|
جسمى الوان الطيف
نفسى واحدة تحس بيا وتساعدنى كل جزء من جسمى لة لونة الخاص بة اللى مالوش دعوى بباقى جسمى وجهى و رقبتى لون لانة معرض للشمس لون ذراعى اسود بالرغم من انى بيضاء بس انا فى الصيف كلة بلبس كات والمناطق الحساسة غامقة جدا حاسة انة من السويت لانة بيحمر اوى وبعدين بيسود ودا بيحسسنى احساس وحش مع زوجى نفسى ادخل حاجة واخرج منها ليا لون واحد مع العلم انا بيضاء بس كل جزء لة لون بمزاجة
|
ممكن حد يرد عليا انا تعبت من الكتابة واعدة مستنية plz
|
انا مثل حالتج .. خصوصا ايدي ..
|
طب عايزين حل بس حاجة تبيض اصلا انا تعبت كريمات ووصفات بس انا عايزة حاجة اكيد بتبيض
|
أنا هديك الحل بس بشرط تدعيلي
ههه أمزح يوجد خلطة كريم لبدوكين فورت وإذا كان في بشرتك حبوب إخلطي معها كريم ريتن إيه بكميات متعادلة يعني ملعقة من الدوكين وملعقة من الريتن وإستخدمي معها صابونة الكركم أو البابايا ويجب إستخدام واقي لأجزاء الجسم المكشوفة وهتدعيلي أهم شيء المواظبة والخلطة مجربة ومضمونة وكتبتوا لي دكتورة وكثييييييييييير جربوها ومدحوها حتى لسواد المناطق الحساسة والركب وأخيرا دعواتك |
اختي فيه كريمات كثيرة لتفتيح البشرة بس ما نصحك لأنه كلها لها تأثير بأمراض الجلد وكل الدكاترة والمتخصصين يأكدو الكلام ذا لانو الكريمات هذي تأثر على مادة الميلانين الموجودة بالجلد بس حاولي تبتعدي عن اشعة الشمس وتلبسي لك كم طويل ويكون خفيف عشان الجو حر ..
|
اختى الغالية انا والحمد للة خبيرة تجميل سابقة وكنت اعمل فى كبرى شركات السوبر ماركت كخبيرة فى قسم مشتريات التجميل ولله الحمد اولا ابتعدى تماما عن كريمات التجميل فكلها بدون استثناء تحتوى على الكرتيزون والزئبقوالذى يظهر تاثيرة على المدى البعيد وكل كريمات التجميل تبيض لفترة مؤقتة وعند تركها يرجع اللون على ماكان علية بل واغمق اما بالنسبة لتفاوت لون جسمك فسوف اخبرك بكورس من الزيوت والخلطات والتى سوف تاتى معك بنتيجة لا تتوقعيها ان شاء الله
بالنسبة للزراع كل يوم بالليل ادهنى زراعك بزيت الزيتون الدافىء الاصلى يعنى دفية كويس وادهنى زراعيك والمناطق الحساسة ايضا هاتى علبة كريم جليسوليد الاحمر الاصلى واعصرى علية نص لمونة و2 معلقة خل ابيض وادهنى جسمك كلة صباحا واتركية ساعتين او اكثر كل ما يقعد كل ما يفيد الوجة والرقبة هنعمل تونيك قشر البطيخ وتونيك الخيار هاتى قشر البطيخ وشيلى كل القطع الحمراء واتركى الابيض والاخضر فقط وقطعيهم قطع صغيرة جدا جدا وضعية فى الخلاط وعلية 2 كوب ماء ورد واضربية كويس جدا جدا وبعهدين صفية كويس وحطية فى زجاجة زجاج لازم زجاج لان البلاستك يتفاعل مع المستحضر ونتيجتة تروح وكل يوم يالقطنة تمسحى وشك ورقبتك وتسبية ينشف وتحطى تانى وتسبية ينشف تلات مرات بس اوعى تنسى تحطية فى التلاجة ولوسيون الخيار ابشرى الخيار واعصرية وخدى ميتة او عصيرة وحطى عليها 5 ملاعق لبن وحطية فى قوالب التلج وقبل ما تدهنى وشك بالبطيخ خدى قالب التلج بتاع الخيار ومررية على وشك ورقبتك لغاية ما يدوب ومتنسيش تدعيلى واى سؤال تانى انا معاكى اختك فى الله |
انا مش عارفة دى اسامى كريمات مستحضات تجميل ولا مراهم اجيبها من الصيدلية وممكن معلش واللة هدعيلك كتير ممكن تكتبى اسمها تانى بالظبط واية الصابونة دى اجبها مني معلش دى مكلة معئدانى
|
حبيبتى ايات اللة انا مش عارفة اشكرك ازاى حقيقى الموضوع دا مضايقنى اوى بس انا حاسة جدا ان اللى انتى قولتيلى علية هيجيب نتيجة اوى بصى اول لما اجربة هقولك اية اللى حصل
|
اقتباس:
قشر البطيخ اللى بناكلة مش معقولة متعرفيش قشر البطيخ والخيار واللبن معروفين اى سؤال تانى انا معاكى |
اقتباس:
اختك فى الله |
طب ايات اللة ممكن اتئل عليكى شوية واسالك على الهالات السودا اللى حول العين مع العلم انى مدمنة نسكافية ومئدرش اعد من غير كافيين وبعرف انة سبب فى الهالات السودا هو واضح انى عندى مشكلة فى صبغة الجلد كل حاجة لونها بيتأثر بسهولة
|
لا حبيبتى انتى فهمتى غلط انا كنت بسال الارجوان لانها قالتلى اسامى كريمات او مراهم مش عارفة علشان كدة كنت بسألها
|
ايات اللة انتى فين انتى قولتى هتبئى معايا وسبتينى ومشيتى
|
اقتباس:
شرائح الخيار شرائح البطاطس مش اقل من 10 دقايق لكل عين زيت اللوز الحلو هايل تدهنية كل يوم بالليلعلى الهالات وخدى الماسك دة اعملية تحت العين مرتين فى الاسبوع معلقة صغيرة خميرة فورية+ معلقة زبادى بايت قلبية كويس كويس وحطية لمنطقة تحت العين لغاية ما ينشف خالص وشيلية بقطنة فيها مية ورد وخففى السهر وكلى خضروات كتير انا معاكى والله بس مش بفتح كتير |
ايات اللة انا مش عارفة اشكرك ازاى بس عايزة اقولك انك احلى واجمل حاجة فى المنتدى الرائع دا و حابة موت نكون اصحاب بصى انا عندى كتب اجنبية مترجمة فى لبنان وبتتباع هنا فى مصر بس المشكلة ان فيها اسامى اعشاب غريبة بس لو عايزة حاجة ممكن افيدك باردو لانى بستمتع انى اهتم بكل جسمى
|
| الساعة الآن 08:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©