|
من المسؤول عن العنوسة وتفشيها
بسم الله الرحمن الرحيم
اول شي وقبل ما اكتب واتعب لا يجيني احد ويقولي موضوعك مكرر ولا ترى بترك المنتدى ولا تشوفوني ثانيه ّّّّّ :30: نبدء في الموضوع ويا ويلكم يالبنوتات مني موضوع وهو الموضوع الاول الي اكتبة في هذا المنتدى الرائع بكل صراحه صحيح هذا اليوم الثاني لي لكن اتمنى اني اقدر اقدم شي نستفيد منه كلنا.:17: . عارف اني طولت عليكم .... خلونا ندخل في الموضوع علطول نلاحظ في الوقت الحالي ان نسبة العنوسه عندنا سواء في المملكة العربية السعودية وهي بلدي الي انتمي لها او في العالم العربي بشكل عام عالية جدا بشكل مريع للاسف ... انا اتوقع ان 70% من هذي المشكله الي يتحملها البنات انفسهم:25: ... انا اقولكم كيف لما يجي واحد يتقدم لخطبة اي بنت مع العلم انه صاحب دين واخلاق ... البنت تقول لا ما ابيه وتجلس تعطينا من الشروط البنوتاتيه مثل : ابية يشبه توم كروز و لا ابيه يكون تاجر وعنده فلوس او تجي وحده تقول والله ابيه ينفذ اوامري .. ومن الشروط الي ما تنتهي والبعض الثاني يرفضون على الشكل لا الاخلاق او الدين: خشمه كبير جبهته كبيره شعره عراده اظافره طوال وخذ من الاعذار يعني دام الولد جاي ومو ناقصه شي ليه ترفضينه استري على نفسك واستري عليه ... النسبة الباقيه 30% تكون من الاهل او الاصدقاء بعض الاهل يحطون مهور تعجيزيه ويكون هدفهم الاول الراحة الماديه قبل الراحة النفسيه والي هي اهم شي الاصدقاء يبدون يعذربون ويطلعون العيوب وما يساعدون بالشي هذا لا يمكن يكونون سبب في فك هذي العلاقه الي من الممكن انها كانت راح تتم.... هذا ما يعني اننا نسكت عن العيوب الكبيره في الاخلاق او الدين مثلا بالعكس كذا الواحد يكون سكت عن شي خطير مره ما حبيت اطول عليكم بس هذي كانت مشاركه مني ووجهة نظر شخصيه... اتمنى اسمع اراؤكم |
أخى Labrujita
اهلا بك وموضوعك جميل ولكن اخي أظن الأمور تغيرت كثيرا الآن وأصبحت النساء لدينا ولله الحمد يبحثن عن الرجل صاحب الدين والخلق لكن المشكلة في الرجال الذين أكثرهم لايحمل من معنى الرجولة إلا أسمها ، ولك التحية |
أخوي كلام مو صحيح لأنه لو كل رجل تزوج امرأة واحدة في السعودية لبقي عوانس كثير لأن نسبة النساء اكثر من ا
الرجال , لكن السبب الرئيسي للعنوسة هم أشبااااااااااه الرجال الذين يخافون من التعدد لأسباب وهمية |
والله اخوي الشروط اللي ذكرتها أعتقد انها تطلع من بنت عمرها تحت العشرين
وانا اتفق مع اخوي الكبير في كلامه والله ان ردوده تبرد خاطري الله يوفقه وين ماراح مشكور اخويlabrujita |
لانستطيع ان نتحدث عن الأسباب التي أدت إلى تفشي العنوسة لأنها كثيرة وغير قابلة للحصر , ولكني أعتقد في المجتمع السعودي السبب الكبير في العنوسة هم الأهل , لأنه وكما تطرق إحدى الأخوان أن الفتيات أصبحن يبحثن عن الرجل ذو الأخلاق ولو كان باستطاعتهن أن يتزوجن ماكان هناك عنوسة , لذا لابد أن نضع في عين الاعتبار الأهل
وتقبلوا تحياتي .. |
مجتمعنا باقي فيه شوفة نفس على اللي جاي يخطب بنتهم يحسبونه بياخذ بيورث معهم
|
والبنات ساعة الجد اذا جاها العريس بدت تطالع في جانبه السلبي وتدور على عيوبه
من حقها تطمن على نفسها لكن لازم تطالع وتدور في جانبه الايجابي واذا طغا الجانب الايجابي يجب عليها ماتتاخرا وتتزوج لا وبعد اذا بدت توافق عليه قامت تقارنه برجل اختها فلانه ولا بنت خالتها ذيك وفي نهاية رفضت وبعد كم سنة اذا سالتها قالت ماجا نصيب اتحدااااااااااااااااااااااااااااااااااااااا واتحدااااااااااااااااااااااااااااااااااااااااااااا ااا بنت ماجاها اكثر من ثلاثة يخطبونها وفي الاخير تقول مالقيت احد مناسب ،،، من حقها ترفض اللي تبي ،،، لكن مو من حقها تشتكي من العنوسه وتقول البلد معا فيه رجاااااااااااااااااااااااااااااااااااااااااااااااا ل التعريف الصحيح للعانس هي اللي ماجاها احد بالمررررررررررررررره لكن اللي انخطبت مره وحده ماهي عانس هذا تسمى رافضة الزواج ويا كثر رافضات الزوووووووووووووووووووووووووواج |
[
اقتباس:
ووش تسمى اللي تقول ابيه لي الحااااااااااااااااااااااااااااااااالي ووش تسمي اللي تقول ماخذ معدد (بسم الله علي) ووش تسمى اللي تقول لو تزوج علي لازم يطلقني ووش تسمى اللي تقول يهون علي يموت واترمل ولا يتزوج عليه لا وبعد تقول اشباه رجال الا والله المعقدات الرافضات الزواج (ناقصات عقل ودين) بس كذا احسن خلهم يستانسون عند اهلهم يجب الواحد يكون عادل في حكمه وينظر نظرة واقعية للمجتمع وعاداته وينظر بعينين لا بعين واحده |
اقتباس:
اذا بنت خطبوها عشرين على الأقل ومازالوا ... وهي مارفضت من العشرين هذولا الا شخص واحد فقط ..والباقي هم اللي يتراجعون عن الخطبه .. وسبب رفض الشخص هذا منطي جدا ومن حقها وماتلام عليه اذا تبغى تلومها ... ايش تسمى بالحاله هذي ؟؟ طبعا من كانت صغيره وهي يخطبونها والحين كبرت ومازالوا يخطبونها |
وعلى فكره تراها راضيه حتى برجل معدد ..وراضيه حتى لو تزوج عليها
|
اقتباس:
صح لسانك يا أخي كثير من الفتيات لايردن سوى صاحب الدين والخلق ولايريدون سوى هذين الشرطين ولكني ارى ان الرجال هم الذين يشترطون شروط تعجيزية في الفتاة معظمها شكلية وإن لم تتوفر فيها المواصفات الشكلية التي يريدها وإن كانت تافهة مع أنها صاحبة دين وخلق فإنه يتركها و يبحث عن غيرها |
اقتباس:
ليش التحدي !! في بنات فعلا ما تقدم لهم أي شخص وفي بنات تقدمولها كثيييير لكن ما كان الرفض منها لييييش كل هذا التحامل على المتأخرات في الزواج ترى كثييييرات مايبون إلا الستر لكن لاحول لهم ولاقوة |
اشكركم اخواني على تفاعلكم مع طرحي هذا ... لكن عندي تعليق بسيط على ما ذكره الاخ ( رادع ) انت تقول ان ان الي بخافون من التعدديه هم اشباه رجال .... يعني الي متزوج وحده ومكرمها وعايشين حياة سعيده لازم يخربها ويزوج ثنتين عشان يصير رجال زي ما تتوقع انت ...
هذا شي الشي الثاني اتمنى انك ترجع وتقرى عن تعدد الزوجات لا تفكره شي بسيط صحيح الشرع حلل لنا اربع زوجات لكن اسال عن الحالات التي تخليك تروح للخيار هذا ياخي اذا كانت زوجتك مادية الي عليها ومهتمه فيك انت وعيالك وعلى قولة الاخوان الكويتيين مخليتك يا دهينه لا تنكتين ليه تتزوج عليها مو ظلم لها هذا لا ترجع وتقول لي الشرع محلل لك اربع للاسف هذا الكلمه الي دارجه بينا احنا الرجال كل ما صار شي قلنا الشرع محلل لنا اربع .... ما حد يعارض لكن هذا يا طويل العمر اذا كانت زوجتك مقصره معاك او ما فية توافق بينكم وهل اذا كنت صاحب تعددية هل راح تعدل بينهم اتحدا اي واحد يقول اني راح اعدل ... كانت هذي وجهة نظري في الموضوع هذا وارجع اقدم الشكر لك اخوي رادع وكل من شارك بالردود تمنياتي لكم بالتوفيق |
الشروط التي ذكر تها اخي الكريم موجودة لكن هي عند المراهقات اكثر .. او بالاحرى عند الاقلية القليلة من الفتيات أما الاغلبية فشروطهن شرعية ، مقبولة ومنطقية |
السلام عليكم ورحمة الله وبركاته
أنا أرى أن الجميع يتحمل المسئولية الشاب والفتاة والأهل والعادات والمجتمع أما وأن نلقي باللوم على طرف معين فهذا فيه إجحاف. ومع كامل الإحترام والتقدير لأحد الإخوة الفضلاء ، فإن القول أن أكثر الرجال لا يحملون من الرجولة إلا اسمها فيه نظر. لا مجال هنا لكيل الإتهامات ، المجال هنا للتكاتف وإيجاد حل على المستوى الفردي أو الإجتماعي. بارك الله في الجميع. |
لا اظن التعدد هو حل العنوسة 0000
والدليل ان الدول التي تعدد كدول الخليج هي التي تكثر فيها العنوسة 0000 والدول التي لاتعدد كبلاد الشام تقل فيها العنوسة 0000 والاحصاءات الحقيقة تشير الى ان عدد البنات والشباب متقارب 0000 وليس صحيحاً كثرة البنات على الاولاد |
أنا أتحدى أي واحد يقول انه في حل غير التعدد , لأنه التعدد هو الأصل في الزواج وليس التفرد ولهذا أكثر
الصحابة معددون , أما نبية الخوف من العدل فهذا هو جبن وخور لكن بصورة أخرى ليبرر لنفسه . |
اقتباس:
صادقة اللي ماجاها احد هذي العانس وقلبي معاها لكن اللي يبون الستر مشكلتها في اهلها اللي ماطبقو قول الرسول زوجوهم واعينوا عليهم وما قصدي الاعانه الماليه لوحدها مع انها واجبة على بعض الاباء ومن الاعانه للبنت ان ابوها يبعد عنها اخوها اللي يتدخل في نوعية المعاريس والام اللي طموحها واصل السماء والخوات اللي يقولون نبيه في نفس مستوى رياجيلنا ومن هالكلام اللي يعور القلب |
اقتباس:
اولا انا ما الوم احد الكل حر في تصرفاته ولكن الشخص مسئول يتحمل نتائج اعماله غريبة مازالوا يخطبونها اكيد فيه شي مستخبي عنك فتشي زين وتعرفينه وخاصة في اهلك او خواتك او اخوانك لان اللي يجي من براء يحطكم كلكم تحت المجهر واعطيك مثال واحد خطب وحده وشافها واعجبته وصدفه قابل زوج اختها وشافه وسمعه يتكلم مع ولده بالفاظ اعزك الله ماتنقال والولد يردد ورا ابوه هالكلام الخطيب قام وقال اذا هذا زوج اخت حرمتي وبكره عيالي بيختلطون مع هالعيال وبيرددون هالكلام اعوذباالله وتركهم وراح وقعد يتصلون عليه وشفيك هونت قال ظروفي ماتسمح وما قدر يقول زوجك بنتكم يتكلم مع عياله بهذا الكلام اللي اكيد بنتكم عارفته وزوجتي بكره بتردده او على الاقل عيالي وامور من هالاشياء وبعض الاباء يطفش العريس بدون ماحد يدري عشان راتبها او عشانه ماهو من جماعته وبعض الامهات سمعتها زي الزفت اما كسوله او حنانه اووووووو فتشي زين وبعين خاطب وبتكتشفين السبب |
اول شي صباح الخير عليكم جميعاً ....
اخوي رادع اتمنى انك تكون قريت ردي الاخير عن التعدديه ويا رب ادخل بعد شهر بالكثير وما احصل ولا بنت في عالم العوانس والمطلقات جعلكم تعرسون كل ابوكم |
| الساعة الآن 03:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©