|
زوجي والكذب ..... والله تعبت
السلام عليكم جميعا
الف شكر لكل الاعضاء المتعاونين في هالمنتدى الرائع بصراحه اول ماحصلت لي المشكله على طول فكرت اشاوركم ...في هالمسألة ..لأني دائما اشوف اراء حكيمة والله يوفق الجميع انامتزوجه من سنتين واعاني من كثرة الكذب في زوجي ... وياريت اعرف ايش الهدف منه .. والله احيانا يكذب حتى في اختراع السوالف ...!!! مادري ليش وكثير اكشفه في الكذب ويصرفني بكذبه ثانيه :29: المشكله الي صارت الان اني كشفت له مكالمة قبل فتره ومو راضي يعترف بهالشي ... ووالله تعبت لاني عديتها له ..مرتين قبل كذا .. كله عشان احافظ على بيتي بس للاسف الظاهر انو مريض بالكذب والطامة الكبرى ... الان في نظره ونظر أهله انو انا الغلطانه تصورو :11: مادري كل ماصارت مشكله يحب يلف ويدور فيها ويقلبها علي للاسف انا الان عند اهلي من فتره .. واهلي مايدرون ومابي ابوي او امي تدري لاني اخاف على مشاعرهم وراح يجبروني ارجع لانسان مايستاهل :11: اعتذر على الاطالة اتمنى اشوف اراءكم ولكم مني الدعاء تحياتي للجميع |
الله يعينك
|
أختي الغاليه
حاولي انتي وزوجك تتفاهمون خصوصا انك رحتي لبيت أهلك وروقتي شوي قوليله ايش اللي مضايقك وطلعي اللي بخاطرك وحاولو قد ماتقدرون تبعدون عن الانفعال والعصبيه تكلمو بعقلانيه وحاولو توصلون لايش يريحكم كلكم... تمنياتي لك بالسعاده الدائمه أختي |
اختي الحيبيبه ورد نجد
يعطيك الف عافيه على مرورك ونصيحتك لكن للاسف زوجي يطبق المثل الي يقول .. افضل وسيلة للدفاع هي الهجوم لانو مايعطي مجال للتخاطب بالهداوه على طول يرفع صوته ويقول انك تتهميني وللاسف كله عشان يطلع من الموضوع واصير انا الغلطانه الله يفتح على قلبه ويهديه لنفسه لاني فعلا تعبت معاه الحياة مع كـــــــــــــــــــــــــــاذب جداً متعبه والله يوفقك يالغاليه |
الله يهيديه لك والله مشكلة الكذب كثير يعانوا منها
|
عزيزتي مدام الكذب طبع من طباعه فغير جبل ولا تغير طبع ومستحيل إذا أكتشتفتي كذبته يعترف من سابع المستحيلات يحس إن ينقص من قيمته إذا أعترف باالكذب إذا بتعيشين بتدقيق صدقيني بتتعبين لكن التنبيه فاالوقت اللي يكون فيه رايق أفضل ومن ناحية جلستك عند أهلك من زعل ولا كذا نقاهه؟؟ تحياتي والله يسهل لك أمرك |
اختى المثل يقول (ابنك على ما تربيه وزوجك على ما تعوديه)عودى زوجك على الصراحة على الاقل معك تعاملى معه كصديقة وليس كعدو متحفز لاى خطا
الم تسالى نفسك ولو مرة لماذا بعض الازواج يتركون نساؤهم ليذهبوا مع اصدقائهم اقول الاجابة انها الراحة فلا يشعر ان احدهم يغير عليه ولا احدهم سيشتغل لله واعظ هل فهمتى مااريد ان اوصله تحياتى |
اختي الغاليه الاجودية
الف شكر لك يالغالية على مرورك ونصيحتك ومثل ماقلتي نخلي الجلسة عند الأهل مثل النقاهه الله يوفقك ويبعد عنك كل مكروه تحياتي لك |
..............
مشكور اخوي على نصيحتك وفهمت من كلامكم انو كثير يعانون من هالمشكله ............. الله يوفقك اخي الكريم تحياتي أختي الفاضلة .. يرجى مراعاة التخاطب مع الرجال و الحرص على عدم الخروج عن سياق الموضوع .. وجزاكِ الله خيراً أخوكِ المراقب / النور والحنان |
أختي الفاضلة
عروسه إن الكذب لمشكلة كبيرة جدا.. عليك بتذكيرة من فترة لفترة بفظاعة الكاذب.. بطرقة غير مباشرة أحضري كتب تتكلم عن عقوبة الكاذب..وهي واضحة ومعروفة يوم القيامة أحضري شريط وضعيه بالسيارة عن عقوبة الكذب وكيف أن الكذبة تلو الكذبة يكتب عند الله كذابا.. أخبريه كيف كره الرسول صفة الكذب وقام وغضب من المجلس لإستفسار الصحابة هل يكذب المؤمن فغضب وقال(المؤمن لا يكذب المؤمن لا يكذب المؤمن لا يكذب )..وقام من المجلس عليه أفضل الصلاة والسلام تحدثي معه بشكل حواري هادف جيد دون إلقاء اللوم.. أخبريه أن الكذب صفة من صفات المنافقين والمنافقين بالدرك الأسف من االنار ناقشيه أن هدفك حبه وخوفك عليه إحتويـــــــــــــــــــــــــــــــــــــــــه وحاولي معاونته على نفسه إنت كنتي تحبينه وتريدينه... وبالنهاية عليك بالدعـــــــــــــــــــــــــــــــــــــــــــــ ـــــــــــــــاء والصدقة الصدقة الصدقة وتوكلي على الله لن يخذلك.. وفقك الله وأعانك وأصلح لك زوجك يارب يارب يارب اللهم أصلحنا وفرج همومنا ويسر أمورنا يارب.. |
يعطيك الف عافيه اختي الغاليه على النصيحة
وجزاك الله الف خير |
اصبح الكذب عنده عاده
وصعب تغير الطبع بس اصبري عليه ولا تتركي البيت |
صراحه اختي عروسة
احيانا كثيرة يلجا الزوج للكذب مضطرا يعلم انه الكذب عاده مذمومه ومبغوضه ولكن ماذا يفعل ان قال الصراحه قامت الدنيا ولم تجلس لاتفه الاسباب صدقيني لو تفهمت الزوجه لاعذار زوجها لما لجا للكذب بتاتا الزوج مثل الطفل مع الكذب . ان وبختي الطفل عندما يقول الصراحه في امر ما . فلن يصدق معك مستقبلا .... |
صدقيني لو حاولتي وحاولتي معاه اكيــــــــــــــــــــد راح يتغير
بس لازم تصبري سنوات لان هذا طبع فيه وصعب يغيره الا اذا كانت ارادته قويــــــه انتي تكلمي معاه كثير عن الموضوع هذا واكيد كلامك راح ياثر فيه |
اذا كان من اول ماتزوجك كذا فهذي طبيعته وان كان يصارحك بعدين صار يكذب فهو يخاف تزعلين ويتجنب المشاكل وهذا دليل انك غااااليه تدرين ان في ازواج يخونون عيني وعينك ويقول تبين والا اقضبي الباب اما اذا كان يكذب فهو يحبك ويداريك طنشي ولاتدققين بكل شي ترى الرجاجيل ان دققتي معاهم ماتعيشين واللي مايصبر على جمرتهم ما ياكل تمرتهم
|
----السلام عليكم----
ماتلاحضون ان الصبر انتهاء ذا الايام -- حبيبتي مليت منة لانة يكذب -حبليبي المتزوجات الرجاء من كل وحدة لما تزعل على زوجها تجلس في بيتها لاتروح لههلها -- تخلي الروحة لزعل الكبير مثلا اذا سب اهلها ضربها ضرب خفيف والله من جد ليش معد فية صبر -- كل ايات القران تحكي عن فظل الصبر - الصبر من مكارم الخلاق - الحلم سيد الاخلاق- اذا انتي تبين تعالجين المشكلة عالجيها وانتي بيتك مو تهربين منها مثلا قولي انا بصراحة يعجبني الصادق احس انة انسان واثق من نفسة - انسان قوي احترمة الشخص الكذاب انسان مهزوز غير واثق من نفسة ---- واسمعي ياجارة --اتمنى لكي التوفيق وطولت الباااااااااااااااااااااااااال |
الكذب صفه متفشيه في كل الرجال الا من رحم الله
الله يكون بعونك ويهدي زوجك والجميع |
أخطر مشكلـة في الرجـل هي الكذب
الرجـل لـو كـذب تنقـص رجـولتـه وتسقـط شهـادته ولكـن أصـبري وعـالجـي فيه قـدر إمكـانك الله يكـون في عونـك هذه مصيبـة |
| الساعة الآن 11:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©