|
الباحثة عن الطلااق!!!
السلام عليكم ورحمتة اللة وبركاتة ----
اهلا بنفسي عضوة جديدة في المنتدى - اليكم قصة زواجي الغريبة القريبة من قصص المسلسلات التي تمثل تباين الخير والشر فيها يعني باالعامي حينما يمثل احد الطرفين بانة غاية في الطيبة الطيبة ام الثاني في غاية القسوة والشر- ندخل في الحكاية كان يمكان كان فية "انا"بنت زي البنات تحلم بزواج وجاء النصيب ولد عيلة راتبة حلو ماديا حلو سالنا عن الصلاة برضوا حلو تمت الملكة -كلللللللللللللللوش - كلمني بتلفوت ثم طلب جوالي كنت في ثالث كلية عمري 21سنة وبعد ايام على الميانة فلت لة انا ابي اغير رقم جوالي لان جوالي سوا وانا ابي عام كنت مسوية ذكية على بالي بقول انا بطلعلك هو راح تفكيرة بعيد وتوقع اني راعية مكلامات وانا ياغفلين لكم اللة قال خلاص انا باخذ جوالك هذا ابية ابمر عليك الحين وجاء بسرعة وخذ الشريحة -- هو صار يدق على كل الارقام ويتاكد بنت ولاولد -- عرفت بعدين لماشفت رقم بيتة على جوال بنت خالتي على المكلامات المستلمة لما عرفت قلت مو مشكلة من حقة يعرف عني ويتاكد عن زوجة المستقبل 00 وانا بطبيعتي دايم احسن الضن بناس وكل واحد لة تفكيرة الخاص المهم اني طلعة بلا حمص خذ شريحتي ولا عطاني شىء ---- جاء الزواج * دخلنا الشقة وبدا يسولف في السياسة والعلوم الانسانية والفلسفة الاجتماعية تعشينا ثم استاذن يبي ينام وقالي تبين تسهرين عند التلفزيون ترى عادي عندي (مسوي فيها طيب وذوق)وانا اقول اكيد يمزح معي شوي شكلة خفيف دم -- فتحت الغرفة اغير ملابسي الرجال في سابع نومة -اليوم الثاني --اليوم الثالث -- الاسبوع الاول--الثاني -- زي الاخوان حتى تقبيل مافي وانا اوسوس اطالع في المرايا واللة حلوة الكل يقول ماشاء اللة عليها ---وللمعلومية كنت في الرياض ماسافرت شهر عسل اتضح لي انة عندة فوبيا السفر قلت مو مشكلة نراعية --نرجع للقبل --سألتة انت تحبني-- استغرب اول مرة يسمع ذا الكلام هو متعود كل مواضيعنا في السياسة (قناة الجزيرة)بس انا قلبتها على (قناة هندية)المهم قال اكيد 0قلتلة ماتلاحظ انا صايرين اخوان جتني المفاجأة بصراحة انا امر بظروف نفسية واكل فيها حبوب نفسية تسبب لي فتور جنسي ولا احس باي رغبة جنسية --انصدمت بعدين قلت لالامايصلح لازم انا اوقف مع زوجي والمرض النفسي مو عيب وهو مثل المرض العضوي يحتاج لعلاج جلست اصبر نفسي صحيح ايام صعبة جدا-- اتكشخ اتزين -ولا عندك احد اتشلح اتدلع -ماعندك احد حياتي 0طبخ0 نوم مافي حب من جد تعبت بان علي تعب نفسي شاورت اختي في الموضوع قالت حاولي انتي تثرينة -يالة مو مشكلة لازم اساعدة شوي شوي بدا يتحرك بس بدون رغبة بيني وبينكم انا مليت بس قلت مو مشكلة افعل الي اقدر علية صار يجي في السبوعين مرة ثم كل في الشهر مرتين -- بعدين مو بس هذي مشكلتة الوحيدة انسان يكرة الناس مايحب احد دايم يبي يقنعني ان الناس مافيهم خير انسان انطوائي لااصدقاء حتى اخوانة يكرهم مايحترم احد ولا يحشم احد سوا ابوة امة عادي عندة يسب ويشتم 00 بيئتة الاجتماعية مرضى نفسين الاخوان لهم سوابق في الطلاق والاب بعد تزوج حدود 10 حريم طلقهم مابقي الا 2 ولدية ابناء متعددين الامهات الاسرة بكاملها لديها اربع احفاد من امهات مختلفات حرمو من جو الوالدين نتيجة الطلاق الاسرة بكاملها تعاني من الوسواس القهري 0 هذي نبذة مختصرة عنهم استغفر اللة اللهم لاشماتة 0والحمد للة الذي عافاني مما ابتلاهم 0 ارجع لقصتي معة لما شفت حالتي معة كذا تركت مانع الحمل وقلت مالة داعي اتعب نفسي على الفاضي بعد اربع شهور حدث حمل وترك زوجي حبوب النفسية وجتة انتكاسية وصار شخص مجسد في صورة شيطان يبحث عن المشاكل موسوس في النظافة يجلس بساعات يتحمم بخيل جدا ياما وياما احرجني عن الناس صار كتلة من الامراض النفسية قلق اكتأب وسواس عصبية وانا اقول مايصير لازم اتحمل هذا ابو ابني الي في الطريق من جد كنت اتحمل وازعل واروح لاهلي ولا اقلهم شي اتستر علية واحط شيء مو موجود فية عشان يكبر بنضرهم 0كنت اجلس عند اهلي 3 اسابيع واقولهم انا جاية اذاكر عندكم لاني كنت ادرس ذيك الايام 00 كرهتة من جد كرهتة 00 مافية من صفة الرجولة ولا شيء ماودي اتكلم فية واللة --وجت لحظة الولادة جتني بنوتة مرة حلوة من جد احبها اللة يخليها لي امين شوفو صورتها بتوقيعي 00 ابوها بحكم انها مصاب بلقلق مسكين اللة يشفية كان ماينوم الليل شايل هم البيب الجديد كل يوم يجي ويهاوش انتيهي عليها لاتطلعينها عند الناس ينضلونها واللة يهاوشني ويسمعني اشين الكلام انتي متهتمين ببنتك هذا وهي مابعد جت عندة وبعد انتهاء فترة النفاس اهو امرض اكثر كيف بيتحمل مسؤلية بيبي جديد من دون مبالغة يبكي وخايف اهلي سافرو وانا لازم اروح لرجلي ورجلي خايف انا مليت منة ابية ياخذني صار لي ستين يوم نفاس مو اربعين رحت لصالون اتزين لة 00اهو يتهرب انا حطيتة عند الامر الواقع قلت مرني بكرة صار يدق يدق وانا ماادري لعب الشيطان زي العادة وشك فيني شك كبير وقال هذي اكيد رايحة لشقق تلعب بذيلها دق على بابا وصار يطلع المستخبي ويطلع خيط وخيط بلعربي الرجال خلاص وصل مرحلة الجنون يقول لبوي انا انطعنت بشرفي وين بنتك ادق عليها ماترد اكيد انها خايفة من شيء ---- صحيح المثل الي يقول الشمس ماتغطى بغربال--- كنت اتستر علية ولا ودي احد يعرف مرضة -- من جد كرهتة وجلست اقول وش يصبرني علية انا كرهة الدنيا من خذتة كنت مرحة وردة مفتحة والحين شايلة الهم كيف بيكون هذا ابو بنتي انسان مايعرف يمسك نفسة ولا يوازن كلامة 0 بس اعود واتراجع بنتي بتطلع على الحياة بين اسرة منفصلة --تراجع وتاسف --رجعنا نعطية فرصة --- الامر تطور بعد الرجعة هو عصبي جدا جد1 يهاوش يحرمني من اهلي يحرمني من المصروف يهدد بفصلي من الكلية مااحس معة باالامان صار يضرب ويقفل الابواب ويكسر الجوال وقفت وقفة مع نفسي انا مبسوطة معة؟ لا-اشبعني جنسيا؟ لا-عاطفيا؟لا -سلبياتة كثيرة لا تحصى -- ايجابياتة فقط ابو بنتي وجاء اليوم الي يضربني فيها ضرب مبرح باالعقال بسبب اني مااهتم ببيتي لاني تركت بنتي تلعب بريموت حتى انقطع احد ازرارة فهي فرصة انال عقابي واخذ حصتي من العقاب في نضرة --بس ذا المرة انا صحوت من الضعف الي انا فية --فنفسي لها حق علي بعد مرور 10 ايام ولما راحت اثار الضرب وداني لاهلي بعد ان شرا لي جهاز جوال جديد رضاوة عن الضرب وهو جهاز ب300 ريال طلعت ولم ارجع لة - وانا الان اطالب بطلاق في المحاكم - وهو يرفض ويقسم انة مايطلق الى بعد عشر سنين -- ويحلف انة بياخذ بنتي ويسافر بعيد ويرسل رسايل تهديد وتوعيد انة بذوقني طعم الجنون -- مسكين اللة يشفية -- تبون تعرفون من المسكين بنتي لما تكبر وتعرف ان هذا هو ابوها -- بس واللة اني ماخذة عهد على نفسي اني مااخلي احد يتكلم في ابو بنتي احترامنا لبنتي --ولما تسألني بنتي عن سبب الانفصال ؟ ابقول ماحصل نصيب وبس -- ادعولي ان يتم طلاقي في اقرب فرصة ويعوضني بخير منة -- اللهم امين |
يالله ياقلبي الله يصبرك ربي وينصرك على من ظلمك والله قصة مؤثرة
وبعديين فين صورة بنتك ماشفتها في التوقيع مو واضحة :25: |
الاخت متفائله
بل ندعوا أن يشفيه الله ويهديه ويصلح حاله وتكونى إن شاء الله أسعد زوجة ولك تقديري |
اختي المتفائلة
ياهلا فيك والله اختي من البداية واضح انه ماهو مضبوط من سالفة الجوال.. بس شكلك مانتبهتي سبحان الله هذا النصيب.. واعتقد ان علاجه طويل وصعب اعرف وحدة زوجها كان شبيه بزوجك بس أشد شوي بعد وانفصلت بعد كم سنة الله يسهل امرك وييسر لك يارب ويخلي لك بنتك |
الله يعين قلبك ويفكك منه جد ظلمتي نفسك معاه ؟
|
والله اختي قصتك مؤثرة جدا جدا
فيك الخير انك مستحمله وصابره بس خلاص لما توصل للضرب يكون الطلاق السبيل الأمثل بنتك بتكبر وبتتربى والله يخليها لك وما تدرين يمكن يجي نصيبك مع شخص يحبك ويحب بنتك |
لا حول ولا قوة إلا بالله..
غلط إنه ترك الدواء.. الله يشفيه.. ويرجع لصوابه.. ويعوضك الله الأحسن منه أكثري الدعاء.. فهذا ابتلاء.. فما عليك إلا الصبر.. ارمي الماضي وراء ظهرك وابدأي حياة جديدة اتركي الموضوع على الله عز وجل وهو يفرجها.. استعيني بالصبر والصلاة. |
الله يشفيه ويسلمك
|
الله يفكك منه هذا متخلف والله
الله يكون بعونك ان شاء الله |
لا حول ولاقوة الا بالله
الله يأجرك في مصيبتك ويخلف لك خير منها ..ياااااااارب |
الاخت الكريمة أعانها الله أتمنى من الله أن يكتب لك الخير اينما كان لكن ما اقولة الان ليس لك فقد وقع الفأس في الرأس وأسأل الله أن يكتب لك الفرج ما أتمناه أن نستفيد نحن القراء من أحداث الاخرين وقصصهم لتكون لنا عبرة ودروس مجانية في الحياة ولو أنك أختي الكريمة من البداية عندما رأيتي مؤشرات الرجل ليست جيدة أنك استمريتي في أخذ المانع من الحمل حتى تتضح الرؤيا ثم بعد ذلك تقررين ما ترينه مناسبا وجهة نظر متواضعة أستمري في طلب الطلاق فهذا رجل ليس صالح لان يكون زوجا نسأل الله له الشفاء العاجل وعيشي حياتك بعيدا عن مايكدر صفوها فأن تكوني حرة طليقة بلا زوج خيرا من زوجا يحيل حياتك إلى جحيم أسأل الله أن يعوض كل منكم خيرا وتقبلي من أخيك التحية |
الرجل مريض نفسيا
الاستمرار شكله مستحيل استمري في طلب الطلاق مهما كلف الامر كوني قريبة من الله ، اكثري من صلاة الليل والدعاء فتجمعين بين ارحنا بها يابلال و الا بذكر الله تطمئن القلوب اجعلي لك صحبة من النساء الصالحات وسوف تجدين في الجامعة وفي مراكز تحفيظ القرأن بغيتك من توكل على الله فهو حسبه والسلام |
سبحان الله يا اختي نفس قصتي بالضبط مع بعض الاختلافات البسيطه!!!!!!!!!!!!!!!!!!!!!!!!!
بس انا كانت ردة فعلي غيرك تماما ، يوم شفته من البدايه مو طبيعي ، اكلت حبوب منع حمل عشان اشوف وش تاليتها ، وما اورط نفسي. ويوم شفت الوضع كلما له في اردى!!! ، قلت انفذ بجلدي والله يعوضني ان شاء الله والله اني ارحمه من قلبي ، لأنه مريض ، لكن انا حاولت اتجاوز بعض الامور ، وبعضها ما قدرت!!! تخيلوا مسكر شبابيك البيت كلها والستائر!!!!!!!!!! ويوم قلتله افتح شباك الصاله (وكان على ارض فاضيه ، ما قدامنا احد)) عشان البيت يتهوا رفض!!!!!!! تدرون ان تليفون في البيت ما عندي!!!!!!! ، ورافض يشتري لنفسه جوال!!!!!!! لولا الجوال اللي اشتروه لي اهلي ، كان ما ادري وش صار فيني!!!!!!! كان جوالي ما يشتغل في البيت كله الا في المطبخ ، يمكن عشان شباك المطبخ اللي على المنور مفتوح لا وسد ثلاث ارباع الشباك بكرتون!!!!!!!!!!!!!!!!!!!! سفرني ((اسبوع العسل)) ، وطفشني في حياتي ، معه في السياره ويقول لي غطي عيونك!!!!!!!!!!!! لا تلتفتين مع اني ما التفت!!! وعيوني يادوب طالعه ، حتى بدون كحل وخرابيط!!!!!! يوم سمعت هالكلمه منه ، انفجرت صياح في السياره!!!!!!!!! يعني هذي تمشيه ، يعني انت تشوف وتقز الحريم على كيفك!!!!!! ، وانا مالي حق اطالع الشوارع والبحر والناس!!!!!!!! والا اذا طلعنا البحر ، اشترا لي بسكوت ديمه!!!!!!!!!!!!!!!!!!!!!!!!!!!!! (( اللي اكرهه))) تخيلوا مرره صحيت من نومي قبل الفجر ، الا اشوفه يمشي بشويش ويطلع برا الغرفه ويقفلها علي!!!!!!!!!!!!!!!!!!!!!! تخيلوا اذا طلع الى قسم الرجال ((في البيت)) قفل قسمي علي !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!! تخيلوا يوم رحنا المدينه ، كنا ما نصلي في المسجد الا الفجر!!!!!!!!! ، لأن حضرته نايم واذا رحنا بعد الصلاة اجلس اقرأ قرأن وادعي ربي حتى طلوع الشمس ، واذا طلعت عليه ، فتح معي تحقيق!!!!!!!!!!! مع العلم انه المسجد النبوي وفيه حريم ونساء أمن!!!!!!!!!!!!!!! مره رحنا للمكتبه بشتري مراجع لي ، سئلت عن اسم الكتاب ، قال لي الموظف مافيه ، قلت له هل ممكن تجيبونه واحصله عندكم بعد فتره (( لأن هذا اللي يصير غالبا)) ، يوم سمعني قلت هالكلام ، انفجر في وجهي وقالي ما تسمعين انت؟!!!!!!!!!!! كل الرجال اللي في المكتبه التفتوا علي وعليه وكانوا يطالعونه بأحتقار وتعجب!!!!!!!!!!!!!!! وش احكي وش اقول مواقف كثيرة تقهر ، الله يعين بس تشجعت وطلبت الطلاق منه عن طريق اهلي وانا الحين مطلقه ورغم اللي اعانيه ، لكن هذا افضل من اني اشوف عيالي يعانون!!! الله يكتب لك اللي فيه الخير |
لازم يروح عياده نفسيه عافانا الله واياه
|
كبريائي,,الكبير,,,شو بارد,,,طاوعك قلبك,,,الحب المستحيل,,,miss,,,مجنونها,,,لمنتظر حظة
مناير مشكوره علي مروركم --والحمد للـه جالسة عن اهلي حياة كلها ود ومحبة واحترام -- اللة يحفظهم لي جميعآ ويسر لي طلاقي عاجلا غير اجل تــ حــ يـــ ـــا تـــــ ــــــــي |
اسمعي دامك معزمه على الطلاق اهم شي تضمنين ان بنتك بتكون معك لانه انسان غير سوي....اجمعي ادله واااضحة على مرضه النفسي الااان...عشان تقدمينها اذا لزم الامر....
(((وشك فيني شك كبير وقال هذي اكيد رايحة لشقق تلعب بذيلها دق على بابا وصار يطلع المستخبي ويطلع خيط وخيط بلعربي الرجال خلاص وصل مرحلة الجنون يقول لبوي انا انطعنت بشرفي وين بنتك ادق عليها ماترد اكيد انها خايفة من شيء))) هذا قذف و اذا قدرتي خوفيه او ابوك يخوفه انه بيرفع عليه قضية قذف عشان ينجلد و اذا بتكون الحضانة لك من ورى هالقضيه انصحك ترفعينها وتفتكين من شره لان شكله بيسويها وبياخذ البنت وهو ما يؤتمن عليها للاسف |
مشكوره على مرورك لا توصين حريص الاوراق كلها عندي
بعد اسبوع جلستي في المحكمه ادعيللي بالتوفيق تـ حـ يـ ــا تـ ــي |
الله يوفقك وييسر لك الخير بحياتك
|
اختي الكريمه قصتك مؤثره ولاكن ربما ضارةً نافعه وان شاء الله تعالى يعوضك الله بخير من ها الزوج
الواجب عليك الاتي :- الاتكال على الله وحده في حل مشكلتك وان شاء الله تنجلي هذه الغيمه وسوف ياتي لك اليوم الذي يبدل حياتك ويخلف لكي خيراً منها بعون الله اللهم امين ..... ولكي تحياتي |
الأخت متفائله أقرأقصتك و أتذكر نفسي "مرض نفسي" و الشمس ما تتغطى بغربال كنت أرحمه وما رحمت نفسي نصيحه وهاذي أول مره انصح وحده بالطلاق لا تعيشي معاه لأن حياتك ما هي حياة واسألي المجرب و لا تسألي الطبيب ما عرفت السعاده إلا بعد الطلاق شبعنا من عفن الرجل ما يعيبه شي وترى بالشرع يحق لك في وضع زوجك طلب الطلاق ماكان مرض نفسي كثر ما هو "مرض ديني" عشت الجو والله وأكتب لك من قلب:( الله يعوضك على صبرك |
الله يشفيه ويكون بعونج أختي وترتاحين قريب .. آآآآآآمين |
بصراحة استخيري الله
ذا عنده مشكله نفسيه منذ الطفوله |
السلام عليكم ورحمة الله وبركاته
حفظك الله وحفظ ابنتك وهدى زوجك وشفاه لا تخافي .. عقلك الناضج الذي لمسته من حديثك وحكمتك أيضا ستجد من يقدرها ويستاهلها. عوضك الله خيرا منه وأسعدك فيما بقي من عمرك وأصلح ابنتك . آمين. |
اللهم ارزقها الخير وارضها به
الله معك اخيتى اعطينا نتيجة الجلسة الله معك تحياتى |
الله يكون بعونك ويعووضك خير
اكثري من الدعاء |
الله يعينك اختي ويخليلك بنتك ويعوضك خيرا منه واتوقع ان ببعدك وبعد بنتك عنه احسن لك
اختي الي صار صار بس الانسان لازم يتعلم من تجاربه فانت قلت ان عائلته كلهم تعبانين نفسيا ومتفككين كان هذا يكفي انك تبتعدين عنه وان شاء الله التجربة هاي تساعدك في اختيار اكثر توفيقا المرة القادمة |
لا حوال ولا قوة الاباه الله
الله ياجيرك في مصيبتك ويخلف لك خيرمنها وخبرينا عنك لا تتخلين عن بنتك وتتركينه معه هووأهله :( أستعين بصبر والصلاه ..................... والله معك حبيبتي |
الله يعينك أختي ويعوض صبرك خيربارب
الله يسعدك |
اهلا بك يالمتفائله ......
صرراحه تاثرت جد ا بقصتك ...حتى اني بكيت ...... الله يصبرك والله ماايضيع صبرك ويقوي ايمانك.... الطلاق مايجي بسهوله ؟؟؟ عليكي ان تدوري على شئ يشغلكوحاولي تنسي واهتمي ببنتك وربيها وعلميها فهي عوضك من الله. الله يوفقك قلبي معاكي |
| الساعة الآن 03:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©