محتاج نصائحكم وراكم يامتزوجين (( ادخلو مهم ))
 

عندي أستفسار وسؤال وأبي أجابه صريحه واضحه منكم يا المتزوجين
انا راتبي 3000 اخصمو 1400 حق الاقساط عشان اخذ قرض حق المهر ومصاريف الزواج كـــ اي شاب سعودي يبغى يتزوج

يبقى 1600 ريال .. هل تكفي لمصاريف الحياة
علماً اني ســ أسكن في شقه مب مع اهلي
وعلماً اني سأدفع حق الشقه سنه قدام فقط



الله يجزاكم خير ابي اجابات منطقيه واقعيه
عشان متورط بعدين وأظلم بنت الناس معي

هل يكفي هذا المبلغ ام لا ؟؟ حسب معرفتكم للأمور ومتطلبات المنزل ؟؟ هل يكفي هذا المبلغ

أنتظر نصائحكم لاني من جد محتاج لكم

انا مااعرف بذي السواليف بس اتمنالكم التوفيق بحياتكم والله يبعد عندكم الهم ويقرب منكم السعادة الابدية

أخوي الكريم ...نصيحتي لك أن تتوكل على الله وتدور لك على بنت الحلال القنوعة واللي تعينك على دينك ودنياك..وبتشوف شلون بتنفتح لك الدنيا .. والواحد ما يجي اللا برزقه .. أخوي بقولك على وضعي .. أول ما انعقد قراني كنا انا وزوجي ما نصفى اللا على 1000 ريال فقط .. تخيل !!بسبب كل الالتزامات اللي كانت عنده مع ذلك كنت حامدة ربي وشاكرة .. وبعد شهر واحد فقط ترقى زوجي ولله الحمد وبعد ستة اشهر بعد ترقى مرة ثانية .. ولله الحمد .. وبعد كم شهر صارت علاوات لرواتب القطاع العام في بلدي .. وكان زوجي من المشمولين .. وارتفع راتب زوجي مقدار كبير جدا ولله الحمد ولازلنا نحمل مثل الالتزامات.... فلاتخاف يا اخوي .. ولو أنك ناوي تتزوج يعني انت ما بتسوي شي يغضب الله وبتشوف شلون الله وياك في كل خطوة تخطيها .. وبتتذكر كلامي ..

اما عن سؤالك هل تكفي 1600 ريال او لا .. أتمنى أنها تكفي ...واعتقد أنها راح تكفي إذا كانت زوجتك قنوعة...اعقلها وتوكل :)

الله يسعدك وويوفقك ويرزقك بنت الحلال ..

تحياتي لكم

اخي الفاضل انت ما عليك من كلام الناسسوي الشي الي انت مقتنع فيهالحياة والزواج متطلباته كثيرة بس الله موجود ولو كل من تزوج وما توفق بحياته بسسب الامكانات المادية لكان محد تزوجوالله يوفقك ويسهل امورك:22: :22: :22: :22: :22: :22:

بصراحة لا تكفي 0000 الا اذا تزوجت موظفة قد تعينك على الحياة

لا تقول الموظفة فيها وفيها 000 صدقني يارجل مافيه احلى منهم

نظافة وايتيكيت وترتيب وثقافة واناقة 0000 وغير كذا تربية للابناء

انا بصفتي معلم لا اكذب عليك الاولاد المتفوقين عندنا شطارة وادب ونظافة واخلاق هم اولاد الموظفات

هذا ما شاهدته عبر سنين قضيتها في التعليم 000

ولايزعلون مني ربات البيوت انا لاانتقصهم 000 ولكن هذا ما شهدته

توكل علي الله من توكل علي الله فو حسبه
انا خوي راتبة نفس راتبك وتزوج بس كل شهرين يجي امي يطلب منها الف الفين
وانا بعد ماقصر لاني موظفه بالعكس اعطيه بطاقة الصرافه ياخذ المبلغ الي يبي والاجر علي الله
لاااازم بتواجه مصاعب كثير بس ماعليك توكل عل ي الله
انا احيانا اسال نفسي ليش اساعده وربي مسخرني له وارجع اقول في نفسي يعني الفلوس تروح وتجي
مايبقي الا العمل الصالح ويمكن ربي مخليني سبب لمساعدته

توكل علي الله ولاتخاف من بكرة الله مايضيع احد وانا اختك
تحياتي العطرة @

كل هذا وانا لاانتقصهم!!!!

امرك عجيب 0000 على العموم لايهمني كلامك هنا0000 فقط قلت شي وانكرتة !!!! همسة -يوجد ربات بيوت اكملن مشوارهن التعليمي 00وجلوسهم في البيت بارادتهن 000 هل هن غير مثقفات وغير انيقات!!!!000


[line]اقتباس

ماراح اقصر عليها بشي والبنت اذا كانت محترمه وقنوعه وطيبه وبينا حب راح تقدر وراح نعيش انا وياها أحلى حياة وراح تعيني على هالدنيا
[line]
كما قلت راح تعينك ان شاء اللهّ 0000 وفقك اللهّ

أشرح وضعك لبنت الناس جيداً واذا في حب صدقني بترضى بالحياة وتشوفها حلوه مره

** السلام عليكم ورحمه الله وبركاته **
 

يتهيألي بتكون عارفه وضعك المادي وعلى هالأساس بإذن الله راح توقف معاك وتصبر .. سبحان الله رب العباد ماينسى عبيده توكل على الله وعسى الله يوسعها عليكم ياااااااارب .. بالتوفيق

** السلام عليكم ورحمه الله وبركاته **
 

يزاك الله خير اخوي كاره الرياضيات شنو هالكلام إللي يزعل الله يهديك ؟!

توكل على الله ومالك هذا يطرح الله فيه البركة لأنك تريد الزواج وتحصين نفسك
وأعلم أن الله سوف يوفقك لأنك مقصدك طيباً

وخلك معتدل مع زوجتك لا إفراط ولا تفريط
لإنك إذا عودتها على الصرف وكل شي تقولها حاضر بعدين ما يعجبها العجب التوسط في الأمور جيد ومن البداية حتى لا تقع في ما وقع فيه غيرك يكون عود زوجته على الصرف ثم إذا جاء يخفف ويتوسط ما يقدر يبتلش فيها

وتمنياتي لك بالتوفيق والسعادة

توكل على الله الارزاق عنده سبحانه والله يوفقك وييسر لك امورك دنيا وآخره

أخي إن يكونوا فقراء يغنهم الله من فضله ..

أنا اعرف واحدة تزوجت وراتب زوجها (1000ريال فقط )) وكان ساكن بشقة مع أهله لكن كان هو ملتزم بتكاليفة بدون أجار طبعا ...
وسبحان الله ...بعد ثلاث سنوات تقريبا ..تخرجت هي وتوظفت وكذلك هو انتقل الى عمل آخر وارتفع راتبة الى 6000 تقريبا ...

ترىفيه الكثير الللي يرضون بالستر ...ويحمدون الله عل نعمتة .. ولكن هذا لا يمنع من أن تبحث أنت على وظيفة أخرى تزيد بها من دخلك ..لو أنك تزوجت من طالبة أو ربة منزل ...

وفقك الله ..

اخوي وين اهلك واقاربك ليه مايساعدونك

وبلاها قرض وتتبهذل

انا اشوف لو تخلي اقاربك كل واحد يدفع اللي يقدر عليه

انا ولد خالي تصدق كل واحد من اهلنا يحط اللي يقدر عليه

تصدق جمعو له 90 الف ريال

رح لا اقاربكواتوقع ان مافيها شي قل اللي تقدرون عليه مااتشرط واتوقع انك بتحصل مبلغ

موب سهل وافتك من القرض ويصير راتبك كله لك

معليش الاخوات ربات البيوت لايزعلون 0000

انا معلم وهذا ماشهدته في طلابي 0000 ولا اقول انه حكم عام فيه ربات بيوت ماشاء الله عليهم

فيه كذا وكذا 0000 لكن الاغلب هو ماذكرت 000 ولاحاجة لي للكذب

والاخ حالته المادية ضعيفة ليش نجامله ونقول يكفيك هالراتب تزوج 000 ثم يتورط

انا أصدقه القول يناسبه الزواج من موظفة 0000 على الاقل تكفيه طلباتها الشخصية 000

ولأنه متحسس شوي من الموظفات مثل أغلب الرجال 0000 ذكرت له مزايا الموظفات 000

وانا لم اقل ربات البيوت فيهم وفيهم 0000 بل ذكرت له مزايا الموظفات دون المساس بربات البيوت

ارجو ان تفهم الاخوات قصدي 0000 واعتذر لكل من جرحها كلامي 00000

وارجع واقول الكلام ليس عام 0000

إذا كان قصدك العفاف فتوكل على الله (ثلاثة حق على الله عونهم...............) وذكر منهم ناكح يريد العفاف

وحاول تأخذ موظفة إذا استطعت

أبحث عن مصدر رزق ثاني الله يوفقك

كلامك الاحمر نفس تفكيري .... روح وتوكل وتزوج اللي تحبك واللي راح توقف وياك وتعينك

جعل ربي يوفقك ... :22: :22:

ماشاء الله تبارك الله ....ونعم الرجال هم


لو اقول سالفة صارت لواحد اعرفه دوبه تزوج


تصدق انه بعض اللي حضروا زواجه ... دفعوا له عانية بس 20 ريال........ والله العظيم هذا اللي قاله لي :25: :25: :25:

شووف ياااخوي


انا زوجي راتبة 3000 ريال زيك وفاتح علية بيت زوجة و4 بنات ومااخذين بعد كمبيالة ب اقسادها كل شهر الف وثلاثة مية


ومااقولك مستانسين بس يوم حلو ويوم مررررررررر \


بس على تفكيرك وانك بتظل مااتتزوج بتظل وتنتظر وانت مااسويت شي

انا اقولك توووكل على الله تزوج وانتو اثنين ماراح يضركم بس انت وااس رووحك وتصرف بمصروف على قد راتبك ولا راح ينقصكم شي

شف اخوي البركه من الله والله اني اعرف وحده راتب زوجها 20000 ريال ولا فيه بركه واخر الشهر يتسلفون
واعرف وحده اخذه واحد راتب زوجها 2000 والحين 6000عندها 5 اطفال والله تلبس ماركااااااااااات لان ربي مبارك لهم واشتروا ارض وكانوا شارين بيت ملك بالقساط وسياره اخر موديل بس زوجته حبته فكانت ال5سنوات الاولى ما تحضر المناسبات الكبيره وكانت شهادته ابتادئي والان ثانوي ,, الله يرزقك وحده مثلها صبووووووووووووووره وتحب زوجها .................
اميييييييييين.......

أنا أقول تسكن عند أهلك أحسن كبداية وشوف الوضع كيف بيمشي.. لاتتسرع دور على بنت الحلال القنوعة .. وخبرها من البداية إنك بتسكنها عند أهلك.. وعلى فكرة ترى الحرمة قبل كل شي تبا الإحترام والكلمة الطيبة لكن لو يبتلها الدنيا ومافيها وماعاملتها بحب وحنية راح تقولك بعد الكل المصاريف: شو الفايدة!!

أعتقد والله أعلم يا خوي ما تكفي لأنه المتبقي من راتبك 1600 ومنها سوف تدفع أجرة السكن ومصاريف الحياة الأخرى يعني حياتك بيكون فيها تقشف نوعاً ما ولكن إن كان صافي راتبك 3000 فهو إن شاء الله كافي وأيضاً إن كنت سوف تتزوج بامرأة عاملة فأيضاً هذا الأمر سوف يعين في مصاريف الحياة

بصراحة مبلغ 1600 قليل جدا..
لا أريد أن اسبب لك احباطا ولكن هذا ما أظنه..
لا تتوقع إني من النوع المبذر والتي تشتري وتصرف كثيرا..
بالعكس.. أنا اقتصادية..
بس هذا المبلغ بسيط جدا..

بس عندي سؤال...
إنت منذ متى وانت تفكر في الزواج..
أكيد منذ مدة..
لماذا لم توفر للمهر..؟؟
لماذا اعتمادكم الكلي على القروض من البنك..؟؟

عندنا في البحرين ( على بساطة المعيشة وتواضع الرواتب )
لم اسمع ابدا بواحد قدم مهرا اقترضه من البنك..
الكل يعتمد على نفسه ويوفر للزواج..
والكثير من الشباب إذا فكر في الزواج..
يقول له والداه جمع للمهر ومن ثم نخطب لك..

الله يجزاك خير
أختي
والله كلامك وسع خاطري

اختي انتي تقولين اذا كانت زوجتك قنوعه
طيب كيف اعرف انها قنوعه وطيبه
وانتي تعرفين عن العادات والتقاليد الواحد مايعرف اطباع زوجته الا بعد الزوج
اخاف اطيح بوحده ماتقدر ..

الله يسعدك ويوفقك دنيا واخره

الله يجزاك خير
والله يعطيك الف عافيه

توكل على الله

والله يرزقك ببنت الحلال

تحياتي ...... تيناوي

هلا وغلا
كاره الرياضيات <<<مالوك يوم تكره هالماده:d

عزيزي
كاره الرياضيات

اول شي صدقني الوقت هذا ماعاد فيه بنت مب مثقفه وانيقه
الحين البنات بشكل عام سواء ربات البيوت او معلمات يهتمن في الاناقه والثقافه سواءً كانت متزوجه او غير متزوجه
تغير الوضع مب مثل اول
اول مستوى الثقافه عند البنت محدود اما الحين توسع الفكر ماعاد فيه بنت جاهله


اخوي كاره الرياضيات
المعمله والبنت الموظفه مافيها شي بالعكس انا مب ضد الشي هذا بشكل عاااااااام
ولكن انا مستحيل اتزوج بنت تعمل .. لاني ضد هالفكره من زمان
بتقولي حرام تحبسها في البيت 24 ساعه بقولك يومياً راح امشيها واسجلها بدورات تفيدها عشان ماتحس بملل
واذا تبي تعرف اسباب رفضي للمعلمه راح افتح موضوع نتناقش فيه يما تقنعني يا قنعك وش رايك ؟؟


على العموم الف شكر
وشاكر لك صراحتك

إستعن بالله وتوكل عليه وبإذن الله سيعينك ربك لأنك تريد حفظ نفسك ويمكن يتبارك رزقك بسببها ..........وفقك الله

احسب حق الفواتير + مصروفك + مصروف البيت + مصروف لها (ولو حتى بسيط)
+ ايجار البي واللي غالبا مرتفع جدا وشوف
نصيحة لو تقدر تسكن مع اهلك بيكون احسن عشان فعلا تقدر تعيش بمعاشك مرتاح


و باختصار
اذا لقيت الزوجة الصالحة القنوعة .. فاعتقد انه بيكفيك
واذا ربي ابتلاك بزوجة طماعة .. حتى 3000000 ما بتكفيك

نظافة وايتيكيت وترتيب وثقافة واناقة يعني ويش خليت يا أخي للأمهات ربات البيوت اللواتي ضحوا بالوظيفه المغريه وجلسوا خصيصا لتربية أولادهن وأني زعلانه منك

أخي الكريم توكل على الله وتزوج والله أعرف بنات تزوجوا ورواتب أزواجهم ماتزيد عن 1500 ورابي ساعدهم وماشية حياتهم ومخلفين كمان أهم شئ تقدر توفر الضروريات وغير كذا كله يهون العبرة في البركة وليس في مقدار الدخل المادي ............ أخي الكريم الزم الحفاظ على الصلاة وكثرة الاستغفار فسيرزقك الله من حيث لاتحتسب .......

اختي ام جهان 00000


طلبتك لا تزعلين 0000 والله مو قصدي

بس الرجال دائماً يتخيلون الموظفة مهملة ببيتها وماتهتم بزوجها فحبيت اوضح لهم الصورة

ما قلت ربات البيوت مهملات 0000 قلت الموظفات مهتمات وهذا ما يعارض ان ربات البيوت زينات

لكن الاخ ماديته ضعيفة والموظفة تناسبه اكثر 0000 لكنه متخوف من الموظفة فحبيت اشجعه


طلبتك لا تزعلين واللي يخلي لك جهان 00000 ما احب اجرح شعور احد

أنا آآآآآآآآآآآآآآآآسف اذا كلامي ضايقك 0000

انا كل يوم اضارب مع زوجي علشان راتب زوجي 3100 ولا هي مكفيانا اول ما يجي الراتب يروح للفواتير ومصاريف البيت وبنزين وزيت وكفرات خلص الراتب وانا ما استفدت شيء منه

بدون مجاملة بصراحة ماتكفي ولا تسوي شي في الوقت هذا لو انه بدون القسط يمكن يكفي لكن الله يعينك عندك شقة و مصاريف كثيرة يعني ماتكفي الله يعينك ويوفقك يارب

الاخ رجل طيب ومتسامح

اذا هدفك من الزواج هو بناء بيت صالح والستر والذريه فتوكل على الله ولا تستمع للاخرين المحبطين

ودائماا تأكد بأذن الله الطييبن للطيبااات

(( ومن يتق الله يجعل له مخرجا ويرزقه من حيث لا يحتسب))

والله في كتابه الكريم قال(( خذوهم فقراء يغنيهم الله من فضله))

:14: :14: :14: اخوي دعواتي لك بالتوفيق بس اهم شي تكون صريح مع بنت الناس من البدايه وتعلمها بوضعك وغير كذا يفضل تكون البنت موظفه لو راتبها بسيط ماعليه يكفي مصاريفها والله يسر امورك

الله يجزاكم الف خير
والله يكتب لكم السعاده في حياتكم


شاكر ومقدر لكم وقفتكم
خاصة الاعضاء اللي أيدوني


بس بيني وبينكم
اقتنعت ان الزواج حلم صعب مقدر احققه لان المال هو من حطمني وليست الافعال