حائر بخصوص التكاليف
 

السلام عليكم

قدرله لي وخطبت من احد العوائل في مدينتي ..
الزواج راح يكون في احد ايام عيد الفطر ( طبعا حسب رغبتي)

اهل الزوجه مايبون زواج يقولون حفله بسيطه خلال شهر..

اهلي يبون زواج لا وفي قصر حلو ..

بصراحه فشيله من اهل البنت
القصر راح يكلف فوق 25000 الف ريال
واهل البنت قالو اذا تبون عرس بكيفكم بس انتم اللي صلحوه ...
انا محتار ومستحي كم اعطيهم مهر ..
وانا موظف وماخذ قرض يعني علي اقساط .. للمعلوميه انا اكبر اخواني يعني اول زواج لنا في العائله وراح يكون فيه ضيوف من خارج المدينه ..
عطوني رايكم ... كم اعطيهم مهر ؟ يعني لو عطيتهم 30000 ..؟ عادي ويكون على القصر بيكلف 25000 .. لا والطقاقات بعد علينا .. ؟
لاتنسونا بدعائكم ..:eek:

عطهم المهر 30000 ...
وترتيبات العرس كلللللللها عليكم..
لأنهم متنازلين عنه.. وإنتوا تبونه يعني أخذوا راحتكم في اللي تبغونه يصير..


بالتوفيق..

بحرينيه .. والله شكله هذا اللي بيصير ..
لا وترى فيه هدية للزوجه اظن يسمونها (صباحه) يعني حوالي ب 4000 ريال ذهب
وام البنت هديه لها بـ 2000 ريال ذهب

الله يوفق ياارب

المهر على حسب المنطقة اللي انت منها

عندنا من 30 الف الى 40 الف مع الذهب عليك

او 50 الف الى 60 الف و الذهب عليهم

والله يكتب اللي فيه الخير لك و لزوجتك

OutOfRange المهر عندنا 50000 وعليهم العرس
بس هم قالو مانبي عرس اذا تبون عرس حطو ؟ وش قصدهم ؟ عرفت شلون

الله يجزاك خير ويوفقنا انا واياك

قل لي اولا اخي الكريم هل يعقل ان تستدين بقرض لتصرف منه 25000 علي المظاهر التي لا فاده منها في الحفل علما بان اهل الزوجه لا يريدون?????????? عموما اذا كنت ستدفع في تكاليف الفرح 25000 فاقل مهر يكون 50000 و لكن الله يا بنات مصصصصصصصصصصر لا مهر ولا غيره ولا يمكن دول مش بنات !!!!!!!!!!!!!!!!!!!!!!!!! عجبا لعادتكم يا اهل الخليج الم يحين الوقت للتغييييييييييير???????????????????????????????
د.نبيل

والله العظيم كلامك صحيح يا د نبيل
لكن يادكتور المبلغ مدفوع سواء للمهر او للحفله .. يعني عادة مايدفع 50000 ويقوم اهل البنت بتكاليف الزواج وهي من 20000 الى 30000
الله يكثر من امثالك شكرا لتعليقك ومرورك الكريم

و الله الوضع معقد

اذا قدرت تشاورهم ان المهر يكون 25 الف و انت تتكفل بالعرس

اذا رفضوا فانصحك باللين

و استخر الله ثم استخر اقاربك فهم اعرف بالعادات اللي عندكم

فعلا اختلاف العادات و التقاليد ليه دور عندنا بمصر كان زمان بيدفع العريس مهر لكن حاليا لا .الزواج ميسر الي حد كبير عندنا بمصر من حيث الاتفاقات . بتمنالك كل خير يا رب و يتمللك علي الف خير.

حلو مرورك دكتور نبيل جزاك الله خيرا مصرى صحيح

لماذا لا تتفاهم مع اهلك و زوجتك و تلغي الحفل و تقوم مع زوجتك برحله لقضاء شهر العسل في اي مكان?????????????? لان مهما كانت الحفله فسوف تجد من لم يعجبه الحفل او الطعام او حتي المدعوين خليك عملي و اختصر كل هذا و استفيد من فلوسك لانك و الله عندما تسأل عن مالك فيما انفقته فسوف تكون حجتك امام الله ضعيفه و خصوصا ان المال من قرض والقرض اكيد بفوائد يعني صعبه من الناحيتين
وفقك الله الي الصواب
د.نبيل

شكرا لكي زوم و ربنا يخلي لنا مصرنا بعاداتها
ههههههههه

والله العظيم اني سررت في مشاركاتكم وردودكم ..........

انتظروني في استشارات قادمه لاني على مشارف الدخول في القفص الذهبــي ولا استغني عن ارائكم ومشوراتكم ,,

جزاكم الله كل خير,,

اي والله ماقصرو ..
بس بعض الحريم يحبون التفاخر والدلع بس مايبون استراحات والقصور هالوقت مرتفعه اسعاره
انا اتمنى خواتي ينبسطون ويسوون عرس حلو وطقطقه
لكن اخرتها المتورط انا ..

مشكورين والله على سرعة الرد . جزيتم خيرا

تسلم دكتور نبيل علي ردك و ربنا يخليلنا مصر و بشكرك علي اهتمامك بالرد و المشاركه

السلام عليكم و رحمة الله و بركاته . .

أوّلا . . ألف مبروك . .

اسأل الله ان يوفقكم و يسعدكم و يرزقكم بالذرّية الصالحة . .



ثانيا . .

بالنسبة للعرس . .

حاول ان أهلك يساعدونك ( والدك مثلا ) . . دامهم هم اللي ودهم بعرس كبير . . و هم أكيد عارفين ظروفك المادّية و انك ماخذ قرض . .

يعني قول لهم انا ما عندي المبلغ الكافي اني أسوّي عرس كبير . . و اذا هم قدروا يساعدونك حتى لو بمبلغ بسيط . .





وفقكم الله . .

كلام أخوي أبو جنا سليم


ترى الاستراحات الأيام هذه قامت مقام القصور، رخيصة وحلوة وتشيل عدد مب هين


ولاتنسى انك بتعرس وقت مناسبة وعيد يعني الأسعار مضاعفة


أو سوي زي ماقالت دهن العود خلي أهلك يساعدونك بما انه الحفلة علشان العائلة وسمعتها، قلهم عندي المبلغ الفلاني وابيكم تدفونه علشان القصر ولواحقه


والله يوفقك

أدفع المهر وحفله بسيطه وأسبوع عسل وكان الله في العون ودع عنك هلمظاهر أللي تكسر الظهر أهم شي أنتوا تستانسون بالفلوس أنت والعروس ويعني العروس هديتها في الصباح وأمها بهالمقدار ؟؟؟؟؟؟؟؟؟؟؟؟؟؟؟ليش ما تشتري ليها أنت الهديه من دهب وتفك عمرك وبعدين كل الناس بتسوي مثلك إحنا عندنا في البحرين المعرس يهدي العروس في الصباحيه قطعة دهب بسيطه أو نقود خمسين دينار بحريني على الأقل وما تزيد وبالموفقيه ولا تقول الناس بتقول كدا وكدا أترك كلام الناس

هلا والله إخوي 000
يأخي ماعليك من أحد بكره إذا ذبحتك الديون من بيفكر فيك ولا واحد من اللي حضروا الزواج سوى زوجتك يعني صراحه ماعليك من احد شاور المدام وقلها السالفه وشف وش رأيها وبعدين قل لامك تقنع خواتك من سالفه القصر انها مو لازمه وإحمد ربك إنك طحت على ذولا الناس اللي ماكلفوا عليك 000
وسالفه المهر صراحه 45000هو المعقول 000
وسافروا لاوربا وانسى الدنيا واستمتع معها 000
واهم شئ إحترمها وإحترم أهلها وحبها 000
إذا كانت من العائله اتوقع مالو لزوم الحفله00
والله يتمم عليكم بخير 000

نسيت أسألك هي ماعندها خوات ؟؟؟؟؟
تكفى قلي والله لأسعد بنتهم اللي ماكلفوا عليك000

صراحه انا متزوج بس يمكن لاخوي 00
نسيت اسالك كم قالولك المهر يعني كم شرطوا00
أو كلم إخوها وقله صراحه كم تبون لانه هو اقرب شخص لاخته وعارف كل شئ000
والله يوفقك

مشكورين ياجماعه
بس والله ماله داعي التفاخر وانا عارف اني على قد حالي
بس شسوي هي ليلة عمر والله يوفق ادعو لي تكفون
خلاص شكلي بعطيهم ثلاثين وبتكفل بالقصر ولازامه

اخي
من اللي بينبسط بالقاعة والطقاقات والاكل
أنت ولا الناس؟
أنت ماخذ قرض عشان تتزوج ولا عشان تبسط الناس؟
الفلوس اللي بتحطها في اجار القاعة اصرفها على شهر عسل محترم وبسط زوجتك مو الناس

اتمنى لك حياة زوجيه سعيدة

تحياتي

انا من رائيي المهر المفروض مايقل عن خمسين
والله ثلاثين ماتكفي لتجهيز عروس اسعار الاسواق نار
والعشرين الف اللي تبي تحطها للقصر والله العروس احق فيها
فكر ترى كل الزواج 3 ساعات
هالفلوس اما للعروس تجهز فيها او انك تصرفها بشهر عسل ماتنسونه مو تصرفونها علشان الناس

اهل زوجتك . بوس لي رؤؤسهم واحد واحد


ماشاء الله عليهم .ونعم النسب ... هم اشتروا نسبكم


اخوي .. شفت الضيوف اللي راح يجون من خاج المدينة.... والله العظيم ماراح ينفعونك بشي ولاراح يوقفون وياك اذا صارت اي مشكلة في المستقبل لاسمح الله


لو قدر وتزوجت ....... الزم ماعلي سعادة زوجتي وبس ..... ولاهمني راي الناس ابد




خليك من المظاهر ... ^^ انا من السعودية واعرف شنو اللي يصير هناك من مفاخرة غبية ^^

نسبكم

والله العظيم كل واحد منكم كلامه ميه بالميه وانا مقتنع الحين من كلامكم بس والله وش السوات في بعض هالحريم مايهمهم الا الجكه والدلع \ وفي الاخر تبي تطيح على راسي ..

مسألة شهر العسل بعدين اخذ ارائكم الله يجزاكم خير والله انكم طيبين ماقصرتوا

انت رجل ....اجل ليه حط الدين القوامة بيد الرجااااااااااال ؟؟؟؟ :29:

الله يبارك لك أن شاء الله

إذا كان عندكم المهر 50000 والعرس عليهم

اتوقع 30000 كثير بعد

لأن لو العرس عليهم كم بيكلف القصر والعشاء والطقاقات

يعني توكل على الله وعطهم الثلاثين وانت مطمئن

أخوك:: مـــزوح

اخوي مزوح - بعد التفكير قررت ان يكون ماقلت هو الحل ..
كلامك عين العقل
شكرا لكم جميعا مع السلامه


ـــــــــــــــــــــ

يغلق مع امنياتي لك بالتوفيق / البتول