|
بالله مساعده << الرجال بيخطب يوم الخميس
اخواني انا ابروح اخط بعد يومين
وصراحة اول مره في حياتي يمر علي ذا الموقف السؤال هو الحين الواحد اذا راح يخطب ويشوف البنت وش يسوي بالضبط وش يسوي اذا دخلت عليه النبت وش الكلام اللي يقوله ومايقوله اخاف اتلخبط ابي احد ينصحني وش اسوي وش ما اسوي ترا داخل على الله ثم عليكم ماعاد انوم الليل من سبب ذا الموضوع شايل هموم الدنيا فوق راسي |
يااخي هد نفسك
وش دعوى داش حرب .... يعني تخيل اللي داخل عليك . اممممم امك ... والله من جد تخيل انك كنت مسافر ورجعت البيت ودخلت عليك خلي الدعوى بسيطة .. وراح تتيسر سلم عليها ..... ^^ عاد اذا كان قلبك قوي ^^ ووقز على كيف كيفك عاد اهي وجهها ماراح تشوفه ابد والله يوفقك |
صدقني يا اخي لمن تدخل عليك الكلام بيطلع من حاله باذن الله
نت تعتقد انه صعب و كذا بس ولا اسهل منه بالتوفيق |
افا انت تقول هالكلام .......
اجل هي وش تقول ....... ( انصحك وانا مامر علي هالموقف ) شكلي بخربها ....هههههه لاترتبلها كثير ...... خلها طبيعيه ...... ولاتطول السكوت تبلش بعدين تجيك بلعت الريق الصعبه عرفتها ههههههه يعني هي مراح تتكلم ..... خل الكلام من عندك اممممم يعني عرف بنفسك ..؟! طبيعت عملك ... كم سنه لك في الوظيفه ... بعدين اسمع منها اي شيء تبى تقوله لك .... وفقك الله وتمم لك بخير ... |
من واقع تجربة و من كلام سمعته يقال اني بنطلق في الكلام
اول ما دخلت بغت تكب العصير علي و جلست في الزاوية و ابوها بجانبي سلمت عليها ماردت سالت عن حالها برضوه ماردت التفت لابوها و جلست اسولف معه الين ملت و راحت :) |
:
اقتباس:
غيرك لاعصير ولاشي... اذا يجيك ابوها كانه جزار يقودك مثل الخروف ....... ووجهه كذا :( :( :( :( :( :( :( :( :d :d :d |
^
^ ^ لا والله خالي الله يحفظه يحاول يخليني اشوفها بس اني ماشكله :) خلاص شفتها مرة وحدة و يكفي هي تبي تتمقلني بكيفها :d |
والله انا مره دخلت وكنت مثلك متلخبط ودنيا بس يوم جت البنت شوي وصار الوضع عادي يعني موذاك الرهبه
خليك واثق ومبتسم وهادي عادي بس اهم شي اللخبطه ماتاثر عليك انك تشوفها لازم تشوف البنت زييييين |
من الحين ملخبط وشلون عاد اذا رحت
زايد حروف ومنقص حروف الله يكون بعوونك ريللااااااااااااااكس كن هادئا اقرأ ايات السكينه قبل ماتروح وادع ربي يشرح صدرررررك خلك واثق من نفسك بعد ثقة بالله وعليك بالدعاااااااااااء ان ربي يوفقك الله ييسرلك |
بالتوفيق يا خوي وأهم شي خليك ريلاكس وان شاء الله الكلام بيطلع بروحه وأصلا هي ما بطول في الجلسه وياك
|
انا يوم ااني رحت بشوف البنت احضر اهلها كلهم ابوها واربعه من اخونها وغير الصغار اللى رايحين جايين تقول كنهم بيضربوني حتى انا استحيت من الموقف بس اخرتها ماعجبتني البنت وقلت فى خاطري اللى اوله كذا ينعاف تاليه بكرة اذا تزوجتها يمكن اهلها يسكنون وياي بالبيت ههههههههههه
على العموم اخوي صلي ركعتين لله وروح شوف شريكت حياتك من غير خجل لاان البنت هى اللى راح تكون خجلاانه مرررررررررره يعني لو كنتو اثنينكم ساكتين وش يصير؟ طرمان\الله يوفقك انشالله بس اقولك نصيحه قزها قزززز يعني افحصها وشوف اسنونها >>>>>> وش دعوه بيشري اضحيه بالتوفيق |
مبرووووووووووووووووووووووك مبروووووووووووووووووووووووووووك .... الله يوفقك يا بعدهم
اسمع خذها مني لا تصير حياوي خذ الدعوه اييييييييييييييييييييييييييزي البنت راح تكون متوتره اكثر منك خلييييييييييييييييييييييييييييييك حمش على قولتهم قبل ما تروح مر على دز كيف اذا كان عندكم فرع له واطلب ريلاكس ( ليمون مع نعناع ) ... واذا ما تبي كل علك ترى يهدك الاعصاب ... اتكلم جد والله ما امزح جرب وبتدعي لي وقبل وانت واقف عند البيت اكرب وجهك سو نفسك قوي وما حد قدك ... خذ نفس عميق ... اذا فتحوا الباب اوقف وخلك رزه لا تنسى تسكر ازارير ثوبك من ساسك لراسك .... ادخل بثقه وانصى صدر المجلس بس لا تحط رجل على رجل خلك رسمي .. الحين نبضات قلبك راح تزيد تكلم مع ابوك ولا اخوك صحيح بينتفونك شوي ( انا مجرب ) بس اهم شي اضحك ... تجي اللحظه الحاسمه ايه نسيت اقولك البس جزمه لا تلبس نعال ( الله يعزكم ) ترى البنات يحبون الرسميين الي مثلي ... خخخخخخخخخ اذا دخلت البنت وقف و بشموخ ورز صدرك ( لا تصير مثل حقين العسكريه ) اكيد تعرف الشي هذا سلم عليها وقلها كيف الحال .... لا تجلس تتميلح بعدين ترمي الطوفريه اذا كانت معها وتنحاش ترى البنات في الوضع هذا يكونون حياويين مررررررررره سولف معاها عن اشياء عادية جدا كيف الحال شلون الاهل ( لا تقول كيف الماما والبابا ) ناظرها شوي .. عرفها على امك اذا كانت معاك من الحكي هذا بعدين عاد ابوها بيشوفك مصختها بيقول خلصتو يالا انتي ادخلي جوا وانت تعال معاي اطلع بكل هدوء ةهذا كل الي في الموضوع صدقني راح تكون من احلى لحظات عمرك ملاحظات: سكر ازاريرك كلها قلم شكله كويس مو ابو ريال . سبحه عشان تصير رزه جزمه ( الله يعزكم ) ولا تنسى تلمع ابو جدها الين تتقشر باقة ورد ايه صح نسيت اقولها لك لا تنساها قدمها لها اول ما تدخل خل الخوف يروح منها وحاول ان الوان الورد تكون فاتحه ( غالبا اللون الابيض حلو في المناسبات هذي ) هذا كل شي حبيت اقوله لك واذا تبي مساعده انا بخدمتك اسال ولا ترد شي في خاطرك وسامحني على الاسلوب الي كتبت فيه حبيت اشرح لك الوضع بشوي من الضحك عشان يروح عنك الخوف تمنياتي لك بالتوفيق وخلنا نسمع عنك اخبار حلوه |
اقتباس:
اخونا Labrujita كفا و وفا لكن اهم شئ لا تستحي وتمقل و ناظر زين لا تقول ما امداني اشوف البنت او كنت مستحي لان بعد ما تطلع راح تنسى شكلها وتجيك الهواجس و ممكن تروح تطلب منهم شوفة ثانية ف قصر الموضوع و ناظر من البداية صح وتمقل وصد عنها شوي عشان تناظرك بعد هي وما نقول الا الله يوفقك ويسمح امرك ويكتب لك الصالح من عباده |
| الساعة الآن 05:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©