة....

إلى متى ببقى كذا بعد العملية :25:

يعني راح أشوف زين بعد العملية إلى الأبد :27:

واللي خايف انه يوم أكبر تطلع أعراض يمكن محد يتوقعها :29:

ننتظر ونشوف تجارب غيرنا :15:

وشكرا

طائرة , afmen, خالد

انا الان نظري 6/6 جيت الدكتور وقلت له زي ماقلت لكم وقال لاتخاف ولا فيه شي يخوف وان شاء الله نجاحها98%
ولا لها اي مضار مستقبلية هذا قاله بعظمة لسانه واذا لاسمح الله العملية مانجحت المستشفى متكفل بعملية ثانية ان لزم الامر
صدقوني والله ربع ساعة تغير مجرى الحياة

دخلت غرفة العمليات وان شايل نظارتين وخرجت ولا في جيبي ولا نظارة الحمدلله

الحمدلله انا استخرت الله قبل ماسوي العملية وخطيبتي استخارت وقالت لي سوها لان الحمدلله ماشفت شي بعد الاستخارة وبحمدالله تم كل شي

جدا مافيه الم الا حاجة بسيطة لمدة ثانية عشان لما يركب في الجفن زي الحديدة عشان العين ماترمش

والله ماصدقت الين قال لي قوم يازوج عاشق انتهت العملية ونا ماني مصدق
لا ولايمديني اخرج وخلفي مريضه ثانيه

والف شكر على المرور

انا اتخيل عيني مفتوحه احسها بتكون جافه و هالشي يخوفني لاني ما استحمل افتحها لمده ثانيتين عيل كيف لو قالولي عشرين دقيقه

اولا اخي الف مبروك زواجك قريب والله يوقفك

وما شاء الله عليك حاسبها صح:)

احب اقولكم تجربتي انا سويتها وارتحت الحمد لله من حوسه العدسات والنظارات والعمليه مضمونه والضامن الله

بس الي يحب يسويها يستخير اول

واحب اقول للal3efah ما راح يكون فيه الم الا الشي اليسير وما يحس الواحد بعيونه هههههههههههه
وقبل لا تبدا العمليه يعطونك قطراات تخدير


بس الحمد لله راحه والله
وانصح الي ما سواها يسويها
تحياتي

[blink]al 3efah [/blink] صدقني الوضع مايستاهل كل هذا الخوف وبعدين كلها دقايق اصلا العين راح تكون مخدرة وبعدين علميا معروف ان العين ترمش اذا فيه جسم لمس العين بس عينك مخدرة انت انوي وشوف النتايج.



[blink]jeans[/blink] واووووو:o :o صدتني بهالشي انا لاحاسبها ولا شي ونا الفلوس ماتعني لي شي مقابل اني ارتاح بس ياعزيزي لان فيه ناس اول ماراح يسألون عن السعر حبيت اكون ديجيت ودقيق واريحهم من بدري هذا اولا
ثانيا: الله يبارك فيك ويطول عمرك والعاقبة لديك بالمسرات:17: :17: بس خلها على ربك انتظر الايام اللي قبل الزواج والله كأنها ماتمشي الايام على قولة المعلقين :17: الوقت يمضي بطيئ على الفايز وانا احس ان فيه واحد قاعد يسحب عقارب الساعة عشان ماتمشي:22: .
ثالثا: الحمدلله على السلامة بس بسأللك سؤال:27: بكم سويتها:16: خلاص بلا ضرب.


[blink]أبو محجن الثقفي[/blink] شوفوا الشايب له 7 سنين وانا لي اسبوعين ومسوي ااني قديم:24:
اما من ناحية التجربة فحدث ولا حرج انا سمعت وجلست مع من سووا العمليو وبفضل الله ان كل شي على مايرام
حتى سمعت من مصدر موثوق ان عاكف مغربي صاحب مستشفيات المغربي سواها والله يوفق والله يتمم.

بايااااااااات:29:

اخي زوج عاشق

للمعلوميه أنا أمرأه ولست رجل

وفعلا كلامك صحيح عن بعض الناس تستفسر عن السعر



انا بالنسبه لي سويتها ب8000 واتوقع الان ارخص لان هذا الكلام قبل 5سنوات


تحياتي

Sorr Jeans
 

[blink]ايام سو سوري Jeans[/blink] هذي المرة الثانية اللي تصيديني فيها:o :o :o بس الليمايعرفك مايثمنك لان مو باين من ردك انك بنت لاني عضو جديد ولا امكني اتابع مواضيعك اللي بالمنتدى:11: :11: :11: وحقك على راسي من فوق:17: :17: :17:


المهم انا لما سويتها عند هالمستشفى كنت لاقي ب6000 في مستشفى ثاني وقلت لهم لقيتها باقل قال
قلت اتكل على الله وسويها




باياااااااااااااااااااااااااات

سؤال

يقال أن من يعمل هذه العملية لا يستطيع التواجد في أماكن فيها الشمس المباشرة كالشاطئ و الشوارع في الظهر


فهل هذا الكلام صحيح؟؟
طبعا أنا أتكلم عن مرور مدة بعد العملية؟؟

هل فعلا لا يستطيع الشخص الذهاب إلى البحر أو النظر في الأفق في وجود الشمس القوية كما يتمكن الشخص العادي من فعل ذلك

"لا أعني أن ينجن و ينظر مباشرة للشمس فاللي نظره 6/6 لا يستطيع ذلك و لكن أقصد التواجد في مكان مشمس"

وكيف ممكن أعرف النظارة الشمسية كويسة 100% أم ليست جيدة؟

ان شاءالله ابسويها شهر 3وربكم ييسرها

أنا مسويها من 11 سنة

والحمدلله كل شيء تماااام مع العلم مسويها على التقنية القديم


لكن أنصح الأشخاص الذين يريدون ان يعملوا العملية بدلا من أن يذهبوا للمستشفيات الخاصة



إذا كنتم في الرياض روحوا للعيادات المتخصصة او التخصصية التابعة لمستشفى الحرس الوطني

والعيادات تقع في حي المعذر غرب شارع التخصصي

وقيمة العملية 5700 ريال شاملة الكشف والعملية والمراجعة

كل أقربائي عملوها في هذه العيادات

الحمدلله على سلامت الكل

ودي اشارك وياكم
لأني ايضا سويت العملية

وانا سويت عملية الليزك الحديث

الي تم اختراع الجهاز له من حوالي خمس شهور

وانا سويتها من شهر تقريبا

وبصراحة انصح الكل يسويها

بس غالية جدا جدا جدا

وانا سويتها لآني طيار ومن الضروري اسويها

وخذوا عني 12000 درهم اماراتي

واسم العملية ( ليزك زايوبتك )

ومافيها سلبيات (نادرة جدا )
لأني اروح البحر
واطلع ع البر
واقعد يدام التلفزيون والكمبيوتر بالساعات (مهووس كمبيوتر ):d

وكل شي طبيعي والحمدلله

وانصح كل من يلبس تظارة او عدسات
يسوي هالعملية
راحة فوق الخيال

تحياتي

أنا بعد سويتها من حوالي 4 سنوات ولله الحمد ما أعاني من مشكلة في نظري بس زوجي خايف يسويها بس بحاول أقنعه بإذن الله

الحمد لله على سلامتكم


ومبروك للأخ زوج عاشق والله يتمم لك على خير


والله ضحكتني الله يسعدك وذكرتني بنفسي قبل ثلاث سنوات


لما سويتها وطلعت من باب المستشفى صدق حريه من سجن النظاره الله لايعيدها ولا يذكرها بالخير


انا سويتها بمستشفى الكحال بالدمام والدكتور نسيت اسمه


وبصراحه ما حسيت بأي ألم


ونصيحتي لكم الإبتعاد عن استخدام الكمبيوتر المحمول واستبداله بالثابت إلا عند الضروره


لأن مع الأسف أثر على عيوني وأحس نظري ضعف شوي


هذي تجربتي 000 وربي يحفظ الجميع

أنا سويت عملية الليزك في مركز الدكتور سليمان الحبيب بالرياض من سنة تقريباً و نجحت العملية ولله الحمد ولكن درجة النظر في عيني اليمنى أضعف من العين اليسرى بقليل ، يقول الدكتور عادي لأن فيها جفاف بالرغم من استخدامي للقطرة بعد العملية !! الشئ الوحيد اللي كان مضايقني هو جفاف العين بعد كل ساعتين وحاجتها لترطيب ، ومع ذلك أنصح بعمل العملية عند دكتور ممتاز لأنها تريحك من النظارات و العدسات إذا كان الشخص لا يعاني من مشاكل في العين و مع توفيق الله لن تندم .

ممكن سؤالين؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وش اسم الجهاز بالضبط
وش التعليمات اللي عطاك الدكتور بعد العمليه؟؟؟؟؟؟؟؟؟؟؟

بصراحة ما أذكر اسم الجهاز بالضبط لكن هو عبارة عن ليزك ومشرط ومركز الحبيب يعطونك المشرط بعد الاستخدام تأكيد على انهم ما يستخدمون المشرط مرتين .
أما تعليمات الدكتور قبل العملية يفحص العين إذا كان فيها إلتهاب يعالجه أولاَ .
وبعد العملية يعطونك نظارات شمسية تلبسينها عن الشمس والضوء العالي وتتجنبين مشاهدة الشمس بالعين المجردة ضروري جداَ ، تتجنبين حك العين وراح يعطونك بلاستيكة تغطي العين عند النوم لأن العين يصير فيها حكه بسيطه من الجرح بعد العملية و يزول بعد يومين تقريباَ على حسب حالتك ، وقطرتين للعين وحده تستخدمينها شهر تقريباَ عن الالتهاب والثانية هي عبارة عن مرطب للعين تستمرين عليها إلى ان يزول جفاف العين بالنسبة لي مازلت أستخدمها بس مو بشكل يومي .
تتجنبين دخول الشامبو للعين يعني تكونين حذرة عند الاستحمام ، وتمارسين حياتك بشكل طبيعي .
بعد العملية تحسين بجفاف شديد بالعين ويعتبر طبيعي كل ساعة تقريباَ تجف عينك بعد القطرة يزول الجفاف .
ملاحظة / بالنسبة للمراجعات عند مركز الحبيب إذا بتسوين العملية عنده ، ثلاث زيارات لك بعد العملية مجاناَ أقصد دافعتها أنتي ضمن العملية 8000 ريال أما الزيارات الباقية تدفعين 200 ريال عند كل زيارة يعني العملية تكلفك أكثر من 8000 ريال ويمكن تغيرت تكلفة العملية قلت أو زادت .
هذا بالنسبة لي لأنه ممكن يكون هناك اختلاف لشخص ثاني عمل العملية .

انا ايضا عملت العمليه منذ شهر وانصح بها
وعندي ايضا اثنين من اخواني عملوها من سنتين
والكل ينصح بها
ولا آلام ولا اي شيئ
اهم مافي الموضوع ان يكون الجهاز حديث
انا عملتها في مصر وكلفتني 4300 جنيه مصري
اخواني عملوها فالاردن بحوالي 600 دينار اردني
واهم شئ فعلا الاستخاره
وتحياتي

لمزيد من المعلومات عن العمليه وتفاصيلها والاحتياطات وكل ماله علاقه بها
تفضلو هذا رابط الدكتور اللي عمللي العمليه
للفائده فقط


http://www.eyecairo.net/arlasik.htm

وتحياتي لكم

ماشاء الله عليك والله يديم عليك و علينا هذه النعمه يارب وأنا سويتها كذلك أنا وكثير من المعارف ولاشفنا ولله الحمد إلا كل سعادة ,وأدعو كل واحد يفكر فيها يقدم بدون تفكير لأنها إنشاء الله خييييييرة لهم ...

انا عملتها من شهرين ولا الم ولا هم يحزنون طبعا بنج موضعي والعمليهربع ساعه
واليوم الثاني قال شيلي النظاره الشمسيه لا ن الوضع تمام ونظري ممتاز وبديت اشوف من ساعات من عملها بس منعني من الكحل والعطور والعدسات وعملتها عند العيادات الشامله للحرس الوطني عند الدكتور الحواس ب 5000
والكشفيه500 والقطرات 200والمجموع كله5700ريال واللي تبي رقم المستشفى تراسلني عالخاص

اختي قمر العمليه مافيها مشرط ولا جرح انا عملتها مافيها تشريط انتي متاكده انك مسويه ليزك