|
أريد المساعدة العاجلة .. اختلفت وزوجتي وذهبت لأهلها دون إذني
السلام عليكم ورحمه الله وبركاتة
انا حصل قبل 3 ايام موضوع ونقاش حاد بيني وبين زوجتي وانا عندي ولد عمرة سنة النقاش كلمتني زوجتي وانا في العمل ومظغوط مرة قلت لها اني بأتأخر شوي قالت لي ليش تتأخر قلت لها مشغول يالله مع السلامة ارسلت لي رسالة وقالت فيها كنت اتوقع يكون ردك افضل من كذا بعدماطلعت كلمتها وقلت لها وش ذالرسالة قالت لي ليش ترد علي زي كذا ليش ماتعلمني وش عندك تتأخر المهم قلت خير .... جيت البيت وللاسف النفسية من جد تعابنة منها ومني نمت وجاء العصر وصحيت متأخر يعني الساعة 4 العصر ودوامي اربع ونص قالت لي ودني لخوالي قلت مايمديني خلي احدد يوديك لاني متأخر ليش ماقلتي لي من بدري قبل ماانوم المهم طلعت للدوام وكلمتني في الدوام وقالت جاني اخوي مكن اروح قلت بكيفك المهم صار فية نقاش حاد وصارت ترفع صوتها شوي لاحد ماقلت لها ( كلي تراب ) وصكرت التليفون هي ..... المهم البنت راحت لاهلها بدون ماتقولي جيت البيت مالقيتها والى اليوم ماجت ؟؟؟؟؟ انا ماكلمتهااااااااا وهي ماكلمت .... اليوم ارسلت رسالة عتاب مع حب ... ارجوا منكم المساعدة مالحل. تم تعديل العنوان ليتماشى مع المحتوى |
نصيحتي لا تعود زوجتك الا زعلت تروج بيت اهلها , خليها ترجع بنفسها تأديبا لها ولا تحاول أنك تنخ قدامها
وترسل كلام الغزل والحب , لأنه يدل على أنك نخيت مو من حب فيها , والا ترى بتفتح باب كبير , كلما زعلت راحت بيت أهلها , بين لها , أنه هذا الشي كسر لرجولتك , واذا رأت منك زوجتك تهرول وراها تراضيها زادت عليك وأهانتك وطاحت شخصيتك قدامها وتعودت على ذلك , والرجل اذا كان ضعيف الشخصية ومهزوز قدامها أصبح ملطشه أمام الزوجه لا تضرب أس حساب له , تنكد عليه حياته وما يهمها راحته , وتسود وجهه قدام اهله وأهلها |
مشكور على ردك
انا مارسلت رسالة هي اللي ارسلت رسالة وانا واعد نفسي ماجيبها مهما كان لاانها طلعت وراحت بدون اذني وان شاء الله ربك يسهل الامور |
اخوي عاشق اول شي اذكر الله وتعوذ من الشيطان
ثاني شي زوجتك كانت متصله فيك تقول لك انها بتطلع بتروح بيت خولها بتروح بيت اهلها المهم قالت لك وانت سمحت لها وصار بينكم نقاش طبعاً من الغلطان ما اقدر احكم لاني ما اعرف النقاش اللي دار بينكم على العموم انت قلت لها كلي تراب و المفروض انه ما تقولها هالكلام عفواً لازم يصير بينكم احترام اكثر من جذي بس انا اعذرك لانك يمكن مضغوط بالشغل وهم صار بينكم سواء تفاهم الظهر مما ادى الى تفاقم الامور. انا اقول انك تتصل بها وتتفاهمون بدون ما تنزل من كرامتك وتفهمها ان اللي سوته غلط وهم انك غلطت يوم كلمتها بهالاسلوب وقلت لها هالكلام واذا تفاهمتوا ووصلتوا لنتيجة رجعها من بيت اهلها لان وضعكم كلش مب حلو ولا تنسى انه في صغير عمره سنه يتاثر من هالمشاكل ومن الكلام اللي يسمعه لا تقول انه ما يفهم الطفل يخزن كل الكلام والمشاهد اللي تمر امامه ويسترجعها بعدين فتاثر عليه. فتعوذ من الشياطن اخوي وخلي عندك طولت بالله الحريم والعيال يبي لهم طولت بال ودايم اذكر الله اذا حسيت روحك بتنرفز وخل الاحترام بينكم اكثر من جذي علشان لا تتهاوشون على مسال بسيطه . يالله يارب يصلح ما بينكم ويهدي سركم |
مشكورة اختي الريم
مشكورة اختي الريم والاحترام موجود لاكن كلمة وطلعت بعد ماعصبت وهي قالت انها بتروح لخوالها واذا راحت لخوالها ترجع في نفس اليوم مو اجي البيت واحصل بعض اغراضها معها ولا مكالمة ولا شي انا مستحيل اني اروح اجيبها لانها المرة الاولى انا رحت وجبتها بس هذي المرة مستحيل والله يستر
|
اخوي انت ذكرت انك قلت لزوجتك
خلي احد يوديك طيب ليش قلت بعد انها طلعت بدون اذني !!؟!! |
مشكور على ردك
مشكورين على ردودكم .... انا قلت لها تروح لخوالها مو تروح لبيت اهلهاااااااااااااااااااااااااااااااا ياناس ابي حل بليييييييز
|
ياأخي ترى المرأه تمر بأوقات تكون نفسيتها تعبااانه وااايد فأنت قدر ظرفها وأنت أدرى بالحوار وبالمخطئ
فأنصحك أن تتصل بها الآن وتتفهم الأمور .. ياأخي الشيطان يفرح بذلك |
أخي الفاضل ............... بعد التحية كبر عقلك واستعذ بالله من الشيطان ..... ولا تدع للشيطان فرصة أن يفرق بينك وبين زوجتك من باب قلت لها روحي ...وما جات....... روحي لبيت خوالك .....وراحت بيت أهلها الخ........... أخي زوجتك تحبك والدليل أنها أرسلت عبر الهاتف رسالة حب وعتاب ..... خلك أحكم من ذلك ورح وخذها من بيت أهلها ، بس بعد ذلك يجب عليك أن لا ينتهي الموضوع عند ذلك فيجب أن تضع سياسة عامة وخطوط عريضة لنظام الحياة الزوجية بينكما (( بالعربي كيف تبغى حياتك تمشي معها )) وهذا النظام مثل (( المدير لأي قسم أو إدارة فهو من أول يوم يضع سياسته والخوط العامة التي تسير عليها إدارته أو قسمه)) ، وهذا الأمر يكون بالإتفاق بينكما ، وأعتقد أنك تأخرت في رسم تلك السياسة لمنزلك وحياتك الزوجية . ودمتم سالمين ،،، الزعيم55 |
أخي عاشق الدمعة
انا اتفق مع الأخت ريم في أنك غلطان من البداية وقد تكون فعلاً نفسيتها كانت سيئة جداً لأسباب تعرفها أنت ولكن كان لا بد أنك تطول بالك الحل في مثل هالحالات طالما هي ارسلت رسالة أنك ترد عليها برسالة عتاب علشان تتصل عليك وتتفاهمون على التلفون وتبين أنك ما أنت راضي على تصرفها هذا أبد وأنك زعلان عليها ليه مابينت لك أو انتظرت الين ترجع من العمل وترتاح شوي وأنك كنت لا بد أنك ترضيها ذاك اليوم وتطيب خاطرها ألين ماتحس بفعلتها فإذا حسيت ان النفوس راضية قلها أنك مابترضى إلا اذا رجعت للبيت بنفسها زي ماتركتها هي وإن شاء الله إنها بترد لك وتطيب الخواطر |
السلام عليكم اولا انا مع زوجتك لان انت غلطان كان المفروض اول ما تدق عليك فى العمل تقولها معليش انا مشغول انا ارجع ادق عليكى او تعطيها خبر انو ماتدق عليك فى العمل مهما صار وعلى العموم تعوذو من ابليس ورجعها ما فى شى اسمو كرامه بين المره وزوجها وبكره تتذكر كلامى
|
** السلام عليكم ورحمه الله وبركاته **
تعوذ من الشيطان الرجيم وحط زوجتك وتفاهم معاها .. هذا احسن حل ومالك إلا هالحل بس اهم شي تعوذ من الشيطان .. ولازم اتفهمها شي وااااااايد مهم إن اللي يصير داخل البيت سواء كان كبير أو صغير يظل داخل البيت ومايطلع أبد ..لأن المشاكل الزوجيه لو تدخل فيها طرف ثالث خلاااااااص بتلاقي المشكله بعد ماكانت صغيره وماتسوى اكبرت واااايد وصارت أكبر من حجمها .. الله يهديكم لبعض ... يااااارب .. طمنا عليكم ..
|
أخوي عاشق الدمعه
إنت قلت إنكم عندكم ولد عمره 6 سنوات وإن هي ما قد سوتها غير مره فما أتوقع إنها حتاخذ وجه ولا شي هذي أم عيالك إتعوذ من الشيطان وكلمها وإتفاهموا علمها غلطها وخليها تقولك وش زعلها وتفضفض وصدقني من أسلوبك بتستحي تعملها ثاني قولها عيب تروحي بيت أهلك إنتي هذا بيتك زي ماهو بيتي وإذا زعلتي ما تهربي واجهيني وإتعودوا تحكوا وتتناقشوا ما ينفع التفاهم بالصراخ حتى على الأشياء التافهه الله يصلحكم ويخليكم لبعض ويبعد عنكم الشيطان |
اخي الكريم
زوجتك ارسلت لك رساله حب وعتاب وهذا ان دل على شيء فهو يدل على انها بدأت خطوه جيده هيا تقدم وقدم خطوه اخرى حتى تنحل المشكله واعد زوجتك إلى منزلها وتناقش معها بهدوء وحزم بأن ذهابها إلى بيت اهلها شيء لا تقبله فإذا ابدت موافقتها واقتناعها ابدأ انت صفحه جديده وانسى ما بدر لا تضيع عمرك في مشاكل وهموم وبيدك الحل الله يسعدكم ويجمعكم يارب |
اشين شي ان الحرمه تزعل وتروح لبيت اهلها
المفروض انها ما تطلع ابدا الا جنازه اذا زعل الرجال المفروض هو اللي يطلع |
بصراحه موضوعكم كبر .... وحرام ما فيه مشكله كبيره .... اخاف المكابره توصلكم لنهايه مو حلوه لا سمح الله .
اخي باين ان زوجتك تحبك والدليل الرساله وهي اخطت يوم راحت بيت اهلها بس انت اخطيت قبل ... وما تدري يمكن انت منشغل وهي كانت محتاجتلك ورديت عليها رد قاسي جرحها في وقت هي تبي منك العكس ..... رايي كلمها بالتلفون وتفاهموا ... بس خلك لين وبين انك اخطيت وبعد كذا قلها انها اخطت يوم راحت بيت اهلها وطاوعت الشيطان ووش كان المفروض تسوي وخذ منها وعد ما تسويها مره ثانيه لان هذي الطريقه تكبر المشاكل وتدخل الاهل وانه لازم كل واحد منكم يبادر بالاعتذار حتى لو كان مو غلطان.. و...و... والله يوفقكم ويبعد عنكم الشيطان .... |
احسن شي ياخوي انك ترجعها ومافيه داعي الزعل يكبر والله يوفق بينكم
|
اخى العزيز حاول تذهب اليها وتراضوا معا
وصارحها انك مضايق وهى اكيد لو تحبك راح تتفهم وكمان بصراحه هالاسلوب وطريقتك وانت مضايق تضايق انا ست زيها والست تشعر انها فضوليه عليك وتحس بكسره خاطر صالحها ولا تادعها تذهب بيت اهلها مره اخرى مهما صار |
.....................
أخي الكريم :: أتسمح لي..؟ المرأة "زوجتك في حالتك" مليانة مشاااعر.. وإن كانت قد أخطأت فهي تحس بالندم وإلا ما أرسلت لك الرسالة.. وبعدين تصرفك في ذاك اليوم يدل إنك كارهها .. والمرأه في هالمواقف تفقد منطقها وعقلها.. يعني....... سامحها وأدبها بإنك توضح لها انك متضايق من تصرفها واوعدها إنك راح يكون تصرفك أنت في المره القادمه أحسن.. ولو إنك تعتبر نفسك مو غلطان ولا تدور على الرد اللي يمشي مع رايك فتكون عون على فرعون نفسك...امش مع العقل! ومبين إنك مو فاهم الحريم لحد ألحين.. ولا تخاف شكلكم توكم متروجين.. فعشان كذا افهم وفهمها إنه لازم يكون بينكم تنازل معتدل عشان الحياة تتوازن! ويا حلو زوجتك .. دلوعه :) وفقك ربي |
اقتباس:
|
اقتباس:
كبر عقلك وخلك من كلام الاخ رادع بعدين علشان الولد الصغير رواح وراضي زوجتك وطفي النار وافتح صفحة جديدة بعدين الله يهديك حاول تحتويها اكثر وشكرا |
انا مع راى العضو
(رادع) بكل تفاصيله ولا يهمك لا تتنازل الها باى شكل |
اخوي شوف لاترد ابدا على اللي يقولك ماترد زوجتك لانه صعب جدا انها ترجع لانه كرامتها مابتسمحلها ترجع بدون ماتكلمها
اتصل عليها وتفاهم معها وتناقشوا واعرف ايش اللي كدر خاطرها ،،،،،،، صدقني بالكلام معها رح ترسوا على بر احكيلها اللي بنفسك وانك زعلت لانها طلعت بدون سبب واضح بالنسبة الك تكلم معها وتفاهموا عشان خاطر ابنكم لاتوصلها مواصيل وتكبرها وهي صغيره بعدين لحل وسط بعد التفاهم اذا بدها ترجع اتفق معها انك تمر عليها وتاخدها بدون مشاكل الله يوفقكم ويحفظكم |
الضعيف هو الذي لايبدأ بالصُلح مهما كان رجل أو إمرأه
والتفاهم يكون لوقت ثاني تضعون فيه النقاط على الحروف أحتوي الموضوع ومافي كرامة بين الزوجين |
تبغى الصراحة ... الصراحة .. الصراحة .. أنا زعلان منك .. وارجو إنك ما تزعل مني ... ما عرفناه عنك أخي الحبيب " مخاوي الدمعة " هنا في المنتدى إلا حسن الطيب ودماثة الخلق .. وما نتوقع من أمثالك إنهم يسمحوا لأمر بسيط مثل هذا أن يتفاقم إلى هذا الحد ... أنت شامة من شامات المنتدى ... وتعلمنا منك الكثير ... فهل يحتاج ردي إلى المزيد .. والاخوان والأخوات ما قصَّروا أبداً ... لو كلامي يهمك .. وعتبي الأخوي لُمحب لك شيء فيه ... قلي عشان أكمل لك مذا نريد .. ولا أقلك .... ما يحتاج أكمل لك ... اللي أبغى أقوله قالوه الأعضاء الأكارم بالأغلبية الساحقة ... وإذا لسع نفسك عاااازة عليك فهذي والله مشكلة .. وتحتاج منا إلى سماع الكثير ... صلي على النبي .. واذكر الله .. وروح اتصل على زوجتك ورجعها واعتذر على الخطأ في الكلمة اللي بدرت منك .. وهي رح تعتذر بدورها وتستحي منك ... باللطف والهدوء واللين ينحل كل شيء بإذن الله .. زوجتك تحبك .. الله يزيد هالمحبة ويديمها .. والمرأة بطبعها هذه طريقة اعتذارها الأولية ... وإنت رجل أخبر منا بالنساء ... فكأنها تقول لك هذا اعتذاري وأنتظر اعتذارك ... والموية ترجع لمجاريها ... وعلى فكرة ... سبحان الله الكريم الذي جعل بين الزوجين مودة ورحمة تتضاعف وتتجدد بعد مثل هذه الإشكاليات البسيطة ... يا الله شد حيلك ... وكن رجلاً حكيماً أريباً كما عهدناك ... والله يوفقك ويسعدك يارب .. اليوم أو بكرة بالكثير نبغى نسمع خبر حلو وإنها صارت في البيت عندك .... ولا ترى ......................... :29: :17: :17: :17: تحياتي ومحبتي لك أيها الأخ الغالي |
بصراحة أنا كنت ناوي الى قبل دقائق ان أقول لك لا تراضيها ولاتجيبها، خلها هي اللي تجي
بس بعد ما شفت معظم الردود توصلت لأن تبدأ انت بالاتصال بها وتتراضون وتجيبها بس اذا وصلت البيت بين لها قد ايش جرح رجولتك حركتها هذه ومرة ثانية راح تكون العواقب وخيمة، وسوي أي شيء يبين انك زعلان كل مافكرت في الموضوع يعني حاول تفهمها ان الشيء هذا مو سهل ولو غيرك ماراح جابها أصلا هذا اذا ماطلقها وتزوج غيرها ومن هذا الكلام اللي يخوف واذا استوعبت الموضوع خلاص صفي قلبك وحط في بالك ان الشغلة ماتستاهل ولاتنسى انك قلت لها بكيفك لما اسأذنتك ويمكن غيرت رأيها في الطريق بدل ماتروح بيت خوالها راحت بيت أهلها وعجبتها القعدة وتبي تجلس كم يوم كما أنكم اثنينكم كنتوا في حالة غضب ومتوقع منكم أي ردة فعل بس تعلموا تتحكموا في ردود أفعالكم بعدين. دائما حاول تحط أعذار وتمشي علشان يمشي موكب حياتكم، ترى الدنيا ماتسوى. والله يوفقكم ويستر سركم ملاحظة: حاول انك ما تدخل أحد من برى سواءا اهلها أو أهلك بالموضوع |
اقتباس:
|
أخى عاشق الدمعه
أذهب وأحضر زوجتك وخلى ابنك يتربى بين أبوه وأمه وأعمل نظام لحياتك الزوجيه بصرف النظر عمن يكون المخطىء وفقكم الله لحياة زوجية هادئه |
أنا لن أفرض كلامي فرضا ولن اعتبره قرآنا فهو يحتمل الصواب أو الخطأ , لكني عليم بطبيعة النساء
مجرب ومتابع لقصص أصدقائي وما يجري لهم من نساءهم , على رفعة أخلاقهم , وجلالة قدرهم , مع ذلك لم يشفع لهم عند زوجاتهم , في ساعة زعل أو زلة قدم من الزوج , ولإستغلالهن لطيب أزواجهن تركن بيوتهن دون أي تقدير لرجولة أزواجهن , فاوردنهم الإهانة . لكن ما سأقول لك : افعل ما شئت وستذكر ما أقول , والأيام تشهد . |
عاشق الدمعة يقول الرسول صلى الله عليه و سلم
( ما كان الرفق في شي الازانه وما نزع من شي الا شانه ) و انا معك ان فعلها هذا كبير و كبير مرة لكن هي بادرت و ارسلت لك وما ارسلت الا انها معترفة بغلطها يعني لا تكبر الموضوع مدام انها معترفة ممكن انك تبين لها ان هالتصرف ما تبيه يتكرر مرة ثانية بس نصيحة ارفق و قدم التنازلات العمر قدامك طويل :) |
عندنا في الخليج يعتقد الرجل ان أي تصرف تتصرفه المرأه خدشا لرجولته حتى بعضهم يسوي حكايه في تسمية المولود ولو ترك الرجل هذا الفكر الخاطيئ ونظر للمرأه انها كائن ضعيف وأنها مهما كان هذا الرجل لاتستطيع العيش بدونه لنظر للا مور بمنظار أخر
يعني أنظر أنها متعبه نفسيا وأنك زودتها معها وأنت على حق بغضبك ماكان له داعي اتصالها بالعمل والاخذ والعطاء خلاص شفت نفسية زوجي ملخبطه أعذره لكن عقول الحريم ويش تقول فيها فرجاء أخوي اهدأ ولاتغضب وروح لها ونبهها لغلطها وصارحها أن ليس كل حياة الرجل زوجته هناك امور قد تكون تافهه ولكن تهم الرجل الله يصلح الحال ويبعد ابليس عنكم |
من رأيي السالفة ما تستاهل وعذرا لهالكلمة (السالفة تافهه) المفروض ماتوصل لهالحد واتصل عليها وفهمها الشئ اللى انت تبي توصله لها مثل اذا كنت في الشغل ما تقدر تكلمها خصوصا اذا كنت مشغول بتكون عصبي شوي من ضغط العمل وغيره من هالكلام .......
بس بعد لازم اذا واحد منكم شد الثاني يرخي عشان يسير المركب ..... ترضوا وأنسوا اللى صار الموضوع ما يستاهل وبين الزوجين مافيه كرامة .................. |
انا من رائيي انك ترجعها وتصلح الامور وتتفاهم معاها وتحذرها وتعطيها انذار بأنها ماتروح لأهلها مره ثانيه والا بتلحقها عاقبة بتندم عليها
واذا مو عشانها عشان ولدك ! |
اخي الكريم انت غلطان لان زوجتك محتاجة منك حتى لو كلمة واحدة وحتى لو انت مشغول
اخي لا تنسى انك اب ولازم هالاشياء تتجازوها ومرتك لها حق عليك الله يسعدك . أختي الكريمة .. لفظ الجلالة ( الله ) ينتهي بالهاء وليس بسواها . كما نرجو منكِ تغيير الصورة الرمزية لمخالفتها لتعليمات المنتدى وحتى لا تتعرض عضويتكم للإيقاف . شكرا لكِ |
بإختصار هي طلعت لوحدها ترجع لوحدها
بالعامية اللي راح بالحاله يجي بالحاله لأنك لو جبتها بتصير كل زعلة تروح لأهلها وتتغلى وتصر على رايها خلها عند أهلها حتى تدق عليك وتقول تعال المرأة عزامة ندامة أي تعزم وتندم |
إذا طولت السالفه ممكن تكبر وتتعقد
حل الموضوع من الحين وربي يسهل امورك |
أقولك شي من ست مثلها طنش وزي ماراحت بتجي ومدام أنها أرسلت رساله يعني ندمانه وتبيك تدق
|
راضها الله يرضى عليك
|
استكشفت من حديثك انكم كلكم عصبتوا يعني بتحبوا بعض 100%
وصي واحد يوصلهم انك تعبان في البيت وما رحت العمل وانه شافك بالمستوصف وخله يسالهم عنك وعن صحتك راح يجونك هوا من حبهم لك وبعدين ترا البنت اللي تسال احسن من اللي ما تسال ولا شيئ واضح انكم كلكم عصبتوا اكيد فيه شيئ في ايام الحدث رفعت العصبيه شويء خل عقلك كبير واترك عنك سوالف اول انك اذا رحت هالمره راح تكررها روح وحب راسها وجب لها هديه بعد كم يوم من رجوعها وحاول انت وهي تبعدو عن التعصيب المراه قريبه جدا كلمه تجيبها وكلمه تجيبها واترك عنك نصائح غيرك هذي زوجتك وانت ادرى بها جبها قبل مايتطور الموضوع ويتدخل حريم وناس من الاسره مالهم هم الا يتفرجون عليكم يالله بسرعه تحرك لا تاخر خير البر عاجله بسرعه ولا تفكر وخبرنا بسرعه راح ارجع بعد المغرب واحصل خبر رجوعها |
| الساعة الآن 05:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©