|
ياجماعة ما الحل مع ولدي الذي يريد الزواج وهو ما زال صغيرا ؟
السلام عليكم ورحمة الله وبركاته
بدخل بالموضوع مباشره . عندي ولد عم للأسف الشديد تفكيره دايما بالزواج وين مارح ابي اتزوج وين ما قعد ابي اتزوج المشكله موفي الزواج المشكله ان عمره حدود 19 وغبي في الدراسه تووه بأول ثانوي وماعنده مستقبل وظيفي يأمن حياته وأبوووه على قد حاله ورغم كل هذا يبي يتزروج !!!!!!!!!!!!!!!!!!!!!! مسكته وهزأته عشان يشيل هالفكره من راسه لأنه مو قدها وبعد ما تعبت حالي يرد علي ويقول (( ابي اتزوج أي وحده اي وحده مهما تكون )) والمشكله الثانيه نخاف ما نزوجه ويسووي لنا مصيبه (( الله يكفينا شر المصايب )) فـــ ما ادري وش الحل بإنتظار مشورتكم وآرائكم تقبلوا تحياتي |
حرام عليكم 000 مادام طلب الزواج زوجوه 000 اكيد انه يعاني
ولاتكونون سبب للجوئه للحرام او العادة السرية واضرارها ويتعلم مع زوجته 000 الحس بالمسؤولية |
طيب وين المستقبل ....؟
بس هذا هي زواج !! وبعد الزواج وش يصير طلااق !!!!!!!! بيعيش على مصاريف خارجيه ؟؟؟ لي متى ...؟؟ كل هالأمور لازم تكون محسوبه عند كل واحد يفكر بالزواج لكن للأسف مشكور اخوي ع الرد |
اقتباس:
نفس الكلام :22: الصراحه حالته تخوووووووووووف ياخي زوجوه ويتحملون المسئولية مع بعض |
والله مهي مسألة مصاريف
لكن هذي هي المعادله عقل صغير مايفكر الزواج إلا معاشره زوجيه فقط + مستقبل مهدوم = طلاق وفراق مبكر وخلافات ومشاكل الله المستعان |
السلام عليكم ورحمة الله وبركاتة
مدام قال لكم اكيد وضعة صعب ولازم يتزوج احسن من انة يروح للحرام انا اقول لازم تجلسو معاة وتخلوو يتهيء نفسيا لمواجهة الحياة يعني تقولو لة راح تتحمل كل المسؤلية وانتم اكيد عارفين تفكيرة هل يتحمل مسؤلية او لا اذا انتم تثقو فية بحكم تعايشكم معاة زوجو واتكلو على الله مافي احسن من الحلال |
السلام عليكم
اولا انا برايي انكم تزوجونه وتفاهمون معه في جلسه خاصه وتفتحون عينه علي كل شيء عن مسؤليات كزوج ومدخل مصروف له ولي زوجته وكل الامر الي تتعلق بزواج وانتم حاولون بقدر المصتطاع انه يفهم عليكم بكل حرف اتقولونه وخلي ابوه يخذه علي جنب رجل لرجل وان شاء الله الله يكتب في الخير له ولكم بس من رايي صدقوني زوجيه لا تهملونه مدامه طلب الحلال لا تحرمونه وبتوفيق يارب ودمتم |
اعقلها وتوكل زوجوه ان شاء الله مسيار اهم شي الستر
|
صراحة انا ما اشوف الزواج حل
لانه اخره طلاق (وهذا مؤكد) الولد يفكر بالزواج عشان المعاشرة فقط يعني بعد ما يلبي كافة رغباته (بعد ما تروح السكرة بتجي الفكرة) بعدها بيحس بغلطه رأيي اجلس معاه و قول له انك موافق على انك تزوجه لكن بشرط يثبت لك انه رجال اعطيه مهلة وقول له يالله على الاقل اجمع المهر.. وباقي المصاريف عليك وخليه .. ساعتها بيتعب و بيكد عشان يجمع 40 ولا 50 الف (هذا اقله) ساعتها بيفهم ان المهر ماهو الا قطرة من غيث .. |
نفس المرحلة التي مر بها جميع اخوتي الذكور 0000 ولضيق اليد لم يحدث الزواج 0000 وكانوا واحدا تلوا الاخر
مصرين على الزواج 0000 ونحن نخبرهم لازلت صغيرا ومن اين تصرف عليها واين تسكن000ودن اية فائدة الا انها ازمة وعدت!! تبات نار تصبح رماد!0000 واخيرا يقتنعون 00لاكن بعد مايهددون ! بنسوي كذا ونعمل كذا !!! والان واحد منهم على وشك التخرج ووضيفتة مضمونة باذن اللهّ 000 نقول لة متى تتزوج يقول مووقتة!!!!! وخلاصة الكلام مايمر بة هذا الشاب مرحلة حرجة 000 وسوف تعدي000 حاول اخبارة بكل تعقل واقناعة انة لازال مبكرا وايضا الضروف صعبة 0000اذا نفع كان بها 00 واذالم ينفع اللهّ يعينك 00000 |
بسم الله والحمدالله والصلاة والسلام على اشرف خلق الله نبينا محمد صلى الله عليه وسلم
اللهم علمنا ما ينفعنا وانفعنا بما علمتنا وزدنا علما اللهم آمين انا عندي رأي متواضع وان شاء الله تعالى يقتنع الولد السن هذا سن ابتداء ونشوب الشهوه عند الشباب , وهو مسكين ما طلب الزواج الا في ازمه ويعاني منها انا من رأي , انك اتحكم عقلك وتستغل الفرصه هذي لأنها جتك على طبق من ذهب الا وهي انك تقعد معاه جلسه تنويريه جميله وقول له انا مستعد ازوجك بس اذا انت وافقت راح يرد عليك بكل حماس موافق قوله بشروط اذا نجحت هالسنه وجبت النسبه فلانيه انخطبلك هذا اذا تبي الزواج طبعا راح يوافق بشده واذا فعلا نجح وحصل على النسبه الي تبيها انت اخطبله وقوله اذا تبي العرس قريب انجح وجيب النسبه الفلانيه طبعا راح يشد حيله وينجح ان شاء الله واذا فعلا نجح بالعمليتين قوله خلاص كل الي باقيلك سنتين تخرج وتزوج اهني انت استغليته ونفعته بنفس الوقت منها زوجته ومنها اعنته على التخرج ونسأل الله العفه لشباب المسلمين وصلي اللهم وسلم على نبينا محمد |
اقتباس:
اختي الكريمة 00000 لي ملاحظة على الاسم وهو ( أم الملك ) 0000 تعرفين أن الملك هو الله سبحانه وتعالى |
اقتباس:
وانامريت بزواج فاشل بسبب هل التسرع وهل شي مع العلم ان عمره 21 يوم خطبني والله يعنكم |
السلام عليكم ورحمة الله وبركاته
اتمنى ان افيدك في هذا الموضوع وهو موضوع حساس ولكن لابد من إقناعه بالعدول أو التأخير عن الزواج وتذكيره بمصاريف ومتطلبات ومسئولية الزواج وشكرا |
بسم الله الرحمن الرحيم
السلام عليكم ورحمة الله وبركاته قال الرسول صلى الله عليه وسلم يامعشر الشباب من أستطاع منكم البائه فليتزوج ومن لم يستطع فعليه بالصوم ..او كما قال عليه الصلاه والسلام................. الشباب عموما عند هذا العمر يبحثون عن الزواج لكثرة الفتن والمغريات ... فإذا كان الوضع الاسري جيد فيتزوج وليبحث أهله عن المرأه الصالحه التي تعينه على الطاعه ... فالزواج المبكر في هذا الوقت مطللوووووووووب ووالله لو أنه أبني لأزوجه حتى لا يقع في الحرام ... |
أخي بارك الله فيك هذا أكيد يعاني من فراغ وأحسن حل له إشغال وقته بالرياضه والسباحه والأنديه الترفيهيه. وتشجيعه على الدراسه . |
قولي له انك بتبحثين عن اي وحده ترضى فيه
كلمي اي وحده على الطاير وبلغيه ان الناس لما عرفوا وضعه رفضوا ان بنتهم تموت من الجوع ولازلتي تبحثين اي مازال البحث مستمر اذا لان حرصيه يعيّش بنت الناس اميييره::11: مو بعد شهرين تدعي عليه وعلى من خطبها بعد الله يكتب اللي فيه الخير |
لازم انكم تشغلونه باي شي يبعد عنه هالفكره اذا كنت تحس انها مو بوقتها
الفراغ هو اللي يجيب له هالافكار |
اقتباس:
يسلم فمك يا شيخه.....هذا الكلام |
بصراحه الزواج مو حل ..
اذا كان ولدك من النوع اللي ما يقدر يتحمل المسؤليه .. وعقله صغير بقوه .. وانت ادرى بولدك .. لان اي زواج يثم بهالاسلوب بصراحه اشك انه بينجح .. لكن فيه شباب اعمارهم زي ولدك وعقولهم توزن بلد .. وتحس انه بيقدر يتحمل لو جزء من المسؤليه .. فأنا اقولك زوجه احسن .. الله يستر الزمن هذا صار يخوف .. والابو صار يخاف على عياله من كثر الفتن .. بالنسبه للمصاريف مو مشكله حاول تتحمل عشان ستر ولدك .. كل الناس تتتعب عشان يسترون على عيالهم |
زوجوه وش فيها عادي جدا قبل شهر حضرت عرس ولد عمره 16 سنة
وماشاء الله عليه اطاله فيه واذكر الله احس انه ثاني يوم بيتركها ويلعب فالشارع لكن عادي توكلوا على وزوجوه |
اقتباس:
,و هذا انسب حل يعني تلبيله طلبه بس على مراحل |
اشوف الجماعه يقولوا زوجوووه؟ بس ما قريتم ان ابوه على قد حاله. انسب حل هو حل الفقير الى الله
|
حررررررام تزوجوه وش دخلها بنت الناس تبتلي فيه
لان باين يريد يزوج للجنس بس يعني مو قد الزواج |
اولا ، يجب تفهم ان هذا ناتج عن الرغبة الجنسية والمثيرات ، وربما مع بعض الكبت
هل له هوايات ؟ هل له رياضة يمارسها ولا يتابعها ؟ المشكلة ان حياتنا اصبحت مثل دجاج المزارع ، دائرة مفرغة من الولادة الزواج الولادة وهكذا ليس لدينا هدف اخر ، ولا وسائل لتفريغ الطاقة والنشاط الا الزواج مشكلة ابنك هي مشكلة جيل كامل ، هواياته الموبايل وانواعه ، لا صناعة تستوعب قدراته ، ولا جهات ترفع من مستواه الثقافي ..... وعاهرات تتراقص في كل الشاشات ، وكسالى يعظونه من عل دون ان يفهموا عالمه انا لو مكانك ابدأ بايصال فكرة المسؤولية له ، اعطه مهام متدرجة ، مثل غسل السيارة وحاسبه على اصغر تقصير واصغر لطخة ، ثم تدرج ، ارسله الى السوق بمبلغ لا يكاد يكفي المتطلبات ، ثم حاسبه على كيفية ادارة المشتريات ، ثم ارسله مع اخوانه الى الحلاق ، او لشراء ملابس لهم .... وهكذا ودراسته ، قل له ان الاحمق لا يستطيع ادارة عائلة ، يجب ان تتفهم الرغبة الجنسية ولا تقمعها في ولدك ، لكن اخبره ان العلاقة الزوجية هي جائزة لمن استطاع ان يصل الى مستوى من المسؤولية ، وان اي فتاة ستقبل به كما هز الان ستكون قليلة الجاذبية غير مرغوبة لا تمتعه وسيملها بعد فترة |
السلام عليكم ......
نعم مشكلة ولدك ليست الأولى من مثلها ولدينا أبناء كذالك لكن لو نظرنا متى بدأو بالتفكير والضجة على مثل هذه المواضيع . . حينما شعروا بالفراغ بدأت الوساوس تدخل عليهم وبدأت الشهوات وبدأ التفكير لاسيما أن السن والزمن يلعب دور كبير يا أخي العزيز المشكلة ليست في الابن المسكين المشكلة فينا نحن كأباء وأمهات التربية التربية التربية ماذا قدمت لولدك من برامج في هذه الإجازة ماذا خططت لترتقي بعقلية ابنك ؟ بما أنك تعلم أن ابنك ليس له فكر في الدراسة وإن هذا لا يعني أنه غبي لكن يحتاج إلى احتضان أكثر يحتاج إلى أحد يفجر فيه المواهب يحتاج إلى أحد يدلة على ماذا يريد ...؟ وماهي مميزاته...؟ ماهي هواياته..؟ أعتقد يا أخي أن إبنك موهوب ..........!! هل فكرت يوما في اخراج موهبة واحدة ........ كل ما أصاب ابنك هو من الفراغ ونقص احتضانكم له واحتوائكم إياه ابنك ليس غبي....................!! أعد التفكير في تطوير ابنك اشغله في المفيد ادخله المراكز النوادي حفزه بالمال إذاهو انجز حفزه بالسفر مثلا.... اجعل بنك يشعر بقرب اباه وجعله يشعر انه انسان خطير ذكي قوي واثق من نفسه ناجح....... وذكره ان الفشل في دراسته لا يعني اه فاشل بل كم من اناس فشلوا في الدراسه وأصبحوا رجال وعلماء قله اشعر انك ذكي ولديك مواهب (بالطبع عليك ان تتفرس فيه.... أو تتذكر أمرا ما انجزه بذكاء أو قاله بذكاء ولو شيء ما ) أذكر له نجاحاته أشغل ولدك...... اجلس معه كثير اجعله يذهب معك لأعمالك ولو في هذه الاجازة فقط اجعله يجالس الكبار واصدقاؤك وامدحه امامهم واذكر محاسنه وانجازاته وقل اعتقد انك ستكون انسان عظيم يوما ما (كل ذلك وهو يسمع) ابن الثقة في نفسه .............................................. ولدك يحتاج أولا وأخيرا إلى إحتواء واحتضان واشغاااال في ما يعود له بالنفع ............................................... . . واخيرا ابنك لا يحتاج إلى زواج ................... فالتهدأ.... لكن يحتاج إلى إعادة نظر في أحواله هذا والله الموفق. |
الكشكله هي في انو مين راح ترضى تتزوجه واحد بأول ثنوي ياخي والله محد يرضى يتزوج واحد كذا
|
أخونا في الله ناصر 966
عفواً أخونا في الله أنني أرفض مثل هذا الزواج نهائياً لأن من الواضح أن أبنك يريد الزواج لغرض المعاشره فقط لاغير وهذا في رأي حرام لأن الزواج ليس معاشره فقط ولكن تبنى البيوت بأشياء أرى أنها أهم من المعاشره نفسها .... ومن المؤكد سيتم الطلاق بعد يوم أو أيام معدوده بعد أن يأخذ مطلبه وحاجته من زوجته وياترى ماذا سيكون الحال إذا كان هناك حمل قد تم بأذن من الله ماذا سيكون التصرف هل ستتكفلون بكل شيء ..... وأن كان بعدها سيتعود أبنكم أن يطلب فيجاب وتتحملون أنتم المسئوليات وعنها ستكون خسارتكم كبيره جداً ليس للمسئوليات التي ستتحملونها نتيجة تتصرفاته ولكن خسارتكم في تربية أبنكم ستكون خساره كبيره جداً ... أرفض أخونا الفاضل هذا الأمر برمته مهما كان الأمر ولاتطيعه ولكن حاول أن تقومه وأن تخلق منه رجل يتحمل المسئوليه ولابد له أن يعرف أن الزواج مسئوليه كبيره جداً جداً وليس مجرد معاشره جنسيه أدعوا الله عز وجل أن يقويك على هذا الأمر وييسر لك ويهدي لك أبنك إلى الطريق المستقيم . أخوك في الله |
اشكركمجزيل الشكر على مداخلتكم في الموضوع وإبداء آرائكم
وبعد جهد عميق إستطعت أن اخلع هذه الفكره من رأسه بمعونة أفكار بعض الأعضاء المشاركين بالموضوع وأصبح تفكيره حالياً (( سوفأكون مستقبلي أولاً ومن ثم أفكر )) الحمد لله على كل حال وأكرر شكري وتقدرير لكم على آرائكم تقبلو تحياتي ــــــــــــــــــــــــــ يغلق بما ان المشكلة انتهت مع امنياتي لكم بالتوفيق |
| الساعة الآن 04:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©