|
دوامات ماتنتهي ؟؟؟
انامتزوجه من سنتين ونص عندي كتكوته عمرها7شهور معلمه المهم زوجي مشاكله كثيره يبصبص يسولف مع النساء ومو اي نساء الله يسلمكم خواتي حريم اخوانه الممرضات الخدامه اي احد:23: المهم تهاوشنا وتطاققنا وكل شي بعدين شريت دماغي وسكت نهائيا :25: ماعاد اقوله وين رايح ولا وين جاي بدا يتحسن يصلي بالمسجد حتى الفجر يقرا ويسمع اشرطه دينيه حياتنا هاديه بس انا مالي دخل فيه نهائيا يطلع يدخل يروح يجي لا اساله ولا يقول المهم كل هالمشاكل اتحملها بس اللي خوفني :11: انه قاسي وانا اعتبر بغربه ماعندي احد من اهلي يعني مثلا لوشافني تعبانه مايقول شفيك ولو شافني اكل بنادول والله مايسال وش فيك المهم قلت يمكن باقي بنفسه شي علي ذاك اليوم تعبت بنتي وحرارتها مرتفعه والاخ كان زعلان مع اخوه ونايم المهم صحيته المغرب قلت بنتك تعبانه هاوشني سكت كلمت السواق ورحت وديتها المستشفى رجعت ماسال عن بنته قلت يمكن الصباح يسال صحى الصبح وانا كنت اشيل واحط بالكمادات تخيلوا لبس ولا قال وشلونها والا حتى وش فيها قلت يمكن نسى المهم جا من العمل يسال وين الغدا والله ماسالني وشلون البنت والا وش قال الدكتور ولا شي مع اننا ماكنا متزاعلين ولاشي والبارح كنت تعبانه حتى مااقدر امشي وطلع سهر للصبح ولا حتى اتصل سال ولاشي قااااااااااااااااااسي تصدقون اذا احد عنده عزا يدورونه لاننه يثبت اهل المتوفى من قوته ويغسل الميتين عادي ولايهمه مايخاف من شي ولايهمه شي قووووووووي وقاسي جدا هذي طبيعته بس ياعالم انا اقول اذا الله عطاني عمر لابد اني بتعب بمرض بضعف اكون محتاجه لزوج يحس فيني بصراحه افكر جديا بالطلاق وصارحته بالموضوع صار اليوم يسال وشلونك وش تحسين فيه بس ماينفع اللي مو من قلبه واحساسه ماينفع الرحمه مهمه انا صرت اعامله بالمثل يتعب ياخذ حبوب ولا شي ولا كنه موجود لاني كنت اهتم فيه وهو مريض واذا مرضت مايهتم فيني فصرت اطنشه بصراحه الزواج حياه طويله حرام اقضيها مع واحد بهالقسوة وهو وامه واخوانه معرفين بالشي هذا حتى اخته مثله جبارين بمعنى كلمة جبارين اهم ماعندهم راحتهم وانفسهم والباقي بحريقه انا طبيعتي حنونه جدا مااقولكم مااقدر اعيش بعيش بس ليه ماانفصل وادور حياه افضل وانسان احن عليه ويحن علي بس خايفه بعد القى حنون وفيه مصيبه ثانيه بعد:( عورت روسكم بس ارتاح لما افضفض لكم وووالله المستعان
|
الله يعينك حقيقي
طيب وبنتك؟ ما لها ذنب . . صح أختي الكريمة هناك ناس ، نساء ورجال تربوا أن إظهار المشاعر ضعف ونقيصة ربما كان زوجك منهم إن كنت ذكرت أن الأسرة كلها هكذا الله ذكر أن من نعمة على الناس أن جعل بين الأزواج موده ورحمه وإن فقد أحدهما وجد الآخر فالرحمة تستجلب الموده والحب مع طول العشره والتحبب من الطرف الآخر والمودة تستجلب الرحمه إذا أحس المحب بحاجة الآخر وأهمية إظهار الرحمه ، ، أختي الكريمه الرجال من صفاتهم اصمت واعمل كأن يعبر عن رحمته بأفعال قد لا تعني لنا نحن النساء شيئا ربما الإلحاح على الرجل بأمر وإعطائه لائحه بالأسباب التي تدعوه للقيام بهذا العمل تحسسه بأنه أخرق لا يحسن شيء فيعاند ، ، هل فكرت بإجازه بعيده عن زوجك بعد فترة اسبوعين تجعلينه يحتاجك في كل شيء حتى إذا بعدت عنه تذكرك في كل لحظه و أحس بالضياع بدونك ، ، ربما إجازه تصحبين معك كتاب الرجال من المريخ والنساء من الزهره وتقرأينه قراءه متأنيه فترة نقاهه وإستجمام من حياتك الزوجيه وأبعد وأغلالك مثل ما يقول البدو والسلام |
جزاك الله خير اقولك طبيعته هو وامه خواته تخيلي اخته ولدها عمره شهرين يتعب يكح ماعليها منه انا يتقطع قلبي واذا قلت انتبهي لولدك قالت ماعليه ماعليه هذي كلمتهم دايما حتى لو الواحدبيموت دايما يقولون لالا ماعليه ماعليه يعني مافيه شي بنتها عمرها سنتين جابوهامرتين من الشارع مرةبتصدمهاسيارة ومره ضاعت ولقاها رجال ورجعها وامها تقول لالا ماعليها اقولك جبارين طفل يتعب يمرض احد يموت عادي مايهمهم شي مثل ابوهم الله يرحمه وامهم يعني جاتهم من الجهتين صح ان زوجي كل مانبهته على شي يضايقني يحاول يتجنبه يعني صاريسال وشلونك وش تحسين فيه؟؟ بس كيف اجلس طول عمري اذكره اذا ماهي بالاحساس صعبه الله المستعان
|
اختي العزيزة -----لاتشكين لي ابكي لك------اكثري من الدعاء له بالهداية ولك بالصبر--------والمثل يقول غير جبل ولا تغير طبع--------وطنشي -----وتأكدي ان الله مع الصابرين
|
الرد الثاني العقلاني ولك الخيار--------اذا مو قادرة على الصبر احسمي الأمر وبسرعة بطلب الأنفصال -------لأنك وحدك من سيدفع الثمن بعد مرور الزمن----- وستذكرين كلامي هذا يوما ما --- من واقع تجربه ---والله المستعان
|
عزيزتي ريمية..
زوجك من طلع للدنيا وهذا الاسلوب اللي يشوفه ببيتهم.. اشلون تغيرينه في سنة أو سنتين.. الموضوع يحتاج صبر.. أحمدي ربك أنك لما تلومين زوجك عن عدم سؤاله.. ما يكابر ويعاند.. يحاول يغير ويسأل.. حتى لو من باب المجاملة.. بس على الأقل كلامج أثر فيع وخلاه يسأل.. أصبري عليه.. وحاولي بكل الطرق وإن شاء الله شوي شوي راح يتغير.. وحتى لو ماكانت النتيجة مثل ماتتمنينها.. بس على الأقل شوي يتحسن الوضع.. |
عزيزتي الله يعينك ويصبرك أولا ويهدي زوجك ويحنن قلبه لأن الحنان والعطف كل شيء باالدنيا وحسيت من كلامك ومن حياته مع أهله إنه بعيد عن النقطه هذي يعني الاساس خالي من الحنان فصعب إنه يتحول بين يوم وليله أو شهر وشهرين لزوج وأب حنون لكن عزيزتي فيه وسأل كثير بقولك قصة وحده قريبتي تقريبا نفس طبيعة زوجك وهو مدمن لقرائه الجرايد صارت تطبع له أوراق من كل بحر ومواضيع من هنا وهناك كلها عن المشكله اللي فيه اول مره طبعا صارخ وانهبل بعدين بداء يسكت ويسألها إذا تأخرت ماحطت له أوراق يقراها وتغير مع الوقت والنقطه الثانيه تقبلي أختلاف المجتمع بينك وبينه يمكن هو عنده فري الدعوه يسولف مع مين من كان عكس المجتمع اللي عشتي فيه بس تأكدي عزيزتي إن ربي بيفرجها عليك لأن نيتك طيبه وفكرتي باالعسل اللي بينكم الله يخليها لك ويحنن قلبك عليها أدعي ربك يفرج همك وماراح تشوفين الا كل خير تحيـــــــــــــــــاتي |
امين يارب يهدى جميع ازواج وزوجات المسلمين امين يارب
|
اختي مع العشره الطويله والمحبه و الاخلاص منك سيتغير باذن الله
لكن عليك بالصبر و الاستمرار بالعطاء سياخذ وقت الى ان تنسين هذا المواقف اتذكر موقف كهذا حدث من احداقاربنا زوجي مسافر للعمل و كنت في شهري الاخير و كانت الطبيبه قد حذرتني من ولاده مبكره رجل كبير و ابنته جاؤا لزيارتنا اصر الرجل على السفر هو و ابنته اطمان زوجي لوجودهم معنا وسافر ترجيتهم ان يبقو لم يسمعوا مني لقد افتعلو الكثير من الامور حتى يسافروا ويتركوني ولم يراعوا قرابه ولا دوافع انسانيه اوقفتهم فانا اقيم ببلد لا اعرف فيه احد ولايوجد حولي من اترك الاطفال عندهم لو حدثت لي ولاده مبكره نظر الي نظره لا انساها للان بالرغم من انها مضت عليها سنتنان لازلت كلما قابلت هذا الانسان اراها بعينه نظره بارده لا احساس فيها ولا مشاعر من اي نوع مع انه رجل كبير فيا لسبعينات من عمره و المعروف ان الانسان يفيض حنانا في مثل هذا العمر وجدت قسوه في نظرته لي لم اراها في حياتي في عين احد من البشر و اجابني باجابه بارده نزلت علي كالصاعقه انك لم تقنعيني لماذا علينا ان نبقى تركني واطفالي الثلاثه ذاهله غير مصدقه ما حدث رحم الله الخليفه عمر ابن الخطاب امير المؤمنين عندما راى رجلا حائرا وهو يعس الليل وساله عما به فاخبره ان زوجته تلد وهم غرباء فذهب و احظر زوجه امير المؤمنين لتبقى مع زوجه الغريب واحظر ما يلزمهم من مؤنه و بقي مع الرجل الى ان استقرت احوالهم من يومها فقدت الثقه بهذه العائله ولم اعد اصدق اي كلمه منهم احمد الله ان عوضني باطفالي و ادعوا الله ان انال برهم الله يعوض صبرك خير |
[quote=شاهرين]اختي العزيزة -----لاتشكين لي ابكي لك------اكثري من الدعاء له بالهداية ولك بالصبر--------والمثل يقول غير جبل ولا تغير طبع--------وطنشي -----وتأكدي ان الله مع الصابرين[/quot
الله المستعااااااااااااااااااااااااان الله يصبرنا |
اقتباس:
والله كلامك على الجرح الله يكتب الخيره |
اقتباس:
جزاك الله خير لمرورك الكريم وهذا انا اجاااااهد :18: والله يصبرنا |
اقتباس:
شكرا لك واااااااااااااااامين على دعواتك الحلوة الله يسعدك ويجزاك خير |
الله يعينك اختي يارب يحنن قلب زوجك عليكي ويزيد محبتك في قلبه يارب ياكريم ليه
|
اقتباس:
ااااااااااااااااامين:) |
اقتباس:
ااااااااااامين الله يعوض صبرنا وصبرك خير والله مع الصابرين |
اقتباس:
اااااااااامين الله يجزاك خير والحمد لله شوفوا كم دعوة دعوها لي هالمسلمين يوم الجمعه يااااااااااااااااحظي:d :d :d :d |
أختي المباركة " ريمية نجد " الحياة قائمة على الدوامات التي لا تنتهي ... والله عز وجل أمرنا بالصبر والمصابرة وجعل أجر الصابرين كبيراً كأجر المجاهدين في سبيل الله سيما بين الزوجين .. فالرجل الذي يصبر على اذى زوجته له أجر كبير ، والعكس كذلك . نعلم أنا جميعاً هنا مهما شعرنا بمعاناتك فلن يكون كشعوركِ أنتِ .. ولكن ما اتضح لي من كلامك أن زوجكِ فيه خير كبير وكثير .. وأمر القسوة لا يستدعي منكِ التفكير بالطلاق والانفصال .. ليس الحل الأول دوماً هو الطلاق .. وكما وضح لكِ الاخوة والأخوات الأفاضل أن الطبع يتطلب مجهوداً كبيراً ووقتاً طويلاً لتغييره .. حاولي أن تكوني له كما يريد .. وكما يحب .. وحاولي ولو لفترة أن تتنازلي عن طلباتك من رحمته وعطفه وعامليه كما تريدين أن يُعاملكِ .. محتسبة بذلك الأجر من عند الله عز وجل أولاً .. ولعله أسلوب غير مباشر للتغيير .. فالرجل له أحاسيس ومشاعر مهما كان قاسياً .. ولا بد أن يأتي يوم ويشعر بتقصيره تجاهك حينما يرى منكِ المعاملة الطيبة والحسنة دونما لوم منكِ أو حتى توجيه .. فيعلم بذلك التقصير ولو في قرارة نفسه دونما اعتراف مباشر وصريح .. وذلك بإذن الله وعونه كفيل بتغييره .. فقط كوني له كما يحب وكما يريد .. وكا ذكرت آنفاً أن به خيراً كبيراً إن شاء الله . كذلك عليكِ مع الصبر والمعاملة الحسنة بالدعاء لله عز وجل واللجوء له بأن يهدي لكِ زوجكِ .. وتحيني ساعات الإجابة وكذلك أوصيكِ بصلاة الليل سيما في ثلثه الآخر .. فو الله ما طرق أحدٌ باب الله تبارك وتعالى ورد طلبه ورجائه .. واسألي من جرّب ذلك .. لا تتعجلي .. ومن أول أو ثاني موقف سلبي منه تجاهكِ وتجاه ابنته تطالبين بالطلاق أو تشعرين بكثير من الضيق .. الحياة هكذا فيها الكثير من الكبد والكدر والتعب .. والله عز وجل يقول في سورة البلد : (( لقد خلقنا الإنسان في كبد )) . كان الله معكِ ... وحنن عليكِ زوجكِ .. فالقلوب بين أصبعين من أصابع الرحمن يقلبها كيف يشاء .. وما ذلك على الله ببعيد تحياتي وتقديري ؛؛؛ |
اقتباس:
كلامك حكم الله يسعدك ويجزاك خير فعلا اسم على مسمى:) |
اختي مشكلتك ماهي بالمشكله الصعبه مره
يعني كلها كلمتين حلوات يرجع مثل ماكان وا فضل اكسبيه بكلامك وبعدين هم التطنيش مايفيد أبدا أبدا أبدا أعرف صديقي صار مطنش زوجته لغرض معين 3 شهـــــور وهذا اكبر دليل على ان هالكرحه مالها اي منفعه تحياتي |
عسى الله يهديه ويسخره لك
والله يااختي ماعندي كلام اقوله |
على فكره اخوي من هالنوع اللي ما يظهر مشاعره ابدا يعني ممكن يحسسك بالكره بدل الحب بس من داخل مشاعر مره قويه وحب لا ينتهي بس بعضهم يحسون بالضعف لما يحسسون الشاخص الثاني بالحب ولا الاهتمام عشان كذا اصبري وكلميه وحاولي معاه واذا ما نفع قوليله انك تفكري بالانفصال وشوفي رده كيف بيكون؟
وان شاء الله نسمع منك اخبار حلوه عما قريب حبيبتي |
تعوذي من الشيطان وإن شاء الله سوف تغيره الأيام فأنت بنفسك قد قلتي أن طبيعتهممممممممممممم وليس فقط طبيعته هو يعني أن عائلته بأكملها تتميز بقسوة القلب أوتنتظرين منه أن يكون حنوناً ويسأل عنكي في مرضكي بالتأكيد لن يحدث هذا في يوم وليلة يلزمك الوقت كي تستخرجي ينابيع الحنان من جوف قلبه فقد مر عليها دهر ولن يكون الأمر سهلاً أبداً وبالتأكيد فهو منذ الصغر قد غرسوا في عقله أنت رجل والرجل يتميز بالقوة وأسلوب تربيته كان قاسي جداً
لذلك نصيحتي أن تصبري على زوجك خاصة أنك تقولين أنه إنسان جيد من كل النواحي إلا أنك تعانين من هذا الأمر فقط وعلى فكره لا تتبعي نفس أسلوبه لأنكي بذلك لن تستفيدي شيئاً فهو لن يلاحظ هذا أبداً لأن الوضع لديه عادي جداً إن لم تحني وترفقي به فأنتي من يسعى لهذا الأمر لذا عليكي الاستمرار بما تقومي به ويجب أن تعلمي أمر هااااااااااام جدا أن أسلوبك في الكلام له أكبر الأثر في نفسه فحاولي أن لا يكون أسلوبك بطريقة الأمر أو حتى النصح إنما توددي إليه بأسلوب الدللللللللللللللللللللللللللللع والأنووووووووووثه والضعف أي الصفات التي تتصف بها الأمر ولا تيأسي أبداً هذا أهم شيء استمري بنفس الأسلوب مع الصبر فما جبل عليه في دهر لن تقوي على تغييره في سنه لاحظي حتى سنه لا تكفي السموحه أختي على الإطالة ولكن يشهد الله أنني أريد لك السعادة وراحة البال |
| الساعة الآن 06:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©